ud#89 (25704)

2018-тӥ ар 27-тӥ шуркынмон (ноябрь). Пуксён (вторник)
№ 89 (25704) www.udmdunne.ru
Вань удмуртъёслэн газетсы
Кылдытэмын 1915-тӥ арын 4-тӥ феврале
Чуфыр-чафыр,
Чик, шу, ӝа -
Сессия вуэ, лэся.
Эщельме но
Бещельме -
Кин сётоз
Экзамензэ?
Чуки-чуки,
Суредаз Марина ПРОКОПЬЕВА, кылбураз Пелагея КУЛИКОВСКАЯ
Юло, да -
Пелляськем
Юрттоз меда?
«Шунды» огазеяськон йылпумъянъёс лэсьтӥз
Горд йырсиё суред
Кыӵе тон мем?
Школаысь пегӟон
Проект малпан
«Лето» кино котырын
Кунгож сьӧрысь тодон-валан
ШТАТ + ПЛОЩАДЬ = КРЕЗЬГУР
ГИК ДЫШЕТӤСЬ
Кылбуръёс: бадӟыме выжон

РЕДАКТОРЛЭН КЫЛЫЗ
«ШУНДЫ»
2
№ 89 (25704)
2018-тӥ ар 27-тӥ шуркынмон
Мария ЕМЕЛЬЯНОВА
Нош мар азьланяз?
Ноку ӧй вал малпанъёсам
юан: «Нош мар
азьланяз?»
Гуртысь школаям дышетскыкум,
бадӟым классъёсы
вуыса, тодӥсько вал,
Ижкарысь Кузебай Герд
нимо гимназие дышетскыны
пыро шуыса. Кытысь
сыӵе осконэ потӥз, али но уг
валаськы но со зэмаз. Собере
11-тӥ классын 3 гинэ экзамен
сётӥ: ӟуч кыл, математика,
литература. Тодӥсько
вал, Удмурт кун университетын
журналистлы дышетско
шуыса. Нош ик кытысь
оскон? УдГУ-э пырон понна
эшшо нимысьтыз творческой
экзамен сётоно но собеседование
ортчоно вал. Соос
азьын гинэ сюлмаськи: нош
ӧй ке пыры, кытчы асме каром?
Сётэм экзаменъёсыным,
татчы сяна, нокытчы
уз кутэ ук! Но улон монэ жаляз,
лэся. Капчиен ваньмыз
ортчиз но, мон 4-тӥ арзэ студентка
ни.
20 аресам гинэ азям
«Нош мар азьланяз?» юан
пуктӥ. Гужем бакалаврлэн
дипломез киям вуыны
кулэ. Собере ма каром? Дышетсконлэсь
ар ӵоже шутэтском?
Яке собере магистратураын
дышетсконме
азьланьтэме уз поты ни-а?
Нош магистратурае пыроно
ке, кытчы? Журналистикае
ик ке, мукет городэ кошконо:
асьмелэн журналистикая
магистратура ӧвӧл на
усьтӥськемын. Нош мукет
ӧре выжоно ке, кытчы? Мынам
сояз но, таяз но потэ,
кудзэ быръём? Ма, кунгож
сьӧрын дышетскыны но луонлыкъёс
али трос.
Озьы тӥни юанъёс трос,
валэктонъёс уг шедё. Та номерлэн
темаез но со бордысь
ик вордскиз, лэся: дышетскон
но дышетон.
Тодӥсько: азьланяз эшшо
тросгес юанъёс кылдозы.
Улон возьматоз ай, мар азьланяз.
Нош али, кылсярысь,
дышетсконо, гожъяськоно.
Тани «Дарт» борды выль
редколлегиен кутскыкумы
но, «Мар азьланяз?» шуыса
ӧм малпалэ кадь, но ужаммылы
ар тырмем ни, асьмеос
но сое ӧм валалэ. Али но
син азям рок-крезьгур сярысь
номер, обложкаысь гитараен
Кылдысин. Со ик
азьлане сюрес возьматӥз.
Редколлегилэн нырысетӥ
бичаськоназ ми 5 кузя гинэ
лыктӥмы, нош али газет
лэсьтӥсьёслэн лыдзы будэ
но будэ. Соин ик ӧвӧл малпано,
ми ас поннамы гинэ
улӥськомы шуыса. Гожъяськыны
мылкыд карисьёслы
ми шум гинэ потӥськомы.
Со гинэ ӧвӧл, ог-огмылэсь
дышетскиськомы.
Ӵуж-ӵуж пишто
Мария ЕМЕЛЬЯНОВА
23-тӥ шуркынмонэ
егитъёслэн «Шунды»
огазеяськонзылэн йылпумъян
лэсьтонъя,
кивалтӥсь быръёнъя
конференциез ортчиз.
2 ар куспын быдэстэм
ужъёс сярысь кенешизы,
кылдылӥсь шугсекытъёсты
сэрттӥзыпертчизы.
- Мерлыко огазеяськонъёс
понна йылпумъян-быръён
конференция валтӥсь инты
басьтэ, - пумитаз люкаськемъёсты
Эшъяськон юртлэн
кивалтӥсез Татьяна Боталова.
- Милям Эшъяськон
юртамы трос калыкъёслэн
пӧртэм огазеяськонъёссы
«уло», но «шундыос» тужгес
но яркытэсь. Котькуд ужрадысьтымы
ӵуж футболкаосты
адӟиськомы ке, валаськомы
ини - удмуртъёс татын.
«Шунды» огазеяськонлэн
азьветлӥсезлэн Алина Черновалэн
кивалтэмез улсын
«Шудком», «Куарагур», «Шунды
Лаборатория», «Удмурт-а
мон?», «Вуюись» проектъёс,
«Вамыш», «Шундыкар»,
«Тулкым» лагерьёс ужзэс
азьланьтӥзы, выль сямен
пушйизы. Озьы ик пӧртэм
ёросъёсын мастер-классъёс,
удмурт азьветлӥсьёсын пумиськонъёс
ортчылӥзы.
«ЭТНОКЛУБ»
УЛОН СЮРЕС БЫРЪЁН
Журналист луо!
Елизавета КОЖЕВНИКОВА
Пичи дырысеным мынам
телевидениын яке
радиоын ужаме потэ
вал. Нош кызьы отын
ужано, кыӵе тодон-валанъёс
кулэ, нокин ӧз
валэктылы. Теле- но
радиожурналистикая
курсъёс сярысь тодӥ
но одно ик отчы пыриськыны
малпай.
Куарусёнысен «Мынам
Удмуртие» телерадиокомпания
вуоно журналистъёсты
люканы кутскиз.
Дышетсконмы 2 толэзь
кыстӥськоз.
Туспуктӥз Вадим КРЕСТЬЯНИНОВ
Выль проектъёс пӧлысь али
кылдэм «Чукиндэр» адӟем карымон
луиз.
«Шундылэн» ёрос ёзэтъёсаз
но выль проектъёс
Милемыз туж усто адямиос
визьнодало. Вероника
Ваулина тодматӥз телевидениысь
но радиоысь выль
терминъёсын: стенд-ап, синхрон,
интершум. Соосты
журналист одно ик тодыны
кулэ. Валэктӥз, кызьы репортаж,
интервью, подводка
гожтоно, кызьы астэ камера
азьын возёно.
Руслан Нуриахметов камераен
одӥг кыл шедьтыны
но монтаж лэсьтыны дышетэ.
Нош Светлана Белых куарамес
поттыны но чебер вераськыны
юрттэ.
Ёросъёсысь «шундыос» А. Черноваез
кивалтӥсе бырйизы.
Удмурт сямен чырткемъясько ни
вордӥськизы. Конференциын
нимысьтыз Можга но
Кизнер ёросъёсты висъязы.
Кылсярысь, можгаос удмурт
дэремлы сӥзем «Катар» студия
усьтӥзы. Туннэ нуналлы
отын 200-лэсь трос вашкала
дэремъёс бичамын. «Егит
тулкым» лагерьзы 9 ар ӵоже
ортчытъяське ни. Нош Кизнерысь
«Ӝужась кизилиос»
лагерь элькунысь нылпиосты
туэ 2-тӥзэ бичаз.
- «Шунды» огазеяськонлэн
«Тулкым» лагеряз пиналъёсмес
келялляськомы
вал, соос бурдъяськыса
бертылӥзы, - вера Кизнер
ёросысь Елена Маркова. -
Котькуд ар отчы шедьыны
мылкыд карисьёс тросгес
луылӥзы, соин ик малпай,
асьме ёросамы но таӵе лагерь
кулэ шуыса. Шумпотымон,
«Шунды» но, ёрос администрация
но туж юртто шуыса.
