ud#42 (25852)

№42 (25852)
udmdunne.ru
УЖРАДЪЁС
2020-тӥ ар 29-тӥ коньывуон 21
+7 951 195 37 65
Кивоштӥсьёс
Реклама
Будэтоно выль Калашниковъёсты!
Кызьы Ижысь М.Т. Калашников
нимо техникая
кун университет
Удмуртилэн кунлык
басьтэмез дырысен 100
ар тырмонзэ пумита? Та
сярысь журналистъёсын
вераськиз ИжГТУ-лэн
ректорез, экономика наукаосъя
доктор, профессор,
Россиысь но Удмуртиысь
дано лэсьтӥськись
Валерий Грахов.
Наукалэн арез
2020-тӥ ар университетын
наукалэн арез ялэмын вал.
Ӝыны ар куспын печатламын
400-лэсь уно тодос ужъёс,
70-лэсь уноез пыремын вылӥ
дунъяськись Web of Science
но Scopus базаосы. Куарусён
толэзе гинэ утемын 2 кандидатской
но 1 докторской ужъёс.
Университетын ужась егит
тодосчиослы сёто квартираос,
эшшо — грантъёс, озьы соос
асьсэ эскеронъёссэс азинтыны,
улонэ пыӵатыны быгато.
Кылсярысь, туэ егитъёс куспын
13,9 миллион манет тыр грантъёс
люкылэмын вал, таӵеез
кемалась ӧй вал ни. ИжГТУ-э,
юрттэт курыса, вазисько шаерысьтымы
но, бускель улосвылъёсысь
но предприятиос.
ИжГТУ-лэн ректорез В. Грахов: шаерысьтымы
предприятиосын ужасьёс пӧлысь 80 процентэз —
милям выпускникъёсмы.
— Сарапулысь электрогенераторной
заводэн валче ми
кылдытӥмы технологической
электротранспорт но малпамы,
кызьы сое поттоно. Талы огъя
92 миллион манет быдтэмын,
— вера Валерий Павлович. —
Туннэ понна «КамАЗ» ПАО-ен
выль проект борды кутскимы,
талы Россиысь Вылӥ дышетонъя
но наукая министерство
субсидия висъяз. Табере
грузовой автотехникалы выль
двигательёс кылдытомы, соос
США-ын, Китайын, Европаысь
странаосын тупатэм вылӥ
куронъёслы мед тупалозы.
Озьы ик университетын кылдытэмын
«ИжСпецТех» инжиниринговой
центр.
Университетлэн
данъяськонэз
— Милям потэ, университетмы
азьланяз но шаерысьтымы
предприятиос понна
егит ужасьёсты мед дуроз но
выль ужан амалъёсты мед кылдытоз
шуыса. Шаерысьтымы
тросэз предприятиос ёрмо
ӟеч специалистъёслы. Милям
потэ котьмар ласянь адӟем
карымон луэммы. Университетлэн
валтӥсь ужпумез
— выль Калашниковъёсты
будэтыны. Сыӵе адямиосты,
кудъёсыз вань сюлэмзэс сётыса,
тыршозы странамы понна.
Арлы быдэ ИжГТУ-эз йылпумъяло
2 сюрслэсь уно бакалавръёс,
магистръёс но
специалистъёс. Студентъёс дышетскыкузы
ик быгато ни 2-тӥ
вылӥ образование басьтыны.
Уноез та вакытэ ужаны но кутско.
Университет егитъёслы
котьмар ласянь юрттӥськыны
турттэ, соосты лӧпкытъяны
выре. Кылсярысь, кылем
арын 400-лэсь уно студентъёс
пӧртэм ӵошатсконъёсы но
олимпиадаосы пыриськылӥзы,
туэ 120 ӵошатсконъёс пӧлысь
25-яз вормизы.
— Туж данъяськымон, милям
пиналъёсмы адӟем карымон
луизы машиналэн но
механизмъёслэн теоризылы
сӥзем дунневыл олимпиадаын,
со ортчиз Перуын. Табере
10-тӥ дунневыл студенческой
олимпиада ортчоз ми дорын,
ИжГТУ-ын. Ужрад туэ радъяськыны
кулэ вал, но оргкомитет
сое вуоно арлы выжтӥз, — шуэ
В. Грахов.
Озьы ик ИжГТУ-ын вылӥ тодон-валанъёс
басьтыны быгато
ляб кылӥсь егитъёс но, 2015-тӥ
арын татын кылдытэмын инклюзивной
дышетонъя центр.
Механ-Арбат
Дышетскон юртъёсыз но
огъяулонниосыз сяна, университетлэн
вань аслаз профилакториез,
культурая юртэз,
«Галёво» учебно-спортивной
центрез… Ваньзэ тае чакласа
возьыны, дырыз дыръя тупатъяны,
эшшо выльёссэ пуктыны
кулэ на.
Студенческой ульчатӥ поръяку,
адске, макем зол берло
дыре чеберскизы университет
котырысь интыос. Пичиен-пичиен
кылдэ «Механ-Арбат» аслаз
синпелетъёсыныз, шутэтскон
но поръян интыосыныз.
