ushoroba wa msitu wa derema - Eastern Arc Mountains ...

RASIMU
5. Nyongeza ya kwanza kwenye msitu itakayofanywa ni ushoroba wa Derema.
Ukiwa na hekta 790 utatunza eneo la msitu ambalo limekuwa linatoweka taratibu kati ya
HIMAA na eneo jingine litakalochukuliwa rasmi, kaskazini, Longuza (kaskazini).
Takribani Derema yote ni msitu, asilimia 60 ikiwa kwenye vilima vyenye miteremko
mikali na asilimia nyingine kwenye miteremko ya nyanda za chini, chini ya altitudi ya m
850. Kwa pamoja Derema na Longuza zinaongeza hekta 2643 kwenye HIMAA, na
kupanua eneo la mwendelezo wa msitu kwa theluthi moja.
6. Kwa sasa hivi Derema haijatangazwa rasmi kuwa hifadhi ya msitu wa taifa lakini
ni mali isiyo rasmi (“hifadhi ya msitu wa umma”) ya vijiji vilivyo pembizoni mwake (taz.
ramani ukurasa wa 12). Takribani sehemu yake yote (asilimia 86) iliainishwa 2 kama
“kilimo ndani ya msitu” na mtafiti wa zamani K. Hyytiäinen. Uainishaji huo una maana
kwamba uoto unaofunika misiti umehifadhika lakini picha za angani, za wakati huo
zilizopo, ambazo si sahihi sana, zilionyesha kilimo cha mazao cha hapa na pale chini ya
miavuli ya miti. Haina maana kwamba sehemu yote chini ya miti ya misitu imejaa
mazao; na kwa hakika upandaji miti na mazao mengine ya mwaka katika msitu
ulitawanyika hapa na pale msituni, ingawa kiasi kikubwa kilikuwa karibu na vijiji vidogo
(small hamlets) nje kidogo tu ya eneo la msitu (maeneo ya makazi hayakujumuishwa
katika hesabu za msituni). Msitu wa Derema uko nyuma ya vijiji na huko ndiko
wamekuwa wakipata kuni na bidhaa nyingine zisizo za mbao.
7. Ni muhimu kutambua kwamba hali za maisha ya watu wa Milima ya Usambara
zimekuwa zikitawaliwa na kubadilikabadilika kwa mambo ya kisera ambayo yamekuwa
yakifanywa nje ya maisha ya vijiji hivyo. Katika kipindi cha Wajerumani, kuanzia miaka
ya 1890 hadi Vita vya Kwanza vya Dunia, kulikuwa na matumizi makubwa sana ya
misitu ya Usambara, lakini wakati huo huo wenyeji wa maeneo hayo hawakuruhusiwa
kutumia raslimali yoyote ya misitu hiyo. Maeneo makubwa ya ardhi yalichukuliwa kwa
2 Data hii na nyingine humu kuhusu majina na ukubwa wa hifadhi na maeneo yake zimechukuliwa kutoka
Stig Johansson na Richard Sunday, Protected Areas and Public Lands: Land Use in the Usambara
Mountains (Maeneo Yaliyozuiliwa naArdhi ya Umma: Matumizi ya Ardhi katika Milima ya Usambara)
Technical Paper 28 ya mradi wa East Usambara Catchment Forest Project, Idara ya Misitu na Ufugaji
Nyuki na Finish Forest and Park Service, na National Soil Service, Dar es Salaam na Vantaa, 1996.
Maeneo na asilimia ni makadirio ya kuaminika kutokana na mazoezi mbalimbali ya upimaji ramani
mwanzoni mwanzoni mwa 1990; hakuna makadirio mengi yaliyo makini sana katika upimaji wa siku hizi.
8