03 от 28 января 2021 (25864)

№3 (25864)
2 2021-тӥ ар 28-тӥ толшор
УЖРАДЪЁС
Кылпумысь
Пиналлэсь еж
пересез
Кылем кӧснуналэ
Россиысь городъёсын
митингъёс
ортчем бере тросэз
паймизы: мар
отын каро пиналъёс?
Мар бен отын паймонэз,
пиналъёс но еж
студентъёс понна таӵе
ужрад, соослэн кылынызы
вераса, огшоры
«тусовка». Соос максималистъёс,
соин ик тунсыко
отын, кытын адреналин
быректэ, кытын
луэ пумит кариськыны,
марлы пумит, асьсэос
но пумозяз валаса уг
вутто ке но. Тодады
вае ай асьтэлэсь пинал
дырдэс — дышетӥсь
шонер ӧвӧл, анай воксё
«пеймыт адями»... Зэм,
государствоез янгыш
карыны соку сямамы
ӧй вал. Нош али, куке
одӥг телефонын быдэс
дунне усьтэмын, кызьы
меда соосты кужмысь
возёд? Конешно, верам
потэ: эсьма, быръёнъёсы
озьы дэмен кариськыса
ветлэ вал яке, ульчае
потыкуды, кин-мар
понна мынэмдэс коть
тодэ вал...
Та учырын монэ егитъёслэсь
золгес арлыдоос
паймытӥзы. Соослы
мар уг тырмы? Бен, вал
вакытъёс, куке пенсиос
чидантэм пичиесь вал.
Сое но ӝегатъязы, нош
али? Тӥледлы но эрик
уг тырмы? Конешно, 18
арессэ тырмытэм котькуд
адямилэн правоез
вань та выллем ужрадъёсы
пыриськыны яке
пыриськытэк, адямилэсь
позицизэ гажаны
кулэ. Вань ке со. «Магнитысь»
потасьтэм бускель
кенакмылэсь, шузи улсы
кариськыса, юасько:
мар митинг вал бон?
Пенсиез будэтон понна,
пе! Нош пенсионной реформа
дыръя мылкыддэс
кызьы ке верады-а,
юасько. Тодӥськоды-а,
кӧня арескын табере
монэн огъёз нылпиосты
пенсие потозы? Ма, мон,
пе, пенсиын ни ук!
Нош ковидлэсь уд кышкаське
шат, тулыс сиёнюон
но волонтёръёслэсь
курылӥды кадь ук?
Мон дунтэк сётъялозы
кожай вал. Ма, мынам
тодмоосы ӧз висе, пе...
________
Зинаида РЯБИНИНА,
валтӥсь редактор
Интыысь аскивалтон
Ӟеч лэсьтэм уг вуны
Шаерысьтымы муниципал
кылдытэтъёслэн
форумзы ортчиз. Онлайн
амалэн кенешизы
ёросъёсысь но городъёсысь
800-лэсь ятыр специалистъёс,
мыло-кыдо
адямиос. Кылем арын
лэсьтэм ӟеч ужъёссылы
йылпумъянъёс лэсьтӥзы.
Дэри ёросысь Пыӵанкаысь Н. Ураковалы
Тӧролэсь «Ӟеч ужъёс» премизэ сётӥз
ёрослэн йырыз К. Русинов.
Удмурт Элькунлы 100 ар тырмонлы сӥзьыса:
— 7 сюрс ужрад ортчиз;
— 820 сюрс адями ужрадъёсы пыриськиз;
—онлайн-ужрадъёсты 11 миллион пол учкизы.
Мӧзмыт ӧй вал
Форуме нимаз ӧтем куноос
пӧлын луиз Удмуртилэн
Тӧроезлэн но Правительстволэн
администрациенызы кивал
тӥсь Сергей Смирнов.
— Туж пусйымон, пандемия
вакытэ но ужаны дышим
шуыса, — вераз со, пумиськонэз
усьтыса. — Тросэз выль
проектъёс борды мыло-кыдо
басьтӥськизы. Одӥгъёсыз ӟеч
ужъёс лэсьтӥзы, палэнысь чик
коньдон курытэк, мукетъёсыз
пӧртэм фондъёсысь сое басьтыны
быгатӥзы. Кылсярысь,
берло 3 ар ӵоже Президент
грантэн шаерысьтымы 327
проектъёс пусъемын 305 миллион
манет тыр. Эшшо вань
на Рыбаковъёслэн, Тимченкоослэн
фондъёсысьтызы грантъёс
басьтыны быгатэмъёс.
Кылем ар каньыл ӧй вал ке
но, ӵапак мыло-кыдо адямиослы
луыса ик паськыт пусйим
Вормонлы 75 ар, Удмуртилэн
кунлык басьтэмез дырысен
100 ар тырмонъёсты. Кызьы
вераз нациосын ужан политикая
министр Лариса Буранова,
чаклам ужрадъёс пӧлысь 95
процентэз ортчытэмын вал.
Валамон, бадӟым люкетэз —
онлайн амалэн.
Ми ӵош!
Нош тазалыкез утёнъя министр
Георгий Щербак лыдъя:
коронавирус адямиосты ӟеч
ужъёс лэсьтыны уката огазеяз.
Кылсярысь, 1 сюрс 600 мурт ас
мылкыд каремезъя пыриськиз
трос калык люкаськылон
интыосты дезинфицировать
каронэ, 73 сюрс маскаос люкылэмын
вал транспорт дугдылон,
вуз карон интыосын,
«Мы вместе» акцие 2 сюрслэсь
ятыр волонтёръёс итӥськизы.
Бадӟым сюлэмо адямиос
Удмурт Элькунлэн Тӧроезлэн
«Ӟеч ужъёс» премиеныз пусъемын.
