Að glæða sálargáfurnar og auka þekkinguna

44
AÐ GLÆÐA SÁLARGÁFURNAR OG AUKA ÞEKKINGUNA | RÚMGÓÐ OG LAGLEG HERBERGI Á HEIMAVIST
Engin heimavist var við skólann fyrstu árin en árið 1887 fékk skólinn allt skólahúsið til notkunar og var
þá sett á fót þar heimavist. Í Ísafold birtist auglýsing 1888 um heimavistina:
„Heimasveinar fá: svefnherbergi, borðstofu,
lestrarstofu, allt rúmgóð og lagleg herbergi. Ennfremur
fá þeir geymsluherbergi fyrir matvæli, sem
þeir geta búið sig út með að heiman, og annað
það, er þeir þurfa með sjer að hafa. Rúmföt verða
þeir að leggja sjer til sjálfir. Ljós og eldivið kaupa
þeir í sameiningu, og verður eðlilega því ódýrara
fyrir hvern, sem fleiri verða; sömuleiðis þjónustu
og ræsting herbergja.“ xvi
Meðan barnaskólinn var enn í húsinu var þó þröngt á þingi en þegar hann hvarf á braut rýmkaðist til og
var þá rúm fyrir 12–14 pilta. Fyrst um sinn var því þannig háttað að skólapiltarnir á heimavistinni höfðu
einungis miðdegisverðinn sameiginlegan en sáu sjálfir um morgun- og kvöldverð hver fyrir sig. Þeir sem
höfðu verið sjómenn á vertíð höfðu vanist þar við svokallaðan skrínukost en skrínukostur var nesti
sjómanna kallað, oftast þurrmeti, kæfa og smjör. Snemma var þó sú ákvörðun tekin að hafa allt
mötuneyti heimasveinanna sameiginlegt. Var því þá þannig háttað að drengirnir völdu tvo úr sínum
röðum í embætti ráðsmanna en þeirra verkefni var að annast matarinnkaup og halda búreikningana.
Ráðskona var á heimavistinni og sá hún um eldamennskuna og þrif auk þess sem hún bjó um rúm
sveinanna. Fékk hún bæði fæði og laun á kostnað heimavistarinnar. Þrátt fyrir það var heimavistin allaf
ódýr og stuðlaði að því að efnalitlir drengir gátu sótt skólann og búið á vistinni. xvii