You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
6<br />
№<br />
74 (<strong>25689</strong>)<br />
2018-тӥ ар 2-тӥ коньывуон<br />
ТАЗАЛЫК<br />
Таза улонлы сӥзем бам<br />
ВОРМЫ АСТЭ<br />
Султы диван вылысь!<br />
Кызьы утиськоно сюлэм висёнъёслэсь<br />
Элина КУМАЧЁВА<br />
Сюлэммы висьыны<br />
кутске ке, вазиськиськом<br />
эмъясьёс<br />
дӥне - соослэсь юрттэмзэс<br />
возьмаськом.<br />
Жаль, йӧнан понна<br />
ӵемысь асьмеос номыр<br />
ум кариське. Наука<br />
возьматӥз ни:<br />
бурмоз-а адями - 50<br />
процентэз ачиз бордысь<br />
потэ, 10 процентэз<br />
гинэ - медицина<br />
бордысь. Та сярысь<br />
вера Тазалыкез<br />
утёнъя министерствоысь<br />
валтӥсь кардиолог<br />
Сергей Помосов.<br />
Эскеронъёс возьмато:<br />
адямилэн тужгес бадӟымез<br />
вирсэрез - аортаез -<br />
ӵакмыны ӧдъя ни 14 аресысен.<br />
40-50 аресозь кырсёмыны<br />
кутско вань вирсэръёс<br />
- атеросклероз кырмиське.<br />
Нош вирсэръёс ӵакмемын<br />
ке, иське, сюлэмлы тырмемысь<br />
дугдэ кислород. Кытчы<br />
со вуттэ - тодӥськом:<br />
ӵемысь аляны ӧдъя ИБС<br />
(ишемической висён) -<br />
тросгес пыдын ветлыку,<br />
бызьылыку сюлэм вадьсын<br />
висе, шокан пытсаське. Ӧд<br />
йӧнатӥськы ке, инфаркт<br />
шуккыны быгатоз - сюлэмлэн<br />
оглюкетэз ужамысь<br />
дугдэ. Адями утемын ӧвӧл<br />
инсультлэсь но - йырысь<br />
вирсэр пилиське яке быдэсак<br />
ӵакмыса пытсаське. Дыраз<br />
юрттэт сётымтэ дыръя<br />
адямиез утьыны уг луы ни.<br />
Сюлэм но сэр висёнъёс<br />
пӧлын тужгес вӧлмемын<br />
инсульт, пӧртэм пумо аритмиос,<br />
ИБС, вордскемлэсь<br />
азьло ик кылдэм порокъёс<br />
но мукет.<br />
Туспуктӥз Максим ЕГОРОВ<br />
Валамон, висьыны кутскон<br />
сётӥсь куд-ог мугъёс<br />
ачиз адями бордысь гинэ<br />
уг пото. Кылсярысь, сюлэм<br />
но сэр висёнъёс выжыысь<br />
выжые кыльыны быгато -<br />
анай-атайёс, песянай-песятайёс<br />
пӧлын инфарктлэсь<br />
кулэмъёс вань ке, нылпиоссылы<br />
уката чакласьконо.<br />
Висёнъёс озьы ик кырмисько<br />
арлыд люкаськемъя. Но<br />
валтӥсь кардиолог верамъя,<br />
соос алялозы-а, уз-а - потэ<br />
ачиз адями бордысь.<br />
- Сюлэм но сэр висёнъёс<br />
капчиен аляло, адямилэн<br />
вирзӥбетэз (давление) тэтча,<br />
вираз сакырез трос ке, - пусъе<br />
Тазалыкез юн возе пайдаё шутэтскон.<br />
Сергей Алексеевич. - Но мон<br />
та учыръёсы шуысал: адями<br />
дыраз йӧнатӥське, эмъясьёсын<br />
ӵектэм эмъюмъёсты вис<br />
