You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
№ 93 (<strong>25708</strong>)<br />
2018-тӥ ар 11-тӥ толсур<br />
3<br />
КУЗЁ<br />
Пиосмурт ужъёс<br />
КЫЛЕМ-МЫЛЕМЛЭСЬ<br />
Сӥль пыжон - вуж баллонлэсь<br />
Елена НИКИТИНА<br />
Пичи Пурга палъёсын<br />
вордскем воргорон<br />
Константин Яковлев<br />
кемалась ини<br />
Иже улыны выжиз.<br />
Но трос этажъем коркан<br />
ӝокаса улэмез ӧз<br />
поты, басьтӥз нимаз<br />
юрт.<br />
Кема аръёс ӵоже ини<br />
Константин Яковлев тырше<br />
Ижысь механикая заводын.<br />
Ужысь бертыса, мастерскояз<br />
дыртэ: отын солэн жадёнэз<br />
чиптэм-чаптэм тӧлӟе.<br />
Берганъяз, пӧртэм инструментъёсыныз<br />
ӵашетонъяз,<br />
син куспын кыӵе ке арбери<br />
пӧрмытэ. Берло дыре со<br />
басьтӥськиз газ баллонлэсь<br />
сӥль-чорыг пыжон инты<br />
(мангал) лэсьтон борды.<br />
Пӧрмытэм арберизэ шумпотыса<br />
басьто ачиз кадь ик нимаз<br />
коркаосын улӥсь бускельёсыз,<br />
соослэн эшъёссы.<br />
Вуж газ баллонэз шедьтыны<br />
луэ юртъер котырысь, бускеледлэсь<br />
яке куштӥськем<br />
кортэз кутонъя пунктысь.<br />
Со бадӟым давлениен газлы<br />
чакламын бере, быдэстэмын<br />
ӟеч зӧк кортлэсь. Озьыен,<br />
мангаллэн вылыз уг кырыжскы<br />
пӧсь тыллэсь, туж кема<br />
чидалоз. Но шунытэз возьыны<br />
та корт уггес быгаты, ӝог<br />
сӥя.<br />
- Но таӵе мангалэз пуэн<br />
«эстыны» узгес тупа, пуэз<br />
векчи пильылоно луоз - угось<br />
пыдсыз сокем ик мур ӧвӧл.<br />
Соин ик тупалоз дась эгырез<br />
уже кутыны, - шуэ воргорон.<br />
Быръёно 50 литръем баллонэз.<br />
Солэн диаметрез 30<br />
сантиметр - пыдсаз эгыр возьыны<br />
но со вылэ сӥль пыжыны<br />
чаклам кечат-вамат<br />
кортэз пуктыны тырмымон.<br />
Нош кузьдалаез 85 сантиметр.<br />
Мангаллы ӵапак сомында<br />
ик кулэ. Сое лэсьтыны<br />
дасялэ пӧртэм инструментъёс:<br />
болгарка, дрель,<br />
сваркалы чаклам аппарат,<br />
корт ӟиры но корт ӧс кутон.<br />
Нялтас вераса, баллон туж<br />
секыт, соин вырыны юрттӥсь<br />
кулэ луоз. Константинлы<br />
юрттэ 16 аресъем пиез.<br />
- Баллонын газ воземын<br />
бере, соин туж чакласькыса<br />
ужано, - валэктэ воргорон. -<br />
Газ потэм бере отчы котьку<br />
сямен ик кылё ву выллем суретъёс-углеводородъёс.<br />
Соос<br />
омырлы пӧрмизы ке, баллон<br />
пуштоз. Соин ик вандон<br />
азьын баллонэз вуэн тырмытоно.<br />
Рожковой ключез кутыса,<br />
баллонлэсь вентильзэ<br />
кӧня ке усьтоно, пичи пась<br />
пыр отчы ву лэзёно (майталэн<br />
ву но умой луоз). Кулэтэм<br />
суретъёс кӧня ке нунал<br />
куспын вуын сылмозы. Вузэ<br />
кисьтытэк ик, баллонэз вандылыны<br />
луоз ни. Солэн урдэсказ<br />
ньыль сэрего пась<br />
лэсьтоно. Вандыса куштэм<br />
корт кесэг мангалэз пытсан<br />
ӧс луоз. Вандэм интые сваркаен<br />
2 корт ӟирыосты юнматоно<br />
- ӵоктэт вылэ но, баллон<br />
борды но. Вунэтоно ӧвӧл<br />
ӧс борды кутон юнматыны<br />
Вуж газ баллондэс куштыны эн<br />
дыртэ.<br />
но кырымпыдэс быдӟа пась<br />
лэсьтыны. Мангал дась ни,<br />
шуыны луоз. Кылиз на кортлэсь<br />
кукъёс юнматыны.<br />
Таӵе мангалын сӥлезчорыгез<br />
пыжыны луоз усьтэм<br />
ӵоктэтэн но, пытсаса<br />
но. Константин шараяз тужгес<br />
«ческыт» амалзэ: сӥлез<br />
нырысь усьтыса пыжиськод,<br />
нош собере эгыр вылэ<br />
куштӥськод улмопу яке вишняпу<br />
сул но, ӵоктэтсэ пытсаса,<br />
пыжиськод на. М-м, кылдэ<br />
