bereket №3

Бакча возисьёслы,
кибашлыослы
сӥзем газет
№14 (25926)
2022-тӥ ар 14-тӥ оштолэзь 13
Калык чакланъёс
Оштолэзь пумын зориз
ке, нянь удалтоз.
________
Кибашлы
Быдэс гуртэз дӥсяз
Сурсву трос люкаське
ке, гужем зорыса улоз.
________
Паска
Быдӟымнуналэ потон
уйлы коркась выж
вылэ куро вӧлдылӥзы
(Бадӟым Сибы), нош
ӵукна со куроез культоен
ӵужыны кулэ
вал. Культоын одно
ик кутсаку куашкамтэ
шепъёсыз мед луозы.
Со шепъёсын ыжъёсыз
сюдылӥзы, лыдзы мед
йылоз шуыса (Гожня).
Ӝӧк вылэ тӧдьы
ӝӧккышет вӧлдылӥзы,
ӝӧк пуме юри та
нуналлы сӥзем колды
нянь понылӥзы, со
вӧзы — сылал, буям
курегпузъёсын тэркы,
табань но аракы
(Зюзино, Карашур).
Быдӟымнуналэ номыр
ужаны уг яра вал, соин
ик вань ужъ ёсты та
нуналозь лэсьтыны
тыршылӥзы: уйбыт
вуриськизы, кышъяськизы
(Муважи).
Шунды ӝужам бере ик
табань но нянь пыжыны
кутско вал. Нырысь
табанез но нянез
азбарын (Муважи)
яке семьялэн куалаяз
(Пытцам) вӧсяллязы.
Собере гинэ быдэс
семьяен ӝӧк сьӧры
пуксьылӥзы. Юрт
кузё буям курегпузэз
кутыса чупа но
нылпиосызлы сётэ,
нош соосыз — киысь
кие. Собере ваньзы
ӵош сисько. Нылпиос
кужымзэс но быгатонлыксэс
эскерылӥзы:
кин пилёз курегпузэз?
Вормисе потылӥз
соиз, кинлэн курегпузэз
быдэс кылиз
(Зюзино).
Ваньмызлы кельше
вал зундэс питыръяса
шудон. Гурт пумысь
гурезь бамалэ мыно но
музъем вылэ интыям
пуллэн пумаз курегпуз
поно, нош мукет пумысеныз
со курегпуз
пала зундэс питырто.
Кинлэн зундэсэз курегпуз
борды йӧтӥз, со
ик вормисе потылӥз.
Ворме вал уно курегпуз
люкасез (Гожня).
Дасямын В. Владыкинлэн но
С. Виноградовлэн «Удмурт
оскон» книгазыя
Вавож ёросысь Ӟамбайгуртысь вуриськись Вера Зорина.
Вавож ёросысь
Ӟамбайгуртын удмурт
дэремен кинэ гинэ уд
пумита, пичиез но,
бадӟымез но шуэ: Вера
Степановна Зорина
вуриз. Нылкышнолы 67
арес ни, но гуртоос али
ке но солы вазисько.
— Ми будон вакытэ номыр
но басьтыны ӧз сюрылы, —
шуэ Вера Степановна. — Амалтэк
школаысен кышъяськыны,
вуриськыны, пужыятӥськыны
дыши. Киы воляз. 7-тӥ-8-тӥ
классъёсын дышетскыкум,
гуртоос ӟезиськем пальтооссэс
но тупатыны вайылыны
кутскизы — пельысь пеле чаляк
вӧлмиз, вуриськисько
шуыса. Нош 10-тӥ классын
дыръямы школае райпоен
кивалтӥсьёс лыктӥзы, вуриськисе
ӝутъ яны кутскизы, гуртады
цех, пе, усьтомы. Мыноно
кариськи.
Ижын вуриськисьлы но
закройщиклы дышетскемез
бере гуртазы зэмен ик цех
усьтӥськиз. Вера Степановна
отын нырысетӥ ужась луиз.
Райполэн бурд улаз цех 1991-
тӥ арозь ужаз, отӥяз Мичурин
нимо колхоз юртэз ворсаны
ӧз сёты — аслыз басьтӥз. Озьы
быдэс районын Ӟамбайгуртын
гинэ вуриськемысь ӧз дугдылэ.
— Ужасьёслы форма, тракторъёсты
толалтэ зор-котлэсь
утён чехолъёс, столовое но
пекарняе ӝӧккышетъёс —
котьмае вуримы, — пусъе
нылкышно. — Калык но
вазиськылӥз. Визь-кенешен
но котьку юрттылӥ. Огвакытэ
4 кузя тыршимы ке но, ужтэк
ноку ӧм пукылэ.
40 аресам картэ кулӥз,
уже ӧй луысал ке, кайгуэ выйысал,
дыр. Адямиос арбериоссылы
пыро, верасько,
нош буйгасько... Пенсие потэме
бере но 11 ар ужай на,
Инмарлы тау. Кылем арын
кошки но, цех но пытсаськиз.
Интыям лыктӥсь таки
Туспуктӥз Максим ЕГОРОВ
уг сюры. Предмы Владимир
Капеев монэ адӟемезлы быдэ
выльысь кутскыны косэ. Но
жадёно, мукет муртэ утчалэ,
ачим сое вуриськыны но,
вандыны но дышето, шуисько.
Аслам сюлэмы вӧсь луэ
ик, пытсам ӧсъёс вӧзтӥ ортчыкум.
Вера Зорина пӧртэм конкурсъёсы
пыриськылэ. Ёросын
но, элькунын но киужъёсыныз
нырысетӥ интыос басья.
Киужъёсыныз адӟытонъёс но
ёросын но гуртазы ӵемысь
радъяськыло.
________
Елена САРАМАТОВА

№14 (25926)
14 2022-тӥ ар 14-тӥ оштолэзь
САД-БАКЧА
Эскере будэтыса
Пыдъёссы — ышыгын,
йыръёссы — шунды шорын
Кызьы будэтоно лианаосты?
Лапас, корка сэрегъёс
кузя тубись будосъёс
азбарез-бакчаез туж
шулдырто. Нош актинидилэсь
но лимонниклэсь,
емышсэс сяна,
куаръёссэс но сиён-юонэ
кутыны луэ — тазалыклы
туж пайдаё.
Шаерысьтымы тодмо
агроном Вера Жиганова
та лианаослы кемалась,
пе, синмаськи ни.
Ярато небыт муэз
— Асьме палан тросэз лианаос
умой уг будо, — шуэ
агроном. — Нош актинидиез
но лимонникез будэтыны
чик секыт ӧвӧл. Чидало соос
ышыг интыез но, уг быро
ӟырк кезьыт толъёсы но. Но
тужгес умой сяськаяло, юртлэн
шундыӝужан-лымшор,
шундыпуксён-лымшор палаз
мерттэмын ке.
Кыкез но будосъёс асьме
палъёсын шорлыдын 4-5 метре
кыстӥсько. Соин ик соосты
векчи, юн езъёс кузя выллань
лэзьыса умой. «Пыдъёссы»
ышыге ке но кылизы, йылъёссы
шундыез мед адӟозы. Сотэк
емышсы уз луы.
Лианаос ярато небыт
музъемез. Соин ик соосты
мерттон гуэз тыро-пыдо дасяно
— ог 70 сантиметр пасьта
но 40-50 сантиметр мурда
гудыса. Отчы кема кыллем
кыед пононо. Музъем кот улэ
ке, гу пыдсы векчи из кисьтоно
на. Актинидия яратэ
чырс музъемез, нош лимонник
чидалоз чырсалэссэ гинэ
но. Валамон: пень тырыны уг
яра! Уката но выль мерттэм
удъёс кӧсаса медаз улэ — ву
кисьтаны вунэтоно ӧвӧл.
Актинидилэн емышъёсыз киви шӧмо.
Актинидиен ӵошатыса, лимонниклы
ву тросгес кулэ.