Ёросъёсысь «Шундылэн»
ёзчиосыз ик Алина Черновалы
кивалтонзэ азьланьтыны
дэмлазы. Ӵапак Алина понна
вань люкаськемъёс куаразэс
сётӥзы.
Анастасия ЧИРКОВА
Ижкарысь технической
университетын
дышетскись удмурт
нылаш Софья
Чузова «Этноклуб»
кылдытӥз.
- Та малпан кылем арын
йырам кылдӥз вал, - шуэ Софья.
- Технической вузэ дышетскыны
пыри но татын
удмуртъёс ӧвӧл шуыса малпалляй.
Йырыным удмуртлыке
выемын бере, ӵапак талэсь
кышкаса улӥ.
Удмурт кылын Софья
вань студентъёсты тодматыны
выриз. Ӵош дышетскись
эшъёсыз соин удмурт кылын
ӟечбуръяськыны но кутскизы.
Соку валамон луиз, тросэзлы
удмурт лулчеберет
тунсыко потэ шуыса.
- Клуб кылдытыса, «Ми
- удмуртъёс! Ми но татын
вань!» шуэме потӥз, - вера Софья.
- Та ужын тужгес но секытэз
- кутскыны, иворез калык
пӧлы вӧлмытыны, мед мукетъёсызлы
но тунсыко луод.
Азьланяз клублэн ужаз
пыриськисьёс пӧртэм проектъёс
быдэсъяны, тунсыко
адямиосын пумиськонъёс,
мастер-классъёс, вордскем
кылын шуныт вераськонъёс,
чечыен чай юонъёс ортчытъяны,
экскурсиосы ветлыны
малпало.
Котькуд пумиськонмы
тунсыко ортче. Милям
вань луонлыкъёсмы асьмемыз
зэмос журналистъёс
кадь шӧдыны, сюжетъёс
лэсьтылыны. Мон, кылсярысь,
«Ваушоу» радиопрограммалэн
эфираз но вуылӥ,
умойгес валай радиолэсь
аспӧртэмлыксэ.
Та курсъёс журналист
луыны гинэ уг дышето.
Соос чебер вераськыны,
трос калык азьын астэ возьыны,
возьдаськонэз быдтыны
валэкто. Нош ваньмыз
со адямилы котькуд
нунал кулэ.
- 2 ар талэсь азьло азямы
трос ужпумъёс пуктӥмы
вал, - шуиз Алина Чернова, -
троссэ быдэстыны быгатӥмы.
Но, малпасько, кутскем ужмес
азьланьтомы на, удмурт
егитъёсты огазеяломы,
выль проектъёсмес улонэ
пыӵатомы, вужъёссэ но ум
вунэтэ.
Тӧро ӧз ке но воштӥськы,
«Шунды» огазеяськонлэн
выль правлениез быръемын.
Пӧлазы «Шундыкар» лагерь
пыр ортчем егитъёс, мылкыдо
студентъёс. Одӥгез - Ижкарысь
Евгений Батретдинов.
Со шуэ:
- Кемалась потэ ни вал
«Шундые» пыриськеме. Ижкарын
улыса, удмурт кыл улонам
ичи инты басьтэ вал, табере
ваньмыз воштӥськыны
кулэ. Оскисько, рос-прос ужаломы
шуыса.
Конференция пумын аслэсьтыз
сӥзёнъёссэ вераз «Удмурт
Кенеш» огазеяськонлэн
тӧроез Татьяна Ишматова
но:
- Ми, «удмурт кенешъёс»,
егитъёсмес палэнэ ум
кельтӥське, соос котьку
вӧзамы. Ог-огмес валаса, гажаса
тыршиськомы, быгатэммыя
юрттӥськомы. Азьланяз
но сыӵе кусыпъёсмес возьыны
мед быгатомы. Котьку
мед пиштоз «Шунды»!
РЕКЛАМА
Ӧссэ усьтэ
академия
Вуоно дышетскон
арын Ижкарысь гурт
удысъя академиын
выль дышетскон ӧръёс
усьтӥськозы - «Гидромелиорация»,
«Продукты
питания животного
происхождения». Нош
«Экономика но бухгалтерский
учет» специальностья
средней
профессиональной образование
басьтыны
луоз.
Академиын озьы ик технотроникая
дышетон программа
усьтыны луонлыкъёс
вань.
Оглом академиын бакалавриатын
446 адями дунтэк
дышетскыны быгатоз, магистратураын
- 175. «Ветеринария»
специальносте эшшо 75
адямиез кутозы.
Нош заочно бакалавриатын
190 бюджет инты висъяськоз,
специалитетын - 25.
9 адями дунтэк очно-заочно
дышетскыны быгатоз экономикалы
но менеджментлы.
Ижкарысь гурт удысъя
академиын дышетскон сярысь
пыр-почгес вералозы
2-тӥ толсуре 1-тӥ корпусын.
10:00 часысен вань
мылкыд карисьёслы ӧсъёс
усьтэмын луозы.

№ 89 (25704)
2018-тӥ ар 27-тӥ шуркынмон 3
ЗАРНИ ЕГИТЪЁС
Geek дышетӥсь
Малы куштӥськоно дышем кабъёслэсь?
Мария ВЕКШИНА
Арина
НУРИАХМЕТОВА -
информатикаен егит
дышетӥсь. Дэбесысь
нылмурт Удмурт
кун университетэз
йылпумъямез бере
4 ар ужаз Санкт-
Петербургысь
школаын. Нош али
эшъёсыныз ӵош
радъялля дышетӥсьёс
понна фестивальёс,
семинаръёс, мастерклассъёс,
«ВКонтакте»
бамын огинзэс нуо.
Асьсэзыз соос geek
дышетӥсьёс нимало.
- Тынад потэ вал программистлы
дышетскемед,
нош луид дышетӥсь.
- Мыным компьютер
басьтӥзы, куке мон дышетскисько
вал 7-тӥ классын.
Соку гинэ потӥзы GTA: San
Andreas, GTA: Vice City шудонъёс,
нош мынам компьютере
CD дискез гинэ
лыдӟе. Аха, малпай, мыным
кулэ со шудон, эшшо мынам
потэ DVD фильмъёсты
учкеме. Мынӥ Ижевске но
басьтӥ привод. Компьютере
сое ачим пуктӥ, системный
блокез сэрттыса. О! малпасько,
кыӵе усто! Мамалы
шуи: мон луо программист
но вань дэбесъёслы компьютеръёссэс
лэсьтыло. УдГУ-э
пырыкум, специальносте
нимаське вал «Информатика
но лыдъясь-чотась техника»,
мон оскисько вал: отын
программистлы, инженерлы
дышето. 2-тӥ сентябре
дышетскыны мынӥ но милемлы
шуо: ӟечкыласькомы,
тӥ вуоно дышетӥсьёс. Маа-р?
Ӝыны ар шузимем
кадь ветлӥ, мукет университетъёсысь
специальностьёсты
утчалляй. Но бӧрысь
дышетскон монэ бордаз кыскиз,
факультетме но яратӥ:
ярам, дышетӥсь но луыны
урод ӧвӧл.
- Ужаны кутскыкуд,
тае эшшо но золгес валад?
- Мон дышетскисько ни
вал 5-тӥ курсын, нош кызьы
дышетоно пиналъёсты,
лекциосын мадем теориез
сяна, номыре уг
тодӥськы. Дышетӥсьлэн
ужез сюлмыя-а, ӧвӧл-а?
Тае берпуметӥ курсозь валаны
тыршоно, бӧрысь бер
луоз. Соин ик мынӥ школае.
Зэм, со туж усто, куке
тон быгатӥськод мае ке воштыны,
куке тон шоры
пиналъёс ӝуась синъёсын
учко но шуо: милям ӧй
вал на таӵе аспӧртэмлыко
урокъёсмы, зэм-а вань сыӵе
дышетӥсьёс, кудъёсыз уг кесясько,
уг уродъясько?! Одӥг
адями коть тау шуэ ке, иське,
тон токма уд тыршиськы.
- Малы Санкт-Петербурге
кошкид?
- Кулэ луизы яркыт
воштӥськонъёс. Улонам
ваньмыз умой: вузэз йылпумъяй,
2 «вышка» басьтӥ,
школаын ужай, эшъёсы,
анай-атае вӧзам. Но мон
ӧй адӟы ни азьлане сюресме,
кытчы кыстӥськоно?
Та шуныт сэрегысь потыны
малпай - кытчы ке кошконо.
