ushoroba wa msitu wa derema - Eastern Arc Mountains ...

RASIMU
ya uzalishaji wa kila mwezi wa kila zao lililokomaa na kuzidisha mara 36 kupata jumla
ya thamani ya zao linalohusika. Kwa yale mazao ambayo yalikuwa bado kukomaa
yalifanywa makadirio ya uzalishaji wa kila mwaka na kuondoa vipengele ambavyo
viliingizwa katika mahesabu ya kipindi cha miezi 36. Hata hivyo mantiki hii haifanyi
kazi kwa upande wa Derema. Hasa kwa mazao kama iliki na pilipili manga kwani
mashamba ya msituni hayawezi kuwa na mbadala. Hii ni kwa sababu kivuli cha msitu na
unyevu wake ni hali zilizo muhimu sana katika uzalishaji wa zao la iliki, zao ambalo
linachukua asilimia 74 ya malipo yote ya fidia; pilipili manga pia hustawi vyema katika
kivuli. Miti mingine na mazao ya shambani hutofautiana katika kutegemea hali za msitu.
Hata hivyo ni kweli pia kwamba katika vijiji vyote kuna vijiji vitatu (Msasa, Kwezitu, na
Kisiwani) ambavyo vinaishiwa ardhi kwa ajili ya kupanda mazao zaidi. Miti michache ya
viungo au matunda yaweza kupandwa katika vijiji hivi, lakini hakuna kabisa nafasi ya
ardhi ya kuanzisha tena mazao yaliyopotea kwa kiwango kilekile yalipopandwa msituni.
50. Tathmini na Ulipaji fidia ya hasara: masharti ya Benki ya Dunia (OP 4.12)
kuhusu hasara ya upotevu wa mazao na miti: Kanuni ya msingi ya ulipaji fidia, kwa
mujibu wa sera ya Benki ya Dunia, ni kwamba watu wanapaswa kulipwa fidia kamili ya
thamani ya mali iliyopotea. Sera iko wazi kabisa kuhusu mazao na miti ya biashara: kama
ilivyo sera mpya ya Tanzania, sera ya Benki ya Dunia inahitajia kwamba mahesabu
yatakayofanywa yazingatie thamani kamili ya mazao yatakayopotea kuanzia wakati huo
hadi kipindi kingine ambacho mazao mapya yangepandwa, kukua na kufikia kiwango cha
uzalishaji cha hayo yaliyochukuliwa. Ama kuhusu hali ya Derema mambo yafuatayo
yanahitaji kuzingatiwa:
• Mazao hayakufyekwa na mamlaka husika baada ya kufanyiwa tathmini. Lakini,
watu waliambiwa kwamba wangelipwa fidia ya mazao yao katika kipindi
kisichozidi miezi sita; yaani kufikia mwisho wa mwaka 2002. Kama ilivyo
kawaida ya watu wote duniani, wakulima wakaacha kuyaendeleza mazao yao,
wakavuna kilichokuwepo, na kuyatelekeza mashamba yao. Katika hali na
mazingira ya msitu hii ilikuwa na maana kwamba wadudu na wanyama
waharibifu walianza kuyashambulia mazao na baada ya miezi kadhaa kupita
36