ud#91 (25706)

2018-тӥ ар 4-тӥ толсур (декабрь). Пуксён (вторник) № 91 (25706)
Вань удмуртъёслэн газетсы
Кылдытэмын 1915-тӥ арын 4-тӥ феврале
Юбилей Нылпиос Буре ваён
Воткинскысь «Пичи чеберайёс но батыръёс»
2 4
7 удмурт кылэз
1-тӥ дышетыны
школаын
конкурс йылпумъяськиз
кутскизы 25 ар талэсь азьвыл
Максим Прокопьевлэсь нимзэ
берыктоно
УДМУРТ КЫЛЛЭН НУНАЛЫЗ
«УДМУРТ КЕНЕШ» ОГАЗЕЯСЬКОНЛЭН ВЫПУСКЕЗ
Ã
Å
Ð
Ä
Адресэз: 426074, Ижкар,
Октябрьлы 50 ар карлуд,
15 номеро юрт, 213-тӥ, 215-тӥ
кабинетъёс, «Удмурт Кенеш».
Тел.: 68-53-29; тел./факс 68-83-08.
www.udmkenesh.ru
E-mail: udmkenesh@gossovet.udm.ru
Лэсьтӥз «Монами» удмурт дизайн-мастерской
Кыӵе умой, тон вань!
Елена МИННИГАРАЕВА
Удмурт калыклэн
календаряз кылдӥз
выль сӥё-дано нунал
- 27-тӥ ноябрь. Табере
арлы быдэ та нуналэ
шаерысьтымы но дуннеысь
вань мылкыд
карисьёс пусъёзы Удмурт
кыллэсь нуналзэ.
Нош мар бордысен ваньмыз
кутскиз? Туэ 18-тӥ
мае Елабугаын радъяськиз
вань удмуртъёслэн
нырысетӥ ӧтчамзы ортчем
дырысен 100 ар тырмонлы
сӥзем научно-практической
конференция. Отын
ӵектэмын вал нимысьтыз
юнматыны Удмурт кыллэсь
нуналзэ. Но ку пусъёно
сое? Кин ке ӵектӥз удмурт
кылын нырысетӥ кылбур
чузъяськем дырез, кин ке
- нырысетӥ удмурт съезд
ортчем нуналэз... Егитъёс
дэмлазы Удмурт Элькунысь
кун кылъёс сярысь законэз
кутон нуналэз - 2001-
тӥ арын 27-тӥ ноябре. Озьы
«Удмурт Кенеш» огазеяськонлэн
кивалтӥсез Татьяна
Ишматова туэ сӥзьыл ялӥз:
- Быдэс дуннеен дасяськиськом
Удмурт кыллэсь нуналзэ
пусйыны. Удмуртъёс вань
ужъёссэс ӵош, веме карыса
ортчыто вал, озьы ик удмурт
кыллэсь нуналзэ но вемеен,
быдэс дуннеен ӵош кариськыса
ортчытоно, Удмуртиын
улӥсь удмуртъёс гинэ ӧвӧл,
мукет улосъёсысь, кунгож
сьӧрысь но мыло-кыдоос мед
пыриськозы.
Праздник зэмзэ но быдэс
дуннеысь удмуртъёсты, удмурт
кылэз яратӥсьёсты огазеяз.
Удмурт кыллы сӥзем
акцие пыриськизы Москваысь,
Санкт-Петербургысь
удмурт землячествоос, Россилэн
пӧртэм улосъёсысьтыз
удмурт культурая центръёс,
Венгриысь, Эстониысь,
Польшаысь, Германиысь,
США-ысь, Швейцариысь
мыло-кыдоос. Ижын та нуналэ
азьвыл ик чаклам 9 площадка
ужаз - удмурт кыллы
сӥзем котырес ӝӧкъёс,
акциос, флешмобъёс, лекциос,
шудонъёс радъяськизы.
Нош кӧня пӧртэм азьвыл
чакламтэ акциос ортчизы
на! Интернет вотэсын огогзэс
но калыкез праздникен
ӟечкылаллязы ёрос йыръёс,
депутатъёс, журналистъёс,
писательёс, дышетӥсьёс но
огшоры калык. Нокин курытэк,
нокин косытэк, тымиськем
мылкыдзэс кисьтӥзы,
анай кылмес яратэмзэс веразы.
- Удмурт кыллэн нуналыз
- со удмурт калыкез огазеясь
нунал гинэ ӧвӧл, со удмурт
кылэн вань тунсыкъяськисьёсты
огазеясь нунал,
- пусйиз Татьяна Ишматова,
- мылкыды пачылмыса, тау
шуисько ваньмызлы, кин
пыриськиз та нуналэз пусъёнэ.
«Кыӵе умой, тон вань!» -
удмурт кыл сярысь куке-соку
гожтӥз кылбурчи Л. Бадретдинова.
Нош мон ватсасал:
кыӵе умой, тон калыкез зэмос
огазеясь кужым!
Пусъёно на: вуоно 2019-
тӥ арез ОНН ялӥз ас выжы
музъемъёссы вылын улӥсь
калыкъёслэн кылъёссылы
сӥзем арен. Озьыен, удмурт
кыллэн нуналыз вуоно
арын эшшо яркытгес ортчыны
кулэ.
Удмурт кыллы сӥзем
нуналлэн ортчемез сярысь
пыр-почгес лыдӟе 3-тӥ бамысь.

№ 91 (25706)
2 2018-тӥ ар 4-тӥ толсур Ãåðä
МЫЛКЫД
Котьку мед луоз
удмурт кыл!
ВОТКИНСКЫСЬ УДМУРТ КЛАССЪЁСЛЫ - 25 АР
Сайкан
Татьяна ИШМАТОВА,
«Удмурт Кенеш»
огазеяськонлэн тӧроез
Ортчем арня вискын
удмурт калыклэн
историяз туж синмаськымон
но данъяськымон
нунал вал.
Дуннеын нырысьсэ
пусйиськиз Удмурт
кыллэн нуналыз.
Удмурт кыллэсь нуналзэ
ялон но пусъён борды
ми, «Удмурт Кенеш» огазеяськон,
кӧня ке куалекъясагес
кутским вал. Валалозы
меда адямиос солэсь
кулэлыксэ? Ӵемысь кылоно
ук: пӧртэм ужрадъёсты
ортчытыны коньдон, соиз-таиз
кулэ, азьлапал ик
дасяськоно. Нош татын 2
арня куспын мар вуттод?
Но мон туж зол пайми,
макем огъя мылкыдын,
макем шумпотыса
вань калыкмы пумитаз
та нуналэз. 27-тӥ ноябре
ӵукнаысен ик Интернет
вотэс анай кыллы сӥзем
туспуктэмъёсын, суредъёсын,
видеоужъёсын тырмиз.
Ваньмыз та вырӟиз
вылӥысь нокыӵе косонъёстэк,
пичи но коньдонтэк!
Ог-огзэс азьпалтыны турттыса
кадь, аспӧртэм эстафета
выллем, ортчылӥзы
ужрадъёс: Ижкарын, Удмуртилэн
ёросъёсаз, кунгож
сьӧрын. «ВКонтакте»,
«Фейсбук» удмурт кыллы
сӥзем флешмобе выйизы,
шаерысьтымы мукет
иворъёсты адӟоно но ӧй
вал ни, ваньзэ согизы удмурт
кыллы сӥзем акциос.
Таӵеез ӧй вал на!
Озьы тупаз, ӵапак та
нуналэ ортчиз Кун Кенешлэн
сессиез. Нырысьсэ со
усьтӥськиз удмурт кылын.
Трибуна сьӧры потам депутатъёс
вераськонзэс ваньзы
удмурт кылын кутскизы.
Таӵеез но ноку ӧй вал на!
Кун Кенешысь трибуна
сьӧрын удмурт кыллэн
кутӥськемез туж адӟем карымон.
Та нуналэз шулдыръяськыса
гинэ пусйысалмы
ке, оло, со сокем ӧй
но бурдъясал. Нош табере
егитъёслэн мылкыдзы
но, оло, юнгес бугырскоз,
сыӵе бадӟым кивалтӥсьёс
но удмурт кылын вазисько
бере, озьыен, со туж зол.
Мон туж оскисько: анай
кыллэсь нуналзэ пусъён
сяме пыӵалоз. Со понна
нимысьтыз кыӵе ке закон
кутоно но ӧвӧл.
Туж тау кареме потэ
Кун Кенешлэн азьвыл
тӧроезлы Игорь Семёновлы,
ӵапак со кивалтон
дыръя, 2001-тӥ арын 27-
тӥ шуркынмонэ, «Удмурт
Элькунысь кун кылъёс
но Удмурт Элькунын
улӥсь мукет калыкъёслэн
кылъёссы сярысь» законэз
юнматӥзы, соя удмурт
кыл луиз кун кыл.
Валентина ЕМЕЛЬЯНОВА
23-тӥ ноябре Воткинскысь
П. Чайковский
нимо 1 номеро
школае трос калык
люкаськылӥз. Татын
сӥё-дано пусйизы удмурт
класс усьтӥськем
дырысен 25 ар тырмонэз.
Ужрадэ вуылӥзы
Ижысь но пӧртэм
ёросъёсысь куноос, Воткинск
город но ёрос
администрациосысь
кивалтӥсьёс, школаез
йылпумъямъёс.
Коркась корка
Залэ люкаськем калыклы
нырысь ик тодаз вайытӥзы
историысь чуръёсты. 1980-
тӥ аръёсы Воткаысь 1 номеро
школа шаерысьтымы тужгес
бадӟымез лыдъяськем. Дышетскисьёслэн
лыдзы 3 сюрслэсь
ятыр вылэм. Нош 1990-тӥ
аръёсы татын кылдӥзы куд-ог
предметъёсыз мургес дышетонъя
нимысьтыз классъёс.
Нырысь ик басьтӥськиллям
математика но англи кылэз
дышетон борды, бӧрысьгес
ини та школаын удмурт кыл
но чузъяськыны кутскем. Ӟуч
городын анай кылэз дышетон
борды дӥсьтыса басьтӥськем
Валентина Черыгова. Бӧрысь
ачиз кадь удмурт эшъёссэ бордаз
люкам ни.
- 1991-тӥ арын вал со, удмурт
кылэз факультатив чотын
нуыны кутски, - шуэ Валентина
Максимовна. - Нырысь
ик аслым юрттӥсьёс утчай,
Альбина Николаевна Вахрушеваен
пумиськи. Ӵапак со
сюлмаськемен, Вотка городын
кылдытэмын вал удмуртъёслэн
«Тюрагай» ансамбльзы.
Удмурт калык кырӟась калык
шуо бере, анай кылмес валась
крезьгурчиез утчано кариськимы.