Кемалась потэ вал ни
Питере мынэме, мамалы
жингыртӥ но шуисько: мон
билет басьтӥ. Озьы, выпускной
бере арня ортчыса, Питере
кошки. Отысь школаын
ужамелы туэ 4 ар тырмиз.
- «iУчитель» конкурсэ
пыриськид, иське, нош
ик воштӥськонъёс кулэ
луизы?
- Озьы пӧрме. Малпай:
умой конкурс, умой номинациос,
кузьымъёс - пыриськоно!
Быдэс Россиысь
62 дышетӥсьёс люкаськизы.
Мон адямиосын одӥг
кыткетын ужаны дыши,
эшъёс шедьтӥ. Отын малпамы
проект. Мерлыко бамын
огин (Geek Teachers //
компьютер дышетӥсьёс [vk.
com/geekteachers]) кылдытоно
но отчы иворъёс,
дышетӥсьёслы дэмланъёс
гожъяно: дышетӥсь, учкы,
тани вань таӵе сӧзнэт,
амал, тон сое ужад кутыны
А. Нуриахметова улоназ выль
шӧмъёс утча.
быгатӥськод. Ми асьмеос,
нырысетӥ аръёссэ ужакумы,
ялан утчаськылӥм-марам.
Ну и мар, шуизы конкурсэз
дунъясьёс, малпанды сокем
яркыт ӧвӧл. Но ми ӧм
сётске, онлайнысь офлайнэ
потӥмы - озьы вордӥськизы
дышетӥсьёслы сӥзем фестивальёс.
Кошки школаысь:
2 ужез огдыре лэсьтыны ӧй
вутты.
Милям ӧй вал спонсоръёсмы,
юрттӥсьёсмы. Огогмылы
шуим (Арина сяна,
фестивальёс бордын ужало
на Санкт-Петербургысь Мария
Плоткина, Смоленскысь
Глеб Лихобабин - авт.): ойдолэ
асьмеос ик вемеен коньдон
люкалом но фестивалез ортчытом.
Озьы нырысетӥ ужрадмы
Санкт-Петербургын
ортчиз. Кыкетӥез - Ижын.
Али ми, мастер-классъёс,
пумиськонъёс ортчытъяса,
ветлӥськомы пӧртэм
городъёстӥ - Великий Новгород,
Смоленск, Сыктывкар,
Волгоград… - кытчы
ӧтёзы.
Фестивалез ортчытон -
со йырпоромымон маке. Соизлы-таизлы
жингыръяно,
спонсоръёсты утчано, сиёнюон
шедьтоно - телефон дурын
ӵукнаысен ӝытозь пукиськод,
йыр шузиме. Нырысь
ми малпаськомы вал,
Ижын воксё калык уз люкаськы
шуыса. Фестивалёзь
арня кылиз, нош милям 120
адями сяна ӧз гожтӥськы,
нош ми 600 дышетӥсез возьмаськомы
вал. Мар кароно?!
Гожтэт ыстӥ Удмуртиысь
Дышетонъя но наукая министерствое.
Со вал тужгес
шудо нуналэ, куке мыным
жингыртӥзы но шуизы:
«Арина, Удмуртиысь вань
школаосы гожтэтъёс ыстэмын».
Ужрад кутскытозь,
1 час кылиз на, милемлы
иворто: всё, калык уг тэры
ни залэ, гардеробщица номерокъёс,
кагаз вылэ гожъяса,
сётъя ни. Люкаськиз
800 адями, нош «Интегралэ»
тэре 650!
- Дышетӥсь ӵемысь
син азе пуксе сьӧд костюмен,
ӝужыт беро пыдкукен.
Со котьку шонер сюрес
лёге, эсэпез уг ортчы.
Ижын ортчем фестиваляды
тӥ та дышем кабъёсты
тӥяны турттӥды кадь.
- Дышетӥсьёслы сӥзем
кыӵе гинэ ужрадъёсын мон
ӧй вал, ваньмыз со мӧзмыт
форумъёс, семинаръёс.
Отчы лыкто депутатъёс,
кудъёсыз школаын ноку
ужамын ӧвӧл, но верало:
дышетон удысэз воштоно,
дышетон удыс воштӥськоз,
тӥ, дышетӥсьёс, тае но сое
лэсьтӥды ке; ми тӥледлы
оскиськом; тӥляд ваньмыз
пӧрмоз. Дышетӥсьёс лыкто
пиджакъёсын, кылзӥсько
мӧзмыт лекциосты. Со тунсыко
ӧвӧл. Нош милям
потэ кылдытэммы тусовка,
адӟытыны: эй, дышетӥсь,
тынад сыӵе классной ужед,
учкы, тон быгатӥськод шулдыръяськыны,
эктыны,
урокъёсад туала амалъёсты
кутыны, дышем кабъёслэсь
куштӥськыны. Дӥсьсэс воштыны
дэмласьком гинэ -
соос гань-ганьгес карисько
ни. Ми та ужрадамы шулдыръяськиськомы,
но… дышетскыса.
Мастер-классъёсын ми
тодматӥмы выль амалъёсын,
кудъёссэ дышетӥсь уроказ
кутыны быгатоз. Кылсярысь,
Санкт-Петербургысь
Максим Иванов вераз дышетон
удысын трендъёс сярысь.
Шуом, ваньзы тодо
Google-картаос сярысь, но
тросэз уг ик малпало, сое
школаын кутыны луэ шуыса,
кылсярысь, география
урокын. Ижысь Пётр Спицын
вераз, кызьы телефонэ
видео, видеоурок лэсьтоно.
Туала нылпилэн телефонэз
котьку кияз. Дышетӥсь, дышетскы
сое дышетонын кутыны!
Ӵемысь нылпи телефонэз
визьнодасьлэсь умойгес
вала. Нош пинал адӟе
ке, дышетӥсь мае ке солэсь
ӧжытгес вала шуыса,
кылзӥськемысь дугдэ. Телефон
- со урод ӧвӧл, шонер
кутӥд ке, со умойзэ но пайдаёзэ
гинэ ваёз.
Милям потэ на дышетӥсез
мерлыко вотэс бамъёсы кыскеммы,
нылпи ялан отын
пуке ук: «Инстаграмын»,
«ВКонтактеын», «Ютубын»…
Та мерлыко бамъёсты
ӟеч пуштросэн тырмытоно.
Кылсярысь, ӟуч кылъя
дышетӥсь нуыны быгатэ аслэсьтыз
бамзэ но отын вераны
пунктуация, грамматика
сярысь. Нылпиос, солэсь
бамзэ учкыса, дышетскозы.
Мерлыко бамъёс - со кулэтэм
мемъёс гинэ ӧвӧл.
Со сяна, туала вакытэ
ужез капчиято телефонысь,
компьютерысь ватсэтъёс
но сӧзнэтъёс. Шуом,
пиналъёслэсь юалляськон
ортчытыны огшоры телефонэн
луэ - ватсэт огминутскын
йылпумъянъёс но лэсьтоз,
дышетӥсьлэсь дырзэ но
шыръялоз.
- Россиысь просвещениея
министр Ольга
Васильева юаз ке, кызьы
дышетон удысэз
ӟечомытоно, мар шуод?
- Туж секыт юан. Мон уг
малпаськы, дышетон удысэз
чутрак воштоно шуыса.
Кулэ воштыны асьсэлэсь
дышетӥсьёслэсь визьнодан
шоры учконзэс. Али тросэз
ӝожтӥсько: тазьы карыны уг
яра, озьы карыны уг лэзё. Но
аслад потӥз ке, котькыӵе югдурын
капчиен уямед луоз.
Валамон, дышетӥсьёсты али
трос кабъёсын пачкато, озьы
дышетӥсь ворсаське но кужымзэ,
творчествозэ кыребуре
поттэмез уг луы ни.
- Кыӵе луыны кулэ туала
дышетӥсь?
- Улонэн ӵош воштӥськыны
быгатӥсь, солы
ыштӥськоно ӧвӧл. Со кулэ
ялан дышетскыны. Мыным
кельше, мастер-классъёсамы
дышетӥсьёс ми шоры
вылӥысен уг учко шуыса, ми
соослэсь егитэсь ке но.
- Школае берытскод
на-а?
- Конечно!
Арина Нуриахметовалэсь
дышетӥсьлы дэмлан:
Kahoot!, Plickers,
ZipGrade сӧзнэтъёс юалляськон
ортчытъяны юрттозы;
LMS - Google classroom,
classdojo - уроктэ тунсыкогес
ортчытыны;
wizer.me бамын пиналъёслы
гуртысь уж сётыны
быгатод.
