Create successful ePaper yourself
Turn your PDF publications into a flip-book with our unique Google optimized e-Paper software.
№ 93 (<strong>25708</strong>)<br />
5<br />
2018-тӥ ар 11-тӥ толсур<br />
ГИДКУАЗЬЫН<br />
Пудо вордон<br />
ВЫЛЬ ВЫЖЫ<br />
Шунытэз яратӥсь гордань<br />
Пуклё кадь нуш-нуш мугоро но котьку капчи мылкыдо дюрок<br />
Елена САРАМАТОВА<br />
Адямиос аспӧртэм животъёс<br />
шоры учкылыны,<br />
соосты вордыны<br />
кутскизы ни. Озьы<br />
гидъёсын нурскетыны<br />
ӧдъязы дюрок выжыысь<br />
парсьёс.<br />
Дунне вылын ог 100<br />
пӧртэм выжыысь парсьёс<br />
вань. Асьме палан дышем<br />
сямъя трос будэто бадӟым<br />
тӧдьы но ландрас выжыысь<br />
парсьёсты. Таос уго сӥльлы<br />
но, кӧйлы но ярало, трос пи<br />
ваё, котыразы мултэс берганэз<br />
ӧвӧл. Но ӵемысь таослэн,<br />
сӥль интые, уногес люкаське<br />
кӧйзы. Со ласянь дюрок выжыысь<br />
парсьлэн сӥльыз синмаськымон.<br />
Вань выжыосын<br />
ӵошатыса, дюрок выжыысь<br />
парсь тужгес ӝог будэ, бызьылытыны<br />
вазь кисьма.<br />
Тусын но висъяське: быдэсак<br />
горд я пеймыт-курень.<br />
Пельёсыз бадӟымесь, синъёсыз<br />
азе лапак ошисько. Гонэз<br />
вань. Мылкыдыз котьку<br />
капчи но гань-гань, таин<br />
сэрен борддоръёсты но выжез<br />
уг кеся, мукет парсьёсын<br />
уг жугиськы, пиоссэ уг<br />
сиы. Айы парсь 380 килограммозь<br />
будэ, кузьдалаез<br />
185 сантиметрозь луэ. Нош<br />
мумы парсь 320 килограммозь<br />
будэ. Мугорыз пуклёлы<br />
укша: юн, чебер, питырес.<br />
Пыдъёсыз зӧкесь но кузесь.<br />
Йырыз пичи.<br />
Одӥг гинэ ке шат тырмымтэез:<br />
шунытэз яратэ.<br />
Ӟырт кезьыт дыръя кизьнылыны,<br />
зырымез вияны<br />
кутске. Мумы парсь 9-11<br />
парсьпи вайыны быгатэ.<br />
Мугорыз бадӟым ке но,<br />
вань парсьпиоссэ шунтыны<br />
ачиз со уг вормы. Парсьпиосыз<br />
1100-1600 граммъемесь<br />
вордӥсько. Ӝог будо.<br />
170 нунал куспын 100 килограммлэсь<br />
ортчыны быгато.<br />
Мумызы соосты туж<br />
чакла, дыраз сюдон сярысь<br />
сюлмаське. Соин ик вань<br />
вордскем парсьпиос пӧлысь<br />
Дюрок парсьпиос ӝыны ар<br />
ӵоже 100 килограммозь будыны<br />
быгато.<br />
ТУНСЫКО<br />
куддыр огез гинэ кулыны<br />
быгатэ.<br />
Нырысь нуналъёсы<br />
парсьпиосты шунтон сярысь<br />
гинэ сюлмаськоно: гидын<br />
25 градус шуныт мед луоз,<br />
кӧлон инты вадьсазы лампа<br />
ошоно, улазы трос куро валёно.<br />
Туала вакытэ лампатэк<br />
но шуныт кылдытыны луэ<br />
ни. Кыедысь но турынысь<br />
шуныт поттыны луоно. Кыедэз<br />
но турынэз сисьтӥсь бактериос<br />
вузасько угось. Соосын<br />
куроез я турынэз пазяськод<br />
ке, куро пушкын химической<br />
реакция кылдэ. Таин<br />
сэрен куро пушкын 40 градус<br />
шуныт возиське. Со куро<br />
парсьпиосты ачиз шунтыса<br />