Сергей Семёнович Трофимовез
ӵектӥзы. Воргоронлэсь
школае лыктэмзэ ар пала
возьмано луиз ке но, со милемын
ужаны соглаш кариськиз.
Валентина Черыговаен
ӵош удмуртэз дышетон
борды басьтӥськизы мукет
дышетӥсьёс - Галина Маркова
но Светлана Широбокова.
Урокъёс ваньмызлы тунсыко
потӥзы, удмурт кылэз дышетон
борды пиналъёс мыло-
УДМУРТ ГИМНАЗИЛЫ - 24 АР
Элина ВАСИЛЬЕВА
Кузебай Герд нимо
гимназия усьтӥськемез
дырысен 24 ар тырмонзэ
пусйиз.
Отысь дышетӥсьёсты
но пиналъёсты ӟечкыланы
вуылӥзы Кун Кенешлэн
Тӧроезлэн нырысетӥ
воштӥсез В. Невоструев
но Кун Кенешысь Наукая,
дышетонъя, культурая,
национальной но
Туспуктӥз Валентина ЕМЕЛЬЯНОВА
кыдо басьтӥськизы. 2-тӥ араз
Воткинскысь пиналъёс, элькун
конкурсъёсы пыриськыса,
вормонъёсын бертӥллям ни.
Озьы школаысь кивалтӥсьёс
удмуртлыклэсь кулэлыксэ валаллям
но удмурт класс усьтыны
луонлык сётӥллям.
Удмурт классэ пиналъёсты
люкан понна дышетӥсьёс коркась
корка ветлӥллям, мумыбубыосын
кенешиллям. Тыршемзы
юнме луымтэ, 1993-
тӥ арын Воткаын кылдӥзы
нырысетӥ удмурт классъёс.
- Мон ас мылкыд каремея
1-тӥ удмурт съездэ ветлӥ, -
веранзэ азьланьтэ Валентина
Черыгова. - Бадӟым ужрадысь
бертыса, городамы но
удмурт класс усьтон пумысен
мылкыды пуромиз, съезд
монэ сэзъялтӥз-сайкатӥз кадь.
Отысен мон трос визьмо адямиосын
пумиськи, тросэз ас
ӵектонъёссэс-сӥзёнъёссэс веразы.
Кылсярысь, Г. Корепанов-Камский
крезьгурчилэсь
верам кылъёссэ туннэ но тодам
возисько. Удмуртэз дышетыны
малпаськод ке, фольклор
бордысен, пе, кутскы -
ноку уд янгыша. Бадӟым адями
вераз бере, озьы ик лэсьтӥ.
Воткаысь школаын удмурт
кылэз дышетон борды дэмен
басьтӥськизы. Нылпиосты,
анай кылынымы вераськыныгожъяськыны
дышетэм сяна,
калык киужъёсын но кырӟанверанъёсын
тодмато, крезьгу-
Кузебай Гердлэн пушъетъёсыз
егитъёсын ужан политикая
ялан ужась комиссилэн
кивалтӥсез, «Удмурт
Кенеш» огазеяськонлэн
тӧроез Т. Ишматова.
Гимназия кылдытон
сярысь нырысетӥез документ
потэмын вал 1994-
тӥ арын 15-тӥ августэ. Но
соку пиналъёс уг дышетско
бере, вордскем нуналзэ
пусъёно кариськизы 28-тӥ
ноябре.
ро инструментъёсын шудыны
дышето.
Кырӟаса-вераса
Табере та школаысь
дышетӥсьёслэн ужан
амалъёсынызы тодматскыны
вуыло шаерысьтымы
уно дышетӥсьёс, ортчыло
пӧртэм семинаръёс. Школалэн
кивалтӥсез Ирина
Глазырина пусйиз: 2 но солэсь
трос кылъёсты тодӥсь
нылпиос дышетсконын но
азьветлӥсьёс луо, школа улонэ
но мыло-кыдо пырисько.
Удмурт кыллэн Вотка городын
чузъяськемез сярысь
веразы лыктэм куноос но: «Удмурт
Кенеш» огазеяськонлэн
ёзчиез, Ижысь К. Герд нимо
гимназиысь удмурт кылъя
дышетӥсь Валентина Широбокова
но Дышетон удысын
национальной ужпумъёсты
тодон-эскеронъя институтлэн
директорез Надежда
Ураськина. Воткаысь удмурт
кылъя дышетӥсьёс, писпулэн
выжыез выллем, мытэм
ужзы бордын юн возисько,
дышетэм пиналъёссы пӧлын
но вань ни ужзэс азинтӥсьёс.
Нылкышно дышетӥсьёс
пӧлын туж востэм гинэ адске
Сергей Трофимов.
- Нылпиосты визьноданы
кутски калык крезьгурен но
инструментъёсын тодматскон
бордысен, - шуэ Сергей
Семёнович. - Озьы мон,
Табере котькуд 28-тӥ ноябре
татын урокъёс вискын
но чузъясько кырӟанъёс. Туэ
ар пӧртэм ӧз луы. Эшшо та
нуналэ гимназистъёс пӧлы
пырто 1-тӥ классын дышетскисьёсты.
Соосты котьку ик
ӟечкылало «Чебеляй» ансамбле
ветлӥсьёс. Та ансамбль -
гимназилэн одӥгез данъяськонэз,
со вормонъёс басьтылӥз
ни Россиын но дуннеын
ортчылӥсь фестивальёсын.
Воткинскысь 1 номеро школаысь
удмурт кылъя дышетӥсьёс.
удмурт сямен вераськем
сяна, урокъёсам огазеяй удмуртъёслэн
дӥськутэнызы,
кырӟан-эктонъёсынызы тодматсконэз,
калык инструментъёсын
шудонэз. Уг
ваты, кутсконэз секыт вал.
Нырысь пиналъёсты арган
кысканы дышетӥ, собере крезе
выжим. Ӵапак татын ик
кылдӥз крезьчиослэн «Сайкан»
ансамбльзы. Дышетскисьёсмы
тросэз крезьгуръя
школае ветлӥзы, собере дышетсконзэс
азьланьтӥзы Воткинскысь
педколледжын.
Табере «Сайкан» коллективлэн
шорсюлмыз колледжын
возиське ке но, школа милемлы
пыд выламы султыны
юрттӥз. Шумпотӥськомы,
«Сайкан» табере быдэс шаермылэн
данъяськонэз луэ.
Сергей Семёнович вордскемезъя
Сьӧлта ёросысь
Пажгуртысь луэ. Удмурт гуртын
вордскемын ке но, школаын
удмуртэз дышетымтэ.
Аслэсьтыз удмуртлыксэ
шӧдыны кутскем, Воткаысь
1 номеро школае вуыса гинэ.
Воткинскысь удмурт классъёслы
25 ар тырмонэз пусйыку,
залэ люкаськем калыклы
шулдыр концерт возьматэмын
вал. Чебер кырӟаны
быгатэменызы паймытӥзы
школаысь удмурт кылъя
дышетӥсьёс но.
24 ар ӵоже гимназилэн
аслыз гинэ тупась сямйылолъёсыз
кылдӥзы ни.
Татын ӵемысь ортчыло элькун
конкурсъёс, фестивальёс,
конференциос, удмурт
кылэз но литератураез азинтонъя
семинаръёс.
Пумиськонэз йылпумъяса,
«РосПрос» медиастудиысь
пиналъёс Кун Кенешысь
депутатъёслэсь интервью
басьтӥзы.

Ãåðä
№ 91 (25706)
3
2018-тӥ ар 4-тӥ толсур
УДМУРТ КЫЛЛЭН НУНАЛЫЗ
АЛНАШ
Удмурт толэзь
Ёросын ортчиз удмурт
культуралы сӥзем толэзь.
19-тӥ ноябре Алнаш шор
ёзо школаысь нылпи библиотекаын
ужасьёс 2-тӥ классын
дышетскисьёс понна
«Вордскем шаере» вожвылъяськон
радъязы. Кужымзэс 7
командаос эскеризы. Шаертодонъя
юанъёсын нылпиослэсь
визьзэс сыназы Лӧпшо
Педунь но Чеберай. Вормиз
2-тӥ «д» класс.
23-тӥ ноябре Варзи-Ятчи
клубын ёросысь фольклор
коллективъёслэн «Кырӟа,
экты, шутэтскы» 10-тӥ фестивальзы
ортчиз. Пусйыны
кулэ, та ужрад арлы быдэ
пӧртэм муниципал кылдытэтын
радъяське. Таяз учыре
вожвылъяськонэ 16 коллектив
пыриськиз. Алнаш
ёросысь кырӟасьёс сяна, бускель
Татарстан Республикаысь
Агрыз ёросысь Варклед-
Бӧдья гуртысь кырӟась семья
но лыктӥз.
Алнашысь «Родничок»
нылпи садын «Дауръёс пыр
потыса» эшъяськон ужрад
ортчиз. Пиналъёс но воспитательёс
кылбур лыдӟизы,
кырӟазы, тунсыко сценкаосын
паймытӥзы, вуныны кутскем
такмакъёсты быдэстӥзы.
БАЛЕЗИНО
Висъяськизы
егит анайёс
Маркогуртысь культурая
юртын «Ӟеч-а,
бур-а, удмурт кыл!»
ужрад вал.
Библиотекаын но культура
удысын ужасьёс, удмурт
кылъя дышетӥсьёс визь сынан
радъязы. Вожвылъяськонэ
люкаськизы арлыдоослэн
но кивалтӥсь нылкышноослэн
«Инвис», егит анайёслэн
«Зангари» но нылпиослэн
«Кузьылиос» командаоссы.
Ӟырдыт ӵошатсконын вормисе
потӥз «Зангари» команда.
Мылкыдзэс лӧпкытӥзы
на удмурт пӧраськемъёс - табань
но перепеч. Ӝыт ӵоже
удмурт гуръёс чузъяськизы.
ВОТКА
Шуныт кыл вӧзы -
кузьым
Кукуй гуртысь школаын
удмурт кылын
мультфильмъёс учкизы,
дэмен дышетӥзы
Туспуктӥз Вера ВАХРУШЕВА
удмурт кылбуръёсты.
Удмуртсэ тодӥсьтэмваласьтэм
пиналъёс но ужрадэ
кыстӥськизы - удмурт сямен
вераськыны дышетскизы.
«Удмурт Кенеш» огазеяськонлэн
Вотка ёросысь
ёзэз Кукуйын ик интыяськемын.
Ёрос Депутатъёслэн
Кенешсылэн кивалтӥсез
Михаил Назаров та ёзэн
кивалтӥсьлы Алевтина Перевощиковалы
ноутбук кузьмаз.
Сӥзиз: удмурт огазеяськонлэсь
ужзэ туала техникатэк
радъяны секыт, азинлык
тӥледлы удмуртлыкез
ӝутонын!