Соос пӧлын — Пичи
Пурга ёросысь Баграш-Бигра
гуртлэн старостаез Анатолий
Матвеев «Даур шыкыс»
музей кылдытэмез понна,
Дэри ёросысь Пыӵанкаысь
Наталья Уракова калыкез гуртысьтызы
тыметэз утялтыны
огазеямез понна, Можга
ёросысь культурая юртъёслэн
кивалтӥсьёссы «Антиковид»
проектсы понна, Шаркан ёросысь
«Восход» хозяйстволэн
кивалтӥсез Анатолий Хохряков
ёросын пӧртэм ужрадъёсты
ортчытыны коньдонэн
юрттэмез понна, Эгра ёросысь
Лозолюк культурая юртын
ужасьёс Галина Митрофанова
но Алевтина Зай цева ыж
гонлэсь шудонъёс лэсьтонъя
проект пыӵатэмзы понна но
мукетъёсыз.
Ужбергатӥсьёс но
гуртоос
Кылем ар Ужбергатонлэн
ареныз ялэмын вал. Правительстволэн
Тӧроезлэн
нырысетӥ воштӥсез Константин
Сунцов пусйиз:
— Шаерысьтымы ужбергатӥсьёслы
секыт югдурысь потон
вылысь ог 17 миллиард
манет висъямын, со пӧлысь
ог 16 миллиардэз — Россилэн
казнаысьтыз. Азьло аръёсын
ӵошатыса, 2 поллы тросгес
предпринимательёслы визькенешен
но юрттэмын.
Оглом ужбергатон удыс
азинтӥськиз: 64 предпринимательёс
вуззэс шаермылэн
палэназ поттыны кутскизы,
50-эз онлайн амалэз ужазы
кутыны дышизы, 8 но ӝыны
сюрс мурт самозанятой кариськиз.
Йыло ужбергатӥсьёс
ёросъёсын-гуртъёсын но.
Кылсярысь, Сюмси ёросын
выль ужбергатӥсь кылдӥз.
Туэ — Гуртлэн арез. Озьыен,
интыосысь экономикаез
ӝутыны уката трос саклык
висъяськоз. Правительстволэн
Тӧроезлэн воштӥсез, гурт
удысъя но сиён-юонъя министр
Ольга Абрамова пырпоч
вераз, мар гуртъёсын лэсьтыны
чакламын:
154 иськем сюресъёс
выльдӥськозы,
15 иськем ву гумыос,
35 иськем газ гумыос
кыскемын луозы,
69 гуртэ вылӥ
ӝоглыкен Интернет
вуоз. Со сяна, 8 нылпи садъёс, 5
школаос, 29 культурая юртъёс,
22 спортзалъёс, 49 азбаръёс но
86 трос калык люкаськылон
интыос выльдӥськозы.
Гуртъёс ӧй азинтӥськысалзы,
муниципалитетъёс
та сярысь ӧй сюлмаськысалзы
ке. Форум дыръя со понна
сӥлы каремын мыло-кыдоосыз:
3 миллион манетэн —
Юкаменск ёрос, 2 но ӝыны
миллион манетэн — Алнаш
ёрос, 2 миллион манетэн —
Дэбес район, 1 но ӝыны миллион
манетэн — Сьӧлта ёрос.
Эшшо быдэн 1 миллион манетэн
шумпоттэмын Кияса,
Шаркан но Можга ёросъёс.
Алнаш ёросысь Байтэрек, Кизнер
ёросысь Ягул, Сьӧлта ёросысь
Валамаз но Яр гурт поселениослы
«Нива Шевроле»
автомобильёс кузьмамын.
________
Элина КУМАЧЁВА
Константин Русиновлэн «ВКонтакте» бамысьтыз
Дуннеын
Огкылысь
луизы
Россилэн Президентэныз
телефон пыр
кенешиз США-лэн
выль быръем президентэз.
Соос вераськизы стратегической
вооружениез
(СНВ-3) кулэстонъя
огкыл сярысь. Соя чакламын
межконтинентальной
баллистической
ракетаослэсь лыдзэс кулэстыны.
Огкыл юнматэмын
вал 10 ар талэсь
азьло, йылпумъяськысал
туэ феврале. Азьвылэз
президентсы Дональд
Трамп сое азинтыны
пумит луиз, нош Джо
Байден Владимир Путинэз
куриз эшшо 5 арлы
азьланьтыны.
________
Россиын
Аспӧртэм
паспорт
Башкириын коронавирусэн
висемъёслы
яке солэсь вакцина
пуктэмъёслы
нимысьтыз паспорт
сётъяны кутскозы.
Соос понна черлэсь
чакласьконъя куронъёс
капчиятэмын луозы.
Таӵе паспортъёсты сётъян
пумысен малпасько
Москваысь но Сахалинысь
кивалтӥсьёс.
Удмуртилэн Тӧроез
Александр Бречалов
ивортӥз: шаерамы таӵе
паспортъёс уз луэ.
________
Удмуртиын
Дунъёс
серметамын
Сиён-юон дунъёсты
серметанъя Приволжск
федерал
округысь улосъёс
пӧлын Удмуртия
1-тӥ интыын.
Сиён-юон дунъёсты
медаз ӝутэ шуыса,
магазинъёсын огкыл
юнматэ Промышленностья
но вуз каронъя
министерство. Та дырлы
огкыл тупатэмын 2 сюрс
292 огазеяськонэн —
элькунысьтымы вань
магазинъёс пӧлысь 66
процентэныз.
Дунъёслэн будэмзы
пумысен ивортыны луэ
«пӧсь телефонэ»:
8 (3412) 22-26-94
(ватсано 1) но 8 (3412)
23-28-00 («Калык контроль»).