Create successful ePaper yourself
Turn your PDF publications into a flip-book with our unique Google optimized e-Paper software.
2018-тӥ ар 13-тӥ шуркынмон (ноябрь). Пуксён (вторник) № 85 (<strong>25700</strong>)<br />
Вань удмуртъёслэн газетсы<br />
Кылдытэмын 1915-тӥ арын 4-тӥ феврале<br />
Сӥлы карон Ёрос премиос Фин-угоръёс<br />
«Удмурт Кенешлэн» Данъян<br />
3 4<br />
Ёросъёсын удмуртъёссэс азьветлӥсь<br />
нимысьтыз 6 книгаяз 5 адями пыртэмын<br />
премиосын пусъё<br />
Кусыпъёсмес утёз Интернет<br />
СӤЛЫ КАРОН<br />
«УДМУРТ КЕНЕШ» ОГАЗЕЯСЬКОНЛЭН ВЫПУСКЕЗ<br />
Ã<br />
Å<br />
Ð<br />
Ä<br />
Ӵуказе эшшо ӟечгес ужано<br />
Туспуктӥз Максим ЕГОРОВ<br />
Адресэз: 426074, Ижкар,<br />
Октябрьлы 50 ар карлуд,<br />
15 номеро юрт, 213-тӥ, 215-тӥ<br />
кабинетъёс, «Удмурт Кенеш».<br />
Тел.: 68-53-29; тел./факс 68-83-08.<br />
www.udmkenesh.ru<br />
E-mail: udmkenesh@gossovet.udm.ru<br />
Елена МИННИГАРАЕВА<br />
Туэысен «Удмурт Кенеш»<br />
огазеяськон<br />
ялӥз Т. Борисов нимо<br />
премия сётъян сярысь.<br />
Соин пусйиськозы политикаын<br />
но удмурт калыкез<br />
валтонын, удмуртлыкез<br />
ӝутонын трос лэсьтэм адямиос.<br />
Та бадӟым премиен<br />
пусъемын «Удмурт Кенешлэн»<br />
азьвыл вице-президентэз,<br />
экономика наукаосъя<br />
кандидат Валериан Никитин.<br />
Пусйыны кулэ, удмурт<br />
калыклэсь синмаськымон<br />
нылъёссэ-пиоссэ, зэмос<br />
азьветлӥсьёсты Т. Борисов<br />
нимо премиен пусйыны кутскизы<br />
ни вал ог 15 ар талэсь<br />
азьло. Соку премиез сётъяз<br />
удмурт культурая «Дэмен»<br />
огазеяськон. Пӧртэм аръёсы<br />
соин пусъемын вал Россиысь<br />
калыкъёслэн ассамблеяенызы<br />
кивалтӥсь, Кун<br />
Думаысь азьвыл депутат С.<br />
Смирнова, Россиысь Конституционной<br />
судлэн азьвыл<br />
судьяез Н. Витрук, Удмуртиысь<br />
Правительстволэн<br />
Тӧроезлэн азьвыл воштӥсез<br />
Сергей Токарев, «Удмурт Кенеш»<br />
огазеяськонлэн азьвыл<br />
тӧроез Николай Мусалимов,<br />
Алнашысь «Молодая гвардия»<br />
СПК-лэн тӧроез Михаил<br />
Крылов, Т. Борисовлы но<br />
К. Гердлы синпелетъёс лэсьтэм<br />
скульптор Н. Кутлыбаев,<br />
«Удмурт дунне» газетлэн<br />
коллективез но мукетъёс.<br />
Берло<br />
аръёсы<br />
азьветлӥсьёсмес Т. Борисов<br />
премиен пусъён уретэмын<br />
вал. Но «Удмурт Кенеш» ога-<br />
Т. Ишматова В. Никитинэз<br />
ӟечкылаз Т. Борисов нимо премия<br />
басьтэменыз.<br />
зеяськон та ужез выльысь<br />
улӟытоно кариськиз, выль<br />
положение дасяз. Озьы премилэн<br />
йӧнлыкез эшшо будӥз.<br />
Но кинлы сётоно «выльдэм»<br />
премиез, таяз рад споръяськон<br />
ик ӧй вал. «Удмурт Кенеш»<br />
огазеяськонлэн премиосъя<br />
комиссиез но, исполкомез<br />
но огкылысь луизы: Валериан<br />
Никитинэз пусъёно.<br />
Пумыз 3-тӥ бамын.
№ 85 (<strong>25700</strong>)<br />
2 2018-тӥ ар 13-тӥ шуркынмон Ãåðä<br />
ПИЧИ КЕНЕШ<br />
Ортчемзэ гажаса, азьланьзэ малпаса<br />
«Удмурт Кенеш» итӥськиз удмурт кунлыклы 100 ар тырмонэз пусъён борды<br />
Зинаида КИРИЛЛОВА<br />
Та арня вискын Ижын<br />
люкаськылӥз Пичи<br />
кенеш. Элькунмылэсь<br />
нуналзэ пусъем сяна,<br />
«кенешчиос» трос ужпумъёсты<br />
эскеризы.<br />
Ужрадэ пыриськизы<br />
вылӥ кивалтӥсьёс:<br />
Правительстволэн<br />
Тӧроез Ярослав Семёнов,<br />
Кун Кенешлэн<br />
Тӧроезлэн воштӥсез<br />
Надежда Михайлова,<br />
нациосын ужан политикая<br />
министр Лариса<br />
Буранова.<br />
мын 6 адями, пӧлысьтызы<br />
кыкез - вице-президентъёс.<br />
Нош выль быръем адямиос<br />
пӧлын: «Айкай» театрлэн<br />
кивалтӥсез Пётр Данилов,<br />
Национальной библиотекалэн<br />
кивалтӥсезлэн<br />
воштӥсез Анна Семёнова,<br />
К. Герд нимо гимназиысь<br />
дышетӥсь Валентина<br />
Широбокова, Эгра ёросысь<br />
«Вакыт» газетысь журналист<br />
Надежда Данилова,<br />
Глаз ёросысь ёзэн кивалтӥсь<br />
Инесса Рябова, Ижысь медициная<br />
академиысь студент<br />
Григорий Иванов.<br />
Ужрадъёс мытэмын<br />
Пичи кенеше пыро<br />
котькуд ёросысь быдэн<br />
2-3 азьветлӥсьёс, араз 2<br />
пол соос дэмен люкаськыло.<br />
Ужрад азьын Трокай<br />
Борисов но Кузебай Герд<br />
югдытӥсьёсмылэн синпелетъёссы<br />
азе сяська поно.<br />
Пичи кенеш Элькунмылэн<br />
нуналыз котырын ортчиз<br />
бере, ужрадлэн оглюкетэз<br />
историмес тодэ ваёнлы<br />
сӥземын вал. «Шулдыр<br />
ӝыт» ансамбль ужаны ӟеч<br />
мылкыд сётӥз, огазеяськонлэсь<br />
гимнзэ кырӟаса.<br />
Ярослав Семёнов,<br />
праздникен ӟечкыласа, вераз<br />
Удмуртилэн кунлык<br />
басьтэмез дырысен 100 ар<br />
тырмонлы дасяськон сярысь.<br />
- Таяз арняе люкаськылӥз<br />
та бадӟым ужрадлы<br />
дасяськонъя оргкомитет.<br />
Отын пусъемын матысь<br />
аръёсы ортчытоно<br />
ужрадъёс. Тодмо ни, кыӵе<br />
объектъёсты вуттоно со<br />
вакытлы. Кылсярысь, вуоно<br />
арняе йылпумъяське<br />
Ижын Удмурт культурая<br />
центрез лэсьтонъя аукцион<br />
- со луоз 5800 квадрат<br />
метр быдӟа туала чебер<br />
юрт, отчы интыяськозы<br />
асьмелэн творческой коллективъёсмы,<br />
инты тырмоз<br />
пӧртэм ужрадъёс ортчытъяны.<br />
Лариса Буранова пырпоч<br />
мадиз, кыӵе ужрадъёс<br />
ортчозы шаерамы праздникез<br />
пусъён улсын. Нош Надежда<br />
Михайлова удмурт<br />
азьветлӥсьёслэн ужамзылы<br />
синмаськемзэ вераз, туэ Елабугаын<br />
ортчем конференциын<br />
ӝутэм юанъёсты сэрттон-пертчонэ<br />
кун одно ик<br />
пыриськоз, шуиз со.<br />
Одӥгез вунэмын...<br />
Национальной музейын<br />
ужась Раиса Мартынова<br />
мадиз кунлыкмес одӥгез<br />
кылдытӥсь Иосиф Наговицын<br />
сярысь, со тодмо вал<br />
солэн ӵыжы-выжыосыныз.<br />
Раиса Фёдоровна трос ужаз<br />
азьветлӥсьмылэсь улон но<br />
ужан сюрессэ эскерон бор-<br />
udmurt.ru<br />
дын. Озьы 30 ар талэсь азьло<br />
(И. Наговицынлы 100 ар<br />
тырмон азьын) тодмо удмурт<br />
тодосчиен К. Куликовен<br />
соос фильм дасязы вал.<br />
Кема дыр ӵоже со тузонӟыса<br />
улӥз, нош табере тани,<br />
оцифровать карыса, выльысь<br />
калык син азе вуиз.<br />
Но ваньзэ дано адямиосмес<br />
тазьы данъяны ум<br />
быгатӥське на. Кылсярысь,<br />
ышыге кылемын Максим<br />
Прокопьев. Со сярысь вераз<br />
писатель но журналист Ульфат<br />
Бадретдинов.<br />
- Максим Прокопьев 35<br />
ар гинэ улӥз, но кӧня лэсьтыса<br />
вуттӥз! Но Удмуртиын<br />
солэн нимыз нокытын<br />
уг адӟиськы, - шуиз со. -<br />
Ӵектӥсько Ижын Максим<br />
Прокопьевлы синпелет пуктыны,<br />
«Калык шорын» книгазэ<br />
выльдыса поттыны, со<br />
книга котькуд школае, библиотекае<br />
мед вуоз. «Удмурт<br />
Кенешлэн» нимыныз Ижысь<br />
кивалтӥсьёслы вазиськоно,<br />
шоркарысь выль ульчаослы<br />
Трофим Борисовлэсь<br />
но Максим Прокопьевлэсь<br />
нимъёссэс сётыны курыса.<br />
Башкортостанысь Максим<br />
Прокопьевен герӟаськем<br />
Каймашабаш, Алтау, Канлы<br />
гуртъёсы буре ваён пулъёс<br />
шукконо, «Удмурт Кенеш»<br />
огазеяськон М. Прокопьев но<br />
И. Наговицын нимо премиос<br />
мед кылдытоз...<br />
Мар лэсьтэмын?<br />
Огазеяськонлэн тӧроез<br />
Татьяна Ишматова мадиз<br />
исполкомлэн берло дыре<br />
ужамез сярысь.<br />
Туэ «Удмурт Кенеш» туж<br />
пайдаё ужаз. Дэмен пусйим<br />
К. Гердлэсь но А. Окилэсь<br />
120 аръем юбилейёссэс,<br />
солы сӥзьыса, Вавож но Грак<br />
ёросъёсын бадӟым ужрадъёс<br />