Удмурт кыллэн нуналаз
лэсьтэм кузьым туж бурдъяз
Алевтина Николаевнаез.
Михаил Алексеевичлы
со вазиськиз на, ёросазы удмурт
ёлка радъяны юрттэт
курыса. Кивалтӥсен огкылэ
вуизы.
ГЛАЗОВ
Син усемлэсь - су
Глазовын но ёросын
пӧртэм ужрадъёс ортчизы.
Городысь 12 номеро школаысь
библиотекаын ужасьёс
тэшкылиосты удмурт
кыллы дышетӥзы. Лӧпшо
Педунен ӵошен удмурт выжыкылъёсты
эскеризы, калык
шудонъёсын шудӥзы,
ваче ки кутскыса, эктӥзы.
Физико-математической
лицейын дышетскисьёс удмурт
выжыкылъёсысь геройёсыз
тодманы кулэ вал,
нош мадиськонъёсыз шонер
тодӥсьёсты турын чаен
куноятӥзы.
Та нуналэ тросаз библиотекаосын
тунсыко ужрадъёс
ортчизы: Слудкаын
- «Ваньмыз анайлэн киосыз
бордысь», Парзиын - «Нэнэ
кылме гажаса», Коӵышын
- «Ойдо лабыртом» но мукет.
Чура школаын дышетскисьёс
клубын ужасьёсын
ӵош «Пинал пыртон» йылолэз
возьматӥзы. Учкисьёс
тодӥзы, малы вож пиналэз
ӝӧк вамен киысь кие
сётылӥзы, кымессэ суаллязы,
миндэрез улэ качы тыризы.
ГРАК
Чай юон сямен
Ёрос библиотекаын
«Удмуртъёс - анай кылэз
азинтӥсьёс» ужрад
вал.
Пумиськонэ люкаськемъёс
чай юон сяменызы удмурт
алфавитэз но серемес чуръёсты
тодазы вайизы, кылбур
лыдӟизы, кырӟазы. Нош
Вуж Эгра гуртын «Мон вераськисько
анай кылын» ужрад
ортчиз. Отчы пыриськизы
гуртысь арлыдоос но пиналъёс.
Кырӟам-верам сяна,
суредъёсын «Удмурт нылкышно»
адӟытон радъязы.
ДЭБЕС
Капка ултӥ потазы
Ёросысь удмурт культурая
«Зарни медло»
центрын «Мусо анай
кыл» ужрад ортчиз.
Ужрадлэн валтӥсь героез
Лӧпшо Педунь школаын
дышетскись пиналъёсын
ӵош удмурт кыллэн узыр
дуннеяз вуылӥзы. Пиналъёсты
малпаськонэ уськытӥзы
тунсыко мадиськонъёс, капчи
мылкыд кузьмазы шулдыр
крезьгуръёс, удмурт
крезьгуръя эктонъёс. Кемалы
вунонтэм кылёзы «Капка
ултӥ потаса», «Кут возьмась»,
«Лудкечъёс» но мукет
удмурт шудонъёс.
Нош Четкер школаын быдэс
нунал ӵоже удмурт крезьгур
чузъяськиз, урокъёс вискын
удмурт эктонъёс, шудонъёс
радъямын вал, калык
йылол-сямъёсты но тодазы
вайизы. Урокъёс бырем бере
пиналъёс но дышетӥсьёс дэмен
перепеч пӧразы.
ИЖ
Шулдыр ӝыт
Эстрадая «Шулдыр
ӝыт» коллектив К.
Герд нимо нылпи садысь
пиналъёс понна
кырӟанъя но эктонъя
мастер-класс
ортчытӥз.
Коллективен кивалтӥсь,
кырӟась Наталья Ушакова,
вань нылпиосын удмурт сямен
ӟечбуръяськыса, юаз:
Якшур-Бӧдья ёросысь Якшурысь
«Туклячиос» центрын
«Мон вераськисько удмурт кылын»
ужрад ортчиз.
- Тодӥськоды-а, кыӵе нунал
туннэ?
- Удмурт кыллэн нуналыз!
- огымысь кадь веразы
покчиос.
- Шонер. Нош праздникез
одно ик шулдыр пусъёно,
озьы-а? Нош эшшо кыӵе
праздник матэктэ на? Кызьы
сое удмурт сямен шуоно?
Нош «Шулдыр ӝыт»
шуэмез валаськоды-а? Мар
шуэм со?
Тӥни озьы юан-веран пыр
нылпиос удмурт кылэз тодэмзэс
волятӥзы, нош собере
Выль арлы сӥзем удмурт
кырӟан дышетӥзы.
МОЖГА
Кино но
мультфильм
Нынек школаын дышетскисьёс
куспазы
удмурт сямен гинэ вераськизы.
Урокъёс вискын но дышетскон
йылпумъяськем бере
школаын удмурт крезьгуръёс
чузъяськизы. Пиналъёс удмурт
открыткаос лэсьтӥзы,
«Вордскем кыл» визь сынанэ
пыриськизы, удмурт мультфильмъёсын
тодматскизы
но «Узы-боры» киноез учкизы.
Пусйыны кулэ, та киноез
лэсьтонэ пыриськемын
Нынек школаез йылпумъям
пияш Юрий Ерошкин.
ПИЧИ ПУРГА
«Шундыкуара» но
«Шудком»
Ёрос центрысь школаын
дышетскисьёс
«Шундыкуара» концертын
быгатонлыкъёссэс
возьматӥзы
ке, ёрос библиотекаысь
омырез ӟырдатӥз
«Шудком».
Вожвылъяськонэ пыриськизы
арлыдоослэн «Яблок
гордо», музейын но библиотекаын
ужасьёслэн «Суропожо»,
библиотекаын ужасьёслэн
«Кечато», 1-тӥ школаысь
дышетӥсьёслэн но учкисьёслэн
«Котьку азьлань»,
«Кивалтӥсь нылкышноос»,
Куреггуртысь «Нэнэ» но «Азвесь
нюжа» командаос. Котькинлэсь
трос очко люканы
быгатӥз «Суро-пожо» команда.
ШАРКАН
Шара лыдӟиськон
Анайёс но нылпиос
чебер лыдӟиськыны
быгатэменызы
паймытӥзы.
Быгиысь удмурт культурая
центрын ужасьёс но
Быги школаысь удмурт
кылъя дышетӥсьёс радъязы
шара лыдӟиськонъя
аспӧртэмлыко вожвылъяськон.
Огназы я ӵошен
лыдӟыны кулэ вал чеберлыко
литератураысь вакчи веросъёсты,
кылбуръёсты я
выжыкылъёсты.
ЭГРА
Тӧр шорын -
кивалтӥсьёс
Ёросысь Кедра Митрей
нимо библиотека
куно ӧтчаз.
Лыктӥзы Эгра ёрос администрациысь
удмурт кылын
вераськись кивалтӥсьёс: Депутатъёслэн
Кенешенызы
кивалтӥсь Александр Поздеев
но ёрос йырлэн воштӥсез
Александр Шамшурин. Соос
люкаськем калыклэн юанъёсызлы
валэктон сётӥзы, удмурт
кыллэн кулэлыкез сярысь
кенешизы. Анай кылмес,
пе, вуттыны тыршоно
котькуд семьяе, котькуд
юртэ. Нош удмурт сямен вераськыны
мылкыд карисьёсты
витё ни ёрос библиотекаын,
соос понна удмурт кылэз
дышетонъя курсъёс радъямын.
ЯКШУР-БӦДЬЯ
Чалмыт ӧз пуке
Якшур гуртысь лулчеберетъя
но туризмъя
«Туклячиос» центрын
«Мон вераськисько удмурт
кылын» ужрад
ортчиз.
Ӝытэ люкаськизы гуртоос,
«Купанча» ансамбле
ветлӥсьёс, пиналъёс. Удмурт
кун университетын дышетскись
Анастасия Загребина
удмурт кыллэн улонын кулэ
луэмез сярысь вераз, бӧрысь
дэмен учкизы «Анай» киноез
но адӟемзы сярысь ас мылкыдъёссэс
шараязы. Библиотекаын
ужась Ирина Широбокова
«Мар? Кытын? Ку?»
шудон ортчытӥз на. Тунсыко
юанъёслы вожвылъяськыса
валэктонъёс сётӥзы.
Та ӝытэ чалмыт пукисьёс ӧй
вал.

№ 91 (25706)
4 2018-тӥ ар 4-тӥ толсур Ãåðä
«ПИЧИ ЧЕБЕРАЙЁС НО БАТЫРЪЁС»
Дӥсьсы - яркыт,
мылкыдзы - ӟырдыт
Удмурт культураез гажамзэ возьматӥз 400 пинал
Ангелина СНИГИРЁВА
Ижысь Эшъяськон юртын
28-тӥ шуркынмонэ
«Пичи чеберайёс но
батыръёс» элькун фестивальлэн
йылпумъянэз
ортчиз. Сое радъяз
«Удмурт нылкышно
кенеш» огазеяськон
Нациосын ужан
политикая министерстволэн
но Эшъяськон
юртлэн юрттэмзыя.
50 устоосыз
Ужрадэз усьтӥзы нациосын
ужан политикая министр
Лариса Буранова но
«Удмурт нылкышно кенешлэн»
кивалтӥсез Надежда
Степанова.
Удмуртиысь нылпиос
понна та фестивальлэсь
паськытгес но бадӟымгес
ужрад малпамтэ на, дыр.
Туэ тани оглом 27 площадка
ужаз, отчы пыриськизы
нылпи садъёсысь удмурт
кылэз дышетӥсь 400 визь
погъёс, нош кӧня визьнодась
ужаз нылпиоссэ конкурсэ
дасян понна! Ижкаре
- фестивальлэн йылпумъяназ
- вуыны удалтӥз асьсэ
ёросъёсазы но городъёсазы
усто луэм 50 визь погъёслы
гинэ. Ваньзы соос фестивальлэн
вормисьёсыз ини.
Эшъяськон юртын пичиос
эктӥзы, кырӟазы, кылбур веразы
- ваньзэ удмурт сямен,
удмурт крезьгур улсын.
- Та фестивалез 7-тӥ арзэ
ортчытӥськом ини. Туэ, шуыны
луоз, отчы пыриськиз
быдэс Удмуртия. Нылъёс
но пиос быгатӥсь зэмос
удмурт ныл но удмурт пи
луэмзэс возьмато. Кылсярысь,
нылашъёслэсь удмурт
сиён-юонъёсты тодэмзэс,
кырӟаны, эктыны быгатэмзэс
учкизы, удмурт
сямен вераськемзэс дунъязы.