— Минерал удобрениосын
уг выриськы, — шуэ
Вера Жиганова. — Тулыс но
сяськаяськемзы бере выжыязы
кема кыллем кыед
гинэ ватсаллясько, котырзэс
небӟытӥсько. Жаг турын
котыразы шумпотыса будэ,
мон сое ишкасько но векчиятыса
интыяз ик сисьмыны
кельтӥсько.
Коӵышлы —
актинидия
Актинидилэн емышъёсыз
туж кельшо кивилы, но соос
векчиесь — 2-5 граммъемесь.
Одӥг гинэ тырмымтэез:
емышъёсыз огдыре уг
кисьмало, соин ик тросэн
бичамды потӥз ке, огдыре
5-6 пудзэ ке но мерттоно.
Со сяна, 1-зэ гинэ мерттыса,
со емыштэк но луыны
быгатоз, угось вань «пи» но
«ныл» удъёс. Мерттэм бере
нырысетӥ аръёсаз уд каллен
будэ ке, собере син куспын
нуйтӥськыны ӧдъя. Емышъёсыз
5-тӥ араз быгыльскыны
кутско.
Сортъёсыз актинидилэн
пӧртэмесь. «Аргута»,
кылсярысь, туж ӝужыт уг
буды, куаръёсыз тулысысен
сӥзьылозь вож сыло, емышез
гоносутэрлы (крыжовник)
кельше. «Джиральда» пыртэмын
Горд книгае, емышезлэн
шӧмыз ананаслэн кадь.
«Полигама»-лэн емышъёсыз
ӵужесь, имбирь кадь ӧжытак
Лимонниклэн емышез но, куаръёсыз но пайдаё.
курытэсь, нош куаръёсыз туж
чебер адӟисько — гӧртэм кадь
азвесьпыръемесь. Та будослэсь,
емышъёссэ сяна, куаръёссэ
но чаен парыса юыны
туж ческыт но, пайдаё но.
Актинидиез тужгес умой
вайёсын удатыны. Вайёсты
дасяно июнь толэзе. Со понна
тужгес кужмо, зӧк вайёсты
быръёно. Мерттэм бере удъёсты
утёно... коӵышъёслэсь.
Соос та будосэз валерианкаез
кадь ик ярато. Соин ик пичи
удъёсты йырйыны быгатозы.
Но бадӟым будэм актинидилы
та живот кышкыт уг луы ни.
Веник интые —
лимонник
Лимонниклэсь векчи
горд емышъёссэ пайдазыя
женьшенен ӵошатыны луоз.
Юнметэк-а солэсь кидыссэ
тибет медицинаын но куто.
Емышез сяна, куаръёсыз но
тазалыклы туж умой. Парыса
чай юыны ческыт. Нош
куд-огез сое венике но тыро
— мунчое пырыку, ческыт
зын лӧсъяське. Лимонникын
С витаминэз, лимонын сярысь
но, тросгес, уг сылмы
со варенняын но. Юнматэ
сэръёсты, ӝушез, сюлъёсты.
Чакласькыса юоно, сюлэм
висе ке.
Лимонниктэс бускельдылы
сётэмды яке асьтэлы тросгес
мерттэмды потэ ке, выжыысьтыз
ик потӥсь выль удзэ чепыльтоно
луоз. Вайёссэ вуын
возьыса гинэ, солэн выжы сётэмез
уг поты.
Юалэ — валэктом
Эшъясько-а, уг-а?
Туж яратӥсько перецез,
соин ик укно азям пӧртэм
сортъёссэ кизи ни. Но нимаз
мерттыны бакчаям интые
ӧвӧл. Луоз меда соосты одӥг
теплицае интыяны?
Елизавета И.
Иж город
Валэктон сётэ гурт удыс
наукаосъя доктор Александр
Фёдоров
Кызьы валасько, тӥ
пӧртэм сортъем ческыт
перецъёсты будэтоно кариськиды.
Бен, соосты одӥг
теплицае мерттӥды ке но,
номыр уз луы — сортъёс
аспӧртэмлыксэс уз ыштэ. Но
пӧлазы мерттыны эн шедьтэ
курыт перецез. Теплицаын
гинэ ӧвӧл, кырын но одӥг убо
вылын соос уз тупалэ. Емышсы
бен уз кулэсмы, но ческыт
перецлэн шӧмыт курыт луоз.
Кибы потӥз...
Помидор, баклажан удъёсы
пӧлы сьӧд векчи кибы потӥз.
Кытысь сюризы — уг валаськы:
лавкаысь басьтэм сюез сурай
бакчаысь пыртэменыз.
Екатерина Н.
Пичи Пурга ёрос
Сюй басьтоно оскымон
производительёслэсь гинэ.
Нош бакчаысь пыртэмзэ одно
чылкытатоно. Та понна кӧня
ке амал вань. Тужгес капчиез —
сюез -18 градуслэсь кезьытын
толэзьлэсь кема возён. Но та
учыре нымы-кибыос, соослэн
пузъёссы кынмизы ик ке, висён
вӧлмытӥсь бактериос, губиос
уз быре -40 градус кезьытын
но.
Куд-огез сюез духовкаын,
микроволновкаын пыже.
Но озьы нымы-кибыос гинэ
уз, вань бактериос, губиос,
таин ӵош вань пайдаё
микроэлементъёсыз но бырозы.
Отын номыр умой-умой уз
буды ни.
Оскымон амал — фунгицидъёсын,
инсектицидъёсын
пазян. Мон дэмласал биопрепаратъёсты
— «Фитоспоринэз»,
«Триходерминэз». Кибыосты
быдтозы «Фитоверм»,
«Акарин» суретъёс (учке инструкцизэс).
Кибыос лобало ке,
та суретъёсын ик будосъёсты
вылтӥзы но пазьгыны луоз.
Бамез дасяз Элина КУМАЧЁВА

КУЗЁ
№14 (25926)
2022-тӥ ар 14-тӥ оштолэзь 15
Адӟем карымон
Гын сапегез небыт но шуныт
Дэри ёросысь Пикан
гуртын улӥсь Николай
Кадров котьма карыны
усточи: пу но вӧлоз, гур
но пуктоз, турын-куар
но толлы бичалоз.
Николай Трофимович
ачиз сярысь трос вераны
уг яраты, вордскемын, пе,
Пичи Пурга ёросын, кӧня
ке арзэ гурт удысын, собере
Ижысь ПМК-ын (передвижной
механизированной колонна)
ужам, но сюлмызлы
ялан маке кельшымтэ. Тодмоосызлэсь
кылэм, Дэри
ёросысь Пальник гуртэ,
пе, каменщик кулэ шуыса.
Озьы со семьяеныз Пальник
котырысь Пикан гуртэ улыны
выжем. Каменщиклэсь
гинэ ӧвӧл, плотниклэсь,
столярлэсь, малярлэсь, гур
пуктӥсьлэсь ужзэ быдэсъям
на. Нош кӧня ке ар ортчыса,
аслыз корка пуктэм. Вань
ужзэ ачиз быдэстэм, бӧрысь
пиосызлы но юрт пуктыны
юрттӥськем на.
Николай Кадров пичиысен
ужлы дышемын. Гуртысь
арлыдо воргоронъёслэн кутаськемзы
шоры учкыса,
со но пичиысен та ужлы
дышем. Нырысь ик кут
Дэри ёросысь Пиканысь Николай Кадров.
кутам, бадӟымгес будыса
— куды. Каменщикын
ужакуз, арняяз 1-2 куды
ке но лэсьтыны тыршылэм,
быгатонлыкъёссэ медаз
ышты шуыса. Киужзэ
Туспуктӥз Екатерина ДЁМЫШЕВА
ӵыжы-выжыосызлы но тодмоосызлы
люкылэм. Нош
отӥяз гын сапег лэсьтыны
дышетскем.
— Толалтэлы быдэ милям
гуртамы улӥзы Киров улосысь
гын сапег лэсьтӥсьёс, —
шуэ Николай Трофимович.