ортчизы. Туж шумпотымон,<br />
ёросъёс соосты ортчытонэз<br />
ас вылазы басьтӥзы но туж<br />
йӧно ортчытӥзы шуыса.<br />
Выжы калыкъёсты туэ<br />
зол сюлэмшугъяськытӥз<br />
Россия Федерациысь дышетон<br />
сярысь федерал законэ<br />
воштонъёс пыртон. Отын<br />
вераськон мынэ школаосын<br />
анай кылэз дышетон<br />
сярысь. Проектаз вал анай<br />
кылэз обязательной луисьтэм<br />
программае выжтон сярысь.<br />
Но бугыръяськонъёс<br />
кутскем бере депутатъёс сое<br />
выльысь эскероно кариськизы.<br />
Та пумысен «Удмурт Кенеш»<br />
огазеяськон аслэсьтыз<br />
мылкыдзэ вераз элькунысьтымы<br />
кивалтӥсьёслы но Кун<br />
Думаысь депутатъёслы. Туэ<br />
21-тӥ августэ Можга ёросысь<br />
Бадӟым Уча гуртын ортчиз<br />
элькунысьтымы удмурт<br />
кылъя дышетӥсьёслэн конференцизы.<br />
Отчы пыриськизы<br />
Кун Кенешлэн кивалтӥсез<br />
Алексей Прасолов, Кун Думаысь<br />
депутат Алексей Загребин.<br />
Конференцие пыриськисьёс<br />
куризы, анай кылэз<br />
школаын факультативе<br />
медаз выжтэ, предмет чот<br />
мед кельтозы шуыса. Сыӵе<br />
луонлык сётэмын. Но проект<br />
закон луытозяз ик югдурез<br />
уродмытыса вуттӥз. Угось<br />
табере, пиналыд анай кылзэ<br />
мед дышетоз шуыса, нимысьтыз<br />
заявление гожтоно.<br />
Куд-ог директоръёслы но уд-<br />
«Удмурт Кенешлэн» ужрадаз<br />
вуылӥзы Удмуртиысь вылӥ<br />
кивалтӥсьёс.<br />
муртлыксылэсь кулэлыксэ<br />
валасьтэм анай-атайёслы со<br />
шумпотон луиз - куд-ог школаосын<br />
удмурт кылэз предмет<br />
чотын дышетыны мылкыд<br />
карисьёслэн лыдзы кулэсмыны<br />
ӧдъяз.<br />
- Туж тросэз потэ асьме<br />
бордысь, - вазиськиз Татьяна<br />
Ишматова, - эн кышкалэ<br />
директорлы вазиськыны,<br />
анай кылэз дышетыны<br />
алӥсь закон ӧвӧл! Нюръяське<br />
котькуд пинал, котькуд<br />
час понна!<br />
Кемалась ӧвӧл асьме делегация<br />
пыриськиз Эстониын<br />
ортчем конференцие,<br />
отын ваньмыз асьсэды ӟечен<br />
гинэ возьматӥзы, рос-прос<br />
ужазы. (Со сярысь материалэз<br />
лыдӟе 6-тӥ бамысь.)<br />
«Удмурт Кенеш» котьку<br />
дурбасьтэ удмуртлыкен<br />
герӟаськем вань ужрадъёслы,<br />
шаерысьтымы учреждениосын,<br />
огазеяськонъёсын<br />
огкылысь ужа, валче ужрадъёс<br />
ортчытъя.<br />
Ёросъёсазы<br />
удмуртлыкез<br />
азинтонъя ӟеч ужамзы<br />
сярысь ивортонъёс озьы<br />
ик лэсьтӥзы огазеяськонлэн<br />
кизнер но алнаш ёзъёсызлэн<br />
кивалтӥсьёссы Вениамин<br />
Андреев но Галина<br />
Павлова.<br />
Мозмытэмын но<br />
быръемын<br />
Общественной ужен вырисьёс<br />
туж ик трос ӧвӧл,<br />
угось ваньмыз со лэсьтӥське<br />
ас мылкыдыдъя, сюлэмыд<br />
куремъя. Но кудӥз ке малпа,<br />
лэся, огазеяськонлэн кивалтэтаз<br />
пырыса, дан утчаны<br />
яке эшшо маке. Но<br />
бӧрысь асьсэлэн дырзы но,<br />
моӵсы но уг сузьы ни. Исполком<br />
лыдъяз, токма инты<br />
басьтыса улӥсьёсты мозмытоно<br />
но интыязы мыло-кыдо<br />
ужасьёссэ пыртоно.<br />
Сыӵе малпанэн соглаш<br />
кариськиз Пичи кенеш но.<br />
Озьы «Удмурт Кенешлэн»<br />
исполкомысьтыз мозмытэ-<br />
Премия улӟытэмын<br />
«Удмурт Кенеш» данэ<br />
потэм адямиосызлы арлы<br />
быдэ К. Герд, А. Оки, Э. Батуев<br />
нимо премиос сётъя.<br />
Огвакытэ сыӵе дунъетъёс<br />
вӧзы ватсаськиз вал Т. Борисов<br />
нимо премия но - сое<br />
сётъялляз удмурт культурая<br />
«Дэмен» огазеяськон.<br />
Но берло дыре таиз огазеяськон,<br />
меӵак вераса, ужанлэсь<br />
аналскиз, премиос<br />
но сётъямысь дугдӥз. «Удмурт<br />
Кенеш» лыдъяз, Трокайлэсь<br />
нимзэ озьы уськытыны<br />
уг яра, соин премиез<br />
улӟытӥз - туэ сое сӥё-дано<br />
сётӥзы Дэри ёросысь Валериан<br />
Никитинлы. Валериан<br />
Арсентьевич, сыӵе данъямзы<br />
понна тау карыса, вераз:<br />
мон огнам ӧй ужа, улонам<br />
туж удалтӥз эшъёсынкивалтӥсьёсын,<br />
котьку огкыл<br />
шедьтылӥ Валентин<br />
Тубыловен, Игорь Семёновен,<br />
«Удмурт Кенешлэн»<br />
мукет кивалтӥсьёсыныз.<br />
Ма, курласьёс-тышкаськисьёс<br />
но ужаны юртто, тэк<br />
пукыны уг сёто.<br />
5 адями: Ижысь Геннадий<br />
Корепанов, Вавожысь<br />
Геннадий Шубин, Можгалась<br />
Наталья Перевощикова,<br />
Алнашысь Елена Смирнова,<br />
Шарканысь Юрий Перевозчиков<br />
- пыртэмын огазеяськонлэн<br />
Данъян книгаяз.<br />
Огласянь, книгае пыртэм<br />
понна нокыӵе бадӟым<br />
кузьым но, льгота но уг<br />
сётӥськы, но пусъем адями<br />
понна со туж дуно. Табере<br />
уката золгес ужалом, шуо<br />
данъям адямиос, угось тынэсьтыд<br />
уждэ адӟо ке, озьыен,<br />
тон токма уд тыршиськы.<br />
Туалаос гинэ уз адӟе,<br />
адӟозы бӧрсямы лыктӥсьёс<br />
но - угось нимъёсмы табере<br />
Данъян книгае пыраклы<br />
гожтыса кельтэмын.<br />
Ужрадэз туж чебер йылпумъяз<br />
туэ «Элькуновидениын»<br />
вормем Артемий<br />
Гаврилов. «Удмурт Кенеш»<br />
сое данъяз 40 сюрс манет<br />
коньдон премиен. Люкаськемъёс<br />
азьын Артемий<br />
кырӟаз «Мон - удмурт»<br />
кырӟанзэ.
Ãåðä<br />
№ 85 (<strong>25700</strong>)<br />
3<br />
2018-тӥ ар 13-тӥ шуркынмон<br />
СӤЛЫ КАРОН<br />
Данъян книга узырмиз<br />
«Удмурт Кенеш» огазеяськонлэн Данъян книгаяз таяз аре пыртэмын 5 нимо-дано адямиос<br />
Геннадий Семёнович<br />
КОРЕПАНОВ - «Удмурт Кенешлэн»<br />
Ижкарысь Октябрь<br />
ёросысь ёзэзлэн правлениезлэн<br />
но огазеяськонлэн исполкомезлэн<br />
ёзчиез, Удмуртиысь<br />
культура удысысь<br />
дано ужась. Кема аръёс ӵоже<br />
Геннадий Семёнович «Айкай»<br />
коллективен кивалтӥз,<br />
Драмая ӟуч театрын тыршиз,<br />
«Италмас» ансамбльлэн<br />
кивалтӥсезлэн воштӥсез<br />
луыса ужаз. Туннэ пӧртэм<br />
удмурт коллективъёслэсь<br />
концертъёссэс радъялля.<br />
Калыкын вылӥ дунъяло солэсь<br />
лулчеберет но искусство<br />
удысъёсын ужаны быгатонлыкъёссэ.<br />
Удмурт лулчеберетэз<br />
но анай кылэз яратэмезлэсь<br />
адӟем карыны кулэ.<br />
Юрий Алексеевич<br />
ПЕРЕВОЗЧИКОВ 14 ар<br />
ӵоже кивалтӥз «Удмурт Кенеш»<br />
огазеяськонлэн Шаркан<br />
ёросысь ёзэныз, али правлениезлэн<br />
ёзчиез луэ, Шаркан<br />
ёрос йырлэн воштӥсез вал.<br />
Юрий Алексеевич висъяське<br />
рос-прос ужаменыз но удмурт<br />
калык понна сюлмаськеменыз.<br />
Удмуртлыкез азинтонлы<br />
котьку но бадӟым саклык<br />
висъялляз. Солы луыса<br />
«Удмурт Кенеш» но «Шунды»<br />
огазеяськонъёслэн ёзъёссы<br />
Шаркан ёросын лад-лад ужало.<br />
Юрий Алексеевич, пенсие<br />
потыса но, удмурт лулчеберетэз<br />
но сям-йылолъёсты уте,<br />
улӟытэ но азинтэ, Шаркан<br />
ёросын улӥсь пӧртэм калыкъёслэсь<br />
кусыпъёссэс юнматэ.<br />
Елена Герасимовна<br />
СМИРНОВА 40 ар ӵоже Алнаш<br />
ёросысь Чем-Куюк школаысь<br />
пиналъёслы анай кылэз<br />
яратон, вордӥськем шаерез<br />
гажан мылкыд пыӵатӥз.<br />
2014-тӥ арын Россиысь усто<br />
дышетӥсьёслэн вожвылъяськоназы<br />
вормисе потӥз. 25 ар<br />
ӵоже литературной кружок<br />
нуиз, отчы пыриськем нылпиослэн<br />
ужъёссы «Ӟечбур!»<br />
газетын печатласькылӥзы.<br />
Дышетскисьёсыз Герман Ходырев<br />
нимо ёрос премиен пусйылэмын.<br />
Ачиз Елена Герасимовна<br />
«Удмурт Элькунысь<br />
дышетон удысысь дано<br />
ужась» нимын, Герман Ходырев<br />
нимо премиен, Ашальчи<br />
Оки нимо ёрос премиен пусъемын.<br />
Наталья Петровна<br />
ПЕРЕВОЩИКОВА «Удмурт<br />
Кенешлэн» Можгалась<br />