Ужрад арысь аре ортчылэ
ке но, со уг акыльты,
отчы ялан выль нылпиос
Туспуктӥз Максим ЕГОРОВ
пырисько. Конкурс борды
шумпотыса итӥсько анайатайёс
но, визьнодасьёс но.
Угось со огшоры кырӟанверан
выллем гинэ ӧвӧл,
со удмурт кылэз азинтонъя
ужрад. Со пиналъёслэсь но,
анай-атайёслэсь но удмурт
кылэз дышетыны мылкыдзэс
ӝутэ. Ужрадлы нунал
но туж тупамон сюриз - Удмурт
кыллэн нуналыз, - вераз
«Удмурт нылкышно кенешлэн»
кивалтӥсез Надежда
Степанова.
Кыстӥсько сцена вылэ
Элькун сцена вылысен
яркытъёсыз номеръёс возьматэмын
вал. Люкаськем калык
азьын реп лыдӟиз Пичи
Пурга ёросысь Баграш-Бигра
гуртысь Антон Баграшов.
- Тон, Антон, бадӟым
будӥд ке, артист, дыр, луод?
- юасько.
- Уг, - пудо першал, пудоосты
йӧнатэме потэ, - рос-прос
вераз пияш.
- Антонмы милям сценаез,
кырӟанэз яратэ, - вераз
анаез Светлана Михайловна.
- Со Богдан Анфиногеновлэсь
«Суперудмурты»
кырӟанзэ быдэс тодэ, дорын
но концертъёс пуктылэ. Али
но Богданэн пумиськимы,
Биграла вуиз ке, Антонэн
ӵош реп лыдӟозы шуыса вераськимы.
Светлана Михайловна но
Павел Петрович Баграшовъёслэн
5 нылпизы, ваньзы
соос удмурт кылэз, культураез
тодыса но гажаса будо.
Алнаш ёросысь Вуж Шудья
гуртысь Даша Григорьева
но ужрадэ анаеныз вуиз.
- Туж тунсыко йӧтӥзы
нылпиослэн дӥськутъёссы
- кыӵе соос яркытэсь, чебересь,
синмез кыскисесь, пиналъёс
но макем быгатӥсесь,
«Пичи чеберайёс но батыръёс»
конкурс йылпумъяськиз Ижын.
- ужрад пумысен мылкыдзэ
вераз Дашалэн анаез.
Алнашын ортчем фестивальын
Даша кырӟаз, акробатикаен
герӟаськем номер
возьматӥз. Григорьевъёслэн
семьяязы вань 4 нылпиоссы
удмурт сямен верасько.
Кыдёкысь - Юкаменск кемысь
- визь погъёсынызы вуизы
«Берёзка» но «Ладушки»
нылпи садъёсысь визьнодасьёс
Татьяна Булдакова но
Светлана Сабрекова.
- Ёросамы арлы быдэ
та конкурс ортчылэ, отчы,
оло, 6-тӥ арзэ пыриськиськом
ни, - верало нылкышноос.
- Но туэ гинэ финалэ сюрыны
удалтӥз. Садикъёсамы
нимысьтыз удмурт кылэз
нуись дышетӥсьёс ӧвӧл
уго. Пиналъёсты удмурт шудонъёсын
тодматӥськом, удмурт
культуралы сӥзем сэрегъёсмы
вань, ортчыло удмурт
арняос но ужрадъёс.
Но со тырмыт ӧвӧл. Тросэз
потэ семья бордысь. Нылпи
садъёсамы удмурт сямен вераськисьтэм
пиналъёс ветло,
куд-огезлэн анай-атайзы
удмурт ке но. Соин нылпиосты
удмурт ужрадъёслы дасяны
секыт. Милям пиналъёсмылы
удмурт кыл кыӵе ке
кунгож кыл кадь потэ, озьы
ке но соослы кельше солэн
чузъяськемез, яратыса удмурт
кырӟанъёсты быдэсто,
экто. Туэ конкурслы дасяськыны
зол юрттӥз Виктория
Саламатова чебераймылэн
песянаез - бадӟым тау солы.
Со удмурт кылэз ӟеч тодэ.
Ужрадлэн финалаз
кыкетӥ ползэ пыриськыны
удалтӥз ни Можга карысь 23
номеро нылпи садысь визьнодасьлэн
Ирина Петровалэн
нылпиосызлы. Со шуэ:
- Татчы вуимы Рамазан
Шаймарданов но Альбина
Александрова нылпиосын.
Рамазанлэн атаез - бигер,
анаез - удмурт, пияш удмурт
кылэз дышетыны мыло-кыдо
ветлэ. Таяз радэ ми
нылпиосынымы туж тунсыко
«Лу батырпи» кырӟан
дасямы. Кылъёссэ Алнашысь
Ульяна Климкина
гожтӥз, крезьгурзэ - мынам
нылы - «Дэмдор» группаын
кырӟась Диана Петрова.
Туж гажасько крезьгурез,
нылпиосын номеръёсамы
но эстрада шӧм пыртыны
тыршисько.
Нылпи садэ ветлӥсь пинал
уг вала на, трос кылын
вераськон - со узырлык, анай
кылэз утёно но азинтоно
шуыса. Соин ик анай-атайёс,
нылпиосын ужасьёс бордысь
потэ кылмылэн ӵуказе
нуналыз. Но тамында нылпи
садъёс, пиналъёс, визьнодасьёс
ужрадэ пыриськыны
мылкыд каро бере, иське, удмурт
кылэн, культураен тунсыкъяськисьёс
йыло.
Ю. ПЕРЕВОЩИКОВ НИМО МНОГОБОРЬЕ
Эсэпсэ шедьтыны быгатоно!
Елена НИКИТИНА
Удмурт кун университетын
ортчиз визь сынанъя
Ю. Перевощиков
нимо многоборье.
Сое радъязы Удмурт филологияя,
финно-угроведениея
но журналистикая, Экономикая
но кивалтонъя институтъёс.
Ужрад сӥземын вал
тодмо удмурт экономистлы
Юрий Перевощиковлы. Визь
сынанъя многоборьеын пиналъёс
тодон-валанзэс эскеризы
3 удысъя: экономика,
удмурт кыл но обществознание
- тест амалэн но, сочинение
гожтыса но, задачаосты
быдэстыса но. Вуизы Шаркан,
Ува, Балезино, Дэри,
Вавож, Якшур-Бӧдья ёросъёсысь,
озьы ик Ижысь К. Герд
нимо гимназиысь, 100 номеро
школаысь бадӟым классъёсын
дышетскисьёс.
- Тодосчи Юрий Перевощиков
улонзэ экономикалы,
удмурт калыкен герӟаськем
ужпумъёсты эскеронлы
сӥзиз, - шуэ Удмурт филологияя,
финно-угроведениея
но журналистикая институтысь
дышетӥсь Александр
Корепанов. - Озьы солы
сӥзем интеллектуальной
многоборье огазеяны юрттӥз
удмурт кылэз но экономикаез.
Но валтӥсь ужпум: юрттоно
экономикае кыстӥськись
удмурт пиналъёсты шараяны.
Удмуртъёс пӧлын тросгес
мед луозы экономистъёс.
Вормисе потэмъёслы, кылсярысь,
Удмурт кун университетэ
пырыкузы (экономикая
но удмурт филологияя
удысъёсты быръё ке), ватсаса
балл сётӥське.
Та ӵошатсконын трос
балл люкам 33 муртэ
ӟечкылан ужрадэ пыриськиз
«Удмурт Кенеш» огазеяськонлэн
кивалтӥсез Татьяна
Ишматова. Со шуиз:
- Экономика, обществознание
удысъёс азинско, соосты
тодыса, тон туала улонэн
ӵош вамышъяськод.
Пиналъёслы вазиськиз
экономика наукаосъя доктор
Юрий Перевощиков но.
Тӥ ӟеч тодыны кулэ историез
но туала улонэз, угось
экономика - сыӵе удыс, кытын
азьвылэз но туннэез
куспын шорзэ шедьтыны
быгатоно. Тӥляд визьды,
коньдон сьӧры уйиськыса,
медаз ышы вылэм, сӥзиз
тодосчи.

Ãåðä
№ 91 (25706)
5
2018-тӥ ар 4-тӥ толсур
ПАЛЭНЫСЬ ВЫЖЫОСМЫ
ТЮМЕНЬ УЛОС
Ӧтчаськонлэн пайдаез
Елена ТУГАШОВА
Ноябрьлэн шораз Тюмень
улосын ортчизы
удмурт культуралы
сӥзем нуналъёс. Отчы
пыриськизы Уралысь
но Сибирьысь удмуртъёс,
фин-угор выжыысь
мукет калыкъёс.
Удмурт культуралы сӥзем
ужрад ортчиз Тюменьысь
калык огазеяськонъёслэн
«Строитель» юртазы. Отчы
вуылӥз Ижысь Камсьӧр удмуртъёслэн
огазеяськонэнызы
кивалтӥсь Флюра Ахметовна
Чибышева но. Со
бурдъямъя-кичӧлтэмъя ужрадэ
мылысь-кыдысь пыриськизы
Башкортостанысь
Янаул ёросысь калык
кырӟанъя коллективъёс.
Озьы ик вуизы Пермь но
Свердловск улосъёсысь удмурт
кырӟасьёс-эктӥсьёс.
- Учконо ке, Тюменьын
улӥсь-вылӥсь удмуртъёслэн
лыдзы ӧжыт ӧвӧл, - вера
Флюра Чибышева, - 800
муртлэсь ятыр. Отчы удмуртъёс
кошкылэмын, ӟеч
уж утчаса, та улосын угось
мувӧй но чагыр эстӥськон
потто. Отысь удмуртъёс куспазы
туж эшъяськыса уло.
Уно аръёс талэсь азьло кошкемъёслэн
нылпиоссы табере
кузъясько ни. Озьы, Удмурт
шаерлэсь палэнын
улыса но, чын удмурт семьяос
кылдо. Соин ик туж интыяз
луиз удмурт культуралы
сӥзем нуналъёсты отын ортчытон.
Палэнын улӥсь удмуртъёсты
таӵе ужрадъёс зол огазеяло,
анай-атаен пыӵатэм
калык культуразэс утьыны
но азинтыны юртто. Вань
та ужез быгатыса нуэ Тюмень
улосысь удмуртъёслэн
«Оскон» огазеяськонзы. Соин
кема аръёс ӵоже мыло-кыдо
кивалтэ Татарстанысь Кукмор
ёросын вордскем удмурт
нылкышно Ольга Васильевна
Капитонова. Но арлыдыз
ванен удыссэ нуыны секытгес
йӧтэ ни, интыяз егитгес
муртэ пуктыны ӵектэ.
