Að glæða sálargáfurnar og auka þekkinguna

52
AÐ GLÆÐA SÁLARGÁFURNAR OG AUKA ÞEKKINGUNA | MIKLAR BREYTINGAR Á 140 ÁRUM
Á þeim 140 árum sem liðin eru frá því að
Þórarinn Böðvarsson og Þórunn Jónsdóttir
skrifuðu undir gjafabréfið sem tengja má við
upphaf almenningsfræðslu í Hafnarfirði hefur
bærinn stækkað, íbúum fjölgað og skólamál tekið
miklum stakkaskiptum. Í dag eru átta grunnskólar
starfandi í Hafnarfirði auk tveggja einkaskóla og
eru grunnskólanemendur í bænum alls um 4.200.
Flensborgarskólinn stendur enn styrkum fótum, hefur þróast frá því að vera upphaflega grunnskóli í
gagnfræðaskóla og svo yfir í fjölbrautaskóla með um 800 nemendum. Auk þessa starfa í bænum 17
leikskólar með um 1.800 börnum og þá má geta þess að merkir skólar hafa starfað hér um tíma eins
og Iðnskóli Hafnarfjarðar sem lagður var niður og starfsemi hans færð undir Tækniskólann árið 2015
og Fiskvinnsluskólinn sem lagður var niður árið 2001.