ud#39 (25849)

№39 (25849)
20 2020-тӥ ар 8-тӥ коньывуон
ГУР АЗЬЫН
Сӥзьыл сиёнъёс
Улмо ке трос...
Эгра ёросысь Сундур
гуртын улӥсь Надежда
Данилова алигес ӵош
ужась эшъёссэ ческыт
пастилаен куноятӥз.
Интернет вотэсысь рецепт
адӟем но пыжыса
эскероно кариськем.
— Яблок трос, та вие сое
куртчыса сием уг поты,
ымиськиз ни, — шуэ Надежда
Георгиевна. — Компот,
варення лэсьтыны банкаос
ӧвӧл ни, куасьтӥ но, повидло
но лэсьтӥ. Чебер яблокез
парсьлы сюдыны жаль кадь.
Ки улам тунсыко рецепт шедиз,
табере вань тодмоосме
пастилаен куноятӥсько. Нош
лэсьтӥське вылэм туж огшоры.
Пастила
Кулэ: миска тыр сузям
улмо, 1 стакан ву.
Кӧмызлэсь сузям улмоез
векчи юдоно но мискае пононо.
Ву ватсаса, пичи тыл вылын
ӝыны час пала пӧзьтоно,
ялан сураса. Улмо небӟиз ке,
блендерен небӟытоно. Кӧмзэ
сузятэк но лэсьтыны луоз.
Небӟем улмоез соку сӥс пыр
лэзёно.
Пыжиськон корт вылэ пергамент
вӧлдоно, вылзэ вӧен
зыратэк но яралоз. Со вылэ
яблок пунемез 0,5 сантиметр
зӧкта вӧлдоно но духовкаын
25-30 градусын 7-8 час пыжоно.
Духовкае кӧня противень
тэре, ваньмаз яблок вӧлдыны
яра. Решётка вылэ но: нырысь
ик фольга вӧлдоно, вылаз
пергамент, собере яблок
пунем. Пастила чиньы борды
уг лякиськы ни ке, озьыен, со
дась.
Пастила векчи бумагалы
укша. Пергамент вылысь каллен
басьтоно, медаз кесиськы
шуыса, пичи люкетъёслы вандылоно
но бинялтоно.
Пюрe
Кулэ: 5 килограмм улмо, 1
стакан ву, ӝыны стакан сакыр,
1 банка сгущёнка.
Кӧмлэсь сузям улмоез векчи
юдоно. Кӧмзэ палатэк дасяку,
пӧзьтэм улмоез сӥс пыр
поттоно.
Зӧк пыдэсо кастрюляе
ву но юдэм улмо пононо,
пичи тыл вылын небӟытозяз
пӧзьтоно. Посудаез
ӵоктэтэныз пытсано, пыдэсаз
медаз лякиськы шуыса,
ялан сурано. Улмо небӟиз ке,
Эгра ёросысь Сундурысь Н. Данилова яблоклэсь
пастила ачиз лэсьтэ.
тыл вылысь басьтоно но
кастрюляяз ик блендерен
небӟытоно. Суретэ ватсано
сакыр но сгущёнка, ваньзэ
рос-прос сураса, эшшо 5 минут
пӧзьтоно на. Стерилизовать
карем банкаосы тыроно
но, выж вылэ йыринуллань
пуктыса, шобретэн шобыртоно.
Мусс
Кулэ: 650 грамм сузяса дасям
улмо, 650 грамм ву, 5 пуньы
сакыр, 5 пуньы манной кеньыр,
пурт йылын лимон кислота.
Улмоез сузяса, юдоно но
кастрюляе пононо. Ватсано
ву, сакыр но лимон кислота.
Улмо чырс ке, лимон кислота
кулэ уз луы. Пӧзьтоно,
улмо небӟытозь, но пунем
лэсьтоно. Умойгес луоз
блендерен. Со суретэ калленэн
манной кеньыр ватсано.
Бӧрысь кӧня ке минут
сӥятоно. Шуныт кылиз ке,
суретэз нош ик блендерен
шукконо, тӧдьы луытозяз.
Стаканъёсы тыроно. Мусс
шаплыгес напчоз, шуныт
суретэз кезьыт вуэ пуктылыса.
Дась муссэз кезьыт
интыын эшшо 1-2 час возёно
на но сиёно.
«Куинь стакан»
пирог
Кулэ: манной кеньыр, пызь,
сакыр — быдэн 1 стакан, 1 но
ӝыны чечы пуньы разрыхлитель,
5 улмо, 3-5 пуньы лимон
сок, 100 грамм нӧкы вӧй, чепыльтэт
сылал.
Тусьтые пононо пызь, сакыр,
манной кеньыр, разрыхлитель,
сылал, ваньзэ сурано
но одӥг мындаен 4 люкетлы
(яралоз стакан басьтыны)
висъяно.