ёзэзлэн ужаз пыриське.<br />
Лулчеберет удысын 30<br />
арлэсь кема ужа ни. Можга<br />
ёросысь удмурт кырӟанъя<br />
«Ингур» ансамбльлэн кивалтӥсез<br />
луэ. Наталья Петровна<br />
Можга карын Выль<br />
праздникез улӟытӥз. Аръёс<br />
ортчыса, со быдэс элькунэз<br />
бордаз огазеяз. 2017-тӥ<br />
арын, Russian Event Awards<br />
вожвылъяськон пыр ортчыса,<br />
удмурт Выль праздник<br />
Россиысь событийной туризмъя<br />
календаре пыриз.<br />
Озьы ик Наталья Петровна<br />
удмурт лулчеберетэз утись<br />
проектъёсты гожъя но улонэ<br />
пыӵатэ.<br />
Геннадий Васильевич<br />
ШУБИН «Удмурт Кенеш»<br />
огазеяськонлэн Вавож ёросысь<br />
ёзэзлэн тӧроез луэ. Удмурт кылэз<br />
но сям-йылолъёсты утёнлы<br />
трос саклык висъя. Трос<br />
кужымзэ сётэ Кузебай Гердлэсь<br />
дано нимзэ утёнлы. Геннадий<br />
Васильевич трос аръёс<br />
ӵоже агроном луыса ужаз. Со<br />
дыре ик ёросысь калыкен кусып<br />
возьыны дышетскиз. Вавож<br />
ёрослэн администрацияз<br />
ужаны выжемез бере пӧртэм<br />
вылӥ дышетсконниосын кусыпъёс<br />
юнматыны быгатӥз.<br />
Солэн кичӧлтэмезъя Вавож<br />
музъем вылын удмурт писательёслы<br />
но югдытӥсьёслы<br />
сӥзем ужрадъёс радъяськыло,<br />
Кузебай Герд нимо ёрос премия<br />
юнматэмын.<br />
Ӵуказе эшшо ӟечгес ужано<br />
(Пумыз. Кутсконэз 1-тӥ<br />
бамын.)<br />
Валериан Арсентьевич -<br />
зэмос удмурт азьветлӥсь, аслэсьтыз<br />
выжыоссэ, калыксэ<br />
гажась но со понна сюлмаськись<br />
адями, Удмуртиысь<br />
гурт удысысь дано ужась.<br />
Быдэ вуэмын Балезино<br />
ёросысь Пыбья гуртын. Армие<br />
мынон азяз Балезиноысь<br />
парсь вордонъя предприятиын<br />
слесарь, водитель<br />
луыса ужамын. Нош<br />
армиысь бертэмез бере<br />
Ижысь гурт удысъя институтын<br />
дышетскиз, агроном<br />
луиз. Ужаны кутскиз<br />
Вавож ёросысь «Путь<br />
к коммунизму» колхозын.<br />
Бӧрысь семьяеныз ӵош<br />
Дэри ёросысь Якшур гуртэ<br />
выжыяськиз, татысь «Путь<br />
Ильича» колхозын валтӥсь<br />
агроном луиз. Визьмо, тыршись,<br />
гурт ужез валась специалистлы<br />
калык вазиськиз,<br />
колхоз тӧро луыны курыса.<br />
Озьы «Путь Ильича»<br />
колхозэн Валериан Никитин<br />
17 ар ӵоже туж секыт<br />
выльдӥськон вакытъёсы<br />
кивалтӥз.<br />
Шаерысьтымы тросэз<br />
хозяйствоос та вакытэ тустас<br />
каремын вал, нош Валериан<br />
Никитинлэнэз роспрос<br />
ужаз, уждун но дыраз<br />
тыриськиз. 1993-тӥ арын<br />
доразы вуылӥз Россилэн<br />
президентэз Борис Ельцин.<br />
Нош 1994-тӥ арын «Путь<br />
Ильича» Удмурт Элькунлэн<br />
Данъян пул вылаз вал<br />
ни.<br />
Республикаямы нырысьёсыз<br />
пӧлын «Путь Ильича»<br />
переработкаен вырыны<br />
кутскиз, сюро таза пудо<br />
вордонъя племзавод кариськиз.<br />
Доразы ӵемысь<br />
вуылӥзы Нижний Новгородысь,<br />
Санкт-Петербургысь,<br />
Ижысь гурт удысъя институтъёсысь<br />
тодосчиос. Ачиз<br />
но Валериан Арсентьевич<br />
тодон-валанзэ будэтӥз, экономика<br />
наукаосъя кандидат,<br />
Россиысь Естествознаниея<br />
академилэн профессорез<br />
луиз. Ижысь гурт хозяйствоя<br />
академиын егит<br />
специалистъёсты дышетӥз<br />
на. Со сяна, трос аръёс<br />
ӵоже калык сое райсоветэ<br />
депутатэ бырйылӥз, огвакытэ<br />
Кун Кенешлэн но депутатэз<br />
вал.<br />
Валериан Арсентьевичлэн<br />
кичӧлтэмезъя шаерамы<br />
гурт хозяйстволы сӥзем<br />
экономической союз кылдытэмын<br />
вал. Отын гуртоосты<br />
сюлмаськытӥсь ужпумъёс<br />
сэрттӥськизы.<br />
1990-тӥ аръёсысен Валериан<br />
Арсентьевич удмурт<br />
движение пыриськыны<br />
кутске. Кун Кенешысь<br />
депутат дыръяз туж сюлмаське<br />
кун кылъёс сярысь<br />
законэз кутон ласянь, Кун<br />
Кенешысь ик депутатэн,<br />
бӧрысь «Удмурт Кенешлэн»<br />
тӧроеныз Валентин Тубыловен<br />
ӵош соос депутатъёс<br />
пӧлын валэктон уж нуо,<br />
ялан ужась комиссиосын<br />
пумиськонъёс ортчытъяло,<br />
законлэсь кулэлыксэ валэктыны<br />
тыршо.<br />
Огвакытэ Валериан Никитин<br />
«Удмурт Кенеш» огазеяськонлэн<br />
Дэри ёросысь<br />
ёзэныз кивалтӥз, собере<br />
«Удмурт Кенешлэн» вицепрезидентэз<br />
вал.<br />
Та тып-тып, йӧно удмурт<br />
воргорон, огласянь,<br />
туж лякыт, но, калыкез<br />
шугъяськытӥсь ужпумъёсты<br />
сэрттыку, туж юн, зэмлыко,<br />
кытӥяз лек но луыны<br />
быгатэ. «Сямыз кӧльы» шуо<br />
со сярысь.<br />
Туннэ но Валериан Никитин<br />
удмурт движенилэсь уг<br />
палэнскы, «Удмурт Кенеш»<br />
огазеяськонлэн ревизионной<br />
комиссиеныз кивалтэ,<br />
Дэри ёросысь «Удмурт Кенешлэн»<br />
президиумезлэн<br />
ёзчиез луэ. Солы оско, солэсь<br />
визь-кенеш юало. Тодон-валанъёсыз<br />
гурт удысын<br />
но туж кулэ луо на, Валериан<br />
Арсентьевич Дэри<br />
ёрос администрациысь гурт<br />
удысъя управлениен кивалтэ.<br />
Ваньмон дыръяз вутске<br />
книгаос гожъяны. Кылсярысь,<br />
Г. Перевощиковен<br />
ӵош соос ас вакытаз Якшур<br />
музъемлы сӥзем бадӟым<br />
книга поттӥзы.<br />
- Валериан Арсентьевич<br />
- зэмос удмурт воргорон.<br />
Соин ужаны туж капчи,<br />
ваньзэ дыртытэк, роспрос<br />
лэсьтоз, азьланяз ужаны<br />
кужым сётоз, - пусъе<br />
«Удмурт Кенеш» огазеяськонлэн<br />
Дэри ёросысь ёзэныз<br />
кивалтӥсь Лидия Биянова.<br />
- Ёрос администрациямы<br />
ужаны берытскем<br />
дырысеныз, 6 ар ӵоже, ёросысь<br />
гурт удысъя одӥг хозяйство<br />
но ӧз быры. «Удмурт<br />
Кенешлы» но ялан<br />
юрттӥське. Т. Борисов нимо<br />
премиез сётыны чакламын<br />
шуыса, ми аслыз Валериан<br />
Арсентьевичлы ум вераське<br />
вал ай, но со радиоысь<br />
тодэм ни. Туж, пе, пайми<br />
но, уйзэ, пе, кӧлэме ӧз<br />
ни луы: мар вералом, кыӵе<br />
кылъёс шедьтом? Быдэс<br />
улонзэ син азяз пуктэм, тодаз<br />
ваем колхозын ужаны<br />
кутскемзэ но, политикае,<br />
удмурт движение пыриськемзэ<br />
но.<br />
- Мон понна та туж вылӥ<br />
дунъет, - востэмак шуэ ачиз<br />
Валериан Арсентьевич. -<br />
Бадӟым тау Якшурысь калыкелы,<br />
«Путь Ильича» хозяйстволы,<br />
Дэри ёросэлы,<br />
«Удмурт Кенешлы» но удмурт<br />
калыклы. Таӵе туж<br />
вылӥ пусйизы бере, озьыен,<br />
ӵуказе эшшо ӟечгес<br />
ужано.
№ 85 (<strong>25700</strong>)<br />
4 2018-тӥ ар 13-тӥ шуркынмон Ãåðä<br />
ЁРОС ПРЕМИОС<br />
ГЛАЗОВ<br />
ДЭРИ<br />
«Шундыберган»<br />
пушъе<br />
Анна ТРУБАЧЕВА<br />
Дэри ёросысь удмуртлыкез<br />
ӝутонэ мыло-кыдо<br />
пыриськись<br />
адямиосты 2005-тӥ<br />
арысен Эрик Батуев<br />
нимо премиен данъяло.<br />
Радъяське со «Удмурт Кенеш»<br />
огазеяськонлэн ёросысь<br />
ёзэз кичӧлтэмъя. Соин<br />
но удмурт культуралы сӥзем<br />
толэзь дыръя ортчылӥсь ужрадъёс<br />
пӧлысь премиез сётон<br />
одӥгез яркытэз луэ.<br />
Ёрос премиен пусъемъёс<br />
пӧлын дышетон но культура<br />
удысъёсын, газетын, библиотекаосын<br />
но музейёсын ужасьёс,<br />
пӧлазы вань ни 2 коллектив<br />
но. Нош нырысетӥез<br />
премия сётэмын вал Э. Батуевлэн<br />
анаезлы Анна Филипповна<br />
Батуевалы. Туэ та<br />
премиен пусйимы 18-тӥ лауреатэз<br />
- Дэри школаысь удмурт<br />
кылъя но литературая<br />
дышетӥсез, школаысь музеен<br />
кивалтӥсез Ангелина<br />
Байсароваез.<br />
- Мон огшоры дышетӥсь<br />
гинэ, Эрик Батуев сямен<br />
гожъяськыны уг быгатӥськы,<br />
- шуэ Ангелина Алексеевна. -<br />