Geek (гик) - туала технологиосты
гажась но уже
кутӥсь адями.

ӴЕКТОСЪЁС
4
№ 89 (25704)
2018-тӥ ар 27-тӥ шуркынмон
Кин мон? Тон? Со?
ДАРАЛИ ЛЕЛИ
Маин ог-огзылэсь
висъясько пӧртэм
выжыосысь адямиос?
Маин этнонигилизм
этноэгоизмлэсь
пӧртэм луэ?
Коньывуон пумын Ижкарысь
Эшъяськон юртын тунсыко
но пайдаё дышетскон
сессия ортчиз - егитъёслэн
калыккуспо «Вместе» дышетон
центрзылэн 5-тӥез пумиськонэз.
Кинэз но отын ӧй
вал: удмуртъёс, бесерманъёс,
ӟучъёс, еврейёс, таджикъёс,
комиос, азербайджанъёс…
1-тӥ ӝытаз «Чебеляй» ансамблен
ӵош фин-угор эктонъёс
пыр ог-огенымы тодматскимы,
ӵуказеяз улосвылъёсынымы
тодматӥм.
Мон но дасяй «10 тунсыко
факт»: вакчияк верано вал,
маин тодмо луэ Удмуртия.
Сузьетам пыризы:
• Алфавитысьтымы
«ӟ», «ӧ», «ӝ», «ӥ», «ӵ» букваос.
• Удмуртилэн гондыр
тусо картаез.
• Ӵуж италмас - Эгра
ёросысь Сэпысь бырем гуртъёслы
сӥзем музейлэн тодметэз.
• Кельыт-горд индекс.
• Ижкар но солэн пуштросъёсыз-пужыосыз.
• Муш вордон (melitta
udmurtica муш выжы).
• Ошмесъёс.
• Этнофутуризм.
• Удмурт куиськон.
• Пельнянь но Пельняньлэн
калыккуспо нуналыз.
Валамон, тодметъёс луыны
быгатысал тросгес, но
ужрад йылтэм-пумтэм ӧвӧл.
Выль малпанъёсты улонэ
пыӵатон огазея пӧртэм выжыосысь
адямиосты.
Лекциос но проектированиея
урокъёс бӧрсьысь бӧрсе погыльскизы.
Милемыз Москваысь
экспертъёс визьмазы.
Еврейёслэн музейысьтызы
Анна Макарчук
валэктӥз, кызьы этнической
асшӧдонэд (идентичность)
пумысен эскеронъёс лэсьтоно.
Нырысь юан пуктоно:
«Кин мон?» Аслыд ачид 10
валэктон утчаськод. Ӵемысь
нырысетӥосыз пӧлын: «Мон
адями». Кыӵе калыкысь потэмзэс
респондентъёс пумазгес
пусъё. Озьыен, этнос
валтӥсь интыын ӧвӧл, нырысь
ик астэ анай, кышно
нимаськод, ужан удыстэ шараяськод.
Оло, палэнын гинэ
валаськод кытысь потэмдэ,
кыӵе выжыысь луэмдэ?
Вань асшӧдонэз валан понна
нимысьтыз категориос но:
Этнической индифферентность
- куке адямилы
калыкез нокыӵе но уг поты,
со та сярысь уг малпаськы.
Этнонигилизм - куке
адями ас калыкезлэн нылызпиез
луэмезлэсь возьдаське,
пумитъяське.
Этноизоляционизмен
висисьёс мукет калыкъёсты
уг гажало, соосын кусып уг
возё.
Этноэгоист ас калыксэ
гинэ вылӥ пуктэ.
Национальной фанатизмен
черлам мурт калыкъёсты
синазькыль каре
но кужмысь вормыны турттэ.
Позитивной этнической
асшӧдон - тужгес но
ӟечез категория. «Ас калыктэ
гажа, мукетъёссэ но эн
курла!» - таӵе девизэз.
Тужгес но пайдаё вал проект
дасясь группаосын ужан.
Милемын кивалтӥз Лариса
Князева, Тимченко фондлэн
экспертэз. Шумпотымон,
оштолэзьысен Лариса Феликсовна
Эшъяськон юртысь
проект утён ёзэтэн кивалтэ
шуыса. Иське, асьмелэн вань
туж ӟеч дышетӥсьмы, дыртэ
со доры кенеш дуре!
Сессия пумын тодматӥмы
малпам проектъёсынымы.
Соосты пыр-поч дасяны 2 нунал
сяна ӧй вал! Мон эскери
городысь калык культураез:
кызьы этно шӧмез бадӟым
карын тузӥ кароно? Командаямы
вал Балезиноысь, Сарапулысь
но Ижысь, озьы
ик Сыктывкарысь шаплы
нылъёс но Нижний Новгородысь
азербайджан казакпи.
Малпамы «Буя асьме сямен!»
проект. Со улсын шуш
борддоръёсты калык пужыосын
чебермано. Шуом, Балезиноысь
вокзал котырын
ик удмурт шӧм уг тырмы.
Кылдозы-а уйпал станциын
бесерман, бигер но удмурт
пусъёс? Учком (лэсьтоно!).
Ужрадэн кивалтӥсь,
Эшъяськон юртын ужась
Наталья Шергина егит
азьветлӥсьёсты вуонояз сессие
вите ини.
ЕГИТ ДЫШЕТӤСЬ
Зол но ляб
Евгения КОРЕПАНОВА
Тани 4-тӥ курсэлэн пумыз
адӟиське ни, нош
мар кароно азьланяз,
мон татчыозь ӧй вала
на. Озьы таяз аре асме
дышетон удысын эскерыны
малпай.
«Мон дышетӥсь! Англи
кылэз нуо!» - 1-тӥ куарусёнэ
сыӵе ӝутскем мылкыдын
«линейкаын» сылӥ. «Кыӵе
меда дышетскисьёсы луозы?
Быгато-а соослы тодонваланъёс
пыр-поч сётыны?
Дась ни-а мон дышетӥсьёс
радэ султыны?» - таӵе юанъёс
йырам кузёяськизы.
Нырысетӥ арняе туж
аспӧртэмлыко шӧдонъёсы
вал. Пиналъёс-пичильтокъёс
(яке 6-тӥ класс пичиос
ӧвӧл ни-а?) шорам чоркчорк
учко. Мар соос малпало
меда? Мон крутой дышетӥсь
яке нюлымтэ кунян на?
Озьыен, кутском:
- My name is Korеpanova
Evgenia Vasilievna. Аnd I am
your new teacher of English.
Мыным одӥг параллелез
дышетыны сётӥзы, соос
тодон-валанъёссыя туж
пӧртэмесь. Одӥгез класс -
Е. Корепанова ассэ эскериз,
школаын ужаса.
кужмо, кыкетӥез - шоро-куспо,
нош куинетӥез - ляб, алфавитэз
гинэ но уг тодо вал!
Жаль потӥзы со пиналъёс.
Нырысетӥ уроке ик соос таӵе
кылъёсын пыризы:
- Ми шоры ӵемгес кесяськоно.
Ми ум валаське мукет
сямен. Ваньзы шорамы черекъяса
гинэ вазьыло. Милемыз
быдэс школа уг яраты.
Ми - тужгес но урод класс.
Таӵе малпанъёс пушказы
мур пыӵамын ни, соин ик
соос асьсэдыз озьы возё.
Секыт ке но вал, трос
шумпоттӥсез но пумиськиз.
Борддоре «Ми тӥледыз
яратӥськом!» шуыса гожтэтъёс
кельтылӥзы, тетрадьёсазы
ортчем урок сярысь
мылкыдъёссэс гожъяллязы.
Нош кыӵе шумпотымон,
тонэ кылзо ке! Куке тон
шоры чилясь синъёсын учко.
- Евгения Васильевна,
нош таиз кызьы? Нош яра-а
тазьы лэсьтыны?
Дышетӥсьёслэн нуналазы
мыным арлы окмымон
шоколад но чай кузьмазы.
Нош куинь пияшъёс англи
кылын кылбур лыдӟизы!
Мусо ук!
Озьы ке но школаын кема
ужаны мон ӧй чида. Ӧй быгаты
пӧяськонлы дышыны.
- Уг яра дышетскисьёслы
четверть понна «2» пуктыны
- школалэн рейтингез лэзиськоз.
Сёт контрольной уж но,
синдэ пытсаса, «3» суреда.