возе. Пудолы со бактериос<br />
изъян уг ваё, кин тодэ, оло,<br />
умойгес но каро: кыедзэс куасьто,<br />
кӧтсэс быдто.<br />
Дюрок выжыысь парсь<br />
бырйиськись ӧвӧл: котькытчы<br />
интыя, котьмар сюд -<br />
котьмалы капчиен но ӝог<br />
дыше. Бадӟым парсь нуналаз<br />
2,5 ведра сиён сие. Толалтэ<br />
шунтӥськыны пудолы<br />
тросгес энергия кулэ бере,<br />
нуналаз 3 пол сюдыса умойгес<br />
луоз. Нош гужем - 2 пол.<br />
Рахит медаз луы шуыса, витаминъёс<br />
сётъяно.<br />
Соиз но вань: дюроклы<br />
кулэ белковой сиён. Соин<br />
ик ӵемгес сётъяно картошка,<br />
кыд, силос, комбикорм,<br />
кӧжы. Кукуруза, йыды но чабей<br />
сокем трос сётъяны уг<br />
яра - талэсь котькуд выжыысь<br />
парсь мултэс кӧяны кутске.<br />
Дюрок туж яратэ кушман,<br />
чорыг, йӧл, ӝук. Макем<br />
тросгес чорыг сюдоно, сокем<br />
тазагес будэ пудо.<br />
Дюрок эрикез яратэ.<br />
Соин ик вазь тулысысен бер<br />
сӥзьылозь соосты нуналаз<br />
ӝыны часлы ке но азбаре<br />
поттано.<br />
Нялтас вераса, та парсьёс<br />
чылкытэсь. Гидын инты<br />
тырмыт ке, соос сиськон но<br />
изён интыязы педло уз поталэ.<br />
Дэрие пырыны ярато<br />
ик, пыласькыны но отын дасесь.<br />
Озьы соос мугорысьтызы<br />
тэйёссэс быдто. Со сяна,<br />
пӧсь куазен дэри соослы таза<br />
улыны туж юрттэ. Парсь<br />
угось пӧсяны воксё уг быгаты.<br />
Соин ик ӟырдам мугорзэ<br />
но сӥятыны солы юрттэ<br />
дэри. Чылкыт ву луысал ке,<br />
отын шумпотыса ик пыласькысалзы.<br />
Соин ик дырындырын<br />
ву сярысь но малпаськоно.<br />
Парсьпиос понна, оло, дюрокез<br />
уд будэты. Но та выжылэн<br />
сӥльыз ческыт.<br />
Сюрес шедьтоз<br />
Тодосчиос эскеремъя, парсь пунылэсь визьмогес. Со котьку<br />
дораз сюрес шедьтоз. Парсь кулэсь пӧртэм арбериос лэсьтыло.<br />
Нош гонэзлэсь - кисточка. Ӝушаз люкаськись соклэсь<br />
- инсулин. Парсь физиологиез ласянь адямилы туж матын<br />
угось. Кышномуртлэн но парсьлэн йӧлазы аминокислотаоссы<br />
гинэ но огкадесь. Тросэз парсьпи висёнъёс пичи пиналлэн<br />
висёнъёсызлы укшало.<br />
ЮАН-ВЕРАН<br />
Скалме уг тодмаськы...<br />
Валэкто Удмуртиысь Пудо эмъянъя управлениысь специалистъёс<br />
Скалме уг тодмаськы ни.<br />
Йӧлзэ кыскыкум, интыяз<br />
азьвыл сямен ганяк сылыны<br />
уг чида, ӝуштэ, пыд вылысьтыз<br />
пыд вылаз лёгиське.<br />
Эшшо ке кыскон куспын<br />
ик 2-3 пол кызя. Кызез горд<br />
пыръем, вирлы кельше. Мастит<br />
ӧвӧл: вераез азьвыл сямен<br />
ик небыт, йӧлыз трос.<br />
Мар луыны быгатэ на?<br />
Валентина В.<br />
Алнаш ёрос<br />
Кызяз вирыз вань ке,<br />
озьыен, пудо кыӵе ке инфекцилэсь<br />
курадӟе. Кылсярысь,<br />
лептоспироз луыны<br />
быгатэ. Нош котькыӵе инфекция<br />
циститозь вуттыны<br />
быгатэ. Озьы ик скаллэн<br />
пекляосыз, кунян ваён органъёсыз<br />