- Озьы тӥни, кырӟамэктэм
сяна, котрес ӝӧк
сьӧры пуксьыса, кенешимы,
- шуэ Флюра Ахметовна. -
Огазеяськон азьын сылӥсь
ужпумъёсты сэрттӥмыпертчимы,
азьланяз быдэстоно
ужъёсты чакламы.
Матысь дыре огазеяськонлы
выль кивалтӥсь быръёно
луоз. Тупась адямиос отын
лачак, соос оскымонэсь, визьмоесь,
мыло-кыдоесь. Калыкен
ужаны угось косыса вырыны
секыт, адямилэн пушкысьтыз
мылкыдыз ошмес
кадь бугырскыса мед потоз.
Таӵе адямиез отын, малпасько,
капчиен шедьтозы. Вуоно
арлэн кутсконаз нош ик
малпасько Тюмене вуылыны.
Сьӧрам ӧтё юристъёсты,
Ижысь Эшъяськон юртысь
куд-ог специалистъёсты. Тюменьысь
«Оскон» огазеяськонлы
бырыны сётоно ӧвӧл,
солэсь ужзэ рос-прос радъяно,
- шуиз Ф. Чибышева.
Озьы луыса кошке ни: макем
кыдёкын улӥськод вордскем
палъёсыдлэсь, сокем
зол гажаськод выжыостэ.
- Тюменьын удмурт культуралы
сӥзем ужрадэ вуэмъёс,
удмурт кырӟанъёстыэктонъёсты
кылыса-адӟыса,
эсьмаса, синвуаськизы.
Кыӵе, пе, мӧзмимы вал ни
удмурт сямен вераськемлэсь!
Кыӵе, пе, сюлэм лӧптэ,
удмурт кырӟанъёсты кылыса!
- веранзэ азьланьтэ
Флюра Чибышева. - Уноез
удмурт сямъя саламен лыктэм.
Эшшо ке сьӧразы нылпиоссэс-нунокъёссэс
вайиллям!
Сомында пиналъёс,
егитъёс вал та ужрадын!
Туж зол шӧдӥське: удмуртъёс
отын выжыоссы борды
кыстӥсько, но уггес тырмы
«Оскон» огазеяськон сярысь
ивор. Со сярысь тросгес
калык мед тодоз вылэм.
Та ужын ми но, камсьӧр удмуртъёс,
кӧня ке юрттоно
кариськимы. Тани Башкортостанысь
ик сомында адями
Тюмень палъёсы улыны
выжемын. Озьы сюрес
вылэ потэмлэсь азьвыл вань
ӵыжы-выжыосмылы жингыръямы,
удмурт культуралы
сӥзем нуналъёсы пыриськыны
ӧтимы. Ваньзы сямен
вуизы ведь! Котьма ке но,
туала амалъёслэсь, шуом,
Интернет пыр ялонъёслэсь
трослы пайдаёгес вашкала
сям: пельысь пеле веран,
ӧтчаськон, - шуэ Флюра Ахметовна.
Камсьӧр удмуртъёслэн
центразы пыриськисьёс тэк
пуконэз уг тодо. Тюмень
палъёсысь берытскизы гинэ,
утыр дыртӥзы ни Пермь
улосысь Куеда но Гондыргуртэ
удмуртъёс дӥне. Отын
ортчытӥзы вашкала удмурт
йылолъёсты - «Дӧдьы кыткон»
но «Тол вӧсь».
- Сюлэм шумпотэ: сомында
егитъёс пыриськизы отчы!
Озьыен, отын удмурт выжыосмы
утисько но азинско,
будӥсь пиналъёслы пыӵаса
кылё. 1-тӥ декабре малпаськомы
потыны Татарстанысь
Кукмор ёросысь Нырья гуртэ.
Отын ортчоз «Жингырты,
удмурт кырӟан!» фестиваль,
- азьланьтӥз веранзэ Ф.
Чибышева, - азьвыл та ужрад
ёросазы гинэ ортчылӥз,
нош туэ радъяське ни улосъёс
куспын. Отчы но вуозы
Пермь улосысь, Удмурт шаерысь,
Башкортостанысь
коллективъёс. Инмар азьланяз
но кужымзэ-мылкыдзэ
мед сётоз Удмуртилэн палэназ
улӥсь удмуртъёсын тазьы
ик мыло-кыдо но валче
ужаны.
ПЕРМЬ УЛОС
Тол вӧсь
БАШКОРТОСТАН
Дартэн ортчиз
Элина КУМАЧЁВА
Пермь улосысь Гондыргуртын
2011-тӥ
арысен улӟытӥзы
«Тол вӧсь» йылолзэс.
Туэ но дэмен
люкаськылӥзы, уно куноос
ӧтчазы.
Вань бусы ужъёссэс йылпумъям,
пудозэс коргидэ
пыртэм, юртъеръёссэс тупатъям
бере Гондыргуртысь
песянай-песятайёс котьку
тау карылӥзы инмаръёслы.
Вӧсяськылӥзы Барабан но
Гондыргурт вискысь кырал
интыын. Сям-йылолъёсты
чакласа, пудо вандылӥзы,
уйбыт тылскылӥзы, нош
ӵуказеяз ӵукна сӥль, ӝук
пӧзьтылӥзы. Пӧрамзы дась
луэм бере, нуназе шорын, 7
вӧсясьёс шунды пала ымнырынызы
султылӥзы но Инмарлы
вазиськылӥзы - тау
карылӥзы ӟеч урожай сётэмез
понна. Курылӥзы, мед
юрттоз урожайзэс но адямиосты,
пудо-животъёсты
пӧртэм висёнъёслэсь утьыны.
Та вакытэ пумен люкаськыны
кутскылӥзы гуртоос
- вӧсяськизы, вӧсям
ӝукен дэмен утялскылӥзы.
Нош собере кутскылӥзы
шулдыръяськыны.
Та сям-йылол али быдэс
озьы ик ортчытӥське. Кызьы
вераз «Удмурт Кенеш» огазеяськонлэн
Пермь улосысь
ёзэныз кивалтӥсь Станислав
Гадиятов, Гондыргуртысь
«Тол вӧсе» туэ но трос калык
люкаськылӥз - 500-лэсь уно.
Лыктӥзы артэ гуртъёсын
улӥсьёс. Нимысьтыз делегациос
вуылӥзы Удмуртиысь,
Башкириысь, Татарстанысь,
Пермь улосысь.
Кин «Тол вӧсе» лыктыны
ӧз быгаты, соослы вӧсятэм
ӝукез вуттӥзы на Гондыргуртэ.
Угось отын шулдыръяськонъёс
азинтӥськизы -
тазэ «Дӧдьы кыткон» шуо ни.
Та вакытлы котьку ик выль
лымы усьыса вуттэ ни, озьы
гуртоос но куноос тол вуэм
понна нырысьсэ дӧдьыен
ворттыло. Шудо, серекъяло,
мылкыдзэс ӝуто. Котьку
сямен ик, туэ но радъямын
вал киужъёсын адӟытон,
кырӟась-эктӥсьёс вожмаськыса
сямен быгатонлыкъёссэс
возьматӥзы. Нош валтӥсь
сцена вылэ потӥзы на палэнысь
лыктэм кырӟась-верась
коллективъёс но.
Пермь улосысь Гондыргуртын
толалтэ но вӧсясько.
Гондыргуртъёс шуо: та
нуналэ урамъёссы ик туж
чеберско - паськытгес луо
кадь. Соосты шулдырто
шатёръёс, тылскемъёс, удмурт
пужыос. Нош школа
пӧрме бадӟым юртлы,
угось отысь классъёсты
вашкалаослэн улон интыоссылы
кельшись кадь
пӧрмыто.
Елена НИКИТИНА
Башкортостанысь
удмуртъёслэсь
«Ошмес» газетсэс
поттӥсьёс мылыськыдысь
пусйизы
Удмурт кыллэсь нуналзэ.
Татышлы ёросысь
Калмияр гуртысь клубын
«Ошмес» газетлэн
«ТодАли» визьбур клубезлэн
2-тӥ шудонэз ортчиз.
Нырысетӥез вал ни Янаул
ёросысь Вуж Вараш
гуртын, отчы пыриськизы
газетлэн юнкоръёсыз.
Кыкетӥяз куспазы вожвылъяськизы
Калмияр
культурая юртысь «Инвожо»
но «Уӵы» ансамбльёсы
ветлӥсьёс. Апайкенакъёслы
туж кельшиз
кылбур малпаны,
тодазы вайизы удмурт
визькылъёсты, кылэн
герӟаськем юанъёслы валэктон
сётӥзы. Сыӵе ик
дартэн ортчиз удмурт ребусъёсын
шудон но.
Ужрадэз вискатыса,
люкаськемъёслы капчи
мылкыд сётӥзы Калмияр
школаын дышетскисьёс,
культурая юртын
ужасьёс, кырӟасьёс
И. Минлиаскарова но
И. Шайсламова. «Инвожоос»
но «уӵыос» огкадьгес
шудӥзы, но
нырысетӥосыз, одӥглы
тросгес балл люкаса, азьпала
потӥзы.

№ 91 (25706)
6 2018-тӥ ар 4-тӥ толсур Ãåðä
МОЖГА ПЕДКОЛЛЕДЖЛЫ - 100 АР
Улонлэн ошмесэз
Покчиослы удмурт дышетӥсьёсты дасянлэн историез
Татьяна ИВАНОВА,
Можга педколледжысь
удмурт кылъя дышетӥсь
Можгаысь
дышетӥсьёсты дасянъя
Т. Борисов
нимо колледж кемалась
дырысен удмурт
кадръёсты будэтонлэн
кебитэныз лыдъяське.
100 ар ӵоже ни
татын дасяло покчи
классъёслы удмурт
дышетӥсьёсты.
Дышетсконнилэн
кылдэмез меӵак
герӟаськемын удмуртъёслэн
нырысетӥ
ӧтчаменызы.
Трокай валтӥз но
валтэ
Россиысь удмуртъёслэн
нырысетӥ ӧтчамзы ортчиз
1918-тӥ арын. Уно юанъёс
пӧлын отын эскеремын вал
удмурт школаос усьтон но
отын ужаны дышетӥсьёсты
дасян сярысь ужпумъёс.
Озьы удмурт калыклэн
дано пиосыз Максим Прокопьев
(дышетӥсь), Трофим
Борисов (эмчи) кутскизы
дышетӥсьёсты дасясь семинариос
кылдытон борды. Дышетсконниос
усьтӥськизы
кык интыын - Елабугаын
но Выль Мултанын. Жаль,
Выль Мултанын семинария
кема ӧз ужа. Нош Елабугаысь
семинарилэн нырысетӥ
директорез ачиз Т. Борисов
вал. 4 ар ортчыса ини, 15 адями
семинариысь дышетӥсь
луыса потӥз: удмуртъёс - 11,
ӟучъёс - 4, оглом 12 пиос но
3 нылъёс. Озьыен, семинариын
дышетскизы уногес удмурт
пиос.
