ushoroba wa msitu wa derema - Eastern Arc Mountains ...

RASIMU
ya biashara (iliki, karafuu, pilipili manga na mdalasini), lakini asilimia 20 tu (tarakimu
ambayo karibu inaoana na orodha zilizoonyeshwa baadaye katika ushoroba uliowekewa
mipaka) ndio walisema hayo yalikuwa ni sehemu ya msitu. Wakulima walidai kwamba
walikuwa wanapata mapato makubwa sana kutoka kwa mazao haya. Ingawa kulikuwa na
tofauti kubwa baina ya vijiji hivyo vitano, kwa wastani kila mkulima alidai kuwa alikuwa
akipata ShT milioni 1.4 kutokana na iliki, ShT 165,000 kutokana na mdalasini, ShT
84,000 kutokana na pilipili manga, na ShT 21,000 kutokana na karafuu. Orodha rasmi ya
baadaye inatilia shaka ripoti hizi za binafsi, hasa inapokuwa zilitolewa wakati watu
wakijua kwamba kulikuwa na mpango wa mashamba yao kuchukuliwa.
28. Wakulima wanajua faida za mazingira na utalii ambazo zingepatikana kutokana
na kulindwa kwa ushoroba --- Watanzania walio wengi katika milima wanaelekea
kuelewa umuhimu wa ardhi yao kama chanzo cha maji. Hata hivyo, walikuwa sahihi
katika kufikiria hasara ambazo wangepata kutokana na kufungwa kwa shughuli za kilimo
katika eneo la Derema. Walijua watapata hasara ya kudumu ya mapato yaliyokuwa
yanatokana na mazao yao ya biashara katika maeneo ya msitu, mashamba machache ya
mazao ya chakula, na ardhi katika msitu ambayo hadi wakati huo ililkuwa mali ya vijiji
na familia zake. Walihofia kunyimwa hata mazao ya msituni ambayo si ya mbao, ikiwa
ni pamoja na kuni, miti ya kujengea, mboga za majani, vyanzo vya maji, na njia muhimu
za msituni ambazo huunganisha vijiji na mashamba. Walijua upotevu wa mapato ulikuwa
ni kikwazo upande wa matumizi yao, kulipia matibabu, ada za shule, kodi, na uwezo wao
wa kuweka akiba kwa ajili ya mambo makubwa kama kuoa na dharura za kifamilia.
Walihofia kwamba kadri usalama wa kijamii ulivyozidi kupungua wasiwasi na kuweza
kuathirika haraka vingeongezeka: wanawake na watoto wangeumia zaidi. Kwa upande
wao akina mama waliwaomba watafiti wasaidie kuhakikisha kwamba hawatanyimwa
kuni na mazao mengine madogo ya msituni mara ushoroba huo utakapotangazwa kuwa
mali ya serikali. Ukiacha malipo ya faida na hasara, wakulima wa vijiji ambavyo ilikuwa
viathirike baada ya muda si mrefu walichukizwa na kuingiliwa na serikali na kushuka
kwa mapato yao ambako kungefuatia.
24