— Шоразы туж вожъяськыса
учкылӥ, одӥг пол
доразы мыныны дӥсьтӥ,
монэ ӧз уллялэ, лад-лад
дышетӥзы. Ӟуч воргоронъёслы
мон соку туж пайми
но шумпотӥ.
Николай Трофимовичлэсь
лэсьтэм сапегъёссэ Дэри
ёросын сяна, мукет ёросъёсын
но шумпотыса нулло.
Али со арлыдыз бадӟымен,
сапег уг ни гынды, вылаз ик,
ыж вордӥсьёс но ичи кылемын,
ыж гон тугон интыос
но быдэс шаерамы чиньыен
лыдъямон гинэ на. Арлыдыз
вань ке но, Н. Кадров гын
сапег лэсьтон радлыкез радызъя
вераны быгатэ.
Нырысь ик, пе, ыж гонэз
тугыса дасяно, собере
сапеглэн кабезъя (колодка)
вӧлдоно, пӧсь вуэн коттыса,
гындоно, бӧрысь ини
куасьтоно. Выронэз трос,
со понна ас киосын лэсьтэм
пыдкук котьку небыт луэ.
Николай Кадров туннэ но ас
киосыныз лэсьтэм сапегеныз
ветлэ. Жаляса верано,
атайзылэсь быгатэмзэ нылпиосыз
сокем ӧз дунъялэ,
ыж гонэн ужаны одӥгзы но
мылкыд ӧз каре, оло, арлыдзы,
пе, ӧз вуы на.
Николай Трофимович
котьма карыны быгатэ. Кылсярысь,
яратэ пӧраськыны,
тужгес но ческыт пӧрмо перепечез
но табанез. Помидорлэсь
пӧртэм соусъёс но,
томат сок но ачиз ик толлы
дася. Нош бакча емышъёссэ
аслаз методикаезъя будэтэ.
Кылсярысь, картошка мерттыкуз,
одӥг гопе 2-сэ понэ,
озьы картошкаез 18-лэсь
ичи уг луы, пе.
Ваньмон дырзэ но пайдаё
радъян сярысь сюлмаське.
Нуналлы быдэ поръяны
пота, сике ветлэ, котькуд
писпуэн вераське, гужемзэ
турын-куарлы ветлэ, соосты,
пе, одно ик сяськаян вакытазы
бичано. Туж яратэ куасэн
нискыланы. Вазенгес сике
ветлэ вал, нош берло дыре
бакчаетӥз куасэн нискыла,
нуналаз 5-6 иськем ортче.
________
Анна ТРУБАЧЕВА
Вӧлэ пуэз но лымыез
Глазов ёросысь Пышкизьысь
Валерий Агафоновлы
творчество
котыре кыстӥськись
мылкыдыз маза уг
сёты. Гуртооссэ 2 метръем
25 лымы шудонъёсыныз
паймытъяз вал
ини. Али нош ик абдратыны
дасяське — пулэсь
пӧйшуръёсты вӧлэ.
Валерий Валентинович
лымыен ог 20 ар эшъяське
ини. Та сярысь пышкизьёс
нырысь ӧз тодылэ, угось шудонъёсыз
мурт синъёслэсь
палэнын сылӥзы. Кылем
арын гинэ воргорон ужъёссэ
калык азе поттӥз. Культура
юрт азьын интызэс
шедьтӥзы Тол бабай, Лымы
ныл, пӧртэм мультфильмъёсысь
геройёс.
Лымы шуназ. Нош
В. Агафонов мукетыз яратоно
ужез — пу вӧлон — борды
басьтӥськиз. Муг но сюриз —
Пышкизь котыртӥ бызись Гордейшур
ошмесэз улӟытоно!
— Ӵыжы-выжыосы та ошмесэз
ог 40 ар талэсь азьло
утялтӥзы, котыртӥзы вал.
Но табере со нош жуг-жаг
турынэн шобыртӥськиз.
Глазов ёросысь Пышкизьысь Валерий Агафонов малпа Гордейшур ошмессэс чеберъяны.
Ошмес син воксё медаз пытсаськы
шуыса, ми сое утялтоно
кариськимы. Кенерзэ
калтӥм. Нылпиослы отын
тунсыко мед луоз шуыса,
йырам малпан лыктӥз: пулэсь
шудонъёс пуктылоно!
Котькудӥз борды пул шукконо,
отчы пӧйшурлэсь удмурт
нимзэ гожтоно. Озьы 2
кечез кутыны луоз: нылпиос
шутэтскон сяменызы удмурт
кылэз но дышетозы, —
вера В. Агафонов.
Туннэ кибашлылэн пелёкучыранэз
дась ини. Матысь
дыре кылдозы гондыр, коньы,
ӟичы но кеч. Соосты вӧлон
азяз Валерий Валентинович
книга-журналъёсысь, телевизорысь
суредъёсты учкылэ,
кудӥз сюлэмаз лякиське,
сыӵезэ ик лэсьтэ.
— Пӧйшуръёсты йырын
малпаны капчи, уж вылын — секыт.
Котькудзэ электропилаен
лусйисько бере, киос ӝог жадё,
бензин но трос кошке. Та сяна,
котькуд киужме нырысь грунтовкаен
зырасько, куасьмемез
бере лакен шобыртӥсько.
Зор-кот улын но, нюр азьын
кема мед чидалозы, —
шуэ воргорон.
Валерий Валентинович
выжыяз огназ усточи
ӧвӧл. Ӵыжы-выжыосыз пӧлысь
огез арганэн шудэ,
кыкетӥез выжъёс лэсьтэ,
куинетӥез кылбура... В. Агафонов
киужлы быгатонлыксэ
волятэм Москваысь
искусствоосъя Н. Крупская
нимо университетысь живопись
но графика ёзэтын.
Соин ик быгатыса ужа электропилаен
но, лопаткаен
но, кисточкаен но. Нялтас
вераса, Пышкизь клубысь
адӟыны луэ В. Агафоновлэсь
суредъёссэ. Соос ваньмыз сямен
сӥземын гуртазы улӥсь
калыклы.
________
Ольга КОРЕПАНОВА
«Жизнь Глазова» огинлэн «ВКонтакте» бамысьтыз

№14 (25926)
16 2022-тӥ ар 14-тӥ оштолэзь
КИБАШЛЫОС
Адӟем кар!
Пуэз но пужъятыны быгатэ
Пичи Пурга ёросысь
Баграш-Бигра гуртысь
Татьяна ТИТОВА шоры
учкыса, нош но нош
малпанэ вуиськод:
сабырлы ик тон, удмурт
нылкышно.
Солэн чиньыосыз ма гинэ
уг быгато: крезь сиосты но, арганэз
но кысканы — крезьгур
кылдытыны, пужъятскынычильпаськыны
но — пӧртэм
киужъёс пӧрмытыны. Вылаз
ик, со усто кырӟа-вера.
Татьяна Титова вордскемын
Пичи Пурга ёросысь
Эдэйгуртын. Анаез туж чебер
пужъятскылӥз крестикен.
Татьяна яратылӥз анаезлэсь
пужъятскемзэ учкыса пукыны.
Ачиз но валаса ик ӧз вутты,
кызьы вень-сӥньыс борды
басьтӥськиз. Киужен вырон
висказ Эдэйгуртысь культурая
юртэ дыртылӥз: арганэн
шудӥз, кырӟаз-вераз «Арганчи»
ансамбльын. Сцена
вылэ потан дӥсьсэ но Татьяна
ачиз ик удмурт пужыосын
чебертылӥз.
Эдэйгуртысь школаез йылпумъямез
бере нылашез ас
бордаз золгес кыскиз крезьгур
дунне. Ижысь культурая
училищее пыриз, дышетскиз
пӧртэм крезьгуро инструментъёсын
шудыны. Дышетскон
висказ но нылаш дыр
Киужез — газет
Ог ар талэсь азьло
Ижысь егит анай
Наталья ЕШКЕЕВА
газет бумагалэсь
пӧртэм арбериос
пуныны кутскиз.
Киужъёсыз, аслыз
сяна, эшъёсызлы
но туж кельшизы
— дышетскыны
дораз ветлыло.