Со понна мон пӧртэм проектъёс<br />
кылдытон бордын ужаны<br />
яратӥсько. Шумпотӥсько,<br />
удмурт нылпиослы чаклам<br />
«Шундыберган» шудонэ но<br />
калыклы яраз шуыса.<br />
Ангелина Байсаровалэн<br />
кылдытэм проектэз 2006-<br />
тӥ арысен улонэ пыӵа. Со 3<br />
арлы чакламын вал, соин ик<br />
Туспуктӥз Анна ТРУБАЧЕВА<br />
1-тӥез шудон сӥземын вал<br />
Удмуртилэн кунлык басьтэмез<br />
дырысен 85 ар, Удмуртилэн<br />
Россие пыремез дырысен<br />
450 ар но Дэри ёрослы<br />
70 ар тырмонлы. 3 арлы<br />
чаклам марафон нылпиослы<br />
туж кельшиз, сое азьланьтыны<br />
ӵектӥзы. Табере со<br />
пӧртэм амалъёсъя радъяське:<br />
я станциостӥ ветлыса, я<br />
КВН-эн шудыса. Берло аръёсы<br />
мукет ёросъёсысь нылпиос<br />
но отчы пыриськыны<br />
ӧдъязы ни. Пусйыны кулэ,<br />
«Шундыберган» шудон бордысь<br />
вордскемын кырӟанъя<br />
«Шундыкуара» вожвылъяськон<br />
но удмурт нылпиос понна<br />
«Шудкар» гужем лагерь.<br />
Та ужрадъёс пиналъёслэсь<br />
быгатонлыкъёссэс усьтыны<br />
ЭГРА<br />
Жильыртэ Кедра ошмес<br />
Надежда ДАНИЛОВА<br />
Эгра ёросын ортчизы<br />
удмурт литературалы<br />
сӥзем нуналъёс.<br />
Ваньмаз сямен школаосын<br />
но нылпи садъёсын<br />
арня ӵоже кылбур чуръёс<br />
чузъяськизы. Та нуналъёсы<br />
ик удмурт кылэз, сямйылолъёсты,<br />
культураез<br />
утёнын лулысь-сюлмысь<br />
тыршем муртъёсты яке коллективъёсты<br />
К. Митрей<br />
нимо премиен арлы быдэ<br />
пусъё.<br />
«Удмурт Кенеш» огазеяськонлэн<br />
ёросысь ёзэз ёрос администрациысь<br />
культурая<br />
но дышетонъя управлениосын,<br />
«Светлый путь» ёрос газетэн<br />
ӵош кариськыса, кылбур<br />
лыдӟонъя «Жильыртэ<br />
Кедра ошмес» вожвылъяськон<br />
ортчытэ. Ужрад туэ 2 нунал<br />
ӵоже кыстӥськиз. Пиналъёс<br />
лыдӟизы шаерысьтымы<br />
котрес арлыдзэс пусйись<br />
кылбурчиослэсь Кузебай<br />
Гердлэсь, Ашальчи Окилэсь,<br />
Владимир Котковлэсь,<br />
Владимир Владыкинлэсь,<br />
Владимир Романовлэсь, Кирилл<br />
Ломагинлэсь, Виталий<br />
Леконцевлэсь, Татьяна<br />
Черновалэсь, Николай Байтеряковлэсь,<br />
Людмила Кутяновалэсь<br />
гожтэм чуръёссэс<br />
но Эгра ёросысь Михаил<br />
Потёмкинлэсь, Алексей Лекомцевлэсь,<br />
Галина Шкляевалэсь<br />
кылбуръёссэс. Тросэз<br />
кылбур лыдӟись нылпиос удмурт<br />
дӥсен пӧрмытскемын<br />
вал.<br />
Кылбур мадисьёсты<br />
жюри дунъяз. Усто кылбур<br />
лыдӟыны быгатэмзэс<br />
возьматӥзы Мария Данилова<br />
(Играысь 1-тӥ школа,<br />
кивалтӥсез Л. Белых)<br />
но Анна Ускова (Зура школа,<br />
кивалтӥсез М. Ускова).<br />
Вал на аслэсьтыд кылбурдэ<br />
лыдӟонъя «Устоез кылбурчи»<br />
номинация, отын вормиз Татьяна<br />
Лекомцева (Зура шко-<br />
Дэри школаысь дышетӥсь<br />
А. Байсарова (паллянысез)<br />
пусъемын Э. Батуев нимо ёрос<br />
премиен. Вӧзаз - «Удмурт Кенеш»<br />
огазеяськонлэн Дэри ёросысь<br />
ёзэзлэн кивалтӥсез Л. Биянова.<br />
юртто, вордӥсько выль кылбур<br />
чуръёс, йыртӥянъёс, веросъёс,<br />
кырӟанъёс.<br />
Октябрь толэзь пумын<br />
Изгуртысь удмурт культурая<br />
центрын Э. Батуев нимо<br />
ёрос премиез сётон ужрад<br />
ортчиз. Люкаськемъёслы<br />
тунсыко лекция лыдӟиз ёросамы<br />
вордскем филология<br />
наукаосъя кандидат Вера<br />
Пантелеева, Удмуртиысь калык<br />
артистка Ольга Чужанова<br />
Э. Батуевлэсь кылбуръёссэ<br />
лыдӟиз.<br />
ла). Ужрадэ люкаськемъёслы<br />
капчи мылкыд кузьмазы<br />
нимысьтыз ӧтем куно Клоун<br />
но Эграысь 2 номеро школаысь<br />
покчи классъёсын дышетскисьёс.<br />
Удмурт арня йылпумъяськиз<br />
Калык огазеяськон<br />
нуналлы но Удмуртилэн<br />
кунлык басьтон нуналэзлы<br />
сӥзем ужрадэн. Эграысь «Нефтяник»<br />
культурая юртын<br />
бадӟым концерт вал, тодмо<br />
луиз Кедра Митрей нимо премилэн<br />
лауреатэз. Таяз учыре<br />
премия сётэмын ёрос библиотекалы.<br />
Ар ӵоже ужрадъёс<br />
ортчытъям сяна, библиотекарьёс<br />
удмурт кылэз дышетыны<br />
мылкыд карисьёслы нимысьтыз<br />
курсъёс радъязы.<br />
Библиотекаын тыршисьёс<br />
саклык висъяло ёросысь кылбур<br />
но крезьгур гожъясьёслы.<br />
Соослэсь ужъёссэс нимысьтыз<br />
бичетъёсын печатлало,<br />
усточиосын пумиськонъёс<br />
радъялляло.<br />
Глазов ёросысь Октябрьский библиотекалэн «ВКонтакте» бамысьтыз<br />
И. Наговицын<br />
уз вуны ни<br />
Валентина ЕМЕЛЬЯНОВА<br />
Глазов ёросын туэ<br />
И. Наговицынлэн арез<br />
ялэмын.<br />
Ар ӵоже ёросысь школаосын,<br />
библиотекаосын Иосиф<br />
Наговицынлэн 130 ар тырмонэзлы<br />
сӥзьыса, пӧртэм<br />
ужрадъёс радъязы. Со сяна,<br />
ёрос администрацилэн решениезъя<br />
кылдытӥзы И. Наговицын<br />
нимо премия. Табере<br />
сое арлы быдэ сётозы удмурт<br />
культураез азинтӥсьёс<br />
пӧлысь мыло-кыдо адямиослы.<br />
Туэ ортчытэм ужрадъёс<br />
сярысь ке верано, ёрос администрация<br />
сюлмаськемен,<br />
туэ выльдэмын вал Октябрьский<br />
каргуртысь И. Наговицынлэн<br />
синпелетэз, нош солэн<br />
вордӥськем Туктым гуртаз<br />
1-тӥ октябре буре ваён<br />
пул шуккизы клублэн юртэз<br />
борды. Иосиф Наговицынлэн<br />
вордӥськем юртэз ӧвӧл ни, но<br />
та гуртын утиське на 1900-тӥ<br />
арын пуктэм школалэн юртэз,<br />
ӵапак отын кӧня ке ар<br />
дышетскыса вуттӥз вал пичи<br />
Ося (Иосиф). Та юртэз 1950-<br />
тӥ аръёсы клуб каризы.<br />
Глазов ёросысь Октябрьский<br />
каргуртысь библиотекарь<br />
В. Шудегова басьтӥз И. Наговицын<br />
нимо ёрос премиез.<br />
Та нуналъёсы ик тодмо<br />
луиз ёросысь И. Наговицын<br />
нимо премилэн нырысетӥ<br />
лауреатэз, премия сётэмын<br />
Октябрьский каргуртысь библиотекаын<br />
ужасьлы Валентина<br />
Шудеговалы. Со трос<br />
лэсьтӥз, калык И. Наговицынэз<br />
медаз вунэты шуыса.<br />
- Библиотекаын ог 40 ар<br />
ужасько, шуыны луоз, туж<br />
потӥз И. Наговицынлэсь<br />
нимзэ калык пӧлы берыктэме,<br />
- шуэ Валентина Сергеевна.<br />
- Гуртоосты, ёросысь<br />
кивалтӥсьёсты кӧня<br />
куаретылӥ, ас пал адямимы<br />
сярысь номыр вераны<br />
ум тодӥське шуыса. Глазов<br />
ёросын 1988-тӥ арын ик<br />
ортчытӥмы ни вал И. Наговицынлэн<br />
вордскем дырысеныз<br />
100 ар тырмонлы<br />
сӥзем ужрад, жаляса верано,<br />
бӧрысь дано удмурт пилэн<br />
нимыз нош ик вужере ышиз.<br />
Валентина Шудегова<br />
юнме уг шуы: адямиез быдэстэм<br />
ужезъя дунъяно. Кышномурт<br />
шумпотэ, уно аръёс<br />
ортчыса ке но, И. Наговицын<br />
сярысь тросгес верасьёс луизы<br />
шуыса.<br />
АЛНАШ<br />
Пинал усточиосты шараялозы<br />
Людмила СУРЧАКОВА<br />
Ёросын ортче удмурт культуралы сӥзем толэзь.<br />
Азьвыл аръёсы сямен ик толэзез сӥё-дано усьтон ортчиз Удмуртилэн<br />
кунлык басьтон нуналэзлы сӥзем ужрад дыръя. «Удмурт<br />
Кенеш» огазеяськонлэн ёросысь ёзэныз кивалтӥсь Галина<br />
Павлова толэзь ӵоже ортчоно ужрадъёсын тодматӥз. Тросэз<br />
соос герӟаськемын луозы 25 лыдпусэн. Ӵапак сомында ар тырме<br />
Алнашысь Киужъёсъя юртлы, «Удмурт нылкышно кенеш»<br />
огазеяськонлы. Тужгес шулдырез но яркытэз луыны кулэ «Чеберай<br />
но пичи батыр» вожвылъяськон. Та нуналъёсы Писэйгурт<br />
школаын радъяськоз Герман Ходыревлэн вордскем нуналэзлы<br />
сӥзем «Пинал усточиос» улоскуспо вожвылъяськон.<br />
Толэзь йылпумъяськоз Трофим Борисов но Герман Ходырев<br />
нимо ёрос премиосты сётонэн.