Кызьы? Кызьы одӥг кадь
оценка пуктод со пиналлы,
кудӥз выре ке но дышетскыны,
лябгес пӧрмытэ, но соизлы,
кудӥз номыр уг кары, азьтэмъяске
но уг кылзӥськы?
Таизлы «3» пуктӥ ке, кызьы
пиналъёс шорам учкозы?
Эшшо аспӧртэмлыко уж -
электрон журналэз тырмытон.
Котькуд урокез гожтоно
программая, соиз шонер.
Нош, шуом, турслёт яке мукет
ужрадъёс дыръя, урокъёсты
кулэсто яке воксё уг
ортчыто. Нош журналэ одно
ик гожтоно, урок ортчиз шуыса.
Озьыен, ми куд-ог темаосты
ум валаське, нош журналын
ваньмыз туж вольыт.
Эшшо, кылсярысь, пӧртэм
анкетаосты гожъян.
- Гожты мар ке но сёт. Соосты
нокин уз учкы, но быдэстыны
кулэ.
Озьы мон четвертьсэ чидай,
нош собере кошки. Ӧй
вормы 2 ныпъетэз нуыны:
дышетӥсь но студент луыны.
Угось кыксэ ик ужез пырпоч
лэсьтыны кулэ, саесъёсты
пужалляса.
3 толэзь куспын мон
дунъяй аслэсьтым зол но ляб
палъёсме. Али ке но юанъёс
йырам бергало на: мар ке
сётӥ-а мон со пиналъёслы?
Пичи ке но пыӵатӥ-а англи
кылын тунсыкъяськон но
кельтӥ-а сюлэмъёсазы кыӵе
ке умой малпанъёс?

№ 89 (25704)
2018-тӥ ар 27-тӥ шуркынмон 5
АСЬМЕЛЭНЪЁС - ПАЛЭНЫН
Дышетскон вискын
сиськон
Удмурт студентъёсты Германиын паймытэ эрик
Елена РЯБИНА
Егитъёслэн палэнын
тодон-валан люканы
мылкыдзы уг пуксьы.
Удмуртъёс но пыро
Европаысь вузъёсы,
кылсярысь, Германие.
Маин висъяське отын
дышетскон?
Астэ ачид эскеры
Татарстанысь Кукмор ёросысь
Екатерина Корнилова
Казань федерал университетысь
романо-германской факультетэз
йылпумъямез бере
дышетскыны пыриз Боннысь
университетэ - со дуннеысь
100 усто университетъёс пӧлы
пыре.
- Мон нырысь ик синйылтӥ,
Германиын студентъёс асьсэ
дырзэс мукет сямен радъяло
шуыса, - вера удмурт нылаш.
- Казаньын ми ваньзэ
тодӥськом вал старостамылэсь,
со ивортылӥз занятиос
но мукетыз сярысь. Семестрлы
расписание быдэс группамылэн
вал одӥг кадь. Нош
Германиын студент ачиз быгатэ
бырйыны факультативной
предметъёсты, кудъёсаз
ветлыны мылкыдыз вань.
Озьы ик татын нокин уг чакла,
ветлӥськод тон лекциосы
яке уд, студент ачиз малпаське,
кытчы солы одно мыноно,
кытчы ӧвӧл.
Катя верамъя, мукет
аспӧртэмлык - туала технологиосты
кутон.
- Казаньын мон расписанимес
тодӥсько вал деканат
азе ошем доскаысь яке
дышетӥсьёслэсь, нош Германиын
со интыямын университетлэн
сайтаз яке личной
кабинетын. Татын котькуд
студентлы университетской
электрон почта усьто,
со туж капчиятэ дышетсконэз.
Личной кабинетысен
ик учкыны луэ вань лекциосты,
соин Германиын студентъёс
параын уг гожъясько.
Нош экзамен сётон
понна нырысь гожтӥськоно
пусъем дырозь, сотэк экзаменэ
уз лэзе. Экзаменъёсыз
татын ӵемысь гожъяло, нош
Казаньын устно сётӥськом
вал.
Библиотекае -
уйшоре
Нош Юлия Солнцева (фамилизэ
воштыны куриз)
Ижысь гурт удысъя академиез
йылпумъямез бере дышетскыны
пыриз Бавариысь огаз
университетэ. Со трос дырзэ
ортчытъяз университетлэн
библиотекаяз.
- Сёто доре уж, но сое лэсьтыны
дырмы ӧз тырмылы.
Соин библиотекаын яке компьютер
классын уйёсы но пукылоно
луылӥз. Лыктӥськод
отчы 2-3 часын уйин, нош
отын ялан кин ке вань! - мыня
Юля. - Библиотекае, университетлэн
вань мукет юртъёсаз
сямен ик, ми пырамы студентлэн
карточкаезъя. Лекциосты
кылзӥськом вал, нош
занятие пумын дышетӥсьмы
лекциын верамзэ, бумага
вылэ поттыса, милемлы
люкылӥз. Котькуд лекциез -
дунтэк! Ижын со понна коньдон
бичало вал. Мар монэ
паймытӥз на - немец студентъёслэн
параосын сиськемзы.
Занятие мыныку, соос потто
сумкаысьтызы огреч яке
ӵужкушман но аудитория
тыр кушало.
Кык оценка
Шаркан ёросысь Нелли
Лопатина Удмурт кун университет
бере бырйиз Германиысь
дуальной дышетсконэз
- со куке адями огвакытэ дышетске
но, ужа но. Али дасяське
ни берпуметӥ экзаменъёсызлы.
- Мынам али воксё ваньмон
дыры ӧвӧл: лыдӟиськисько,
дышетӥсько. Экзаменын сётозы
бадӟым текст, шуом, законлэсь
оглюкетсэ. Мыным
сое быдэсак лыдӟоно, валано
но ас кылъёсыным гожтоно,
мар сярысь со яке кыӵе учырын
сое кутыны луэ. Экзаменэз
сётыны туж капчи, токма
гинэ сомында дасяськисько,
дыр. Но луоз на устной экзамен.
Мон гожтӥ 2 пӧртэм
текст, кыӵе проектъёс бордын
дышетскытозям ужай.
Со текстъёс пӧлысь комиссия
быръёз одӥгзэ, мыным
сое ас кылъёсыным мадёно
луоз, нош дышетӥсьёс юанъёссэс
сётъялозы. Луэ вал огшоры
экзаменэз бырйыны,
куке студентъёс билетъёсъя
дасясько, но отын дышетонэз
тросгес.
Нелли верамъя, Германиын
дышетӥсь но дышетскись
куспын бадӟым вис ӧвӧл.
- Уноез дышетӥсьёс «тон»
шуыса вазисько, - шуэ Нелли.
- Нош мар монэ туж
паймытӥз но малы мон татчыозь
ӧй дышы - со оценкаос.
Контрольной но письменной
ужъёс понна басьтӥськод
письменной оценка, нош параын
вераськемед, группаын
ужамед понна - устной оценка.
Соин Германиын студентъёс
занятиосын трос вераськыны,
асьсэды возьматыны
тыршо.
Общежитие интые -
коммуналка
Уноез Россиын паймытэ
Германиысь дышетскисьёсты
но. Кылсярысь, Грайфсвальдысь
Стив Заксе дышетскиз
Удмурт кун университетын.
Со пальпотыса тодаз вае студент
дырзэ. Шуэ тужгес тодаз
кылизы «Студенческая весна»,
турслёт но мукет ужрадъёс,
кудъёсыз, со верамъя, Германиын
ӧвӧл.
- Озьы ик мон ветлӥ
факультетлэн ужрадъёсаз,
сыӵеосыз ми дорын но
ортчыло, - шуэ Стив. - Но
пӧртэмлыкез вань. УдГУ-ын
соос туж «культурно» ортчо:
студентъёс пырисько шудонъёсы
но вожвылъяськонъёсы,
лыдӟо кылбуръёс, пукто
Германиысь Бонн университет
пыре дуннеысь 100 ӟеч дышетскон
заведениос пӧлы. Татын
дышетскизы Ф. Ницше, Г. Гейне,
К. Маркс, Л. Бетховен но мукетъёсыз.
кыӵе ке номеръёс. Нош ми дорын
со ӵемысь шашлыкен но
сурен пикниклы пӧрме.
Стив пусъе на, асьме дорын
студентъёс одӥг факультетын
гинэ дышетско шуыса.
- Озьы студент аслэсьтыз
однокурсникъёссэ гинэ тодэ,
самой троссэ - факультетысьтыз
дышетскисьёсыз. Нош
Германиын ми огвакытэ 2
но тросгес факультетъёс бырйиськом.
