ushoroba wa msitu wa derema - Eastern Arc Mountains ...

RASIMU
michungwa, minazi, na mahindi. Kinachohitajika kwa wakulima wa Derema
walioathirika na hatua zilizochukuliwa na serikali ni kuwa na mpango wa pamoja wa
kuufanya uwezekano wa ardhi mbadala liwe jambo linalotekelezeka kikweli kweli, kwa
wale ambao wanahitaji ardhi.
62. Mojawapo ya makusudio muhimu katika kusimamia Kanda iliyozuiliwa ni
kupunguza kuingiliwa kwa Hifadhi ya Mazingira. Ama kuhusu HIMAA, Jambiya na
Sosovele wanasema:
“Ukuzaji wa matumizi ya ardhi ambayo yanadumisha kuwepo kwa wakazi
wachache katika maeneo jirani, pengine ndio mkakati wa muda mrefu unaofaa.
Lakini, pamoja na kwamba utaratibu huo ndio unaofaa zaidi, tatizo kubwa
linakuwa ni kwa jinsi gani tunaweza kufanya idadi ya watu ikabakia ndogo
katika maeneo hayo? ….. Katika maeneo kama ya Milima ya Tao la Mashariki
nguvu ya ongezeko la watu ni kubwa” 9
63. Pamoja na kwamba kuanzishwa kwa HIMAA mnamo mwaka 1998 kulieleza
kwamba “lengo [la hifadhi] lifikiwe kwa namna ambayo itahakikisha kwamba hali za
maisha ya watu haziathiriki na kwamba shughuli zao ……… zina msingi endelevu,”
nguvu ya kuongezeka kwa idadi ya wakazi wa asili ni suala ambalo litachukua muda
mrefu. Mara nyingi suala hili huonekana kama lisiloweza kubadilika, huchukuliwa
kwamba watu wanaishi katika eneo fulani huwa wana mizizi ya kale katika eneo hilo, na
kwamba kulihama eneo hilo au kuwatafutia eneo jingine ni kuvuruga historia na
utambulisho wa watu. Kinyume kabisa na hivyo, maelezo yaliyotolewa hapo juu
yanaonyesha kwamba katika Tanzania kwa kawaida, 10 na milima ya Usambara ikiwemo,
shuruti za mabadiliko ya kisiasa na masoko zimekuwa zikiendelea “kuandika upya”
(kubadilisha) mikakati ya kimaisha ya wanavijiji. Kuanzishwa kwa shughuli za kiuchumi,
na pengine baadaye makazi, katika nyanda za chini katika kipindi kisichokuwa na
mivutano baina ya majirani, lakini kukiwa na kukinzana zaidi na malengo ya serikali,
9 George Jambiya & Hussein Sosovele, “Conservation and Poverty: A case Study of the Amani Nature
Reserve”, Research on Poverty Alleviation (REPOA) report 0.5, 2001, Dar es Salaam, pg. 13
10 Kwa maoni kuhusu Milima ya Usambara Magharibi, taz. Christopher A. Conte, “Colonial Science and
Ecological Change: Tanzania’s Mlalo Basin 1888-1946,” Environmental History, April 1999, Conte
anaonyesha jinsi ambavyo vijana katika Karne ya Kumi na Tisa walivyoona tishio katika mfumo wao wa
kilimo na kujirekebisha kila ilipobidi: “walionyesha kuwa kwao tayari kufanya majaribio na kuboresha
kilimo chao kulingana na mabadiliko ya hali za kiekolojia, kidemografia na kiuchumi. Hakuna mtazamaji
yeyote wa Ulaya aliyelekea kuelewa kwamba mabadiliko ya vizazi viwili vya mwasiliano yanawakilisha
mwendeleo na kuachana na mazoea ya zamani.
46