Ãåðä<br />
№ 85 (<strong>25700</strong>)<br />
5<br />
2018-тӥ ар 13-тӥ шуркынмон<br />
«УДМУРТ НЫЛКЫШНО КЕНЕШЛЫ» - 25 АР<br />
Улонэз бергатэ кышномурт<br />
Ангелина СНИГИРЁВА<br />
Туэ 25 ар тырме «Удмурт<br />
нылкышно кенеш»<br />
огазеяськонлы.<br />
Ог дасо аръёс соин<br />
мыло-кыдо кивалтэ<br />
Надежда СТЕПАНО-<br />
ВА. Огазеяськон зол<br />
ужа нылкышноослэсь<br />
данзэс будэтон бордын,<br />
сюлмаське нылпиослы<br />
удмурт кылзэс<br />
яратон мылкыд<br />
пыӵатон понна. Огазеяськонлэн<br />
проектъёсыз<br />
быдэс шаерлы<br />
тодмо луизы ни.<br />
- Надежда Андреевна,<br />
куд-огез сураса «Удмурт<br />
Кенеш» но «Удмурт<br />
нылкышно кенеш» - одӥг<br />
огазеяськон кожало. Кыкез<br />
ик огазеяськонъёс<br />
удмурт кылэз, культураез<br />
азинтон, удмуртлэсь<br />
асваланзэ ӝутон понна<br />
сюлмасько. Нош маин<br />
«Удмурт нылкышно кенешлэн»<br />
ужез висъяське?<br />
- Пусйыны кулэ, «Удмурт<br />
нылкышно кенеш» кылдытэмын<br />
вал 25 ар талэсь азьвыл<br />
«Удмурт Кенешлэн»<br />
вице-президентэз Нина Игнатьевна<br />
Малых кичӧлтэм<br />
улсын. Озьы 25 ар ӵоже ми<br />
валче ужаськом - огкадь<br />
сюлмаськиськом удмуртлыкез<br />
калыке вӧлмытон, удмурт<br />
адямилэсь асваланзэ<br />
ӝутон понна. Но «Удмурт<br />
нылкышно кенеш» нимысьтыз<br />
2 ӧръя ужа, шуыны<br />
луоз. Со трос сюлмаське удмурт<br />
нылкышнолэсь, анайлэсь<br />
данзэ будэтон понна.<br />
Кышномуртъёс уженызы<br />
гинэ уг уло, котькудӥз ас сяменыз<br />
аспӧртэмлыко, адӟем<br />
карымон. Но ӵемысь со аслэсьтыз<br />
быгатонлыкъёссэ<br />
уг тоды яке возьматыны<br />
Н. Степанова «Удмурт нылкышно<br />
кенешен» ог 10 ар кивалтэ.<br />
возьдаське. Нош огазеяськонлэн<br />
ужрадъёсыз ӵапак<br />
сыӵе быгатӥсь нылкышноосты<br />
усьтыны, мылкыдзэс<br />
бурдъяны юртто.<br />
Кыкетӥез ужпуммы -<br />
нылпиос пӧлын удмурт<br />
сям-йылолъёсмес, кылмес,<br />
лулчеберлыкмес вӧлмытон.<br />
Пинал пичиысен анай кылзэ<br />
гажаса но тодыса будыны<br />
кулэ. Со понна ик арлы быдэ<br />
ортчытъяськом «Пичи чеберайёс<br />
но батыръёс», «Выжы-выжы-выжыкыл»<br />
фестивальёсты.<br />
Арысь аре отчы<br />
городъёсысь но ёросъёсысь<br />
тросгес но тросгес пичиос<br />
пырисько.<br />
- Тӥ пӧртэм удысъёсысь<br />
специалистъёсын<br />
гуртъёсысь нылкышноос<br />
доры потаськоды.<br />
- Гуртысь нылкышно аслаз<br />
шуг-секытэныз ваче<br />
син, нокыӵе юрттэттэк кыле<br />
кадь потэ. Куд-ог дыръя лулсюлэмзэ<br />
усьтыны возьдаське,<br />
озьы пушказ трос вӧсез<br />
люкаське. Соин гуртъёсы<br />
потаны кутскимы психологен,<br />
врачен но мукет специалистъёсын.<br />
Пусъеме потэ:<br />
кылем арын Вавожын гурт<br />
нылкышноослэн сюлэмшугъяськонъёссыя<br />
нимысьтыз<br />
конференция ортчытӥм.<br />
- Огазеяськонлэн ёзъёсыз<br />
ужало ни тросаз<br />
ёросъёсын. Мар бордын<br />
соослэн кулэлыксы?<br />
- Али 17 ёросын «Удмурт<br />
нылкышно кенешлэн» ёзъёсыз<br />
усьтылэмын, ваньмаз<br />
сямен ик удмурт нылкышнолы,<br />
семьялы сӥзем<br />
клубъёс кылдытъямын. Семинаръёсамы<br />
тыршиськом<br />
ог-огмылэн адӟем карымон<br />
проектъёсынымы тодматскыны,<br />
тыршиськом соосты<br />
быдэс шаерамы вӧлмытыны.<br />
Кылсярысь, Ува ёросысь Петропавлово<br />
черкогуртысь ёзчимы<br />
Валентина Яковлева<br />
ӵектэмъя «Меми дор сяськаос»<br />
конкурс радъямы.<br />
- Берло дыре Интернет<br />
проектъёсын трос ужаськоды.<br />
- Удмурт кыл Интернетын<br />
но тросгес мед чузъяськоз<br />
кадь потэ. Собере, туала<br />
улон калыкен выль сямен<br />
ужаны куре. Интернетын<br />
ортчем «Удмурт пиналлы<br />
- удмурт выжыкыл»,<br />
«Лыдӟиськом Ашальчи Окиез»,<br />
«Песянай доры сюрес»,<br />
«Меми дор сяськаос» конкурсъёс<br />
пыр удмурт кылын верасько<br />
пичиос но бадӟымъёс,<br />
вотэс бамъёсы кылё удмурт<br />
кылын чузъяськись произведениос,<br />
тани милям «Удмурт<br />
нылкышно кенешлэн»<br />
«ВКонтакте» группаяз трос<br />
нуны веттан гуръёс люкамын.<br />
Быдэсто соосты пиналъёс.<br />
- Кыӵе малпанъёсты<br />
быдэстытэк кылемын на<br />
кадь?<br />
- Огазеяськонлэн ужаз<br />
тросгес егитъёсты кыскеме<br />
потэ. Соос бордын удмуртлыклэн<br />
но огазеяськонмылэн<br />
ӵуказе нуналыз. Собере,<br />
выль проектъёс кылдытъян<br />
бордын золгес ужано.<br />
МЫЛКЫДЪЁС<br />
Калык пӧлын шулдыр<br />
«Удмурт нылкышно<br />
кенешлэн» ужез азинске<br />
мыло-кыдо, адӟем<br />
карымон удмурт нылкышноослы<br />
луыса.<br />
Мар бордын соос ужало,<br />
кыӵе малпанъёсын,<br />
мылкыдъёсын уло?<br />
О. Аркашева. Р. Волкова. О. Смирнова.<br />
Ижысь воспитатель<br />
Ольга Аркашева «Удмурт<br />
нылкышно кенешлэн»<br />
ужаз 10 арлэсь кема пыриське<br />
ини:<br />
- «Удмурт нылкышно кенеше»<br />
ачим куриськи, шуыны<br />
луоз. Паймисько вал, малы<br />
«Удмурт Кенеш» воспитательёсын<br />
уг ужа шуыса, соос<br />
нылпиез анай кылзэ гажан<br />
борды нырысь ик басьтӥсько<br />
ук. Соин ик вазиськи огазеяськонлэн<br />
кивалтӥсезлы Надежда<br />
Степановалы, бурд<br />
улаз милемыз, воспитательёсты,<br />
мед басьтоз шуыса.<br />
Аслым ик та ужез нуыны<br />
ӵектӥз. Нырысь ик Ижкарысь<br />
нылпи садъёсысь удмурт кылэз<br />
дышетӥсь пиналъёсты<br />
люкалляны кутскимы. Озьы<br />
Кузебай Герд нимо гимназиын<br />
нырысьсэ ортчиз «Пичи<br />
чеберайёс но батыръёс» конкурс,<br />
отчы Ижысь 8 нылпи<br />
сад пыриськиз соку. Пумен<br />
та фестиваль паськытаз, али<br />
ваньмаз сямен ёросъёсын ортчылэ<br />
ни, устоосыз элькун сцена<br />
вылэ пото. Нылпиос мыло-кыдо<br />
пырисько «Выжывыжы-выжыкыл»<br />
фестивале<br />
но. Пиналъёс нылпи садысен,<br />
соос ӟучесь яке мукет выжыысь,<br />
удмурт кыллэсь чузъяськемзэ<br />
кылыса, сое гажаса<br />
будо. Собере, огазеяськон<br />
воспитательёслы но ужазы<br />
бадӟым юрттэт сётэ. Ми ваньмы<br />
ӵош люкаськылӥськом,<br />
ог-огмылэсь ужаны дышетскиськом.<br />
Сюмси ёросысь «Удмурт<br />
нылкышно кенеш»<br />
огазеяськонэн 16-тӥ арзэ<br />
кивалтэ ини ёрос газетысь<br />
журналист Раиса<br />
Волкова:<br />
- Ми ёросысь «Удмурт Кенеш»<br />
огазеяськонэн одӥг кыткетын<br />
ужаськом, но вань<br />
асьмелэн проектъёсмы но.<br />
Итӥськиськом «Пичи чеберайёс<br />
но батыръёс» конкурсэз<br />
ортчытонэ. Нылкышно<br />
уженыз гинэ улыны уг быгаты<br />
ук, мылкыдыз куре калыке<br />
потыны. «Табань» клубмы<br />
ужа, отчы ёросысь мыло-кыдо<br />
кышноос пырисько. Пумиськеммылы<br />
быдэ киужъёсын<br />
адӟытон радъяськом - котькуд<br />
нылкышно аслэсьтыз лэсьтэм<br />
ужзэ возьматэ. Мастер-классъёс<br />
ортчытъяськом. Бадӟым<br />
уж нуиськом ёросысь анайёслэсь<br />
данзэс будэтон понна.<br />
Кылем арын кусып тупатӥм<br />
артысь ёросъёсысь адӟем карымон<br />
нылкышноосын, соос<br />
ми дорын куноязы, ми соос<br />
доры ужрадазы вуылӥм. Табере<br />
эграосын пумиськыны<br />
кенешемын.<br />
«Удмурт нылкышно кенеш»<br />
огазеяськон отчы пыриськись<br />
нылкышноослэсь<br />
улонзэс яркытгес каре.<br />
«Удмурт нылкышно<br />
кенешен» ог 15 ар мыло-кыдо<br />
ужа психолог<br />
Ольга Смирнова:<br />
- Удмурт нылкышноос<br />
дышемын ӧвӧл сюлмаськонзэс<br />
мурт адямилы, уката<br />
ик психологлы, усьтыны,<br />
ӝоггес эшсы доры мынозы,<br />
чай юон сяменызы<br />
кенешозы. Но валась специалист<br />
кие сюрыса, сюлэмшугез<br />
тупатыны каньылгес<br />
но шаплыгес<br />
пӧрме.<br />
Та ласянь шуггес югдуре<br />
шедемын гуртысь<br />
нылкышноос. Гуртъёсын<br />
ӵемысь быдэс ёрослы 1<br />
гинэ психологзы. Со доры<br />
мыноз шат гуртысь адями?<br />
Соин калыкен котырес<br />
ӝӧк сьӧры люкаськеммылэн<br />
пайдаез вань. Зэм,<br />
таӵе пумиськонъёс дыръя<br />
шонерен уг лыдъяськы<br />
индылыса, тазьы уг яра,<br />
озьы уг яра шуыса валэктыны.<br />
Угось котькуд учырез<br />
нимаз эскероно, сэрттоно.<br />
Пумиськонъёсмы дыръя<br />
адямиез аслыз ачиз юрттыны,<br />
шонер юанъёс пуктыны<br />
дышетӥськом.
