ushoroba wa msitu wa derema - Eastern Arc Mountains ...

RASIMU
fedha hizo sasa ilikuwa Sh. Tz milioni 138 (baadaye zilirekebishwa na kuwa Sh.Tz
milioni 138.77 kutokana na ongezeko la mara 12). Matumizi ya sheria mpya hayakuwa
yametegemewa, na ni dhahiri kwamba njia hii mpya ilileta mchanganyiko wa mambo na
kuchelewesha mchakato: mbaya zaidi, tofauti kubwa kati ya thamani ya zamani na
thamani mpya ambayo ililetwa na sheria mpya iliwashtua watu wote waliohusika, na
mazungumzo ya kuweka kiwango maalumu kiutawala (Wizara ya Ardhi ilikuwa
imependekeza jumla isiyozidi Sh.Tz. milioni 50 mnamo mwezi Novemba, 2001)
yakashindikana kutokana na uamuzi wa EUCAMP kufuata utaratibu wa sheria mpya. Ni
mwishoni mwa mwezi Machi, 2002, ambapo hatimaye malipo yalifanywa kwa wakulima
172 wa mazao yaliyokuwa katika maeneo ya mpaka, kutokana na bajeti ya EUCAMP.
13. Hata hivyo, washauri wa EUCAMP hawakuwa wameelewa vizuri matokeo ya
hesabu hizo. Kwa kutegemea tathmini ya mazao ya kwenye “ushoroba” (yale yaliyo
katika mipaka) walikadiria kwamba iwapo wakulima 127 walipata Sh.Tz. milioni 113
kwa uwekaji mipaka basi kufidia wakulima 1090 katika mipaka iliyokuwepo kwa pato
hilohilo la mwaka zingehitajika Sh.Tz. milioni 800. Hesabu hii, ambayo haikuwa rasmi,
haikuzingatia kwamba tafauti katika eneo lililolimwa mazao pia ingekuwa kubwa sana;
ukweli ukawa kwamba tafauti ilikuwa hekta 8.1 katika maeneo ya mipaka na kufikia
hekta 956 katika mashamba ya ndani ya mipaka. Siyo kwamba mashamba yote yalikuwa
na mazao, lakini maeneo yaliyolimwa yalikuwa makubwa zaidi kuliko ule ushoroba wa
mita tatu.
14. Katika kila eneo husika wakulima mara moja wakajifunza jambo moja muhimu
na la wazi zaidi, na bado wanaliongelea. Katika tathmini kamili ya mazao ya mipaka,
kwa kutumia sheria mpya, kila mmea wa iliki ulipewa thamani ya Sh.Tz. 28,800, kwa
msingi kwamba hiyo ndiyo thamani ya miaka mitatu ya upotevu wa uzalishaji wa zao
hilo toka lilipokatwa hadi hapo mazao mapya yangelilimwa katika mashamba mapya na
kukomaa. Hii ina maana ya mapato makubwa sana kwa wakulima wa ushoroba, na
baadhi yao (ambao idadi na shughuli walizofanya si rahisi kuzihakiki kwa sasa)
wakaanza mara moja kupandikiza iliki mpya na mazao mengine kabla kazi ya kufanya
14