1922-тӥ арын дышетӥсьёсты
дасясь курсъёсты
Можга черкогуртэ выжто
но педагогикая техникумлы
пӧрмыто. Соку техникумен
Яков Ильин кивалтӥз.
Ӵапак та адями педтехникумын
литературая кружок
кылдытӥз но сое нуиз.
Кружоклэн удмурт писательёсты
дасянын кулэлыкез
дунъянтэм бадӟым вал.
Бӧрысь литературно-творческой
кружок нуон ӟеч сямлы
пӧрмиз. отысь потӥзы
50-лэсь ятыр писательёс.
1929-тӥ арын педтехникум
Можга каре выже.
1937-тӥ арын сое педучилище
каро. Быдӟым ож дыръя
солэн юртаз Москваысь пулемётной
училище интыяське.
Ожмаськон йылпумъяськем
бере педучилище
азьвыл юртаз ик берытске
но туннэ нуналозь, 90 ар
ӵоже ини, отын ик ужа.
1999-тӥ арын педучилище
луэ педколледж. Нош
2003-тӥ арысен нырысетӥ
директорезлэсь Т. Борисовлэсь
нимзэ нуллэ.
ciur.ru
1991-тӥ арын училищеын
Т. Борисовлы сӥзем
нырысетӥ научно-практической
конференция ортче,
со Трокайлэн вордӥськем
дырысеныз 100 ар тырмонлы
сӥземын вал. Табере
Трокайлэсь вордӥськем нуналзэ
арлы быдэ пусйиськомы.
2006-тӥ арын ортчем
научно-практической конференцилэн
ужаз пыриськемъёс
шаерысьтымы Правительстволы
вазиськизы,
Ижкарын Т. Борисовлы
синпелет пуктыны курыса.
«Удмурт Кенеш» огазеяськон
сюлмаськемен, синпелет
сылэ ни. 2013-тӥ арысен,
арлы быдэ одӥг пол,
колледжысь устоезлы студентлы
но дышетӥсьлы
Т. Борисов нимо премия
сётӥське.
Котькуд группаын -
удмурт кыл
1918-тӥ-1935-тӥ аръёсы
педтехникумын дышетскемъёс
пӧлысь 56,6
процентэз удмуртъёс вал.
Дышетӥсь специальность
басьтэмъёс пӧлысь 57,3
процентэз - пиос. 1936-тӥ
- 1939-тӥ аръёсы но фашистъёсын
ожмаськон вакытэ
дышетскись удмуртъёслэн
но пиослэн лыдзы туж
ӧжыт кыле. Удмуртъёслэн
лыдзы кулэсме 46-48 процентозь.
Калыклэн улонэз
секытгес луиз, ӧз быгатэ ни
нылпиоссэс дышетыны, удмурт
нылпиос колхоз уже
кыткемын вал.
Ожмаськон бырем бере
но югдур уг воштӥськы.
1948-тӥ-1956-тӥ аръёсы училищеез
быдтэмъёс пӧлын
удмуртъёс воксё 28 процент
гинэ вал, 80 процентэз
- нылъёс.
Училищеын тужгес секыт
аръёсы ужазы: Т. Борисов,
М. Ильин, Я. Ильин,
И. Корепанов, Г. Федотов,
Ф. Александров, Е. Коновалова.
1960-тӥ-1990-тӥ огсыр
улон аръёсы Можга педучилище
удмурт дышетӥсьёсты
дасянзэ азьланьтэ. Педучилищеын
трос ӟучъёс дышетско
ни, но 1966-тӥ арын татын
нимысьтыз удмурт отделение
усьтӥське. Та аръёсы
вуоно дышетӥсьёсты дасянын
пӧртэм шугъяськонъёс
кылдо: покчи классъёслы
учебникъёсты министерство
дыраз дасяса уг вутты,
школаосы вуо выль дышетон
амалъёс.
Та вакытэ училищеын
ужало удмурт калыклэн
дано нылпиосыз - кузпалъёс
Григорий но Римма Даниловъёс,
Рудольф но Антонида
Березинъёс, Д. Лукьянов.
Можга педколледжын
удмуртлыкез ӝутон понна
бадӟым уж лэсьтӥз Л. Смирнов.
Кылем вапумлэн 1980-
тӥ аръёсаз со педучилищеын
завуч луыса ужаны кутскиз,
удмурт культураез
возёнлы вань сюлэм пӧсьсэ
сётӥз. Солэн кичӧлтэмезъя
но педучилищеен азьвыл
кивалтӥсьлэн И. Шавринлэн
кыдёке азьпала учкыны
быгатэмезъя колледжын
вань дышетскон группаосын,
вань специальностьёсын
студентъёс удмурт кылэз
но ӟуч кылэ берыктэм
удмурт литератураез дышето.
2011-тӥ арысен училищеос,
колледжъёс ужало
ини 3-тӥ поколениысь выль
кун стандартъёсъя. Но озьы
луиз: удмурт кыллы инты
отын ӧз шедьы. Ми туж
паймимы, шугъяськонэ шедимы.
Но директормы Николай
Аркадьевич Пискунов
шуиз: «Маке но кароно.
Мынам уг поты директор
луэме, кудӥз дыръя ворсаськоз
удмурт дышетӥсьёсты
дасян понна усьтэм коллед-
Можга педтехникумын дышетскисьёс
техникумлэн юртэз
вадьсын. 1927-тӥ-1928-тӥ аръёс.
жын удмурт дышетӥсьёсты
дасян».
Озьы Н. Пискунов но завуч
С. Исупова дыраз сюлмаськемен,
кыл кутонэз ас
вылазы басьтэмен, «Покчи
классъёсын дышетӥсьёсты
дасян» специальностья удмурт
дышетӥсьёсты дасян
Можга педколледжын
азьланьтӥське, нош мукет
дышетсконниосын сое утьыны
ӧз быгатэ. Озьыен, быдэс
элькунамы покчи классъёслы
удмурт дышетӥсьёсты
али Можга педколледж гинэ
дася. Озьы ик удмурт кылэз
но литератураез дышетонэз
мукет специальностьёсын
но кельтыны быгатӥм:
удмурт кыл - 35 час, удмурт
литература - 35 час.
Туннэ нуналлы 442 студентъёсмы
пӧлын 259 удмуртъёс
(59 процентэз), 160
ӟучъёс (36 процентэз), 14
бигеръёс (3 процентэз), мукет
калыкъёс - 9 (2 процентэз).
Соос пӧлысь «Покчи
классъёсын дышетон» специальностья
96 студентъёс
дышетско удмурт отделениын.
Та группаосын удмурт
кылэз но литератураез
дышетон часъёс: удмурт
кыл - 39 час, удмурт литература
- 39 час, удмурт кыл
но сое дышетон методика -
147 час; удмурт нылпи литература
но сое быгатыса
(выразительно) лыдӟон - 62
час. Озьыен, ваньмыз 287
аудиторной час. Та предметъёсты
дышетыны нимысьтыз
удмурт кабинетмы
юрттэ. Но... соосъя нимысьтыз
учебникъёсмы
ноку но ӧй вал, куке луозы
меда? Уже кутоно луиськом
шор ёзо школаослы лэсьтэм
учебникъёсты яке вылӥ дышетсконниослы
дасям материалъёсты.
Омыр быре ке,
улон кысэ
Мукет сюлмаськонмы но
вань. Та вакытэ Удмуртиысь
школаосын удмурт кылэз
дышетон 2 пӧртэм программаосъя
радъямын: удмурт
кылэз ӟеч тодӥсь пиналъёслы
но удмурт кылэз
тодӥсьтэм пиналъёслы.
Котькуд программая школаослы
учебникъёс кылдытэмын.
Но, школаос капчигес
сюресъя мынэмен,
«Ӟеч-а, бур-а, удмурт кыл!»
программае выжемен, пиналъёс
удмурт кылэз лябгес
тодо ни, удмурт группае
студентъёсты бичаку но,
шугъяськонъёс кылдо. Соин
ик дышетӥсьёслы но анайатайёслы
вазиськисько: «Эн
дыртэ капчиятэм программае
выжыны!» Удмурт тодосчи
Геннадий Ушаков шуиз
вал: «Анай кыл - со омыр
кадь. Омыр быре ке, улон
кысэ. Анай кыл вунэ ке, адямилэн
будон сюресэз трослы
вакчиёме». Вазиськеме потэ:
«Эн вакчиятэ удмурт пиналъёслэсь
бурдъяськон, будон
сюрессэс!»
Берло аръёсы покчи
классъёслы удмурт
дышетӥсьёсты дасян бордын
тыршо колледжысь
дышетӥсьёс Т. Кибардина,
Т. Иванова, М. Пискунова.
Удмурт дышетӥсез будэтон
понна ми трос пӧртэм ужрадъёс
ортчытъяськом. Студентъёс
но дышетӥсьёс пырисько
«Удмурт Кенеш» но
«Шунды» огазеяськонъёслэн
ужазы, элькун конкурсъёсы,
конференциосы, олимпиадаосы.
Трос ужрадъёсы пыриське
Удмуртиысь студентъёслэн
одӥг гинэ удмурт хорзы,
кыкетӥ арзэ ини колледжын
ужа этнокультурая центр.
Шаермылэн кыӵе гинэ
сэрегаз эн вуы, котькытысь
шедьтод Можга педколледжез
йылпумъям муртэ. Соос
басьтэм тодон-валанъёссэс
ас ужан интыязы азинто,
дышетскон юртсэс но
дышетӥсьёссэс шуныт кылъёсын
тодазы ваё. В. Владыкин
профессор шуэ: «Улон-вылонэлэн
зэмос кутсконэз - чылкыт
жильыртӥсь ошмесэз - Можга
педучилище. Со асьмелэн
удмурт Царскосельской лицеймы,
оло, ваньмыз йӧскадь
адямиосмы куке но татысь потэмын.
Сюлмысьтым тау карыса,
мон солы котьку музъемозь
йыбырттӥсько. Ма, мон
гинэ-а?»
Нош мон туннэ Россиысь
удмуртъёслэн нырысетӥ
ӧтчамазы люкаськем делегатъёслы
верасал: «Мытэм
уждэс азьланьтӥськомы. Дышетсконнимы,
кызьы малпады
вал, озьы ик удмурт
дышетӥсьёсты дася. Бадӟым
тау тӥледлы»!

Ãåðä
№ 91 (25706)
7
2018-тӥ ар 4-тӥ толсур
МАЛПАН
Умортоямы чечы нуллӥз
Максим Прокопьевлэсь нимзэ берыктоно
Ульфат БАДРЕТДИНОВ
Трофим Борисов,
Иосиф Наговицын,
Кузебай Герд... Та
югдытӥсьёслэн, удмурт
автономиез
кылдытӥсьёслэн памятникъёссы
вӧзын
луыны кулэ на эшшо
огез - Максим Прокопьевлы
сӥземез.