Студентъёслэн улон интызы
но висъяське. Россиын студентъёс
гуртысь городэ вуо
ке, тыршо общежитие интыяськыны,
нош немецъёс утчало
асьсэлы комната квартираын.
Германиын со нимаське
Wohngemeinschaft (WG).
- Огъяулонниосын милям
ӵемысь кунгож сьӧрысь
егитъёс гинэ уло. Немецъёсыз
отысь шер пумиталод.
Малы? Малы ке шуоно милям
улэммы потэ квартираосын
яке, кызьы тӥ шуысалды,
коммуналкаосын - куке
2-3 мурт улэ 2 яке 3 комнатаен
квартираын. Мон но
озьы улӥ. Озьы астэ эрикогес
шӧдӥськод.
U.S. News Best Global Universities-лэн выль рейтингезъя,
дуннеысь усто 1250 университетъёс пӧлы пыро 75
кунъёсысь вузъёс, кылсярысь, США-ысь - 227-ез, Китайысь
- 130-эз, Великобританиысь - 78-эз, Германиысь - 62-ез,
Россиысь - 14-ез. Рейтингез кылдытӥсьёс лыдэ басьтӥзы
университетлэсь научной ужен выремзэ н о азинсконъёссэ,
калыккуспо кусыпъёссэ, кӧня конференциос радъямзэ, газетжурналъёсын
ужамзэ но мукет.
Быдэс дунне ӝог азинске ке но, тодон-валан люкан система
пӧртэм кунъёсын пӧртэм луыны быгатэ. Куд-ог студентъёслы,
выль интые вуыса, аръёс уг тырмо мукет улонлэн
аспӧртэмлыкъёсызлы дышон но менталитетэз валан понна.
ТОДОН-ВАЛАН БАСЬТОН
Дӥсьты гинэ!
Мария ЕМЕЛЬЯНОВА
«Мынам потэ кунгож
сьӧрын дышетскеме!
- шуо куддыр
егитъёс. Нош кызьы
но кыӵе коньдонэн?
Та пумысен иворъёсты
шедьтыны капчи.
Кельшымон университетлэсь
вотэс бамзэ
усьты но одно ик кунгож
сьӧрысь студентъёслы
ивор адӟод. Отысь
ик валаны луэ на, маин
пӧртэм курсъёс огогзылэсь
висъясько.
Тужгес но вӧлмемын
кылэз дышетонъя курсъёс.
Соос тросаз кунъёсын
радъяськыло. Кылэз
урод тодӥськод ке
но, номыр кышкытэз
ӧвӧл. Татын кылэз дышетыны
кутскисьёслы
но, сое умой тодӥсьёслы
но нимысьтыз программаос
чакламын. Улыны
ӵемысь кыӵе ке семьяе
интыяло. Дышетскон
ӵукна яке нуназе ортче,
соин ик кунэз учкыны но
дыр кыле.
Нош гужем яке тол
каникулъёслы чаклам
курсъёсын, кылэз дышетон
сяна, нимысьтыз
курсъёсы гожтӥськыса,
луэ аслад удысад тодон-валанъёстэ
узырмытыны.
Валамон, соку
кунгожсьӧр кылэз но тон
умой тодыны кулэ.
Та курсъёсы ас коньдонэн
пыриськоно. Нош
вань на луонлыкъёс дунтэк
дышетскыны - стипендиос
но грантъёс чотын.
Университетъёс асьсэос
соосты дэмлало. Вотэс
бамъёсазы ивор потто,
куронъёсты пусъё. Вань
куриськонъёсты басьтэмзы
бере быръё, кинэ дышетскыны
кутозы.
Но тросэз уг тодо, асьмелэн
Россиын но «Глобальное
образование»
программа быдэсъяське
шуыса. Со программа
пыр но кунгож сьӧры
дышетскыны мыныны
луэ. Соин ик, мылкыдды
вань ке, тазэ амалэз
быръе, грант басьтыны
тросгес луонлыкъёсты
кылдозы.
Нимысьтыз программаос
волонтёръёслы но
чакламын. Пӧртэм фестивальёслы
берыктӥсьёсты,
юрттӥсьёсты утчало. Валамон,
уждун со понна
уг тыриськы, но улон интылы,
сюреслы коньдон
висъяське.
Россиын сюрс пала
вылӥ дышетскон интыос,
нош кӧня соос быдэс
дунне вылын? Тросаз
кунгож сьӧрысь дышетскисьёсты
мыло-кыдо
витё. Луонлыкъёс трос,
дӥсьты гинэ!

КЫЛБУРЕТКА
6
№ 89 (25704)
2018-тӥ ар 27-тӥ шуркынмон
Яратонме мон шедьтӥ. Книгаысь
Алёна Моховалэн нырысетӥ чуръёсыз
* * *
Оло, таиз толалтэ
Мыным тонэ кузьмалоз.
Соку небыт бамъёстэ
Тӧдьы лымы вешалоз.
Кынмем кӧсыт киостэ
Яратыса шунтысал.
Ненег мусо кылъёстэ
Котьку тодам возьысал.
Васько мамык пырыос,
Дунне вылэ эктыса.
Каллен ортчо нуналъёс.
Тонэ уло витьыса.
* * *
Ми егитэсь: возьмало сюресъёс.
Мон оскисько, пӧрмозы вань ужъёс.
Ми дӥсьтӥсесь - мыном котьку азьлань.
Кать но быриз ке, ум коже берлань.
Трос сюресъёс. Нош кудӥз-о шонер?
Бырйы али. Собере луоз бер.
Уг валаськы мон, кытчы мыноно -
Кылбураса даурме ортчыто.
Кытчы-о монэ кыскоз сюлэмы,
Гочатоз та яркыт улонмы?
Ваньзы мыным юрттыны весь тыршо.
Ваньзы учко: бен кытчы-о кожо?
* * *
Сяськаос пӧлы пыри но синмаськи.
Яке выжыкыл дуннее вуи?
Татын мыным ваньмыз выль но валантэм,
Тани кин ке кечсинлэсь тымет ӵыпем.
Паймымон зынзы йырме ик бергатэ,
Та зарезе мынам потэ ни выеме.
Оло, отысь шедьто мон ас шудме,
Отын нокин уз лушка эрикме.
Сяськаос адямиос кадь пӧртэмесь,
Ас сяменызы ӟечесь но кильтроесь.
Котькудӥз яркыт, чебер но муспотон,
Одӥг пол но шӧтэмзэ ӧй адӟы мон.
* * *
Улон монэ уг жаля. Бӧрӟытэ.
Каньсыраны уг сёты. Кыдатэ.
Сюлэм гинэ уг жадьы. Кокаське.
Нош вылтыры уг чида. Шымырске.
Куаръёс усё лэйкаса. Писпуысь.
Яратонме мон шедьтӥ. Книгаысь.
Нюлэскытӥ калгисько. Йыроми.
Яркыт вал льӧль малпанэ. Бездытӥ.
Сьӧд йырсиме тӧл веша. Ӧжытак.
Синву ваське бам кузя. Калленак.
Сӥзьыл шока бусъёсын. Туж мӧзмыт.
Зоре, зоре. Куазь кезьыт.
Ысто отчы, кытын зол гажало,
Трос коньдонэз но ӧжыт жадёно.
Нош мынам потэ яратэме ужме,
Егит дыры укыр ӝог ортче.
Туспуктӥз Ульяна ВАХРУШЕВА
КИНО
Цой кадь эрико
Алина КРЕСТЬЯНИНОВА
Будапештысь огаз кинотеатрын
ӟуч режиссёрлэсь
Кирилл Серебренниковлэсь
«Лето»
кинозэ венгер субтитръёсын
возьматӥзы.
Ми но эшеным
ветлӥмы.
Мынон азямы эше вераз,
кино Виктор Цой сярысь шуыса.
Зэм, отын 1980-тӥ аръёслэн
кутсконзы, Ленинградысь
рок-клуб но тодмо
«Кино» группалэн кылдэмез
возьматэмын. Нош мон соглаш
ӧй луысал, кино быдэсак
Виктор Цой сярысь шуыса,
кырӟасьлэн образэз киноез
чеберматӥсь амал гинэ.
Цоез сяна, Михаил Науменко,
Борис Гребенщиков,
Алексей Рыбин кырӟасьёсты
возьматӥзы на. Но киноын
огпол но уг верало соослэсь
фамилиоссэс, соос огшоры
ӟеч музыкант Витя но солэн
эшез Лёня, рок-клублэн кизилиосыз
Майк но Боб. Соослэн
нимъёссы борды мукет
фамилиос но пуктӥд ке,
номыр уз воштӥськы, совето
вакытысь огшоры музыкантъёс
сярысь чебер история
пӧрмоз.