№ 85 (<strong>25700</strong>)<br />
6 2018-тӥ ар 13-тӥ шуркынмон Ãåðä<br />
ФИН-УГОРЪЁС<br />
Кусыпъёсмес утёз Интернет<br />
Ма огазея калыкъёсмес?<br />
Мария ЕМЕЛЬЯНОВА<br />
Фин-угор движение<br />
азинске. Кылсярысь,<br />
25-тӥ-27-тӥ коньывуонэ<br />
эстон музъем вылын<br />
фин-угоръёс вераськизы<br />
автономиоссылэн<br />
но кунъёссылэн<br />
кылдэмзы сярысь,<br />
эскеризы, мар бордын<br />
азьланяз ужано. Конференцие<br />
Удмуртиысь<br />
делегатъёс но пыриськизы.<br />
Эстонилы - 100 ар<br />
Октябрь революция бере<br />
тросэзлэн фин-угор калыкъёслэн<br />
кунлык басьтыны луонлыксы<br />
кылдӥз. Котькуд<br />
калык аслэсьтыз сюрессэ бырйиз.<br />
Озьы 100 ар талэсь азьло<br />
тросэз историзылэсь выль<br />
бамзэ усьтӥзы: одӥгъёсыз<br />
асьсэ кунзэс кылдытӥзы,<br />
мукетъёсыз - Россия пушкын<br />
автономизэс. Лыдъяло,<br />
ӵапак со фин-угор движенилэн<br />
нырысетӥ вамышез луиз<br />
шуыса.<br />
Туэ Эстонилэн кунлык<br />
басьтэмезлы 100 ар тырме.<br />
Солы сӥзем конференция<br />
Тарту карын ортчиз. Отын<br />
саклык висъязы мукет калыкъёслэн<br />
историзылы но.<br />
Быдэс дуннеысь фин-угор<br />
калыкъёсты Тартуысь Эстон<br />
йӧскалык музей пумитаз. Солэн<br />
выль юртэз 2005-тӥ арын<br />
пуктэмын вал, соин ик музей<br />
туала улонэн ӵош вамышъя.<br />
Адӟытонъёсазы выль информационной<br />
технологиос кутэмын:<br />
мониторъёс, интерактивной<br />
панельёс. Нырысь ик<br />
делегатъёсты фин-угор калыкъёслы<br />
сӥзем «Эхо Урала»<br />
экспозициен тодматӥзы.<br />
Паймытӥз солэн быдӟалаез<br />
но рос-прос луэмез. Залъёс<br />
возьмато пӧртэм фин-угор<br />
калыкъёслэсь улон-вылонзэс,<br />
лулчеберетсэс.<br />
Борддор вылэ нимысьтыз<br />
писпу но лэсьтӥллям. Куаръёсыз<br />
вылысь адӟыны луэ, кызьы<br />
пӧртэм калыкъёс одӥг<br />
кылэз верало. Со умой возьматэ,<br />
асьмеос одӥг выжыысь<br />
потэмын шуыса.<br />
Конференциез усьтӥзы<br />
«Финно-Угрия» огазеяськонлэн<br />
правлениезлэн<br />
кивалтӥсез Мадис Арукаск,<br />
Эстониысь лулчеберетъя министерствоысь<br />
Энни-Ли Рейма,<br />
Эстон йӧскалык музейлэн<br />
кивалтӥсез Алар Карис но<br />
мукетъёсыз. Соос пусйизы,<br />
фин-угор калыкъёс юн кусып<br />
возьыны быгатэменызы туж<br />
висъясько шуыса. Со кусыпъёсты<br />
азинтоно но лулчеберетъёсмес,<br />
кылъёсмес утёно.<br />
Марий Эл, Мордовия, Удмуртия<br />
но Коми элькунъёслэн<br />
кылдэмзы сярысь докладъёс<br />
но чузъяськизы.<br />
Кылсярысь, философия наукаосъя<br />
доктор, Россиысь<br />
Татьяна Ишматовалэн «ВКонтакте» бамысьтыз<br />
Наукаосъя академилэн Философияя<br />
но правоя институтэзлэн<br />
удмурт ёзэтэзлэн<br />
кивалтӥсез Алексей Пономарёв<br />
«Сю ар, сю ымныр, сю<br />
учыр» доклад лыдӟиз, Удмурт<br />
автономилэн кылдэмезлэн<br />
валтӥсь учыръёсыныз<br />
тодматӥз. Максим Прокопьевлэн,<br />
Трокай Борисовлэн,<br />
Кузебай Гердлэн, Иосиф Наговицынлэн<br />
историын интызылы<br />
бадӟым саклык висъяз.<br />
Соку ик залысь юан<br />
чузъяськиз: «Нош кызьы<br />
югдытӥсьёстылэсь нимъёссэс<br />
али утиськоды?». Удмуртъёс<br />
валэктӥзы: соослы<br />
сӥзем ужрадъёс, национальной<br />
но ёрос премиос, шоркарын,<br />
ёрос центръёсын, гуртъёсын<br />
пуктэм синпелетъёс<br />
возьмато, ми выжыосмес ум<br />
вунэтӥське но тыршемзэс тодамы<br />
возиськомы шуыса.<br />
Валамон, фин-угор элькунъёсмылэн<br />
историоссы<br />
тупало. Озьы ке но<br />
пӧртэмлыкез вань. Кылсярысь,<br />
мордваос Россиын тужгес<br />
зол пазьгиськемын, соин<br />
мордва элькун кылдытыны<br />
секыт вылэм. Поръёс кема<br />
нюръяськиллям, элькунзылэн<br />
нимаз «мари» кыл мед<br />
чузъяськоз шуыса.<br />
Собере Эстониысь, Финляндиысь<br />
но Венгриысь тодосчиослы<br />
кыл сётӥзы. Соос<br />
озьы ик 1917-тӥ-1920-тӥ аръёсы<br />
кунъёссылэн улэмзы сярысь<br />
веразы.<br />
Таиз ӧтчам наука шӧмо<br />
пӧрмиз, история удысысь<br />
материалъёсын тодматӥз.<br />
Люкаськем калык син азяз<br />
пуктӥз, мар понна нюръяськизы<br />
асьме югдытӥсьёсмы.<br />
Мар бордын ужано?<br />
Дуннеысь фин-угор калыкъёслэн<br />
конгрессъёссы 4<br />
арлы 1 пол ортчыло. 7-тӥез<br />
конгресс 2016-тӥ арын Финляндиысь<br />
Лахти карын радъяськиз.<br />
Но бадӟым конгрессъёс<br />
вискын фин-угор кунъёсысь<br />
делегатъёс конференциосы<br />
люкаськыло на. Та вакытэ<br />
ик фин-угор калыкъёслэн<br />
Консультативной комитетсы<br />
ужа. Солэн ёзчиосыз эскеро,<br />
конгрессын кыӵе пуктэм ужпумъёс<br />
бордын уж мынэ, мар<br />
пӧрмиз, нош мар - ӧз, марлы<br />
эшшо саклык висъяно.<br />
Консультативной комитет<br />
Сетомаа волостьысь Вярска<br />
черкогуртын кенешонзэ<br />
радъяз. Инты токма быръемын<br />
ӧй вал. Эстониын эшшо<br />
одӥг фин-угор калык - сето<br />
- улэ. 2017-тӥ арын соослэн<br />
асьсэ волостьсы кылдӥз.<br />
- ООН-лэн пуктэмезъя<br />
2019-тӥ ар дуннеысь выжы<br />
Удмуртъёслэн делегацизы<br />
Эстониын - фин-угор кунъёслэн<br />
Консультативной комитетсылэн<br />
ӧтчамаз.<br />
калыкъёслэн кылъёссылы<br />
сӥземын луоз, - ивортӥз<br />
ООН-ысь ӧнерчи Дмитрий<br />
Харакка, - соин ик дэмласько<br />
туннэ чузъяськем проектъёсты,<br />
малпанъёсты ӵапак та<br />
аре быдэстыны, ог-огеныды<br />
кусыпъёстэс юнматыны.<br />
2 нунал куспын вераськон<br />
4 ӧръя ортчиз: анай кылэз<br />
дышетон, миграция, лулчеберет<br />
но туризм, вотэсын<br />
иворъёсты вӧлмытон. Котькудаз<br />
удмуртъёс пыриськизы.<br />
Валамы, удмуртъёс, азьло<br />
сямен ик, азьпал радъёсын<br />
луо шуыса. Проектъёс,<br />
кудъёсызлэн кулэлыксы сярысь<br />
мукет элькунъёс верасько<br />
гинэ ай, асьмелэн улонэ<br />
пыӵатӥсько ни. Озьы, кылсярысь,<br />
анай кылэз дышетон<br />
ӧрын адӟиськиз выль тенденция:<br />
анай-атайёслы тросгес<br />
саклык висъяське, мед соос<br />
валалозы, нылпиоссы вордскем<br />
кылзэс дышетыны кулэ<br />
шуыса. Та ласянь асьмелэн<br />
«Билингва», «Нуныкай» проектъёс<br />
ужало, нылпиослы вожвылъяськонъёс<br />
ортчытъяло,<br />
удмурт мультфильмъёс<br />
но шудонъёс кылдо.<br />
Миграция пумысен но нимысьтыз<br />
вераськон ӝутскиз.<br />
Егитъёс, пе, элькунысьтызы,<br />
кунысьтызы кошко, калыксы<br />
понна ужамысь дугдо.<br />
- Тросаз элькунъёсын одӥг<br />
кадесь шуг-секытъёс, - вера<br />
Можга ёросысь «Удмурт Кенешлэн»<br />
кивалтӥсез Эдуард<br />
Петров. - Со асьме калыкъёсмылэн<br />
гинэ югдурзы ӧвӧл,<br />
соин та юанэз паськытгес<br />
сэрттоно-пертчоно.<br />
Калык лулчеберетэз утён<br />
пумысен трос малпанъёс<br />
шараяськизы. Угось дышем<br />
сямъя ортчылӥсь фестивальёс<br />
сокем пайда уг ваё ни.<br />
Кулэ выль амалъёс малпаны,<br />
быдэс дуннее соосты поттыны.<br />
- Умой, калык лулчеберетэз<br />
но кылэз утись ужрадъёс<br />
радъясько шуыса,<br />
- пусйиз фин-угор калыкъёслэн<br />
Консультативной комитетсылэн<br />
кивалтӥсез Татьяна<br />
Клеерова. - Бадӟым<br />
юрттэт сёто калык огазеяськонъёс,<br />
но кулэ тросгес<br />
ужбергатӥсьёсты, кивалтӥсьёсты<br />
но кыскыны.<br />
Та но мукет юанъёсты<br />
сэрттон-пертчон амалъёс резолюцие<br />
пыризы. Табере соос<br />
бордын уж нуиськыны кулэ.<br />
Вотэс - анай кылын<br />
Эшшо одӥгез секция<br />
Интернетын анай кылын<br />
иворъёсты, проектъёсты<br />
вӧлмытонлы сӥземын вал.<br />
Отын шуизы: кусыпъёсмес<br />
азинтыны вотэс юрттыны<br />
быгатысал.<br />
- Мынам потэ «Ютубын»<br />
фин-угор телевидение кылдытэме,<br />
- вераз Комиысь<br />
егит азьветлӥсь Алексей<br />
Иванов. - Но татын туж трос<br />
ужез, али та удысын тодонвалан<br />
люкасько на, азьланяз,<br />
быдэс команда бичаса,<br />
та бордын тыршысал.<br />
Нош али капчигес вотэс<br />
бамъёсын анай кылын<br />
огинъёслэсь лыдзэс будэтыны,<br />
калыкъёсмы сярысь<br />
отын шара вераны. Но<br />
ӵемысь огинъёс ӝог кылдо<br />
но озьы ик ӝог быро. Та ласянь<br />
адӟем карымон луэ «Удмурт<br />
кылбурчи» огинмы,<br />
туэ солы 5 ар тырмиз ни, но<br />
гожъяськисьёслэн лыдзы уг<br />
кулэсмы.<br />
- Валамон, вотэс бамъёсты<br />
анай кылъёсынымы нуыны<br />
кулэ, но со туж ик капчи<br />
ӧвӧл, солы нимысьтыз дышетскыны<br />
кулэ, - малпанзэ<br />
вераз Марий Элысь театрын<br />
ужась Эрик Юзыкайн.<br />
Та пумысен но асьмелэн<br />
Удмуртиын уж умой радъяське.<br />
Кылсярысь, Эшъяськон<br />
юрт 3-тӥ арзэ ини «Вместе»<br />
калыккуспо дышетон<br />
центраз иворъёсты вотэс<br />
бамъёсын вӧлмытонъя мастер-классъёс<br />
ортчытъя. Со<br />
сяна но нимысьтыз семинаръёс<br />
радъяськыло, отын<br />
валэкто, кыӵе дыре иворъёсты<br />
вӧлмытоно, кызьы соосты<br />
валамон но тунсыко<br />
гожъяно, кыӵе амалъёсын<br />
калыкез бордазы кысконо.<br />
Та вераськон бере секциын<br />
ужасьёс дэмлазы таӵе<br />
дышетон семинаръёсты<br />
вань фин-угор элькунъёсын<br />
ортчытъяны яке дистанционной<br />
курсъёс радъяны.<br />
Ӧз вуны «Википедия» но.<br />
Сое узырмытоно анай кылын<br />
материалъёсын. Соку нимысьтыз<br />
фин-угор информационной<br />
пространство кылдоз.<br />
Нош мар кароно, гуртъёсын<br />
Интернет урод кутэ,<br />
анай кылын передачаосты<br />
учкыны уг луы ке? Тросэз<br />
гуртоос спутник тэркыос<br />
пуктыло, нош со пыр,<br />
тодӥськомы, улосысь каналъёсты<br />
учкыны уг луы.<br />
Тросаз элькунъёсын сыӵе<br />
югдур сярысь ӵем вераськыло.<br />
Нош Комиысь «Юрган» телеканалэз,<br />
пе, табере спутник<br />
пыр учкыны луэ ни. Со понна<br />
спутниковой антеннаосты<br />
вӧлмытӥсь компаниосын нимысьтыз<br />
договор гожтӥллям,<br />
20 миллион манет тыриллям.<br />
Но вань-а меда сыӵе луонлыкъёссы<br />
мукет элькунъёсысь<br />
телекомпаниослэн?<br />
Ӵапак таӵе вераськонъёс<br />
мукет калыкъёслэсь адӟем<br />
карымон проектъёссэс шараяло,<br />
соосты асьме дорын<br />
но быдэсъяны, калыккуспо<br />
ужрадъёсты пумитаны мылкыд<br />
кылдэ.