Удмурт но, бигер но
кылын дышетӥз
Максим Прокопьевез
мон аслым усьтӥ, Башкириын
Алтау гуртысьтымы
8-тӥ классын дышетскыкум.
Школамылэн историезлы
сӥзем альбомез учкыкум, син
азям йӧтӥзы таӵе кылъёс:
«Гуртамы нырысетӥ школа
Максим Прокопьев усьтӥз».
Фамилиез но, туспуктэмез
но ӧвӧл. Максим Прокопьев
сярысь соку кытысь ке
лыдӟеме вал ни. «Шат ӵапак
со Прокопьев усьтӥз?» - малпай
ас поннам. Пересьёслэсь
юалляськыны кутски. Максим
Прокопьевлэсь гуртысьтымы
одӥг азьвыл дышетскисьсэ
шедьтӥ. Мукетъёсыз
улэп вылӥллямтэ ни. Низамутдинов
Эльтдин агайлэн
верамезъя, зэмзэ но, 1912-тӥ
арын Алтауын Максим Прокопьев
школа усьтэм. Нимысьтыз
юрт соку вылымтэ
на, соин ик со буш коркае интыяськем.
Максим Прокопьевич
огназ ог 60 пиналъёсыз
дышетэм, удмурт нылъёслы
но пиослы сяна, бускель Ваныш
гуртысь бигер нылпиослы
но тодон-валан сётэм.
Удмуртъёсты удмурт кылын,
бигеръёсты бигер кылын дышетэм.
Малы со озьы карем?
Вань кивалтӥсьёс соку бигеръёс
вал бере, удмуртъёсты
дышетэмлы медаз пумитъяське
шуыса, тӥни сыӵе
амал малпам.
Семьяез Янаул ёросысь
Каймашабаш (Шыр) гуртын
улӥз бере, отчы Максим Прокопьевич
арнялы быдэ буш
валэн бертылэм. Нош сюрес
вакчи ӧвӧл - ог 40 иськем.
Биографиысьтыз тодмо:
Казаньысь дышетӥсьёсты
дасянъя семинариез йылпумъям
егит М. Прокопьевез
Башкириысь Каймашабаш
школае лэзё. Татын
ик со тодматске егит ӟуч
дышетӥсен но семья кылдытэ.
Та гуртын ик солэн пиез
но нылыз вордӥсько. Нылпиосты
дышетэм сяна, Максим
Прокопьевич Шырысь
но мукет бускель гуртъёсысь
калык пӧлын валэктон уж
нуэм, кружок радъям. Сыӵе
ужен выремез понна полиция
Прокопьевъёслэн коркаязы
обыск лэсьтэ. Номыр
сыӵе-таӵезэ уг шедьто, озьы
ке но дышетон ужезлэсь палэнто.
Ӵапак соку ик, уж утчаса,
М. Прокопьев вуиз,
дыр, Алтау гуртэ. Милям
гуртамы дышетэмез солэн
биографияз пыремын ӧвӧл.
Максим Прокопьевич Уфа
карлы ог 60 иськеме интыяськем
Канлы нимаськись
гуртын но школа усьтэм.
Та сярысь солэн биографияз
гожтэмын ни. Пермь улосысь
Бадӟым Гондыр гуртысь
школаын но со дышетэм.
Удмуртъёслэн
нимынызы
Максим Прокопьев трос
кужымзэ сётӥз Удмурт автономия
кылдытонлы но.
Совето власть вуэмлэсь азьвыл
ик Иосиф Наговицынэн,
Трофим Борисовен но кудог
мукетъёсыныз удмуртъёсын
нимысьтыз кун (коммуна)
кылдытон сярысь малпаськыны
кутскиз. 1917-тӥ
арын куартолэзе куиньназы
ик соос Поволжьеысь пичи
лыдъем калыкъёслэн кенешсылэн
ужаз пырисько.
Отын удмурт секция кылдыто.
Секциен Иван Михеев
Югдытӥсь М. Прокопьев.
Калыклэн оскем адямиез луыса,
М. Прокопьев Россиысь Правительствоын
ужаны кутске. Вакчи дыр куспын вуоно
автономилы конституцилэсь проектсэ
дася, автономилэсь гожъёссэ пусъён
борды басьтӥське.
кивалтэ, одӥгаз заседаниын
секретарь луэ Трофим Борисов.
Отын бадӟым саклык
висъяло удмурт калыкез дышетон
ужпумлы. Удмурт начальной
школаослы правилоос
юнмато, соосты Иван
Михеев дасям. Правилоосын
удмурт нылпиосты анай кылынызы
дышетоно шуыса
пусъемын. Ӟуч кылэз предмет
чотын дышетоно. Валамон
ни: дышетон понна учебникъёс
кулэ. Т. Борисовлы
удмурт кылын гожъяськон
правилоосъя, И. Михеевлы
но М. Прокопьевлы родиноведениея
(шаертодон шуиськом
али), М. Прокопьевлы но
К. Яковлевлы лыдӟиськонъя
учебникъёс дасяны оскизы.
Секциын ик «Войнаысь
ивор» газетэз «Удморт» нимын
поттыны кенешо.
Со вакытэ югдур капчи
ӧй вал. Пӧртэм партиос калыкез
ас палазы карыны
выризы. Социал-революционеръёс,
кадетъёс, монархистъёс,
эсеръёс, меньшевикъёс,
большевикъёс - ваньзы
калык понна сюлмаськыны
тыршо кадь. Нош огшоры
калык кызьы валалоз,
кин пала кариськыны? Максим
Прокопьев удмуртъёслы
анай кылынызы «Калык
шорын», «Асьмелы кин палан
луыны кулэез валэктон»
нимаськись статьяос гожтэ.
Гуртъёсы вуылыкуз, калыклы
рос-прос но валамон
кылын валэктыны тыршиз
большевикъёслэсь программазэс,
малпанъёссэс.
1918-тӥ арын инвожо толэзе
Елабугаын Россиысь удмуртъёслэн
съездзы М. Прокопьевез
председателе
быръе. Шуг вераны, кызьы
ортчысал со кенеш, председателе
мукет адями быръемын
луысал ке. Татын М. Прокопьев
эсеръёсын ваче вуиз.
Со люкаськем калыкез большевикъёс
пала луыны ӧтиз.
Вятка, Пермь, Уфа но Казань
губерниосысь 78 делегатъёс
М. Прокопьев пала луизы
но солы вань ужаса улӥсь удмуртъёслы
азьветлӥсь луыны
оскизы. Та съездлэн решениосыз
вылэ пыкиськыса,
Москваысь Наркомнац калык
комиссариатын Удмурт
отдел кылдытон сярысь нимысьтыз
постановление кутэ.
Со ёзэн кивалтыны М. Прокопьевез
юнмато.
Тӥни озьы, калыклэн
представителез луыса, со
Россиысь Правительствоын
ужаны кутске. Вакчи дыр куспын
вуоно автономилы конституция
(проект) дася, автономилэсь
гожъёссэ пусъён
борды басьтӥське.
Москваын ужамез пумысен
М. Прокопьев ӵапак 100
ар талэсь азьло гожтэ: «Комиссаръёсын
кенешыса, удмуртъёслы
кулэ ужъёсты
радъяса улӥ. Уксё сётэм беразы
удмуртъёс доры потӥ.
Глазов карын удмурт уж сярысь
сюлмаськись ӧвӧлэз
адӟыса, сюлмы пут кошконо
кадь луиз, выдыса бӧрдоно
кадь луи. Татын «асьмелы
марлы удмурт кыл кулэ» шуэмзы
мынэсьтым пушме ик
йӧӟектытӥз.
Ӟуч кылэз ӟеч валасалзы
ке, удмуртъёслы ас кылзы
кулэ но ӧй луысал… Асьме
нылкышноос нош ӟуч кылын
«сьӧдэз» но «тӧдьы» шуыса
валало. Валатэк ужез лэсьтыны
уг луы. Валам ужез
нош шудыса кадь ужаськод.
Ужез валаны асьмелы
удмурт кыл кадь кыӵе кыл
юрттоз? Аслэсьтыд кылдэ
ӟеч тодӥськод ке, ӟуч кылэз
валаны но тросгес каньыл.
Озьы, уно дышетскемъёс
кык арняскын котькыӵе кылын
вераськымон дышо.
Ваньды асьтэ умортояды
чечы нуллэ. Озьы гинэ асьмелэн
кужмояммы луоз…»
Дурбасьтӥсьёс
ӧз сюре ни
Максим Прокопьев 35
ар гинэ улӥз, 1919-тӥ арын
Граждан ожын быриз. Нош
кӧня лэсьтыны вуиз! Но
малы Удмуртиын солэн нимыз
нокытчы юнматэмын
ӧвӧл? Нош Кузебай Герд ас
вакытаз нылпи юртлы Максим
Прокопьевлэсь нимзэ
сётӥз вал ук.
Мынам малпамея, нимыз
вунэ шуыса, мугъёсыз кӧня
ке. Нырысь ик мон сое М. Прокопьевлэн
Татарстанысь
Кукмор ёросысь вордӥськем
Нырья гуртэныз герӟасько.
Отысь калык удмуртъёслы
автономия кылдытон сярысь
сюлмаськись гуртозэс
малы ке но героен лыдъяны
ӧз дырты. Кылем даурлэн
80-тӥ-90-тӥ аръёсаз ик Нырьяла
М. Прокопьевлы синпелет
пуктыны луэ вал. Калык
пумит кариськиз. Алигес
гинэ отысь школалы
югдытӥсьлэсь нимзэ сётӥзы.
Кыкетӥез. Ог 35-40 ар талэсь
азьло, М. Прокопьевлы
сӥзьыса, книгаос потылӥзы,
научно-практической конференциос
ортчылӥзы. Книгаосты
гожтӥсьёс - писатель
Пётр Поздеев, тодосчи Никифор
Павлов - улонысь кошкизы,
тодосчи Кузьма Куликов
висьыны усиз. М. Прокопьев
пала дурбасьтӥсьёс ӧз
сюре ни, лэся.
Малпасько, Иже Максим
Прокопьевлы синпелет одно
ик пуктоно. Нош солэсь биографизэ,
«Калык шорын»
книгазэ выльдыса поттоно.
Умой луысал, Ижевскысь
выль ульчаослы Трофим Борисовлэсь,
Максим Прокопьевлэсь
нимъёссэс сётыса.