Наталья декретын
пуке, 2 нылпиоссэ будэтэ.
Шутэтскон вакытаз
соку ик бумага борды
басьтӥське. Ужез угось
трос. Кылсярысь, пуньы
тырон корзинаез пунон
понна 150 гумыос дасяно.
Бумагаез вандылыны
но бинялляны быдэс
час, пе, кошке.
Азьвыл Н. Ешкеева
курикен керттӥськылӥз.
Нылпиосызлы, тодмоосызлы
кӧня шудонъёс
пӧрмытъяз — вераны
ик уг тоды. Туннэ но
мунё керттыны сюлворисьёсыз
вань. Но егит
анай сыӵеослы али «уг»
шуэ — вань мылкыдыз
герӟаськемын пунӥськонэн
гинэ.
Пичи Пурга ёросысь Баграш-Биграысь Татьяна Титова
лавкаысь басьтэм дӥсьсэ но пужъятэ.
шедьтылӥз киужен вырыны,
пӧртэм арбериос вурысакерттыса,
ассэ ачиз дӥсяз, шуыны
луоз.
Собере Татьяна Титова
пыриз Удмурт кун университетысь
искусствоосъя но дизайнъя
факультетэ, таяз радэ
Ижысь Наталья Ешкеева газет бумагалэсь пӧртэм арбериос лэсья.
— Огшоры газетъёс
киужлы уг тупало
— отысь буёлъёссэ
быдтыны секыт. Типографиысь
чылкыт бумага
басьтӥсько. Собере
малпаськисько: мар
пуноно? Пичи арбериос
лэсьтоно ке, озьыен,
векчигес гумыос бинялтоно,
бадӟымгес ке
— зӧкгес. Бинялтыны
луэ керттӥськон вень
но бырйиз калык крезьгурен
герӟаськем удысэз.
Ӝоген Татьяна семья
кылдытӥз, кузпалэныз ӵош
выжыяськизы Баграш-Биграла.
Огез бӧрсьы мукетыз
2 нылъёссы но пизы вордскизы.
вылэ. Бумагалэсь пумзэ,
медаз лэзиськы шуыса,
одно ик ПВА клеен
зырасько, — валэктэ
Наталья.
Пунӥськон понна
туж бадӟым чидан
кулэ. Угось котькуд вамыш
бере витёно луэ:
клеен зырад — куасьтоно,
морилкаен буяд
— куасьтоно, грунтовкаен
шобыртӥд — нош
куасьтоно. Сотэк уг
луы: газет няпыльӟоз.
— Гумыосты нырысь
ик морилкаен, сисьмемлэсь,
пурысьтамлэсь
утись суретэн, буясько.
Куасьмемез бере
пулы чаклам лакен
шобыртӥсько. Таиз но
куасьме ке, гумыосты
пӧсь вуэ котӥсько. Соку
ини сак улӥсько, бумага
тьыпыль-тяпыль медаз
— Пиналъёс пичиесь дыръя
ӵемгес керттӥськоно луиз.
Соос будэмъя, ваньмон дыры
кылдэмъя нош ик пужъятскон
борды басьтӥськи. Удмурт
пужы чебертэ вань арбериосме:
сумкаосты, айшетъёсты,
футболкаосты, дэремъёсты.
Татьяна Титовалэн архивысьтыз
луы шуыса — вылыз
кӧс, нош пушкыз мускыт
мед луоз. Таизлы
мон, зэмзэ вераса, али
но рос-прос ӧй дышы
на. Ялан дышетскисько.
Тазьы киужамзэ
ад ӟыса, куд-ог тодмоосыз
егит анайлы пырак
шуо: ма, бадьпу
ньӧрен гинэ кутаськы
ук! Но нылмурт тодэ:
Соин ик удмуртъёслэн пужыоссы
сярысь тросгес тодыны
тыршисько — я книгаос
лыдӟисько, я кытысь ке вашкала
дыръя куэм дэра юдэсэз
шедьтӥсько, отысь пужыез
пуктыны тыршисько. Вашкалаосмылэн
сям-йылолъёссы
медаз быре вылэм, киужен
вырон амалъёссэс но утёно, —
шуэ Татьяна.
Та усто нылкышно пужъятыны
быгатэ... пуэз но.
Таӵе амалэн кылдытэмын
солэн чыртывесьёсыз. Котрес
вандэм ДСП пу вылэ
векчи пасьёс лэсьтылэмын:
соос пыртӥ венен
сӥньысэз поттаса, пу вылэ
удмурт пужы пуксе. Бордаз
кал юнматӥськод но —
аспӧртэмлыко чыртывесь
дась. Татьяналэн туж усто,
ӝикыт пӧрмо корт манетъёслэсь
лэсьтэм чыртывесьёсыз
но. Мукет кибашлыос
солэсь инъетсэ чеберто ке
инӟыосын, Татьяналэн аслаз
амалэз — манетъёслэсь котырзэс
яркыт каре пужъятыса.
— Лавкаысь дась дэрем-а
басьтӥсько, яке футболка-а,
со вылэ но удмурт пужы
пуктӥсько. Сотэк дӥсе лултэм
кадь потэ, — шуэ Баграш-Биграысь
кибашлы.
Наталья Ешкеевалэн архивысьтыз
________
Елена ТУГАШОВА
бадьпу но капчиен уг
сётӥськы, сое но, бумагаез
сямен ик, бичано,
вӧлоно, куасьтоно,
пӧзьтоно... Собере,
ньӧрез куасалляны зол
кужым кулэ, нош газетэз
— ӧвӧл.
— Небӟемзы бере
мон пунӥськисько ини.
Дась корзинаез грунтовкаен
зырасько. Та
бӧрсьы со чурыт луэ.
Чебер мед адскоз шуыса,
паркетлы чаклам
лакен маяллясько на, —
шуэ Н. Ешкеева.
Паймод, ява: бумагалэсь
сюсьтыл возёнъёссэ,
ӝӧк выл
салфеткаоссэ, песьтэр ъ-
ёс сэ Наталья кышкатэк
вуын миське. Шунды
сиослэсь но, пе, соос
уг кышкало. Азьланяз
тросгес тодмоосме,
ӵыжы-выжыосме
та киужлы дышетэме
потэ. Угось Ижын газетэн
эшъяськись кибашлыос,
пе, чиньыен
лыдъямон.
________
Ольга КОРЕПАНОВА

ГИДКУАЗЬЫН
№14 (25926)
2022-тӥ ар 14-тӥ оштолэзь 17
Выль выжы
Адями борды
пуны кадь дышо
Пичи Пурга ёросысь
Столярово гуртысь Козлов
кузпалъёс камори
выжыысь маке кузьда
пелё кечъёсты вордо.
Кӧня ке ар талэсь азьвыл
Козловъёслэн гуртын улэмзы
потыны кутскиз: Ижлэсь жадимы,
пе. Столярово котыръёслы
синмаськизы. Татын
ог 5 юртъер сяна ӧвӧл ке но,
эсьма, вӧл-вӧл пуктӥськыны,
гань-гань улыны луэ, шуизы.
— Азбарез буш уд возьы, —
вера Нина Алексеевна. — Тодмоосмы
дӥне Москва котыре
вуылӥмы, 50 сантиметр
кузьда ошиськем пелё, губырес
ныро, чебер курень
буёло кечъёссэс адӟимы но,
синмаськи. Озьы 5 ар талэсь
азьвыл камори выжыысь кеч
вайимы. Адями ӝужда будо.
Секталазы 100 килограммозь
но вуэ. Вӧзтӥмы кошкисьёс
дугдыса ик учко кечъёсмы
шоры. Та пони ӧвӧл-а шуыса,
паймо. Мугорзы бадӟым ке
но, мылкыдзы котьку капчи.
Гуртысь огшоры кечъёслэн
ӵыжаськемзы но, изъянтэмзы
но потэ, нош таосыз пуны
кадь лякытэсь. Такаез но ганьгань.