Ãåðä<br />
№ 85 (<strong>25700</strong>)<br />
7<br />
2018-тӥ ар 13-тӥ шуркынмон<br />
«ЭтноВолна» форумлэн «ВКонтакте» бамысьтыз<br />
ГЛАЗОВ<br />
Дышетскизы, асьсэды возьматӥзы<br />
Валентина ЕМЕЛЬЯНОВА<br />
31-тӥ октябрьысен 2-тӥ<br />
ноябрёзь Глазовысь педагогикая<br />
институтын<br />
Россиысь егитъёслэн<br />
«Этнотулкым» 2-тӥ форумзы<br />
ортчиз. Пӧртэм<br />
вузъёсысь 150 пала студентъёс<br />
проектъёсынызы<br />
тодматӥзы, выль<br />
ужан амалъёслы дышетскизы.<br />
Пединститутлэн ректорез<br />
Янина Чиговская-Назарова<br />
верамъя, нырысетӥ<br />
араз та ужрадэ пыриськизы<br />
вал ке педагогикая вузъёсын<br />
дышетскисьёс гинэ, туэ<br />
ГРАК<br />
Россия но элькун<br />
7-тӥ ноябре ёрос библиотекаын<br />
«Мынам<br />
Россие, мынам шаере»<br />
визь сынан ортчиз.<br />
Ужрад сӥземын вал Калык<br />
огазеяськон нуналлы но<br />
Удмуртилэн кунлык басьтон<br />
нуналэзлы. Вожвылъяськонэ<br />
пыриськизы удмуртъёслэн<br />
«Азьлань», ӟучъёслэн<br />
Ёросысь кибашлыослэн<br />
юртазы ужасьёс<br />
калык йылол-сямъёсты,<br />
шудонъёсты но<br />
эктонъёсты улӟытон<br />
вылысь «Дорвыжы»<br />
проект гожтӥзы но, удмурт<br />
культуралэн нуналъёсызлы<br />
сӥзьыса,<br />
ёросысь школаосын пумиськонъёс<br />
ортчытъяло.<br />
Та нуналъёсы соос Тыжмыйыл<br />
школае вуылӥзы.<br />
Нылпиос сяна, пумиськонэ<br />
люкаськизы дышетӥсьёс,<br />
культура удысын ужасьёс но<br />
гуртоос. Возьматэмын вал<br />
«Киужъёс. Азьвыл но туала»<br />
видеосуред. Отысь адӟыны<br />
солэн тулкымъёсыз паськытазы<br />
но, пӧртэм удысъя<br />
вузъёсысь егитъёс Глазове<br />
вуизы. Пленарной заседаниосын<br />
нимысьтыз лекциос<br />
лыдӟизы Ижысь но Казаньысь<br />
ӧтем куноос. Котырес<br />
ӝӧк сьӧрын егитъёс кенешизы<br />
этномаршрутъёс кылдытонъя<br />
проектъёс, соосты шонер<br />
но валаса гожтон, улонэ<br />
пыӵатон сярысь, куд-огез<br />
сьӧраз ваем ужъёссэ шара<br />
лыдӟиз. Анай кылэз дышетонъя<br />
мастер-классъёс ортчизы.<br />
Ужрадлэн тужгес но шулдыр<br />
люкетэз вал «Чеберай<br />
КИЗНЕР<br />
«Дорвыжы» вуылӥз Тыжмыйылэ<br />
Глазовысь педагогикая институтэ<br />
Россиысь егитъёс форумазы<br />
люкаськылӥзы. Пӧлазы<br />
ортчиз «Чеберай дышетӥсь» вожвылъяськон.<br />
дышетӥсь» ним басьтон понна<br />
вожвылъяськон. Отчы 11<br />
нылъёс пыриськизы. Таяз<br />
учыре люкаськем калыклэсь<br />
сюлэмзэ вырӟытӥз но «Чеберай<br />
дышетӥсь» ним басьтӥз<br />
Башкириысь кун университетысь<br />
1-тӥ курсын дышетскись<br />
Алия Низамова. Аккордеонэн<br />
но фортепианоен шудэ, чебер<br />
кырӟа, ачиз ик сценарийёс<br />
гожъя, радиоын но ужа, волонтёр<br />
но луэ.<br />
«Русичи», поръёслэн «Пиал»,<br />
крашинъёслэн «Единство»<br />
но чувашъёслэн «КПСС» командаоссы.<br />
5 раундэн шудон<br />
туж тунсыко ортчиз. Вожвылъяськонэ<br />
пыриськисьёс<br />
Удмурт шаерлэн историеныз,<br />
пусъёсыныз, калык<br />
йылол-сямъёсын герӟаськем<br />
юанъёслы валэктонъёс утчазы.<br />
Тужгес секыт вал,<br />
дыр, берпуметӥ раунд: котькуд<br />
командалы 5 кылын верано<br />
вал ас выжы калыкез<br />
сярысь яке вакчи кылбур<br />
малпано. Огъя нюръяськонын,<br />
котькинлэсь трос очко<br />
люкаса, вормисе потӥз удмуртъёслэн<br />
«Азьлань» командазы.<br />
луиз та гуртысь люкам вашкала<br />
арбериосты. Котькудзэ<br />
ӟуч но удмурт сямен веразы.<br />
Нош пумиськонлэн 2-тӥ люкетаз<br />
мастер-классъёс вал.<br />
Мылкыд карисьёс куролэсь<br />
но басма юдэсъёслэсь чебер<br />
арбериос кылдытӥзы, куиськыны<br />
но пуэз вӧлыны дышетскизы.<br />
Кызьы ивортӥз ёросысь киужъёсъя<br />
центрен кивалтӥсь<br />
Валентина Рассомахина, ужрад<br />
тунсыко вал, жаляса верано,<br />
туала нылпиос юртъер<br />
котырын кутӥськись арбериосты<br />
троссэ вунэто ни, нош<br />
видеосуред вылысь возьматэмез<br />
адӟыса, синъёссы ик<br />
ӝуаны кутскизы кадь. Вылаз<br />
ик, со арбериос ӵыжывыжыоссылэсь<br />
ке бичамын.<br />
Кыкетӥез ужрад ортчиз<br />
«Зори Кизнера» культурая<br />
юртын. Удмурт культуралы<br />
сӥзем нуналъёс дыръя пырпоч<br />
мадемын вал удмурт дӥсь<br />
сярысь. Куд-огез ужан интыяз<br />
но удмурт пӧрмытскыса<br />
вуылӥз. «Камалидэ ош али»<br />
адӟытон ужаз, отысь валаны<br />
луиз, кыӵе дӥськут дӥся<br />
вал вазен выль кен, кузпалыз<br />
доры вуыса. Удмурт нылъёслэн<br />
чеберъяськон-кильтыръяськонъёссы<br />
сярысь тупен-тупен<br />
мадизы но кырӟаса-вераса<br />
возьматӥзы Кизнерысь усточиос<br />
Нина Крючкова но Надежда<br />
Столбова.<br />
Э. БАТУЕВ НИМО ПРЕМИЯ<br />
Кин луоз<br />
устоез журналист?<br />
Елена ВАСИЛЬЕВА<br />
«Удмурт Кенеш» огазеяськон ялэ журналистика<br />
удысъя Э. Батуев нимо премилы конкурс. Соин<br />
пусйисько удмурт калыклэсь историзэ, культуразэ,<br />
мукет туж кулэ луись но сюлмаськытӥсь<br />
ужпумъёссэ возьматӥсь журналистъёс.<br />
Вожвылъяськонэ пыриськон понна гожтоно дэмлан<br />
(ходатайство). Сыӵе вазиськонэн потыны быгатозы газетъёслэн<br />
но журналъёслэн редакциоссы, лыдӟисьёслэн<br />
нимынызы - издательёс яке мукет огазеяськонъёс, телерадиокомпаниос,<br />
«Удмурт Кенеш» ассоциацилэн ёзъёсыз.<br />
Дэмлан вӧзы одно ик келяно ужъёсты. Соос газетжурналъёсын<br />
печатламын яке теле- радиоэфире потэмын<br />
мед луозы 2018-тӥ ар ӵоже. Келям ужъёслэн, передачаослэн<br />
лыдзы 5-лэсь трос медаз луы.<br />
Ходатайство вӧзы ватсано на дэмлано адямилэн журналистикаын<br />
ужамез сярысь вакчияк ивортон. Отын<br />
пусъёно: ку адями газет-журналъёсын печатласькыны<br />
яке электрон СМИ-осын ужаны кутскиз. Журналистика<br />
- солэн валтӥсь ужез яке мылкыдызъя гинэ гожъяське.<br />
Пусъёно: кытын, кыӵе газет-журналъёсын, телерадиокомпаниосын<br />
ужаз. Анкетаын ивортоно нимтулэз<br />
(быдэсак), псевдонимез (вань ке), вордӥськем арез<br />
но интыез, телефон номерез, электрон почтаез но ужан<br />
интыез.<br />
Журналистика удысъя Э. Батуев нимо премия сётӥське<br />
2 номинацияя: нырысетӥяз эскериськозы телерадиокомпаниосын,<br />
электрон изданиосын ужась журналистъёслэн<br />
ужъёссы, кыкетӥяз - печать удысын ужасьёслэн.<br />
Дэмланъёсты но ужъёсты ыстоно «Удмурт Кенеш» ассоциацие<br />
3-тӥ декабрёзь таӵе адресъя: 426074, Ижевск,<br />
Октябрьлы 50 ар площадь, 15 номеро юрт, 213, 215<br />
номеро кабинетъёс.<br />
Эрик Батуев нимо калык премиез басьтэмъёслы<br />
сётӥське «Эрик Батуев нимо калык премилэн лауреатэз»<br />
ним, диплом но коньдон премия. Юанъёсъя жингыртыны<br />
луоз «Удмурт Кенеш» огазеяськонэ таӵе номеръя:<br />
8(3412) 68-53-29.<br />
КНИГА ӜАЖЫ<br />
Сайканмы сярысь<br />
Ольга ЗОРИНА<br />
«Удмуртия» издательствоын<br />
потӥз история<br />
наукаосъя докторлэн<br />
К. Пономарёвлэн<br />
«О судьбе удмуртского<br />
народа» книгаез.<br />
12+<br />
Книга сӥземын туала<br />
историысь национальной<br />
ужпумъёслы. Кызьы тодмо,<br />
Карл Александрович 1989-<br />
тӥ арын Удмурт клубен<br />
кивалтӥз, нуиз нырысетӥ<br />
собраниосты, котыраз азьветлӥсь<br />
удмуртъёсты люказ,<br />
пумиськылӥз бадӟым<br />
кивалтӥсьёсын, валэктыны<br />
выриз, малы кулэ удмуртлыкез сайкатыны но ӝутыны,<br />
но дурбасьтон нокытысь ӧз шедьтылы.<br />
Бӧрысь Удмуртиын кылдэм национальной движение<br />
инвисъёссэ паськытатӥз но Россие но кунгож сьӧры<br />
вӧлмиз, кылдӥз «Удмурт Кенеш» огазеяськон, АФУН<br />
(Фин-угор калыкъёслэн ассоциацизы). Ваньмыз со капчиен<br />
ӧз сётӥськы: кивалтӥсьёс ӧз валаллялэ, огшоры калык<br />
дась ӧй вал шуак сазьтӥськонлы. Бӧрысь, ужез пыд вылаз<br />
пуктэм бере ини, аслыз К. Пономарёвлы кивалтонлэсь палэнсконо<br />
луиз.<br />
Со сярысь тодэ ваёнъёссэ но со вакытысь удмурт движениен<br />
герӟаськем документъёсты-материалъёсты лыдӟыса,<br />
син азе зэмзэ но зэмос югдур пуксе.<br />
- Одӥг бадӟым вамыш но (нош татын - быдэс движение!<br />
) шуг-секытъёстэк уг луы, одно ик шедё люкетӥсьёс,<br />
но тонэн артэ оскымон адямиос вань ке, азьлань мыныны<br />
кышкыт ӧвӧл, - шуэ автор. - Мон быдэс улонме сётӥ аслам<br />
шаерелы но удмурт калыкелы. Аслам семьяелы, дорелы,<br />
удмурт калыкелы сӥзьыса, 7 книга гожтӥ ни, но мынам<br />
трос на верамтэ веранъёсы, соин али басьтӥськисько выль<br />
книга гожтон борды.