Майкез «Летоын» тодмо
кырӟась Роман Билык,
«Звери» группалэн
азьветлӥсез, шудӥз, ӵапак
солэн героез учкисьёсты
тужгез зол малпаськытэ.
Киноын со тодмо кырӟась
ини, питерской рок-клубын
сое ваньзы тодо но ярато,
ачиз со англи кылын
кырӟанъёсты кылзэ, шундыпуксён
палась кылзӥсез
аслаз творчествоеныз тодматыны
малпа. Майк Виктор
Цоез пумита, со адӟе,
пияш быдэс поколенилэн
куараез, зэмос кизили шуыса.
Майклэн аслаз ӵапак
сыӵе луэмез потэ.
Мон малы ке весь возьмай,
Майк вожъяськыса
Викторлы рок-клубе сюрес
усьтыны люкетоз шуыса,
нош со юрттӥз, интыяз кулэ
кылъёс вераз. Геройёс ӧз
выре асьсэдыз гинэ азьпала
поттыны. Туала учкисьлы со
«Лето» киноысь суред.
паймымон ни, малы ке шуоно
асьме вакытэ сыӵезэ шер
пумиталод.
«Лето» - астэ улонын утчан
сярысь кино. Тыныд 19
арес гинэ ай, тон азьын быдэс
дунне усьтӥське кадь, но
тон уд тодӥськы кудпала вамыштыны.
Озьы ик со егит
дырлэн вунонтэм шӧмыз сярысь
крезьгуро фантазия.
Котькинлы тодмо, «Алюминиевые
огурцы», «Бездельник»
но «Восьмиклассница»
сяна, киноын Psycho Killer,
The Passenger но Perfect day
крезьгуръёс чузъясько.
Эшшо «Лето» - со эрик. Киноын
трос пол возьматӥсько
укноос но ӧсъёс, кудъёссэ
егитъёс усьто, нош чиновникъёс
ворсало. Совето вакытлэн
тусыз сьӧд но тӧдьы
кадръёс пыр возьматэмын,
нош зэмос улон но егитъёслэн
мылкыдзы, уйвӧтын сямен,
пӧртэм буёло. Геройёс
возьмато, кызьы эгесась кунын
ачид пушкысь эрикез но
гармониез шедьтыны луэ.
Эрикез шӧдон ӵапак гужем
кылдэ. Соку луэ шурлэн
ярдураз сур юыны, тылскем
котыр гольык бызьылыны
но, куара бырытозь, эшъёсыныд
яратоно кырӟанъёстэ
кесяськыны. Киноын тон
адӟиськод «бездельникъёсты»,
кудъёсыз понна
нокыӵе алонъёс но возетъёс
ӧвӧл, но пусйымон, со геройёс
уг нюръясько системаен,
соос понна со система чик
ӧвӧл.
Паймоно, К. Серебренников
ӝокатӥсь брежневской
вакытэз возьматӥз, но тросэз
егитъёсыз, миленымы
ӵошатыса, эрикогес, творческойгес,
етӥзгес но капчи
мылкыдогес вал.
Ӵапак ми понна, дыр, режиссёр
Скептик персонажез
пыртэм. Со огшоры туала
вакытысь егит адями, кудӥз,
геройёслэсь даурзэс валатэк,
туала улон пыр ваньзэ
критиковать каре. Скептик
валтӥсь геройёсын валче
улэ, шутэтске, нош вераське
со учкисен. Кылсярысь,
Виктор Цойлэн героез экран
вылэ нырысьсэ потыку, со,
шонерак камера шоры учкыса,
шуэ: «Не похож». Скептик
уг вунэты шуыны «Ничего
этого не было». Быдэс кино
ӵоже со верамез мантра кадь
чузъяське.
Мон ӧй улы киноын возьматэм
вакытэ, но мон шӧдӥ
со мылкыдэз. Мон понна
кино - со искусство, мукет
дунне, соин мыным туж яразы
сценаос, куке Скептик
валтӥсь фразазэ вера. Кызьы
вал соослэн, милям озьы
ноку но уз луы.
Кино быре шӧдтэк шорысь,
кызьы кошкизы улонысь
Виктор Цой но Михаил
Науменко. Кино быриз,
вань образъёс быдэстэмын
но йылпумъямын, тон учкиськод
сьӧд экран шоры но
шӧдӥськод астэ сыӵе ик улэп
но эрико, кыӵеен шӧдэ вал
ассэ Виктор Цой.
Собере титръёс дыръя
«Кончится лето» кырӟан
шудэ. Нокин уг султы, нош
тон валаськод, берпуметӥ 2
час куспын адӟид зэмос туала
искусствоез, валад, гужем
- со ӧвӧл арлэн огез вакытэз,
со - быдэс улон, мылкыд но
шуд.

№ 89 (25704)
2018-тӥ ар 27-тӥ шуркынмон
ТОД АСТЭ
7
Кыӵе тон мем?
Полина КУЛИКОВА
Мем (мемас, мемчик)
- Интернетысь серемес
суред яке цитата,
кудӥз вакчи дыр куспын
тодмо луэ. Со туж
тупа улонысь учыръёслы,
кудъёсыныз котькуд
адями пумиськылэ.
Нош ӵемысь соосын
гинэ троссэ вераны луэ.
Та тестэз ортчиды ке,
тододы, кыӵе мем тупа
ӵапак тӥледлы.
1. Туннэ тӥ эшеныд
малпады вал пумиськыны.
Тон вуид, нош со ӝега.
Мар тон карод?
А. Кӧня возьмалом на?
Ӟеч, мон кошкисько.
Б. Мылы потӥз ке, возьмало,
ӧз ке - уг.
В. Кин тодэ, оло, со пробкае
пачказ? Возьмало на
ӧжыт.
2. Тон урамтӥ, мар
ке но ческытсэ сиыса,
мынӥськод. Нош сиёнэд
музэ усиз. Мар тон карод?
А. Беч. Табере мон сое уг
сиы ни.
Б. Усем ке усем, выльзэ
басьто.
В. Мар каром? Возьмало
эшме, со сюдоз, дыр.
3. Кинэ тон театрын
шудысалыд?
А. Кыӵе ке кышкыт тунопелёез
яке кужмо пиосмуртэз.
Б. Кинэ ке эксэй семьяысь,
трон вылын пукыны
мед удалтоз шуыса.
В. Писпу луысал. Со палэнын
сылэ но номыр уг
кары.
4. Кызьы тон астэ возиськод
эшъёсыд пӧлын?
А. Ойдолэ киное! Яке шудом!
Ойдолэ маке каром
ини!!!
Б. Туса? Ой, мынам анаелэн
вынызлэн писэйпиезлэн
вордӥськем нуналыз. Мон
мыныны уг быгаты.
В. Эшъёсы пӧлын пуко
но возьмало, ку аслэсьтым
малпанъёсме вераны сётозы.
5. Мар тон кафеын
басьтод?
А. Мае чалякгес ваёзы.
Б. Сое, мае капчи сиыны.
В. Веръясал тодмотэм сиёнэз,
котькӧня возьмано мед
луоз.
6. Кызьы тон реферат
дасясал?
А. Копировать - вставить.
Ваньмыз дась!
Б. Тодӥсь адямиослэсь
юрттэт курысал.
В. Люкам иворъёсты
лыдӟысал но возьмасал, ку
Интернетын тросгес ивор потоз.
7. Тонэ эшедлэсь ужзэ
быдэстыны косо. Мар тон
карод?
А. Уг быдэсты, мынам аслам
ужъёсы трос на.
Б. Мынам уг поты.
В. Ярам, каро, быдэсто,
мон ӟечок.
Озьыен,
кыӵе тон мем?
«А» буквалы тросгес валэктонъёсыд
люкаськизы
ке, тынад мемед «Голос» передачаысь
горд кнопкаен
Агутин. Бен, тон ӝог но малпаськытэк
бырйиськод сюрестэ.
Ӵемысь улон кузя тонэ
мылкыдъёсыд валто.
«Б» буквалы тросгес валэктонъёсыд
люкаськизы ке,
тон - писэй, кудӥз шуэ: «Мон
уг быгатӥськы». Номыр но
карытэк улыны тыныд капчи
потэ.
«В» буквалы тросгес валэктонъёсыд
люкаськизы ке,
тон - Ждун. Ойдо возьмалом
выль сериез, эштэ, мукет автобусэз,
кикылэсь пиямзэ,
дуннелэсь быремзэ. Возьмавозьма,
улонэд но ортчоз.