Улмоос одно ик мед луозы
жалем но чырс, сотэк пыжиськем
уз пӧрмы, улмолэн сокез
пироге пыӵаны кулэ. Улмоез
бадӟым вуштон пыр поттоно,
сьӧдэктыны кутскемезлэсь эн
кышкалэ. Пӧлаз ватсаны яра
на лимон сок, корица яке лимон
кӧм. Вуштэм улмоез 3-лы
люконо.
Пыжиськон кортэ пергамент
пононо, вылаз сӥенсӥен
вӧлдоно колӟоез но вуштэм
улмоез. Озьы берпуметӥ
сӥез луыны кулэ колӟо, вылаз
вӧлдоно вуштэм вӧй. Пыжоно
180-200 градусын 45-50 минут
пала, вылыз ӵыжектытозь.
________
Валентина ЕМЕЛЬЯНОВА
Надежда Даниловалэн архивысьтыз
Палэзен роман
Сьӧдпалэзен но вишняен наливкаослэсь зынзэс
но шӧмзэс нылкышноослы гожтэм чебер романэн
ӵошатысал.
Сьӧдпалэзьлэсь но вишня куарлэсь юон дасян понна кулэ: 3 килограмм
сьӧдпалэзь, 2 кырым пала вишня куар (ог 100 куар), 1,5
килограмм сакыр, 0,5 литр водка.
Бадӟым мискае (6-8 литр) суралтоно палэзез но куарез,
вылтӥз кисьтоно 2,5 литр пӧсь вуэн. Собере, секыт маин ке
зӥбыса, нунал ӵоже возёно. Вузэ сӥсъяса, емышсэ нушыен
нельконо-небӟытоно. Сӥс вылэ кык полэс марля поныса, емышез
киын пызьыръяно. Киосады резина перчаткиос дӥсялэ,
сотэк лызэктозы. Дась соке 1,5 килограмм сакыр ватсаса, 20
минут пала пичи тыл вылын шунтоно — медаз быректы. Сурет
сӥям бере ӝыны литр водка йылтоно но толэзь пала пукетоно
на. Собере сӥсъяно.
Таӵе юон дасяны луоз пӧртэм емышъёслэсь (вишня, льӧм,
тёрн).
Шундыез воштоз тыква
Эмчиос верамъя, шундыез ӧжыт ке но воштыны, иммунитетэз
ӝутыны юртто гордмыт-ӵуж, ӵужмыт емышъёс.
Соин али ӵапак дырыз тыквалэсь сок дасяны.
Бадӟымгес мискае (мынам 4 литръем) ӝыныезлэсь тросгес
тыква юдоно, 3-4 ӵужкушман вуштоно (сотэк но лэсьтыны
луоз). Вылтӥз быректэм пӧсь ву кисьтоно — емышез кӧня ке
мед шобыртоз. Пӧзьтоно, небыт луытозязы, собере блендерен
пунемлы (пюре) пӧрмытоно. Сурет напгес потӥз ке, быректэм
ву йылтыны быгатоды.
Одӥг апельсинлэсь, одӥг пичигес лимонлэсь (ӝыны чечы
пуньы пала лимон кислота кутыны луоз) соксэс пызьыртоно.
Сокез капчиенгес ӟизалоз, емышъёсты ӝӧк вылын погылляса
яке пушсэ вилкаен бышкаса. Вуштыны луоз апельсин кӧмез, но
соку емышез, чылкыт миськем сяна, пӧсьвуаны кулэ. Йылтоно
сакыр — тыквалэн шӧмыз ческыт ке, сое ӧжытгес пононо.
Мон понӥсько 4-5 бадӟым пуньы мында. Сок уката но пайдаё,
аспӧртэмлыко пӧрме, пӧлаз пичильтык имбирь вуштыса. Ваньзэ
тае быректыса чылкыт банкаосы кисьтоно. Сӥятозяз возёно
шобрет улын. Сок уз уродмы, салкым азе пуктытэк но.
________
Йыртӥянлы валэктон
Мыдлань кроссворд
Лия МАЛЫХ
к у з ь к ы л а к
а а у
э с э п в н ш н ы р к
р к а р а м а я е
в к а р п п у н ы н
а у у р д л ы л э
л ы с ь ӧ м о к у з ь ы м
к д н
у г ы ё п у о к а л я г а
р л з а р н и н р
о и з ь ы к ы л ь а
б ы п а ш п у а к
о м ы р у и р п у ж ы
е л ч
т ӧ л с я с ь к а
Пӧрмем кыл: зэмлык.
Бырйы шонерзэ!
Паллянысен буре: мувӧй, шальы, койык, кынар,
кунян, полыс, укмыс, капка, мамык, нюлам.
Вылӥысен улӥе: мыйык, йӧзор, шапык, ыргон,
калык, курка, пунэм, саник, укшан, сюлэм.
«Берекетэ» юанъёсын, дэмланъёсын вазиськоно
73-33-42 телефон номеръя.
Материалъёстэс ыстэлэ, «Берекетэ» шуыса,
электрон почтае udmdunne@yandex.ru.