Gender booklet-2

БҮЛЭГ 5. ТӨРИЙН АЛБАНЫ ТУХАЙ ХУУЛИЙН ЖЕНДЭРИЙН
НӨЛӨӨЛЛИЙН ҮНЭЛГЭЭ
Төрийн албаны тухай хуульд жендэрийн нөлөөллийн үнэлгээг хийхдээ дараах
хууль, бодлогод заасан жендэрийн асуудлаарх зохицуулалтыг удирдлага
болгов.
• Жендэрийн эрх тэгш байдлыг хангах тухай хууль, 2011 он
• Жендэрийн эрх тэгш байдлыг хангах үндэсний хөтөлбөр 2017-2021 он
• Хөгжлийн бодлого, төлөвлөлтийн тухай хууль, 2015 он
• Хууль тогтоомжийн тухай хууль, 2015 он
• Засгийн газрын 2016 оны 59 тоот тогтоол
Төрийн албаны тухай хуульд жендэрийн нөлөөллийн үнэлгээ хийж үзэхэд тус
хууль нь Жендэрийн эрх тэгш байдлын тухай хуультай уялдаагүй, жендэрийн
үзэл баримтлалыг тусгаагүй, эрэгтэй, эмэгтэй хүний тэгш эрх, тэгш боломж,
тэгш хандлагын баталгааг бүрдүүлэх зохицуулалтыг бүрэн агуулаагүй байна.
Түүнчлэн Төрийн албаны тухай хуулийг хэрэгжүүлэх чиглэлээр гарч байгаа
дүрэм журмын хувьд жендэрийн нөлөөллийн талаар тодруулсан зүйлгүй,
жендэрийн онцлог, хэрэгцээ, нөхцөл байдлыг харгалзах тухай зохицуулалт
агуулаагүй байна. Иймд эдгээр журмыг жендэрийн агуулгатай болгон нэмэлт
өөрчлөлт оруулах шаардлагатай.
Төрийн албаны тухай хууль, дагалдах дүрэм журмуудад жендэрийн асуудлыг
тусгах тодорхой саналыг дор дурдав. Үүнд:
1. Төрийн албаны тухай хууль/ТАТХ/-ийн 2 дугаар бүлэг: Төрийн албаны
стандартад төрийн албыг жендэрийн ялгаварлан гадуурхалтаас ангид
байлгахад чиглэсэн хэм хэмжээ, стандарт нэвтрүүлэх;
2. З дугаар бүлэг: Төрийн албан хаагчийн хувийн хэрэг, улсын нэгдсэн тоо
бүртгэлд хүйсийн мэдээллийг заавал гаргадаг байхаар тусгах,
3. 5 дугаар бүлэг: Төрийн албан тушаалд тавих тусгай шаардлагад жендэрийн
сургалтад хамрагдаж сертификат авсан байх, Мэргэшүүлэх багц
сургалтын агуулга, хөтөлбөрийг жендэрийн агуулгатай боловсруулахаар
тусгах,
4. 6 дугаар бүлэг: Төрийн захиргааны албан тушаалд томилох үндсэн
шалгуурт хүйсийн тэнцвэр хангах, сонгон шалгаруулах журмыг түүнд
нийцүүлэн тогтоох, сул орон тоо гарсан тохиолдолд цөөн тоотой хүйсийн
хүнийг хүйс заан зарлах, сонгон шалгаруулалт явуулах захиалгыг
ийм байдлаар өгөх, түүнийг Жендэрийн хуульд зааснаар ялгаварлан
гадуурхалт гэж үзэхгүй байхаар нэмэлт оруулах,
5. 7 дугаар бүлэг: Төрийн жинхэнэ албаны шалгалт авах бүрэлдэхүүн
хүйсийн тэнцвэр хангасан байхаар заах,
6. 9 дүгээр бүлэг: Төрийн жинхэнэ албан хаагчийн нийтлэг эрхэд ажил-ар
гэрийн тэнцвэр хангуулах; ажилтан жирэмсний, амаржсаны, хүүхэд асрах
чөлөөтэй байсан хугацааг харгалзан нөхөж суралцах асуудлыг тусгах,
7. 11 дүгээр бүлэг: Төрийн жинхэнэ албан хаагчийг төрийн албанаас
чөлөөлөх үндэслэл болгосон, сонгуульд “нэр дэвших болсон” болон “нэр
24