висьыны быгатозы.<br />
Зэм, скалэз ялан кешырен<br />
я гордкушманэн сюдыку,<br />
вирыз горд пыръем луэ.<br />
Но тӥ ӵем кызямез вылэ<br />
ӝожтӥськиськоды на.<br />
Озьыен, скалдылэн цистит,<br />
дыр. Кызян органъёсаз<br />
хламидия, стрептококк,<br />
стафилококк но мукет бактериос<br />
сюрыса, кызьпуйылэн<br />
оболочкаяз воспаление<br />
кутске. Бактериос кызьпуйы<br />
пушкы пумен пыӵало<br />
но пудоез шуге-леке вутто.<br />
Циститлы ӵемысь капчиен<br />
сётске кунян ваем<br />
скал. Кунянзэ вайыкуз,<br />
пушкыз угось вӧсь луэ.<br />
Куддыр нярӟем бервылъёсыз<br />
умой уг бурмо. Лябӟем<br />
скал борды отӥяз олокыӵе<br />
но чер лякиське ни. Кылсярысь,<br />
кунян ваемез бӧрсьы<br />
скаллэн маткаяз воспаление<br />
луыны быгатэ - эндометрит<br />
кутске. Сое роспрос<br />
ӧд йӧнаты ке, висён<br />
ялан дырын-дырын пуромылоз.<br />
Озьыен, цистит<br />
кутсконлы ялан муг сётоз.<br />
Сыӵе ик кышкытлык кылдытэ<br />
вагинит висён. Кырсь<br />
киын но тӥрлыкен скалэз<br />
учкон но циститозь вуттэ.<br />
Мугораз воспаление<br />
вань бере, кытын ке ур люкаське.<br />
Таин сэрен скал аслыз<br />
инты шедьтэмысь дугдэ,<br />
висеменыз ӵем кызямез<br />
потэ. Сиськемысь дугдэ.<br />
Воспалениен сэрен ӝушаз<br />
сокез тырмыт уг кылды ни,<br />
ӝушезлы сиськемез бере<br />
сиёнзэ бергатыны шуг луэ,<br />
со турын но сиыны, ву но<br />
ӟузьыны уг дӥсьты. Мугорыз<br />
ӟырда, ӟигарыз быре.<br />
Кызяз, вир сяна, белок,<br />
дыльк но ур потыны быгато<br />
на. Со сяна, кызез аммиак<br />
зын луэ.<br />
Скалэз рос-прос<br />
йӧнатытэк, цистит дырын-дырын<br />
пуромылӥсь<br />
висёнлы пӧрме. Таин сэрен<br />
пекляосыз лябӟо. Кунян<br />
но шедьтыны скаллы<br />
секыт луэ. Сюрем кунянэз<br />
но ӵемысь усе я пушказ ик<br />
кулэ. Соин ик ӝегатскытэк<br />
ӧте пудо эмъясез.<br />
Скалдылы али саклык<br />
трос кулэ. Эн тышкаське,<br />
чылкыт но ческыт сиёнэн<br />
сюдэ. Пудолы кытысь<br />
ке кужым люканы кулэ ук.<br />
Кӧс турын гинэ сииз ке,<br />
ӝушезлы уката секыт луоз.<br />
Ӵемгес сётъяно шуныт ву.<br />
Трос ву юиз ке, люкаськем<br />
бактериосыз кызеныз ӵош<br />
потозы. Антибиотикъёстэк<br />
нокызьы уз луы. Маин эмъяно<br />
- пудо першал, анализ<br />
лэсьтыса, валэктоз. Скал<br />
висемысьтыз аслыз инты уг<br />
шедьты шуыса адӟиське ке,<br />
вӧсез зӥбломытӥсь уколъёс<br />
пуктылоно луоз.<br />
Одно ик чаклано созэ но:<br />
выж чылкыт но кӧс медло!<br />
Гидын кытысь ке тӧл пельтэ<br />
ке, пасез ворсано. Пудоез<br />
тӧл шуккиз ке, висёнэз<br />
эшшо но секыт луоз. Со<br />
сяна, скаллы али кынмыны<br />
уг яра, соин ик шуныт мед<br />
луоз шуыса, пыд улаз куро<br />
жалятэк валёно, улзэ ялан<br />
вошъяно. Кот вылын кылльыса,<br />
югдур секытгес луыны<br />
быгатоз.