ushoroba wa msitu wa derema - Eastern Arc Mountains ...

RASIMU
Utangulizi: Usuli
1. Milima ya Usambara Mashariki ni sehemu ya Tao la Mashariki la milima
iliyojitenga ya kusini mashariki kisha ikaelekea kusini kutoka Mlima Kilimanjaro
kaskazini mwa Tanzania. Kuanzia mwishonimwishoni mwa miaka ya 1980 Wizara ya
Tanzania ya Maliasili na Utalii imechukua hatua za kuilinda na kuifanya mali ya hifadhi
Milima ya Tao la Mashariki kutokana na thamani kubwa ya ubioanuwai wake, thamani
yake ya hali za hewa zinazoleta mvua ambazo ni chanzo kizuri cha bidhaa za kilimo za
hali ya juu na uweza wake wa kuongeza vyanzo vya utalii wa kiekolojia.
2. Kwa miongo mingi Milima ya Usambara Mashariki ilikuwa ikichukuliwa na
kutazamwa kwa sura na sera tafautitafauti. Katika mfululizo wa vipindi kadhaa kukawa
na kilimo cha kahawa kwenye miteremko ya milima, ukataji mbao, na kilimo cha chai;
kuchukuliwa kwa sehemu fulani fulani za msitu kama hifadhi za taifa; na kushawishika
kwa wakazi wa maeneo hayo kuishi maisha maalumu kutokana na sifa za pekee za tabia
ya nchi na ekolojia ya eneo lao.
3. Kipindi cha sasa ambacho serikali imeazimia kushughulikia masuala ya hifadhi
kimeshuhudia mwendelezo wa jitihada za kuiweka wazi mipaka ya misitu ambayo tayari
imekwishatangazwa rasmi kuwa mali ya taifa, kuongeza misitu mingine mipya kwenye
misitu ambayo tayari inalindwa, na kuboresha usimamizi wa kisayansi wa rasilimali za
ubioanuwai katika misitu. Kwa kutumia msaada kutoka Serikali ya Ufini tangu miaka ya
1980 pamoja na misaada midogo midogo kutoka katika mashirika ya kimataifa na ya
humu humu Tanzania, yajishughulishayo na mazingira, Milima ya Usambara Mashariki
imetokezea kuwa mojawapo ya hazina za asili adhimu kabisa katika nchi. Ina kiwango
kikubwa sana cha spishi za aina mbalimbali za miti na wanyama kwa eneo kuliko sehemu
nyingine yoyote ulimwenguni. Ikiwa imechaguliwa na Programu ya Binaadamu na Anga
kuwa sehemu ambayo inapaswa kupewa ulinzi wa hali ya juu kabisa, na kisha ikapata
msaada, katika miaka ya mwanzomwanzo ya muongo huu, kutoka Mfuko wa Utandawazi
wa Mazingira (GEF), Milima ya Usambara ni sehemu kiini kabisa ya programu, pana
zaidi, ya Tao la Mashariki . Kituo cha Hifadhi ya Mazingira cha Amani (HIMAA)
6