Мон сое Кавказец но, Горыныч
но яратыса шуисько.
Бадӟым луэмысьтыз солэсь
азбарысь вань мукет кечъёс
кылзӥсько, гажало. Кытын
ке марлэсь ке кышкатскизы
ке, кукъёсыз улэ я тыбыр
сьӧраз ватскозы. Солы нимыныз
вазь ай, азбар пумысь но,
возь вылысь но бызьыса ик
доре лыктэ, вешамез возьма,
нюлӥське. Камори, кучапи сямен,
бордэ ӝог дыше. Гозытэк
но, пельтӥз кӧня ке кыскем
Камори кеч шунды шорын
шунскыны яратэ.
Араз — 400 курегпуз
Браун Ник выжыысь курег.
кариськод ке, сьӧре вамыштэ.
Юртъер котырысь кыдёке уг
кошкы.
Нылкышно пудозэ нюлэскы
но, возь вылэ но лэзья.
Одӥг интыязы сылыса, йӧлзэс
кулэсто, пыдъёссы висись луо.
Тодосчиос но ӵекто гидэ тубат
я ӟус выллем маке шуккыны,
сюро кечыръяськыны мед
быгатоз шуыса. Макем ӵемгес
тэтчаз, шудӥз, бызьылӥз,
Пичи Пурга ёросысь
Пугачёво черкогуртысь
Елена Веселовская
Браун Ник выжыысь
курегъёсты вордэ. Маин
соос висъясько мукет
курегъёслэсь?
Веселовскийёс пудо-животтэк
ноку ӧз улэ.
— Курегпуз ноку басьяммы
ӧвӧл, нош милесьтым
вузаны курыса юасез котьку
сюрылӥз, — вера Елена Николаевна.
— Уксё поттыны луэ
бере, мукет выжыысь курегез
вордэммы потӥз. Калыкез
сокем ӟечгес луоз мылкыдыз
но тазалыкез. Камори кезьыт
толэз но, пӧсь гужемез но
капчиен чида. Гидэз шунтон
сярысь воксё сюлмаськоно
ӧвӧл. Толалтэ пельёссы кынмозы
шуыса, ӟырт кезьытъёсы
инкуазе поттаны уг лэзё ке
но, кынмыны ӧз сюрылэ на,
шуэ кузёзы.
Улэ та аспӧртэм выжы Пакистанын.
Россиын сокем ӵем
улон-вылонын утён политикая
но ужъя министерствоен
соцконтракт гожтыса, коньдон
сюриз. 100 йыр курег
басьтӥм — Браун Ник выжыысьсэ
бырйим.
Таос 4,5-5 толэзьскын пузаны
ӧдъяло шуыса, Елена Веселковскаялы
яраз. Араз 350-
400 курегпуз сёто, секталаез
70 граммозь вуэ, кӧмыз юн.
Гонзэс воштыкузы гинэ ке шат
шергес пузало. Курегпуззы диетической
лыдъяське. Толалтэ
но пузамысь медаз дугдылэ
шуыса, курегъёсты гидэ пыртоно,
7-8 градус шуныт мед
Нина Козловалэн архивысьтыз
уг пумиськы на. Но йӧлыз
понна синмаськисьёс сюро
ни. Нуналаз ог 7 литр йӧл сётэ
угось. Ческыт, нокыӵе зыныз
ӧвӧл, ӟеч тупа сыр пӧзьтыны.
Нина Козлова ачиз но ӵемысь
гинэ сыр лэсьтэ. Йӧллэн наплыкез
6-7 процентозь вуэ.
Скал йӧлын ӵошатыса, казеин
веществоез 2 поллы
ӧжытгес, таин сэрен аллергиен
курадӟисьёслы туж тупа.
Пӧртэм витаминъёсыз, кальциез,
фосфорез уно. Каморилэн
сӥльыз но небыт, ческыт,
кӧс ӧвӧл, железоез трос,
кӧйыз уг люкаськы.
— Каморилэн тазалыкез
юн, — веранзэ азьланьтэ Нина
Алексеевна. — Бадӟым ке но,
сокем трос уг сиськы. Ӵукна
но ӝыт турын сётӥсько. Тусязы
трос поныны уг яра —
пыд улазы усемзэ уз сие ни.
Нош нуназе ӝук лэсьтӥсько:
сезьыен, чабеез, йыдыез
изӥсько, 80 градус пӧсь вуэ
ваньзэ котӥсько — небӟе, сӥя
но ческыт сиён луэ. 1 кечлы
500 грамм тырме. Изытэк но,
парытэк но сётыны яра, но
кыедэн валче озьы потэ, нош
ӝук кадь карыса, ӝушсы но
умой ужа, кӧтсы но котьку
тыр. Эсьма, шуныт но. Мултэс
трос сюдыны уг яра — куаё,
собере соослы шоканы секыт
луэ, азьтэмъяськыны ӧдъяло.
Пыжем нянь, сакыр понна
бызьыса ик лыкто — тазэ туж
ярато. Азязы толэн-гужемен
шуныт ву возисько, сое нуналаз
3 пол вошъясько — чылкыт
медло. Чакланы кечъёсты
тунсыко. Соос котьку
тау карыса кадь синме учко,
мылкыдзы умой, вешаськыса
ачид но шумпотӥськод.
луоз, югытын возёно, сьӧдун
(рахит) медаз кыле шуыса.
Чипыос тазаесь вордско,
ӝог чеберско. Курегъёс — 2,
нош атасъёс 3 килограммозь
будо. Гань-ганесь. Вордонын
шуг-секытъёс уг кылдыло.
Браун Ник выжыысь тылобурдоос
вӧл-вӧл азбарын но,
ёркыт сэрегын но улыны ӝог
дышо. Номырлэсь уг кышкало,
стресслы уг сётӥсько. Атасъёс
но куспазы уг жугисько.
— Чипыос манной кеньыр,
курегпуз ярато, — шуэ
Елена Николаевна. — Комбикормен
эшшо ӝоггес будо.
Юан-веран
Ыжпиос черлазы
Ыже куиньмо вайиз. Шумпотонэлэн
пумыз ӧй вал.
Но катьяськыса ӧз вуттэ:
кызыны, шуген шоканы,
зырымаськыны кутскизы,
мугорзы ӟырдаз. Огез кулӥз.
Мукетъёсыз возисько на.
Кызьы соосты утёно? Пудо
першалмы гуртамы ӧвӧл.
Ольга З.
Можга ёрос
Валэкто Пудо эмъянъя
валтӥсь управлениысь
специалистъёс
Пудо эмъясьёслы ик
вазиськыса умой луысал.
Ненег ыжпиос борды
котькыӵе висён лякиськыны
быгатоз. Адӟытэк
диагноз пуктыны шуг. Но
гожтэмысьтыды валан
кылдэ, ыжпиосты коронавирусэн
черламын шуыса.
Таза сюро пудолы сярысь,
векчиезлы вирус капчиен
палаське. Эшшо кӧтазы
йӧтыны быгатоз на.
Ыжпиостэс анаеныз ӵош
мукет пудолэсь висъялэ,
тӧл йӧтымтэ интые пыртэлэ.
Тросгес секталэ шуныт
ву, парыны яралоз турын
ву но. Арня ӵоже бурмыны
быгатӥзы ке, озьыен, азьланяз
улозы. Вордскемзы
дырысен 10-15 нунал ортчыса,
тазалыксэс юнматон
вылысь сезьы, комбикорм
сётъялэ. Котькыӵе кеньырлэсь
пӧзьтэм ӝукез
но ческытэн сиёзы. Турын
чылкыт но чебер мед луоз.
Пудолэсь коронавирус
адямилы уг паласькы, но
котьма ке но утиськоно.
Гидэ пыран дӥсь, пыдкук,
саник но лопата, ведра
нимаз возёно, соос пыр
мукет пудо медаз черла
шуыса. Киосты майталэн
рос-прос миськоно, гидъёсты
тӧлатъяно.