карытэк, дыраз юэ ке, сюлэм<br />
но сэр висёнъёс кырмиськыны<br />
кулэ ӧвӧл. Но жаляса<br />
верано, тросэз адямиос тае<br />
лыдэ уг басьто. Вирзӥбетсы<br />
140/90 мл. рт. ст вылӥын возиське<br />
- эмъюмъёс ку мылзы<br />
потэ, соку юо. Сакыр диабет<br />
дыръя озьы ик.<br />
Адями вала, тамак кыскыны<br />
уг яра шуыса. Эскеронъёс<br />
возьмато: никотинэн<br />
сэрен вирсэръёс вакчи дыр<br />
куспын ӵакмо. Кудӟытӥсь<br />
юонъёс сярысь озьы ик вераны<br />
луэ, - эсэпсэ ум тодӥське.<br />
Ум ке, иське, чик но юонэз<br />
ӧвӧл.<br />
- Эскеронъёс возьмато:<br />
сюлэм но сэр висёнъёс капчиен<br />
аляло мултэс куаем<br />
дыръя, - ватса валтӥсь кардиолог.<br />
- Нош мултэс килограммъёсыд<br />
вань-а, ӧвӧл-а<br />
- лыдъяны капчи нимысьтыз<br />
формулая: ӝуждалаез<br />
квадратэ кароно но секталаез<br />
люконо потэм лыдпуслы<br />
(m: r 2 ). 25-лэсь ятыргес<br />
потэ ке, килограммъёс мултэс<br />
луыны кутскемын, нош<br />
35-лэсь ортче ке, куаён висёнлы<br />
пӧрмемын ни. Жаляса<br />
верано, диван вылын, телевизор<br />
дурын кылльыны ӝог<br />
дышиськом.<br />
Эмъясь кырымъёсын<br />
эмъюм юыны косӥз - тросэз<br />
та пумысен ӝожоме.<br />
Но таӵе дыръя мукет амал<br />
ӧвӧл. Зэм, эмъяськон иназ<br />
мед мыноз шуыса, мар но<br />
со аслыд но кароно.<br />
Одно ик валаса сиськоно.<br />
Возиськоно кӧё-вӧё сиёнъёслэсь.<br />
Нуналаз 400 грамм<br />
емыш сиёно. Сюлэмлэн но<br />
сэръёслэн одӥгез тушмонзы<br />
- сылал. Мугорлы шорлыдын<br />
со 3 граммен тырмыны<br />
кулэ, нош асьмеос 10-12<br />
грамм но сииськом. Сергей<br />
Помосов верамъя, сылалтэк<br />
чик ум быгатӥське ке, али<br />
магазинъёсын вузало калиен,<br />
магниен узырмытэм сылалъёс<br />
- соос пайдаёгес луозы.<br />
Но эсэпсэ озьы ик валано.<br />
Сюлэмез но сэръёсты<br />
юнматозы великен ворттылон,<br />
куасэн нискылан,<br />
уян, пыдын ветлон - арняяз<br />
4 пол ке но - 30-40 минутэн.<br />
Эшшо кулэ ӟеч мылкыд.<br />
Со котькыӵе эмъюмъёслэсь<br />
кужмогес.<br />
Ку одно вазиськоно<br />
кардиолог дӥне?<br />
- вирӟибет (давление)<br />
ӝуткаськыку;<br />
- вирын холестеринэз 5, 0<br />
мольлэсь трос ке;<br />
- гадь вадьсын сутэ, вӧсь<br />
луэ ке;<br />
- шокан пытсаське ке;<br />
- сакыр диабет дыръя;<br />
- аритмия вань ке.<br />
АРЛЫДООСЛЫ<br />
Пересьмыны уг сёты серекъян<br />
Туннэ нуналлы элькунамы<br />
шоро-куспо<br />
улон вапум - 70 арес.<br />
Но матысь аръёсы сое<br />
уката кузёмытыны чакламын.<br />