ФИН-УГОР КРЕЗЬГУР
Будапештысь площадь + США-ысь штат = Blahalouisiana
Августина МИХАЙЛОВА
Blahalouisiana («Блахалуизиана»)
группаез
Венгриын тодӥсьтэмез
ик ӧвӧл, дыр. Бадӟым
концертъёсты но
пӧртэм фестивальёсты
та крезьгуро группатэк
син азе пуктыны
ик секыт.
Азьло группа Jacked
(«Домкратэн ӝутэм») шуыса
нимаськиз, нырысь отын
Секешфехервар карысь егит
пиос гинэ шудӥзы-кырӟазы.
Соос пӧлын - Габор Янчо
(бас-гитараен шудӥсь), Ласло
Мознер но Андраш Сайко
(акустической гитараен
шудӥсьёс), Адам Юхас (дымбыртонэн
шудӥсь), Матэ
Пейнзэш (клавишаосын
шудӥсь). Таӵе нимын соосты
уг но тодо ни.
Уго Blahalouisiana уз луы
зэмос Blahalouisiana кужмо
но сюлме пырись куараезтэк
- Барбара Шоблохертэк.
Барбараен пиос 2012-тӥ
арын тодматскизы но выль
шӧмо группа кылдытӥзы.
Али группаен ӵапак Барбара
кивалтэ.
Нырысетӥ кырӟанзы потэм
бере ик группа тодмо
луиз, уго Венгриысь бадӟым
радиостанцилэн 30 тужгес
усто кырӟанъёсыз пӧлы пыриз.
Озьы группалэн зэмос
огыр-бугыр улонэз кутскиз.
Ӝыны ар куспын соос 50-
лэсь трос концерт пуктӥзы,
VOLT фестивале пыриськизы,
пӧртэм концертъёсын
Венгриысь Blahalouisiana
группа.
кырӟазы, радиоын чузъяськизы
кырӟанъёссы.
Blahalouisiana мадьяр
кылын гинэ уг кырӟа.
Нырысетӥ пичи альбомазы
но тросгес англи кылын
кырӟанъёс. Озьы ке но Мадьяр
шаерын Барбаралэн куараез
вылӥ интызэ нокинлы
уг сёты.
Blahalouisiana аслаз
крезьгураз 60-тӥ аръёсысь
блюзлэсь шӧмзэ пыртэ.
Группа кантри, бит-рок,
инди ӧръёсты гажа. 2013-
тӥ арын Tonight I’ll Dress
in Blue («Туннэ мон луо чагыр
дӥськутэн») кырӟанэзлы
клип поттӥз.
2015-тӥ ар Blahalouisiana
понна вунонтэм луиз. Та аре
группалэн мадьяр кылын 2
бадӟым альбомез потӥз: Ahol
ӧsszeér («Кытын огазеяське»)
но Máshol várnak («Мукет интыын
возьмало»). Та бордысен
ик группалэн Венгриетӥ
туръёсыз кутскизы.
2016-тӥ
арын
Blahalouisiana Будапештын
ортчись NagySzínPad
(«Бадӟым сцена») нимо фестиваль-конкурсэ
пыриськиз.
Ар пумын потэм Without
me («Монтэк») нимо альбомысьтызы
3-ез кырӟанзы
та конкурсын вылӥ инты
басьтӥз.
Blahalouisiana-лэн крезьгуръёсызлэсь
шуныт луэ.
Туала егитъёслы тупась
текстъёс но ретро-крезьгур,
огинэ кариськыса, вунэтонтэм
мылкыд кылдыто. Туж
романтичной но со вакытэ
ик улон шоры сазь синмын
учкись егит муртлэн дуннеез
сярысь кырӟанъёсысь
тросэз асьсэды тодманы быгатозы.

АДӞЫТОН
8
№ 89 (25704)
2018-тӥ ар 27-тӥ шуркынмон
Горд йырсиез - суреданы
Мария ЕМЕЛЬЯНОВА
Интернет ачид сярысь шара вераны
бадӟым луонлык сётэ. Алнаш
ёросысь Сьӧд Ошмес гуртысь Марина
Прокопьеваез но тросэз тодо
вотэсэ поттэм суредъёсызъя.
Азьло Марина ас понназ гинэ
суредаськылӥз, карандашен портретъёс
пӧрмытылӥз. Бадӟым классъёсы вуэмез
бере пыр-поч суредаськон дуннее зымиз.
Оло, соин ик Удмурт кун университетэ дизайнерлы
дышетскыны пыриз.
- Университетын пӧртэм амалъёсын суредаськиськомы,
- вера Марина, - но мыным
кельше, гожъёс рос-прос адско ке. Мон
уг быгатӥськы чебер буяны. Сюлэмыя графической
планшет пыр суредаськон.
Нылаш синмаське быдэс дуннелы тодмо
луэм суредасьёслы. Кылсярысь, Илья
Репинлэсь ужъёссэ висъя, Архип Куинджилэн
огшоры пейзажъёсыз бордазы кыско,
отын номыр мултэсэз ӧвӧл, шуэ. Нош
Михаил Врубельлэн персонажъёсыз тунсыко
дуннее вутто, пе.
Марина тодмо суредась луыны ужпум
азяз уг пукты. Аслэсьтыз адӟытонзэ радъян
сярысь малпанъёсыз ик ӧвӧл. Нош мар
борды со кыстӥське меда?
- Али удмурт выжыкылъёсысь геройёсты
суредасько. Кылсярысь, Палэсмуртэз,
Вумуртэз, Алангасарез пӧрмытӥ ни. Азьланяз
соосын нимысьтыз комикс суредасал.
Али тыршисько удмурт кылын сценарий
гожтон бордын. Мынам потэ бадӟым
история пӧрмытэме.
Комиксъёсын нылаш «Шундыкар» лагерьын
тодматскиз. Соку егит суредасьёсты
Михаил Николаев дышетӥз. Ӵапак комикс
суреданлы саклык висъяз. Нылпиос
лагерь бере асьсэлэсь бичетсэс но поттӥзы.
- Со дырысен зэмос удмурт комикс лэсьтон
малпанэн улӥсько, - вера Марина.
Мариналэн тросысьтыз суредъёсысьтыз
горд йырсиё нылашез пумитаны быгатоды.
«Со автопортрет-а?» шуыса юаме бере
Марина серектӥз:
- Удмуртъёсты горд йырсиёесь шуо ук.
Соин ик йырси пыр возьматӥсько удмурт
тусо адямиосты. Но ӵемысь юри чаклатэк
озьы пӧрме, киы ачиз горд буёл дуре
кыстӥське, лэся.
Али Марина «Чукиндэр» проектлы удмурт
кылын ӝӧк выл шудонъёсты лэсьтыны
юрттӥське. Малпа, та уже пыриськон
юрттоз быгатонлыкъёссэ волятыны.
Суредаз Марина ПРОКОПЬЕВА
№ 89 (25704)
2018-тӥ ар 27-тӥ шуркынмон (ноябрь)
1915-тӥ арысен 1917-тӥ арысен 1918-тӥ арысен 1918-тӥ арысен 1930-тӥ арысен 1943-тӥ арысен 1992-тӥ арысен
Учредители:
Государственный Совет
Удмуртской Республики
Правительство
Удмуртской Республики
Главный редактор
З. К. Рябинина
Ответственный за выпуск
М. М. Емельянова
Адрес редакции-издателя:
426008, г. Ижевск,
ул. К. Маркса, 274
www.udmdunne.ru
e-mail: udmdunne@yandex.ru
Газета отпечатана в АО
«Ижевский полиграфкомбинат»
(426039 г. Ижевск,
ул. Воткинское шоссе, 180)
Телефоны:
73-33-42, 89511953765 - приёмная, реклама,
зам. гл. редактора
73-33-46 - отв. секретарь
73-33-43, 89511953766 - корреспонденты
Индексы: П 5806, П 5001
Тираж номера 1110
Заказ № 584
Объём 2 п. л.
Цена свободная
Подписано к печати - 18.00
По графику - 18.00
Мнение авторов не всегда совпадает с
мнением редакции
Использование материалов допускается
только с разрешения редакции
Материалы, публикуемые с пометкой
«Д» и «Реклама», печатаются на договорной
основе.
Газета зарегистрирована Управлением
Федеральной службы по надзору в сфере
связи, информационных технологий и
массовых коммуникаций по Удмуртской
Республике
Регистрационный номер
ПИ №ТУ18-00646
Рекомендовано для чтения с 12 лет