Бадӟымъёссэ ю-тысен нуналаз
3 пол сюдӥсько. Пӧзьтэм
картошка, кешыр, гордкушман
сётъясько. Чорыглэсь
кылем-мылемзэ тусязы тырисько
— кокчаса быдто. Мукет
курегъёсын ӵошатыса,
ӧжытгес сисько шуыса шӧдӥ.
Толалтэ ву ӝог кынме бере,
ву интые лымы тырисько.
Курегъёслэн одӥг урод
сямзы вань ик: пуз вылын
туж ик уд пукеты. Анай
луон инстинктсы ӧвӧл, шуыны
луоз. Та выжы угось
вазь но трос пузаны гинэ
поттэмын вал.
___________________________________
Бамез дасяз Елена САРАМАТОВА

№14 (25926)
18 2022-тӥ ар 14-тӥ оштолэзь
ТАЗАЛЫК
Туберкулёз
1 мурт кышкыт луэ 10-эзлы
Фтизиатръёс шумпото,
коронавирусэн сэрен
кӧня ке но чакласькыны
дышим шуыса:
кызыкумы ыммеснырмес
пытсаськом,
маска одӥг-ог ке но
понӥськом... Угось
ковидлэсь сяна, озьы
мукет висёнъёслэсь но
утиськыны луэ. Кылсярысь,
туберкулёзлэсь.
— Кылем арын шаерамы
туберкулёзэн черлам 441 мурт
шараямын, валля арынлэсь,
со 11 процентлы тросгес. Но
лыдпус йылӥз выльысь диспансеризация
ортчытъяны
кутскемен гинэ. Угось 2020-
тӥ арын эмъясьёслэн вань
кужымзы бырылӥз ковидэн
нюръяськыны, туберкулёз палэнэгес
кылиз, — вера элькунысьтымы
валтӥсь фтизиатр,
медицина наукаосъя кандидат
Екатерина Тюлькина.
Туберкулёзэз кылдытӥсь
микроорганизмъёсты микробиолог,
немец Роберт
Кох шараяз 1882-тӥ арын.
Но ачиз висён туж вашкала
вакытъёсысен тодмо вал ни,
со сярысь кылпум поттылӥз
ай Гиппократ. Бен нималлязы
сое мукет сямен: тӧдьы
кулон, чахотка… Туннэ нуналозь
солэн нимыз гинэ
воштӥськиз. Нош калыклы
Шаерамы фтизиатръёс тырмыт, диагностика умой радъямын.
озьы ик кышкытлык кылдытэ.
Фтизиатръёс шуо: туберкулёзэн
черлам 1 мурт ке но
шараяське ке, сюлмаськоно
ини. Малы?
Пинал токма шорысь 2-3 арнялэсь ятыр ӟырдаса улэ яке
ляб будэ, жадем тусо ветлэ ке, сое одно возьматоно фтизиатръёслы.
Мӧйыослы озьы ик сак кариськоно, ялан
выдэм потэ, мугор дырын-дырын 37 градусозь ке но
ӟырдалля ке. Туберкулёз ӧз шараяськы ке но, эскероно,
кыӵе инфекция шедемын.
— Малы ке шуоно одӥг
адямилэсь мукетызлы со
выже вераськыку но, кызыку-кизьныку
но, — шуэ Екатерина
Анатольевна. — Коронавирус
сямен, туж ӝог уг
ке но вӧлмы, кышкытлыкез
бадӟым. Висён ортче туж
секытэн, ар но йӧнатӥськоно
луэ. Ярано, туннэ республикаямы
специалистъёс тырмыт,
диагностика умой радъямын,
кылдо выль эмъян амалъёс.
Соин ик ог 70 процентэз
туберкулёзэн
черламъёс бурмо,
куке-соку висемзы
сярысь вунэто.
Нош кытчы луо 30
процентэз? Соос 2-3
ар но йӧнатӥськыны
выро. Пӧлысьтызы
тросэз уг валало, зэмен но кулыны
быгатозы шуыса. Соос
больницаысь пегало, эмъюмъёс
уг юо. Куд-огзэ югдурез
утисьёсын ӵош утчано
луэ. Лыдпусъёс возьмато: ог
50 процентэз туберкулёзэн
черламъёс уг ужало, ляб
сисько, тазалыксэс уг чаклало,
ог 80 процентэз — урод
сямъ ёсын кушласькись егит
воргоронъёс. Соинтэк-а туберкулёзэн
висьыны усемъёс
пӧлын ӧжыт ӧвӧл ВИЧинфекция
паласькемъёс но.
Нош таӵе учыре мугор инфекциосын
уг нюръяськы
бере, йӧнатыны уката секытгес
луэ. Умой, Россиын
туберкулёзэн черламъёсты
йӧнатонъя пӧртэм программаос
юнматэмын шуыса.
1 висись муртэ ар ӵоже эмъяны
шорлыдын 1 но ӝыны
миллион манет кошке —
висъяське со Россилэн бюджетысьтыз.
Нош ачиз адями
копейка но уг тыры.
Но кызьы тодӥськом,
котькыӵе висёнэз алон,
Александр Бречаловлэн «ВКонтакте» бамысьтыз
йӧнатӥськон сярысь, трослы
дунтэмгес усе. Соин ик туберкулёзэз
шараянлы озьы ик туж
бадӟым саклык висъяське:
• вордскем нунылы 3-тӥ
нуналаз БЦЖ вакцина
пуктӥське ни. Медотвод
сётӥське укыр пичи вордскемъёслы
яке нунылэн
кыӵе ке инфекциез шараяське
ке. Шаерысьтымы
98-99 процентэзлы
пиналъёслы та вакцина
дыраз лэсьтӥське;
• 12 толэзьысен 7 аресозь
пиналъёслы Манту,
7 аресысен пиналъёслы
диаскинтест лэсьтӥське.
Со прививка ӧвӧл, со —
пушкысь инфекциез шараяны
юрттӥсь амал;
• 18 аресысен (куд-ог
учыръёсы 15 аресысен
но) лэсьтӥське флюорография
— 2 арлы 1 пол
котькуд адями сое одно
ортчыны кулэ. Кема
кыстӥськись висёнъёс
вань дыръя — арлы
быдэ, тае специалистъёс
вералозы. Шаерысьтымы
вань флюорографъёс
цифровоесь ни, соос излучение
туж ичи сёто,
тазалыклы кышкыт ӧвӧл.
Вань та амалъёс соку-соку
гинэ кырмиськись туберкулёзэз
шараяны юртто.
Угось висемзэ адями ачиз
но шӧдыны кутскиз ини ке,
озьыен, чер муре пыӵамын
ни. Котькуд адямилэн тазалыкез
— ачиз киын. Макем
ӵемгес возьматъяськод эмъясьёслы,
сокем умойгес.
________
Элина КУМАЧЁВА
Тодӥськоды-а?
Маиз вань
1 курегпузын?
Курегпуз — туж пайдаё
сиён, но сое ӝӧк вылэ
пуктэмлэсь азьло мае но
сое тодоно.
Курегпузлэн котькуд 100
граммаз 13 грамм чылкыт белокез.
Та сяна, со туж узыр аминокислотаосын,
антиоксидантъёсын.
Кылсярысь, отын вань
леципинэз, со холестеринлы
сэръёс вылэ пуксьыны уг сёты.
Холинэз лулсэръёсты юнматэ,
каротиноидъ ёсыз синъёсты катаракталэсь
утё. Одӥг курегпуз
сиыса, мугоре сюро уно витаминъёс
но макроэлементъёс —
омега-3, фолиевой кислота, селен,
кальций, фосфор, биотин...
Но со дыре ик кинлэн вираз
холестеринэз бадӟым,
арняяз курегпуз ӵужез
2-3-лэсь трос сиыны уг яра.
Эшшо куд-огез курегпузэз
ыльын сиыны яратэ. Специалистъёс
талы пумит. Угось
отын уно бактериос, микроорганизмъёс
аляны быгато.
• Уг яра басьтыны кырсь,
пилиськыны шедем кӧмын
курегпузэз.
