ushoroba wa msitu wa derema - Eastern Arc Mountains ...

RASIMU
• Inahitajia kwamba mali zilipiwe fidia kwa thamani kamili na halisi
• Inahitajia kwamba watu wanaopoteza mali zao wapewe fursa ya kuboresha hali
zao za maisha, na uwezo wa kupata uzalishaji mali mbadala au namna nyingineyo
• Inahitajia kwamba upangaji wa utekelezaji wa shughuli uwe shirikishi, kwa
namna ambayo wale watakaoathirika waelewe kikamilifu ni hatua gani
zitachukuliwa katika mchakato wa ulipaji fidia
• Inahitajia kwamba kuwe na mbinu na namna rahisi ambazo zinafanya kazi vizuri
katika kutatua migogoro na malalamiko.
39. Haitegemewi kwamba kutakuwa na hatua zitakazochukuliwa, kwa upande wa
mradi huu, kuibadili sheria ya Tanzania na kanuni zake ili ilingane na mahitajio na
masharti ya OP 4.12. Badala yake Wizara ya Maliasili na Utalii katika kutafuta msaada
wa kifedha kutoka Benki ya Dunia kwa ajili ya kutatulia suala hili inakubali kutekeleza
Mpango wa Kuhamisha Shughuli za Kipato (MKUSHUKI) kwa mujibu wa Sera ya
Uendeshaji ya Benki ya Dunia. Katika kipengele chochote cha mchakato huo ambapo
masharti ya Tanzania na Benki ya Dunia yanatofautiana au kusigana Wizara inakubali
kufuata zile taratibu ambazo ni muafaka kwa pande hizo mbili na taratibu zake. Pale
ambapo sera ya Benki haisemi chochote kuhusu kipengele fulani, Wizara haitatafuta
kipingamizi kutoka Benki ya Dunia kutekeleza mpango huu wa MKUSHUKI kwa
mujibu wa taratibu na kanuni za Tanzania.
40. Kuliingiza Tao la Mashariki Katika sera ya Benki ya Dunia. Mradi wa
Hifadhi na Usimamizi wa Misitu Tanzania (Tanzania Forest Conservation and
Management Project), ambao unafadhiliwa na IDA una sehemu kuu mbili na muhimu:
msaada wa FBD katika uwezo wa kusimamia na kulinda ubioanuwai wa taifa, ikiwa ni
pamoja na hifadhi ya misitu; na kusaidia shughuli za hifadhi katika milima ya Tao la
Mashariki. Wakati mradi huo ulipowasilishwa kuidhinishwa na Benki ya Dunia, ilielezwa
kwamba:
“Serikali imekubali kwamba iwapo itatokea, kwa bahati mbaya, kwamba katika
utekelezaji wa mradi kutakuwa na lazima ya watu kuhamishwa bila hiari yao, mpango
makini wa uhamishaji utatayarishwa na kupelekwa IDA ili upitiwe vizuri kabla hatua
zozote za uhamishaji hazijachukuliwa”.
30