Матысь нуналъёсы сӥё-дано
усьтӥськоз ИжГТУ-ысь студенческой
отрядъёслы сӥзем сэрег.
Нялтас вераса, ИжГТУ-ысь студенческой
отрядъёслэн штабзы
быдэс странаысь штабъёс
пӧлын устоез луиз. Берло дыре
кампус котырын юг-юг тылъёс
пишто, татын кылдытэмын
машинаослы 500 сылон интыос,
котырез чакласа возё 200
видеокамераос.
________
Мария ВЕКШИНА
Шаертодон
74 нунал куспын — 100 инты
Ижысь медсестра Н. Мерзлякова шаерысьтымы
57 тунсыко интые вуылӥз. Туспуктэм вылын:
Якшур-Бӧдьялась архитектурая комплекс дорын.
Туспуктӥз Екатерина МЕРЗЛЯКОВА
Йылпумъяськиз шаертодонлы
сӥзем «ДаУР»
квест. 30-тӥ июльысен
11-тӥ октябрёзь — 74
нунал ӵоже — шаерысьтымы
мыло-кыдо адямиос
вуылӥзы «ДаУР»
проектъя ӵектэм 100
интыосы.
Та шудон «ДаУР» проектлэн
берпуметӥ люкетэз
луэ. Отчы пыриськыны мылкыд
карисьёс 440-лэсь ятыр
люкаськизы: даур.рф сайтэ
куриськон гожтыса, соос
2 но ӝыны толэзь куспын
вуылӥзы элькунысьтымы
тужгес паймымон интыосы.
Социальной сетьёсын «ДаУР»
квестэн герӟаськем хэштегъёс
люкаськемын 5 сюрслэсь
ятыр!
Квестэ пыриськемъёс
пӧлысь али устооссэ быръё.
Жюри сак чакла. Вормисе
потэмъёслэсь нимъёссэс тодомы
4-тӥ ноябре, Удмуртилэн
кунлык басьтэмезлы 100
ар тырмон нуналэ. Ӵапак та
дано лыдпуслы сӥземын вал
«ДаУР» проект. Вормисьёс
пусъемын луозы дипломъёсын,
дуно кузьымъёсын: ӟеч
фотоаппаратэн, гурезьёстӥ
ворттылон велосипедэн, быдэс
семьялы палаткаен.
Тунсыко: квестэ пыриськисьёслэсь
мылкыдзэс уката
но бурдъян понна шудонэз
радъясьёс арнялы быдэ
пӧртэм интыосы кузьымъёс
ваткаллязы. Нырысетӥзэ
шедьтӥзы Шаркан черкогуртысь
Тол бабайлэн дорысьтыз,
отын «Эктоника Табань
FEST» фестиваль радъяськыку.
Кыкетӥзэ шедьтӥзы егит
кузпалъёс — Дэри ёросысь
Кияик гуртысь 300 аръем
пужымез учкыны вуылыкузы.
Кылемъёссэ ватосъёсты
шедьтӥзы Сарапул ёросысь
Нечкино черкогуртысь орланбелохвостлы
сӥзем музей котырысь,
Сюмси ёросысь Пумси
гуртысь, озьы ик Ижысь
Воложка шур вамен пыдын
ветлон выжъёс улысь, Вотка
ёросысь Инмар Анайлэн Тихвинской
иконаезлэн храмез
дорысь, Сьӧлта ёросысь лайка
пуныослэн питомникысьтызы.
Берпуметӥзэ — 9-тӥ
ватосэз — квестэ пыриськисьёс
шедьтӥзы Ижысь Горький
нимо садысь «Кошкин
дом» юртлэн балконысьтыз.
Котькуд ватосын вал «ДаУР»
гожтэмен шуныт кофта, термокружка
но горд кышет.
Пусйыны кулэ: 4-тӥ ноябре
данъялозы «ДаУР» проектлэн
азьвыл люкетъёсаз
вормисе потэмъёсты но. Таосызлэн
нимъёссы тодмо ни.
Кылсярысь, «Пейзаж» номинациын
нырысетӥ интые
потӥз Денис Вахрушев — Сарапул
ёросысь Ершовской
тыпы арамаын лэсьтэм туспуктэменыз;
«Нимаз историос»
номинациын — Данил
Соловьёв Пичи Пурга ёросысь
Во имя Святой троицы
ошмес сярысь гожтэменыз;
«Аспӧртэмлыко инты» номинациын
— Николай Орлов
Дэри ёросысь Удмурт ботанической
садэз возьматэменыз;
«Туспуктэмъёсын устоез серия»
номинациын — Ивонина
Анна 8 синпелетъёслы сӥзем
фотоосыныз; «Инты сярысь
устоез сочинение» номинациын
— Наталья Платонова
Эгра ёросысь Бачкей гуртысь
Этапной юрт сярысь гожтэменыз.
________
Елена НИКИТИНА