• Одно холодильникын возёно.
• Йылсо палыныз уллань
кыллись курегпуз кемагес
уг уродмы.
• Миськем бере 12 нуналлэсь
кема возьыны уг яра.
• Курегпузэз ву быректыны
кутскем бере 10 минутлэсь
кемагес пӧзьтоно.
Кызьы йӧнатэ
серекъян?
Пӧртэм вакытъёсы тодосчиос
чаклаллязы,
кызьы серекъян
шӧдӥське мугор вылын.
Озьы смехотерапия
эмъян амал но
кылдӥз.
Серекъятыса йӧнатонэз
ӵемысь куто нылпи больницаосын,
отын эмъяськись
нылъёс-пиос доры ӧтчало
клоунъёсты, артистъёсты.
Серекъян туж пайдаё луэ
бадӟымъёслы но. Капчи мылкыдо
адямиос шергес висё,
уг тодо, мар со депрессия,
керӟегъяськон.
Трос серекъяку:
• мугорын эндорфин гормон
йылэ, со умоятэ эндокринной
системалэсь
ужамзэ, куректонэ усемлэсь
уте;
• вирын иммуноглобулинэз
йылэ, со ОРВИ, ОРЗ
висёнъёслэсь утиськыны
юрттэ;
• шокан ёзвиосысь дыльк
потэ, шоканы каньылгес
луэ;
• калорийёс ӝоггес ӝуало.
Соин ик ӵемгес серекъяно —
тазагес но луом, кемагес но
улом!
1 стакан ву,
зарядка...
Кызьы ӵукнамы кутскоз,
озьы быдэс нуналмы
ортчоз. Султэм бере
мар мылкыдэз ӝутоз?
• Одно кӧттыр кӧлоно. Эскеронъёс
возьмато: изён
тырмымтэ дыръя капчиенгес
кырмисько пӧртэм висёнъёс,
адями капчиенгес
сётске керӟегъяськонлы.
Нош тырмыт кӧлыку,
24 процентлы шергес пумисько
сюлэм но сэр висёнъёс.
• Сайкалэ огвакытэ. Тросэз
будильник шудэм бере
эшшо 5-10 минут кӧлоно
кожа на. Но соку мугор уг
шутэтскы ни.
• Пыласьконо салкым вуэн —
ӝоггес сазьтӥсько ды. Юоно
1 стакан мында шуныт ву,
со юрттоз чалякгес сайканы,
мугорын веществоос
ӝоггес воштӥськозы.
• Умой-умой сиськоно.
• Зарядка лэсьтоно — сюлэм,
тыос, лулсэръёс ӟечгес
ужалозы.
________
Дасямын элькунысьтымы
Тазалыкез утёнъя
министерстволэн
материалъёсызъя

ШУТЭТСКОН СЭРЕГ
№14 (25926)
2022-тӥ ар 14-тӥ оштолэзь 19
Йыртӥян
Кытчы удмурт кырӟаса мынэ?
1 2 3 4 5
7
9
6
11
8
13
10
12
15
14
17
19 21
18
20
16
22
24
63
23
26
28
30
25
65
27
29
32
31
34 33
36 35
38
37
40
42
39
41
44
43
46
45
48
50
47
49
51 53 66
52
54
56
58
55
57
60
59
61
62
64
Паллянысен буре:
1. Парсьлэн тэркыез. 3. Чебер быжо тылобурдо. 5. В. Ар-Сергилэн веросэз.
7. Шаерамы ортчылӥсь нылпи фестиваль. 9. Муш семья. 11. Вашкала
воргорон ним. 13. «Азвесь зоръёс» книгалэн авторез. 15. Векчи чагыр сяська.
17. Чорыг. 19. В. Котков кылбурчилэн вордскем гуртэз. 21. Емышо куак.
23. Бакча сульдэр. 25. Ӵужон (диал.). 27. Кынман висён. 29. Мудор.
31. Послелог. 33. Вашкала нылкышно ним. 35. Шуэз яратӥсь бурдо. 37. Удмурт
театрысь актёр, режиссёр. 39. Пудо сиён. 41. Трос, уно. 43. Чепыллясь
будос. 45. Син люкет. 47. Гадь. 49. Эмъюм турын. 51. Лӥял. 53. Шаркан ёросысь
гурт. 55. Урод сям. 57. Анай. 59. Та ёросын вордӥськиз дано суредась
П. Кривоногов. 61. Мугор люкет. 62. Солэсь пудо сиён лэсьто. 63. Удмурт
театрысь валтӥсь режиссёр. 64. Удмурт, пе, отчы кырӟаса мынэ.
Вылӥысен улӥе:
2. Тылобурдо. 4. Со уйин уг изьы. 5. Дӥськут люкет. 6. Удмуртиын
ортчылӥсь «Зарни …» конкурс. 7. Коньыгуби. 8. Кеньыр. 10. «Синмаськем
тӧлъёс» кылбур бичетлэн авторез. 11. Суредась … Юри. 12. Кырӟанъя но эктонъя
фольклор театр. 14. Чильпаськон, пужъятӥськон. 16. Басма. 17. Эмъюм
турын.18. Р. Валишинлэн повестез «Инвожо … но пиштэ». 20. Будэм чуньы.
22. Писпу. 24. Отын изьыны шуныт. 26. Силё, жуг-жаг (диал.). 28. Библиез
удмурт кылэ берыктӥсь. 30. Пичи Пурга ёросысь кылбурчи. 32. Толэзьлэн
нимыз. 34. … мучоло. 36. Йӧллэсь сиён. 38. Сое дасяло толалтэ. 39. Удмурт
крезьгурчи, кырӟась. 40. Барсуклэн удмурт нимыз. 42. Вашкала сям-…
44. Пыд люкет. 45. Со йыре йӧтэ. 46. Тэльын будӥсь емыш. 48. Кылтэм-ымтэм
адями. 50. Синмаськем мурт. 51. Ужан тӥрлык. 52. Удмурт пыжиськем.
54. Ӵуказе нунал. 56. Ӧс … 58. Алнаш станция. 60. Ӵыжы-выжы. 65. Бакчаын
будӥсь емыш. 66. Дыг, шузи мурт.
________
Галина СЕМЁНОВА

№14 (25926)
20 2022-тӥ ар 14-тӥ оштолэзь
ГУР АЗЬЫН
Паска азьын
Ӵошен ческытгес пӧрме
Пӧраське ни 32 ар
Алнаш ёросысь школаосын
ужась поваръёслэн
алигес ортчем
ӵошатсконазы вормисе
потӥз Кузьымгуртысь
покчи классъем школаысь
повар Галина Кочанова.
Со 32 ар пӧраське
ни.
Якшур-Бӧдьяысь Вера Вахрушевалэн нылыз
пичиысен пӧраське.
Якшур-Бӧдья ёрос газетын ужась Вера Вахрушева Паскалы
тачак кулич пыже нылыныз ӵош.
Куличлы кулэ: 600 грамм пызь, 1 стакан йӧл, ӝыны стакан
сакыр, 150 грамм нӧкы вӧй, 2 курегпуз, 50 грамм изюм, 12 грамм
маял, 15 грамм ваниль сакыр, 1 пичи пуньы сылал.
Глазурьлы кулэ: 2 курегпузлэн тӧдьыез, 100 грамм сакыр
пудра.
Шуныт йӧлэ маял но пичильтык пызь пононо, шуэ Вера
Вахрушева. Собере сакыр, сылал, курегпуз, шунтэм вӧй, ванилин
ватсано.
Озьы ик йылтоно пызь, цукат, котыса возем изюм, ваньзэ
сурано но, пызь поныса, нырконо. Ыльнянь шоро-куспо
мед луоз: укыр небыт но, чурыт но медаз луы. Бӧрысь сое 2
часлы шуныт интые пуктоно. Ӝутскыны кутскемез бере эшшо
одӥг пол нырконо но, 3-4 юдэслы люкыса, формаосы тыроно.