ньылод!<br />
ИНКУАЗЕН ВАЧЕ КИ<br />
Пуклёкъёслэсь выж<br />
Сергей ЗАХАРОВ<br />
Суллэсь сузям коръёсты<br />
азбарады токма<br />
кыллё, сисьмо?<br />
Соослэсь корказяды<br />
яке мунчо азяды<br />
пӧрмытыны луоз чебер,<br />
аспӧртэмлыко<br />
выж.<br />
Нырысь ик басьтӥськоно<br />
коръёсты дасян борды. Быръёно<br />
ог 20-30 сантиметр зӧкта<br />
коръёсты, соосты электропилаен<br />
пуклёкъёслы вандылоно.<br />
Соос я азбарын, я лапасын<br />
воземын ке, нырысь ик роспрос<br />
куасьтоно. Со понна соосты<br />
ог 2 нунал кӧс интыын<br />
возёно. Макем ӟеч кӧсалозы<br />
пуклёкъёс, сокем юн но чебер<br />
луоз выжды.<br />
Табере дасяно выж<br />
вӧлдыны чаклам интыез.<br />
Сое векчи кӧльыен шобыртоно<br />
- ог 7-8 сантиметр ӝужда.<br />
Пуклёкъёсты но вандылоно<br />
7 сантиметр ӝуждалаен.<br />
Выжлы вӧлдэм кӧльы вылэ<br />
та котрес юдэсъёсты огез<br />
борды мукетсэ тыроно. Котькуд<br />
пилетэз пуктэм бӧрсяды<br />
вылтӥз но дуртӥз молотэн<br />
шуккылоно - озьы та котрес<br />
юдэсъёс чуртнаськыса сямен<br />
юнгес пуксёзы, висказы<br />
бадӟым пась уз кыльы.<br />
Эн вунэтэ уровенен чакланы<br />
юдэсъёслэсь ӝуждалазэс<br />
- соос огӝужда мед пуксёзы<br />
кӧльы вылэ.<br />
Дасяно луоз кусыпъёссэс<br />
ворсаны сурет. 5 квадрат<br />
метръем выжлэсь пасьёссэ<br />
пытсан понна кулэ луоз<br />
15 литръем ведра, 1 килограмм<br />
шунтэм парсь кӧй, 1<br />
килограмм известь, 5 килограмм<br />
векчи пул пызь но 2<br />
килограмм горд сюй (вуэн<br />
кизертоно). Та суретэз туж<br />
зол бугыръяно, кӧй, известь<br />
но пул пызь умой мед суралскозы.<br />
Кылдыны кулэ паста<br />
порма сурет. Куасьмемез<br />
бере ву медаз пыӵа шуыса,<br />
та суретэ умой луоз мраморной<br />
пызь (шедьтыны луоз<br />
лэсьтӥськонъя лавкаосысь)<br />
ватсаны.<br />
Пилетъёслэсь висъёссэс<br />
та суретэн тырмытоно. Ужез<br />
рос-прос быдэстоно, угось<br />
буш интыосыз кылизы ке,<br />
пилетъёс тэшканы быгатозы,<br />
выж ӝог уродмоз. Суретэн<br />
вӧлдэмды бере выждэс ог<br />
2 нуналлы куасьмыны кельтоно,<br />
вылтӥз нокин но медаз<br />
лёгаськы.<br />
Куасьмемез бере котькуд<br />
пилетлэсь котырзэ эскероно.<br />
Кытын ке тэшкамез кылдэм<br />
ке, нош ик со пасез суретэн<br />
зырано но куасьмемзэ возьмано.<br />
Выж рос-прос куасьмиз<br />
ке, солэсь вылзэ вольыт карон<br />
борды басьтӥськоно.<br />
Со понна кулэ луоз циклевальной<br />
машина - со выжез<br />
шлифовать каре. Таӵе<br />
арбериды ӧвӧл ке, бускельдылэсь<br />
юалэ, солэн но<br />
ӧвӧл ке, вазиськыны луоз<br />
лэсьтӥськонъя магазинъёсы<br />
- куд-огъёсаз лэсьтӥськон<br />
арбериосты арендае кутыны<br />
луэ. Со арбериен выждэс<br />
волятэмды бере нош ик чаклано<br />
тэшкамзэ. Шедизы ке<br />
шекъёс, нош ик зырано дасям<br />
суретэныды.<br />
Пуклёкъёслэсь лэсьтэм выж туж<br />
чебер адӟиське.<br />
Табере кылиз на выжез<br />
чилясь карыны. Та понна<br />
пӧртэм амалъёсты кутыны<br />
луоз. Выжды экология ласянь<br />
чылкыт материалъёслэсь<br />
лэсьтэмын бере, озьыен,<br />
умойгес луоз таӵе ик чылкыт<br />
арбериосты кутыны: муш сюсен<br />
но со вылтӥ етӥн вӧен зырано.<br />
Та амал юрттоз выжез<br />
ву пыӵамлэсь утьыны.<br />
Химия суретъёслы пумит<br />
ӧвӧл ке, уже кутыны<br />
быгатӥськоды морилкаез<br />
яке лакез - соос олокӧня пумоесь.<br />
Таӵе выжез лэсьтыны<br />
туж капчи, адӟиське со чебер<br />
но чида кемалы.