Мар юрттэ<br />
пересьмонэз беромытыны?<br />
Ӵектонъёссэ<br />
вера Ожысь ветеранъёслэн<br />
элькун госпитальысьтызы<br />
валтӥсь<br />
врачлэн воштӥсез<br />
Наталья Бисерова.<br />
Аръёс люкаськемъя<br />
адямилэн мугорыз<br />
воштӥськыны кутске. Тае<br />
лыдэ басьтыса ик, берло<br />
дыре кылдӥз выль наука -<br />
гериатрия. Со чакла: кызьы<br />
мӧйыосты висёнъёслэсь<br />
утёно, кызьы йӧнатоно. Матысь<br />
дыре элькунысьтымы<br />
вань поликлиникаосын<br />
мӧйыос понна нимысьтыз<br />
кабинетъёс усьтыны чакламын.<br />
Ваньмыз та улон вапумез<br />
уката нуйтыны юрттоз.<br />
Мӧйымон, пе, кутске 60<br />
аресысен, пересьмон лыктэ<br />
75 арес бере. Нош 90 аресэз<br />
ортчемъёсты кема улӥсьёс<br />
пӧлы пыртӥськом. Дунне<br />
вылын тужгес кема улэмын<br />
Франциысь нылкышно<br />
- 122 ар но 164 нунал.<br />
Ӧйтӧд, мар меда юрттӥз<br />
солы сокема улыны: нуналлы<br />
быдэ шоколад но оливковой<br />
вӧй сиемез яке сюлмаськонъёслы<br />
сётскытэк,<br />
капчи мылкыдын улэмез?<br />
Угось кызьы сиськиськод,<br />
кызьы астэ шӧдӥськод -<br />
туж тросэз та бордысь потэ.<br />
Депрессия, урод мылкыд<br />
дыръя нокыӵе йӧнатӥськонлэн<br />
пайдаез уг луы.<br />
Серекъян улон вапумез кузёмытэ<br />
- тае эскеронъёс<br />
умой возьмато. Нош сиськыны<br />
мӧйыослы пичиен но<br />
ӵемгес кулэ. Сиёнъёс узыр<br />
мед луозы белокен (сӥль,<br />
чорыг, творог, кӧжы, мульыос),<br />
нош кӧё-вӧё, коньыт сиёнъёсты<br />
пумен кулэстоно.<br />
Жаляса верано, азьтэмъяськон<br />
выже генъёс<br />
пыр, но сое вормыны турттоно!<br />
Улонлэсь ӟечлыксэ<br />
ӝуто пыдын ветлон, зарядка<br />
лэсьтон - мугоре озьы<br />
тросгес кислород сюре. Но<br />
тэтчано, бызьылоно чакласькыса,<br />
аръёс люкаськемъя<br />
лыос, суставъёс<br />
лябӟо - шуккиськыны кема<br />
ӧвӧл. Эшшо ке йыр кысканы<br />
кутске. Но йыр кысконлэсь<br />
утиськыны луэ, нош<br />
ик тренировка пыр, тросгес<br />
поръяса, уяса, куасэн<br />
нискыласа. Таӵе дыръя мугор<br />
юн возиське, вирзӥбет<br />
шудэмысь дугдэ, лыосысь<br />
кальций уг кошкы.<br />
Вунэтоно ӧвӧл йырез<br />
ужатон сярысь, угось мар<br />
уг ужа, со куасьмыны, бырыны<br />
кутске. Дышетоно<br />
кылбуръёс, кырӟанъёс.<br />
Оло, кинлэн ке пичи дырысеныз<br />
гитараен шудэмез<br />
потэ вал? Бер ӧвӧл!<br />
Кин ке суредаськыны яратэ<br />
вал? Мӧйымыса но талэсь<br />
куштӥськоно ӧвӧл.<br />
Нош малы меда компьютер<br />
сьӧры пуксёнтэм?