8<br />
№<br />
85 (<strong>25700</strong>)<br />
2018-тӥ ар 13-тӥ шуркынмон<br />
Ãåðä<br />
ӞЕЧКЫЛАСЬКОМ!<br />
Шудо-буро, мыло-кыдо улон!<br />
11-тӥ шуркынмонэ - Владимир Степанович<br />
Лебедевлы - 75 арес.<br />
Владимир Степанович - Москваысь<br />
«Герд» огазеяськонлэн азьвыл кивалтӥсез.<br />
В. Лебедев вордскиз Вавож ёросысь<br />
Бадӟым Кион гуртын. Атаезлэн ужезъя<br />
улон интызэс кӧня ке пол воштоно луэменызы,<br />
пӧртэм школаосын дышетскиз, 10-<br />
тӥ классэз йылпумъяз Ижысь 22-тӥ школаын.<br />
Бӧрысь тодон-валан басьтӥз Пермьысь<br />
В. Чуйков нимо ракетной войскоосъя вылӥ<br />
командно-инженерной училищеын. 29 ар<br />
ӵоже служить кариз. 1980-тӥ аръёсы сое<br />
Москвае, Обороная министерстволэн центральной<br />
аппаратаз, ӧтизы. Отын ужаса<br />
В. Лебедев. отставкае потэм муртлы «Удмурт Кенешлэн»<br />
нырысетӥ тӧроез М. Шишкин дэмлаз<br />
В. Красильников.<br />
Москваысь удмуртъёсты огазеяны. Озьы кылдӥз «Герд» огазеяськон. Владимир<br />
Степанович малпамъя, огазеяськон удмурт калык понна тужгес<br />
пайдаё ужаны быгатӥз 1990-тӥ аръёслэн пумазы, 2000-тӥ аръёслэн кутсконазы.<br />
12-тӥ шуркынмонэ - Владимир Анатольевич<br />
Красильниковлы - 60 арес.<br />
Владимир Анатольевич - Вавож ёросысь<br />
«Колос» СПК-лэн председателез, Кун Кенешысь<br />
депутат, Кузебай Герд нимо йӧскалык<br />
премилэн лауреатэз.<br />
В. Красильников вордскиз Вавож ёросысь<br />
Водӟи гуртын. Татын ик йылпумъяз<br />
10 классэз. Армия бере Ижысь гурт удысъя<br />
институтысь агрономической факультетын<br />
дышетскиз. 1979-тӥ арын вордскем<br />
палъёсаз «Колос» колхозын председатель<br />
луыса ужаны кутскиз. Владимир Анатольевич<br />
верамъя, туэ со бусыын ю тысьлэсь<br />
кисьмамзэ адӟиз ни 40-тӥзэ. Калык понна<br />
сюлмаськемзэ валаса, сое «Удмурт Кенешлэн»<br />
Вавож ёросысь ёзаз ӧтизы. Депутатлы<br />
олокыӵе но вазиськонъёс луо, ӵемысь спорт, культура пумысен. «Калык вазиське<br />
ке, одно юрттыны тыршисько, ачим но пӧртэм вожвылъяськонъёсы<br />
пыриськылӥсько. Малпасько, удмурт калыклы ӟеч карыны тыршеме понна<br />
ик монэ 2004-тӥ арын пусйизы Кузебай Герд нимо йӧскалык премиен»,<br />
- шуэ В. Красильников.<br />
12-тӥ шуркынмонэ - Александр Иванович<br />
Максимовлы - 65 арес.<br />
Александр Иванович - Балезино ёросысь<br />
«Удмурт Кенеш» огазеяськонлэн азьвыл<br />
ёзчиез.<br />
А. Максимов вордскиз Балезино ёросысь<br />
Карсовай черкогуртын. Дышетсконзэ<br />
мытӥз Пыбья школаын, нош 10-тӥ классэз<br />
йылпумъяз Балезиноысь 1-тӥ школаын.<br />
Бӧрысь пыриз Ижысь гурт удысъя институтэ,<br />
инженер-механик луиз. Армия<br />
бере Александр Иванович Пыбьяын механик<br />
луыса ужаз, собере «Балезинский»<br />
совхозлэн валтӥсь инженерез вал. 2008-<br />
тӥ арын Пыбья муниципал кылдытэтлэн<br />
А. Максимов.<br />
йырыз луиз. Озьы Александр Ивановичлы<br />
«Удмурт Кенешлэн» Балезино ёросысь<br />
ёзаз пырыны дэмлазы. Удмурт кылэз, лулчеберетэз азинтон вылысь<br />
сюлмысьтыз тыршиз. Будӥсь нылпиос анай кылзэс мед тодозы шуыса,<br />
школаосын пӧртэм ужрадъёс, анай-атайёсын кенешонъёс ортчытъяз.<br />
А. Максимов юн эшъяське спортэн, удмуртъёсты спортъя ӵошатсконъёсы<br />
сьӧраз валтылӥз.<br />
17-тӥ шуркынмонэ - Галина Александровна<br />
Юсуповалы - 55 арес.<br />
Галина Александровна - «Удмурт нылкышно<br />
кенеш» огазеяськонлэн азьвыл ёзчиез.<br />
Г. Юсупова вордскиз Грак ёросысь Поршур<br />
гуртын. Эгра ёросысь Чутыр гуртын<br />
10 классэз йылпумъяса, Удмурт кун университетысь<br />
биолого-химической факультетэ<br />
пыриз, географ луиз. 1994-тӥ арын Егитъёсын<br />
ужанъя кун комитетын ужаны кутскиз,<br />
татын ик тодматскиз «Шунды» огазеяськонлэн<br />
ёзчиосыныз, бӧрысь - «Удмурт<br />
Кенешлэн». «Удмурт нылкышно кенешлэн»<br />
ёзчиез луыса, пӧртэм ужрадъёс, конференциос<br />
ортчытъяз, «Пичи батыръёс» проектэз<br />
Г. Юсупова.<br />
радъяз, ёросъёсын ужаз. Огез тужгес яркыт<br />
конференция, кылсярысь, сӥземын вал карттэк нылпи будэтӥсь нылкышноослы.<br />
Адями лачак люкаськиз, радъясьёс асьсэос но малпаллямтэ, та<br />
тема нылкышноосты сыӵе бугыртоз шуыса. «Котькуд удалтэм ужрад али<br />
ке но сюлэмез шунтэ», - шуэ Галина Юсупова.<br />
12-тӥ шуркынмонэ - Надежда Фёдоровна<br />
Усковалы - 60 арес.<br />
Надежда Фёдоровна - «Удмурт Кенеш»<br />
огазеяськонлэн ревизионной комиссиезлэн<br />
азьвыл ёзчиез.<br />
Н. Ускова вордскиз Дэри ёросысь Шадан<br />
гуртын. Юськи школаын 8-тӥ классэз<br />
йылпумъяса, Ижкарысь вуз каронъя<br />
училищеын дышетскиз, бӧрысь Казаньысь<br />
советской вуз каронъя техникумез,<br />
Ижысь гурт удысъя академиысь<br />
коньдон ужпумъёсъя факультетэз йылпумъяз.<br />
Ижкарын товаровед луыса ужаны<br />
кутскиз. «Удмурт Кенеш» огазеяськонлэн<br />
нырысетӥ президентэз М. Шишкин<br />
Надежда Фёдоровнаез удмурт дви-<br />
Н. Ускова.<br />
жение кыскиз. Надежда Фёдоровна трос<br />
кужымзэ сётӥз огазеяськонлэсь уставзэ гожтонлы, уно гинэ резолюциос<br />
дасяз. Со ужан вакытэ ик кылдӥз Ашальчи Оки нимо премия но<br />
трос мукетыз. «Удмуртъёс пӧлын 2 аръёс гинэ ужаса но, валай, макем<br />
ми тунсыкоесь, тыршисесь, ужасесь. Данъяськисько калыкеным»,<br />
- шуэ Н. Ускова.<br />
27-тӥ шуркынмонэ - Евгения Андреевна<br />
Лебедевалы - 70 арес.<br />
Евгения Андреевна - Пичи Пурга ёросысь<br />
«Удмурт Кенеш» огазеяськонлэн азьвыл<br />
тӧроез. 2005-тӥ арын «Удмурт Кенешлэн»<br />
Данъян книгаяз пыртэмын.<br />
Е. Лебедева вордскиз Ува ёросысь Удугучин<br />
гуртын. Татын 10 классэз йылпумъяса,<br />
Ижкарысь культпросветучилищелэн<br />
библиотечной отделенияз пыриз. Бӧрысь<br />
распределениея вуиз Глазовысь Короленко<br />
нимо библиотекае. 3 ар ужамез бере<br />
Увае ёрос библиотекае интыяськиз, калыкен<br />
трос ужаз. 1974-тӥ арын улыны выжиз<br />
Пичи Пургала. Кема гинэ тыршиз «Маяк»<br />
Е. Лебедева.<br />
газетын корреспондент луыса. Бӧрысь нош<br />
ик интыяськиз ёрос библиотекае, валтӥсь<br />
библиографын ужаз. «Удмурт Кенешлэн» ёросысь ёзаз мылысь-кыдысь<br />
тыршиз. Удмурт культураез азинтон вылысь писательёсын пумиськонъёс,<br />
творческой ӝытъёс ортчытъяз. «Ужмы котьку сямен ик удалтылӥз, малпасько,<br />
угось библиотекае лачак калык вуылӥз, улмолы усён инты ӧй вал»,<br />
- шуэ Е. Лебедева.<br />
№ 85 (<strong>25700</strong>)<br />
2018-тӥ ар 13-тӥ шуркынмон (ноябрь)<br />
1915-тӥ арысен 1917-тӥ арысен 1918-тӥ арысен 1918-тӥ арысен 1930-тӥ арысен 1943-тӥ арысен 1992-тӥ арысен<br />
Учредители:<br />
Государственный Совет<br />
Удмуртской Республики<br />
Правительство<br />
Удмуртской Республики<br />
Главный редактор<br />
З. К. Рябинина<br />
Ответственный за выпуск<br />
Е. В. Миннигараева<br />
Адрес редакции-издателя:<br />
426008, г. Ижевск,<br />
ул. К. Маркса, 274<br />
www.udmdunne.ru<br />
e-mail: udmdunne@yandex.ru<br />
Газета отпечатана в АО<br />
«Ижевский полиграфкомбинат»<br />
(426039 г. Ижевск,<br />
ул. Воткинское шоссе, 180)<br />
Телефоны:<br />
73-33-42, 89511953765 - приёмная, реклама,<br />
зам. гл. редактора<br />
73-33-46 - отв. секретарь<br />
73-33-43, 89511953766 - корреспонденты<br />
Индексы: П 5806, П 5001<br />
Тираж номера 1110<br />
Заказ № 560<br />
Объём 2 п. л.<br />
Цена свободная<br />
Подписано к печати - 18.00<br />
По графику - 18.00<br />
Мнение авторов не всегда совпадает с<br />
мнением редакции<br />
Использование материалов допускается<br />
только с разрешения редакции<br />
Материалы, публикуемые с пометкой<br />
«Д» и «Реклама», печатаются на договорной<br />
основе.<br />
Газета зарегистрирована Управлением<br />
Федеральной службы по надзору в сфере<br />
связи, информационных технологий и<br />
массовых коммуникаций по Удмуртской<br />
Республике<br />
Регистрационный номер<br />
ПИ №ТУ18-00646<br />
Рекомендовано для чтения с 12 лет