Эшшо ог час пала сылэтоно. Формаосы тырем ыльнянез
180 градусозь шунтэм духовкаын пыжоно. Ӝыны час пала
пыжемез бере векчи пуэн (зубочисткаен) эскероно. Со кӧс ке,
пыжос дась.
Нылыныз ӵош пӧраське бере, Вера Петровна пичи силикон
формаосы но ыльнянез тыре. Отын кулич ӝоггес ӝутске но
чальгес пыже. Анай но нылыз пыжослэсь вылзэ чеберъяло,
глазурь кисьтыса но турлы буёло посыпка пызьнаса.
Валэктон
Кытчы удмурт
кырӟаса мынэ?
Паллянысен буре:
1. Тусь. 3. Тутыгыш. 5. Сӥньыс. 7. Гуждор. 9. Палэп. 11. Кайсы.
13. Суворов. 15. Дыдыксин. 17. Пая. 19. Актэмыр. 21. Шупу.
23.Ашанай. 25. Исьнер. 27. Пуэд. 29. Оброс. 31. Мында. 33. Казнык.
35. Чукойыр. 37. Антонов. 39. Куро. 41. Ятыр. 43. Пушнер.
45. Синчебер. 47. Мӧля. 49. Сизьйыр. 51. Мырк. 53. Урдогурт. 55.
Тэргаськон. 57. Мумы. 59. Кияса. 61. Чырты. 62. Рапс. 63. Ложкин.
64. Вуко.
Вылӥысен улӥе:
2. Сяла. 4. Ыгы. 5. Сирес. 6. Пилем. 7. Гордгуби. 8. Йыды. 10.
Рябинина. 11. Кучыран. 12. Айкай. 14. Киуж. 16. Пильыс. 17.
Пыштурын. 18. Уйшор. 20. Ужпи. 22. Уйпу. 24. Сэндра. 26. Шакта.
28. Атаманов. 30. Соснов. 32. Инвожо. 34. Бун. 36. Кузятэм. 38.
Уробо. 39. Котельников. 40. Нарды. 42. Йылол. 44. Макес. 45.
Сурым. 46. Нюрмульы. 48. Бак. 50. Туган. 51. Мажес. 52. Тоторо.
54. Аскы. 56. Янак. 58. Тум. 60. Вын. 65. Сугон. 66. Донгыз.
Туспуктӥз Вера ВАХРУШЕВА
— Пӧраськон удысын трос
аръёс ужасько ни ке но, таӵе
конкурсэ нырысьсэ пыриськи,
— шуэ Галина Петровна.
— Кӧня сюлмаськи: ческыт
пӧрмоз-а, ӝӧк вылэ чебер пуктыны
быгато-а, ужаме сярысь
вольыт вераны быгато-а... Ярано
коть, юрттӥсьёсы бордам
вал.
Галина Петровна вордскемын
Ключёвкаын. Гуртсы
но, семьязы но ӟуч. Азамат
школаын дышетскыкуз, Галина
удмурт кылэз валаны
кутскем, отӥяз воксё удмуртомем,
удмурт гуртысь пияшлы
бызьыса. Табере серекъя, ӟуч
сямен но йӧнала вераськыны
уг быгатӥськы, удмуртэныз но
вольыт уг пӧрмытӥськы шуыса.
Улон сое ӧз жаля. 9 аресаз
анайтэк кылиз, пичи Галялэн
пельпум вылаз вань нылкышно
уж усиз: утялтӥськон, сиён
пӧран, мисьтаськон, пудо сюдон,
скал кыскон. Ярам, песянайзы
вал, котькыӵе ужлы
дышетӥз. Галина Петровна
туннэ но тодаз вае песянаеныз
узыяны-борыяны ветлэмзэс,
трос-трос ӵужсяська — ромашка
— бичамзэс.
— Со сяськаен курегпуз буяллямы.
Акашка (Паска) нуналлы
курегпузэз котьку но 2
пӧртэм буяськомы вал: напгорд
но ӵуж: сугон кӧмен но ромашка
сяськаен. Аслам нылы
пичи дыръя но ӵужсяськаен
буяськомы на вал.
Кочановъёс курегпузэз
горд но буяло вылэм. Огшоры
горд гинэ ӧвӧл — тӧдьы
гожъёсын. Со понна великлэсь
камеразэ векчи вандыло
но соосты ыль курегпуз
вылэ кечат-вамат дӥсяло вылэм.
Бӧрысь курегпузэз резинкаеныз
ӵош ик пӧзьтыны
пукто. Нош берло дыре, пе,
азьтэмскимы ни, ваньмыз
сямен, магазинысь басьтэм
буёлъёсты кутӥськомы. Кулич
Галина Петровна ачиз
пыже. Лыдӟисьёслы дэмла
пӧрасьёслэн конкурсазы
ческыт пӧсьтурынлэсь дасям
сиёнзэ но кулич пыжон
амалзэ.
Алнаш ёросысь Кузьымгуртысь Галина Кочанова
нылпиослы сиён дася.
Пыжем пӧсьтурын
Кулэ: 2 ческыт пӧсьтурын
(болгарский перец), 300 грамм
курег сӥль, 1 йыр сугон, 1 помидор,
80 грамм чурыт сыр, 2 пуньы
йӧлвыл, 1 чечы пуньы кӧсвӧй,
шӧмызъя сылал но изэм сьӧд
пӧсьтурын, 2 пилет чеснок.
Курег сӥлез вандылоно но
таба вылын пырсатоно. Ватсано
на юдэм сугон но чеснок,
шӧмызъя сылал но изэм сьӧд
пӧсьтурын, 2 пуньы йӧлвыл,
эшшо 3 минут пырсатоно.
Сырлэсь оглюкетсэ вуштоно
но табаысь сиёнэн сурано.
Ческыт пӧсьтурынэз шори
вандоно, пушсэ сузяно но табаысь
дась суретэз тыроно, вылаз
пононо на векчи юдэм сыр.
Сиёнэз 180 градусозь шунтэм
гурын 25 минут ӵоже пыжоно.
Кулич
Кулэ: 600 грамм пызь, 4
курегпуз, 1 стакан йӧл, 120
грамм нӧкы вӧй, 1 стакан
сакыр, 30 грамм маял (дрожжи),
шӧмызъя ваниль сакыр
но сылал, ог 50 грамм изюм.
Йӧлэз ӧжытак шунтоно
(35 градусозь). Отчы пононо
1 пуньы сакыр, маял но
пызьлэсь ӝынызэ. Ваньзэ
ӟеч-ӟеч сураса, 1 часлы шуныт
интые пуктоно.
Нӧкы вӧез шунтоно но
сӥятоно, ваниль сакырен
сураса, нянь шӧме ватсано.
Курегпузлэсь тӧдьызэ
но ӵужзэ висъяно: тӧдьызэ
миксерен, шукы луытозяз,
шукконо, нош ӵужзэ сакырен
сурано. Таосты но шӧме
ватсано, ваньзэ рос-прос сурано.
Ӝутскем ыльняне ватсано
кылем пызез, нырконо.
Ог 20-30 минут ӵоже ялан
нырконо, кие лякиськемысь
дугдытозяз. Собере,
ӵушконэн яке плёнкаен шобыртыса,
2-3 часлы шуныт
интые пуктоно.
Изюмез вуэн миськоно
но пӧсь вуын 20 минут
небӟытоно. Собере куасьтоно
но ыльнянь пӧлы ватсано,
нянез эшшо ог ӝыны час
пукетоно.
Дась ыльнянез формаосы
тыроно, вылзэс шуккем
курегпузэн зырано. Куличез
пыжоно 180 градусозь шунтэм
духовкаын ог 40-60 минут
ӵоже.
_____________________________________
Бамез дасяз Валентина ЕМЕЛЬЯНОВА
Галина Кочановалэн архивысьтыз
«Берекетэ» юанъёсын, дэмланъёсын вазиськоно
73-33-42 телефон номеръя.
Материалъёстэс ыстэлэ, «Берекетэ» шуыса,
электрон почтае udmdunne@yandex.ru.