Жаляса верано, удмурт
нимъёсын герӟаськемъёсыз
кӧня ке гинэ: Михаил Петров
ульча, писатель Самсонов
ульча, Наговицын
ульча, Кузебай Герд ульча,
Удмурт ульча, Василий Зайцев
ульча. Башкортостанысь
Каймашабаш, Алтау,
Канлы гуртъёсы М. Прокопьевлы
данъян пулъёс усьтоно
на. Та ласянь Бадӟым
Гондырын улӥсьёслэсь адӟем
кароно: соослэн Прокопьев
ульчазы вань, данъян
пулзы но шуккемын,
геройлы сӥзьыса, куасэн
ӵошатсконъёс но ортчытъяло.
Нош кыӵе умой луысал,
Прокопьев нимо премия
кылдытысалмы ке!
Вуоно арын Максим Прокопьевлэн
вордӥськем дырысеныз
135 ар тырме, 2020-тӥ
арын - Удмурт Элькунмылы
100 ар. Та юбилейёслы Максим
Прокопьевлэсь вуныны
кутскем нимзэ калык пӧлы
одно ик берыктыны тыршоно.

8
№
91 (25706)
2018-тӥ ар 4-тӥ толсур
Ãåðä
ӞЕЧКЫЛАСЬКОМ!
Тазалык,
кема улон аръёс!
ПРЕМИЯ
Тямысэтӥез
Елена ВАСИЛЬЕВА
Шаркан ёросысь удмурт кылбурчи но крезьгурчи
Владимир Котков пусъемын Г. Верещагин нимо
ёрос премиен.
Владимир Васильевич - Россиысь Писательёслэн огазеяськонзылэн
ёзчиез, Удмурт Элькунысь культура удысысь
дано ужась, К. Герд но Г. Ходырев нимо премиослэн лауреатсы,
вордӥськемын Алнаш ёросысь Актэмыр гуртын. Владимир
Котков - 600 пала кырӟанъёслэн, бадӟымъёслы но пичиослы
кылбуръёслэн авторзы. Со сяна, вутске веросъёс, повестьёс
гожъяны, нылпиосты визьноданы - Шаркан ёросысь
Петуньки школаын крезьгуръя урокъёс нуэ.
Удмурт калыклэн сюлмаз пыӵамын солэн «Удмурт Кенеш»
огазеяськонлы гожтэм кункрезез:
...Яратэ, яратэ, яратэ
Ошмесо та Удмурт шаермес.
Аратэ, аратэ, аратэ
Куспамы тупаса улонмес.
Кункрезьлы крезьгур гожтӥз вал А. Корепанова.
Шаркан ёросын Г. Верещагин нимо премиен пусъемъёс
пӧлын Владимир Котков тямысэтӥез ни.
15-тӥ толсуре - Татьяна
Николаевна Черновалы -
65 арес.
Кылбурчи, Россиысь Писательёслэн
огазеяськонзылэн ёзчиез,
Удмуртиысь лулчеберет
удысысь дано ужась, Ф. Васильев
нимо премилэн лауреатэз.
Али выль книга поттон
бордын тырше. Поэзизэ сяна,
мукет жанрен гожтэм чуръёссэ
но отчы люка. Шаерамы
ортчылӥсь ужрадъёсы пыриськылэ.
65 арес тырмон нуналаз
сое пӧсь табанез кадь
витё вордскем интыяз - Эгра
ёросысь Зура палъёсын.
ГОЖТӤСЬКОН-2019
Бере эн кыле!
Эшъёс, толло нуналысен
Россиын кутскиз
подпиская декада!
Та акцие пыриське «Удмурт
дунне» газет но. 3-тӥ-
19-тӥ толсуре - Николай
Васильевич Симановлы
- 65 арес.
Удмуртлыкез ӝутыны
кутскисьёс пӧлысь одӥгез
адями.
Со сюлмаськемен, 1987-
тӥ арын кылдытэмын вал
Удмурт клуб, отӥяз со ик
кутскон сётӥз удмурт движенилы.
Озьы инженер но
исследованиосын вырись
воргорон удмуртлыке зымиз.
Аръёс ортчыса, ужбергатон
удысэ вуиз, предприятизэ
но удмурт сямен нимаз
- «Модос».
«Удмурт дунне» газетлы гожтӥськон
Индексъёс
Быдэс арлы арняяз 2 пол потӥсь газет
(индекс 5806)
Ӝыны арлы арняяз 2 пол потӥсь газет
(индекс 5001)
Ӝыны арлы четверге потӥсь газет
(индекс 4986)
Огшоры
дыръя
дунъёс
25-тӥ толсуре - Ирина
Вячеславовна Пчеловодовалы
- 40 арес.
Филология наукаосъя кандидат,
Историяя, кылъя но
литературая Удмурт институтысь
наукая ужась.
Алнаш нылашлэн удмуртлыкез
гажан мылкыдыз
пуромем, Петрозаводскысь
консерваториын дышетскыкуз.
Удмуртие бертыса,
мыло-кыдо басьтӥськиз удмуртлыкез
ӝутон борды. Удмурт
кун университетысь
«Чипчирган» ансамблен кивалтэ.
13-тӥ декабре гинэ тӥ
быгатӥськоды «Удмурт дунне»
газетлы дунтэмгес дунын
гожтӥськыны. Соин
ик дыртэ почтаяды! Анайатайдэс,
эшъёстэс но гожтыны
быгатӥськоды. Сыӵе
Выль ар кузьымлы соос
шумпотозы!
Гожтӥськон декада
дыръя
(3-тӥ-13-тӥ декабре)
дунъёс
1417,29 манет 1222,7 манет
694,02 манет 598,92 манет
464,28 манет 400,62 манет
ФЕСТИВАЛЬ
Палэзь ӟуски, мунё, изьы
Ангелина СНИГИРЁВА
Кузебай Герд нимо гимназиын кылъёслы сӥзем
элькун фестиваль ортчиз. Нылпиос Удмуртиын
улӥсь 9 выжы калыкъёслэн сям-йылолъёсынызы,
кылъёсынызы тодматскизы.
Ужрад радъяськиз «Билингва» проект улсын «Удмурт Кенеш»
огазеяськон, Нациосын ужан политикая министерство
но Эшъяськон юрт юрттэмъя.
- Ижкарын кӧня ке аръёс ӵоже бадӟым классъёс пӧлын
кыллы сӥзем фестиваль радъяськылэ ни. Нош кылэз гажан
мылкыдэз пичиысен пыӵатоно, нылпилэн анай кылзэ но, мукетсэ
но дышетыны мылкыдыз мед ӝутскоз. Соин ик та фестивалез
6-10 аресъемъёс понна ортчытоно кариським. Шуэммы
потэ: Удмурт шаерын, удмуртъёс но ӟучъёс сяна, вань
эшшо трос мукет калыкъёс, соослэн асьсэлэн кылзы, культуразы.
Огласянь, пичиос тодматско тодмотэм кылъёсын, мукет
ласянь, дышо гажаны артэ улӥсь калыкъёсты. Удмурт
культураез удмуртъёслы гинэ возьматоно ӧвӧл. Озьы ик фестиваль
улсын нылпиос понна чакламын пӧртэм кылъёсын
мастер-классъёс - кырӟан, шудон лэсьтон, эктон но мукет.
Озьы кыӵе ке уж пыр нылпиос пӧртэм кылъёсын матысьгес
тодматскозы, мукет выжы калыкъёсын эшъяськозы, - шуиз
К. Герд нимо гимназилэн кивалтӥсез Татьяна Волкова.
Нылпиосты ӟечкыланы вуылӥз нациосын ужан политикая
министр Лариса Буранова. Со пичиослы вераз, шаерамы
140 пала выжы калыкъёс тупаса, эшъяськыса уло шуыса.
Мукет выжы калыкъёс сярысь тросгес тодэмзы потыса,
фестивале пыриськизы К. Герд нимо гимназиысь покчи классъёс,
лыктӥзы Ижысь Г. Тукай нимо но 56 номеро гимназиосысь
нылпиос, Пичи Пурга ёросысь Аксакшурысь пиналъёс.
Ужрад дыръя визь погъёслы асьсэлэн культуразы сярысь
веразы 9 пӧртэм выжыосысь калыкъёс - поръёс, бигеръёс, еврейёс,
азербайджанъёс но мукет. Соосын тодматскон ортчиз
нимысьтыз мастер-классъёс дыръя. Кылсярысь, нылпиос, бумага
юдэсъёсты бинялляса, палэзь ӟуски - удмуртъёслэсь пуссэс
- лэсьтӥзы, бигер крезьгур улсын эктӥзы. Нылпиослы тунсыко
йӧтӥз вашкала ӟуч букваос но туала алфавитлэн кылдэмез
сярысь тодыны. Поръёс сярысь нылпиослы вераз Эшъяськон
юртын ужась пор кышномурт Виктория Папаева. Нылпиосын
со мунё лэсьтӥз, поръёслэн дӥськутазы кутӥськись горд,
тӧдьы, сьӧд буёлъёс сярысь мадиз. Со сяна, нылпиос азербайджан
кылын ӟечбуръяськыны но тау шуыны дышетскизы,
азербайджан эктонъёсты дышетӥзы, Кавказ палась калыкъёслэсь
изьызэс вожмаськыса мертазы.
№ 91 (25706)
2018-тӥ ар 4-тӥ толсур (декабрь)
1915-тӥ арысен 1917-тӥ арысен 1918-тӥ арысен 1918-тӥ арысен 1930-тӥ арысен 1943-тӥ арысен 1992-тӥ арысен
Учредители:
Государственный Совет
Удмуртской Республики
Правительство
Удмуртской Республики
Главный редактор
З. К. Рябинина
Ответственный за выпуск
Е. В. Миннигараева
Адрес редакции-издателя:
426008, г. Ижевск,
ул. К. Маркса, 274
www.udmdunne.ru
e-mail: udmdunne@yandex.ru
Газета отпечатана в АО
«Ижевский полиграфкомбинат»
(426039 г. Ижевск,
ул. Воткинское шоссе, 180)
Телефоны:
73-33-42, 89511953765 - приёмная, реклама,
зам. гл. редактора
73-33-46 - отв. секретарь
73-33-43, 89511953766 - корреспонденты
Индексы: П 5806, П 5001
Тираж номера 1110
Заказ № 595
Объём 2 п. л.
Цена свободная
Подписано к печати - 18.00
По графику - 18.00
Мнение авторов не всегда совпадает с
мнением редакции
Использование материалов допускается
только с разрешения редакции
Материалы, публикуемые с пометкой
«Д» и «Реклама», печатаются на договорной
основе.
Газета зарегистрирована Управлением
Федеральной службы по надзору в сфере
связи, информационных технологий и
массовых коммуникаций по Удмуртской
Республике
Регистрационный номер
ПИ №ТУ18-00646
Рекомендовано для чтения с 12 лет