Að glæða sálargáfurnar og auka þekkinguna

AÐ GLÆÐA SÁLARGÁFURNAR OG AUKA ÞEKKINGUNA | ALÞÝÐUSKÓLINN VERÐUR ALÞÝÐU- OG GAGNFRÆÐASKÓLINN
21
Það kom bæði fram í gjafabréfi prófastshjónanna og í stofnunarskránni að skólinn átti fyrst og fremst
að vera barnaskóli fyrir Garðaprestakall. Gekk það eftir í fimm ár en varð þá sú breyting á að sérstakur
barnaskóli var stofnaður fyrir Bessastaðahrepp að Bessastöðum og var helsti hvatamaðurinn að þeirri
stofnun Grímur Thomsen. Hann bjó á Bessastöðum og lét skólanum eftir húsnæði en þessa ráðstöfun
túlkaði séra Þórarinn sem aðför að Flensborgarskólanum og sjálfum sér enda voru þeir Grímur litlir vinir.
Brugðust þau hjónin Þórarinn og Þórunn við
þessum gjörningi með því að breyta gjafabréfi sínu á
þann hátt að í stað „alþýðuskóla“ var talað um
„alþýðu- og gagnfræðaskóla“ í Flensborg. Bréf það er
dagsett í Görðum 1. júní 1882 og hefur það síðan
verið viðurkenndur stofndagur Flensborgarskólans.
Fyrsti skólastjóri Flensborgarskólans var Jón Þórarinsson, sonur
prófasts-hjónanna, en kennarar með honum voru þeir Magnús Helgason og
Valdimar Ásmundsson. Jón hafði gengið í Lærða skólann og numið heimspeki
í Kaupmannahöfn að því loknu. Þá hafði hann lagt stund á nám í uppeldisfræði
og skólamálum, meðal annars í Þýskalandi og Englandi. Mun hann hafa
verið einn fyrsti Íslendingurinn til að leggja alvarlega stund á þau fræði. v
Í fyrstu grein reglugerðar skólans var hlutverk hans skilgreint á eftirfarandi
hátt: „Ætlunarverk skólans er að veita lærisveinum þeim, sem í hann ganga,
almenna menntun, glæða sálargáfurnar, auka þekkinguna og styrkja
siðferðislega hæfileika þeirra, að þeir verði hæfir til að standa vel í stöðu sinni sem alþýðumenn og
jafnframt gjöra þá færa um að taka að sér barnakennslu.“ vi