You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
№38 (25950)
2 2022-тӥ ар 29-тӥ куарусён
УЖРАДЪЁС
Кылпумысь
Сӥс пыр
Бугырес вакытэ
улӥськом. Одӥг
учыр ик, адямиез
гинэ ӧвӧл, вань
калыкез сураныпожаны
быгатэ.
Ижын луэм шимес
учыр сярысь тодӥм Сочиын
журналистъёслэн
форумзы дыръя.
Солэсь азьвыл гинэ
Белгородысь издательствоын
ужасен
вераським. Кышномурт
мадиз, кызьы гужем
соос вылэ Украина
палась ракетаос вуизы,
доразы нокыӵе ожгарчиос
ӧвӧл ке но. Кӧня
ке коркаос куашказы,
адямиос быризы. Зэм,
луысал эшшо шимес,
но асьме ПВО ракетаосты
инмын ик пуштытъям.
Ми, пе, дышим
ини озьы улыны.
Нокытчы ум кошке,
кышкатъясьёс, вотэсын
бугыръясьёс вань ке но.
Ӵуказеяз шимес ивор
вуиз Ижысь. Йырлэн
но, сюлэмлэн но
оскемзы уг поты!
Таяз рад ини Белгородысь
тодмомылэн
синъёсыз синкылиосын
тырмизы.
Али трос пӧртэм юанъёс,
трос керӟегъяськон.
Асьме учыр котырын
но вотэсын ӝог
вӧлмизы пӧяськонъёс,
калыкез юромо бугыръянъёс.
Журналистъёслэн
форумазы кӧня ке пол
пусъемын вал — мынэ
зэмос информационной
война.
Федеральной каналысь
«Код доступа» программаез
нуись Павел
Веденяпин мадиз
Америкаысь обороная
министерстволэн
одӥгез докладэз сярысь.
Отын, пе, пусъемын,
Вьетнамын война
дыръя США котькуд
вьетнам ожгарчиез
быдтон понна 400 сюрс
доллар быдтэм (ожгар
техника, армиез возён),
нош адямилэсь йырзэ
берыктон понна —125
сюрс доллар. Сыӵе адями
ачиз сётске, тушмон
пала кариське...
Ваньмылы али вӧсь.
Но вӧсь вылын «шудӥсьёслы»
медам
сётске. Иворъёсты
сӥсъялэ...
________
Елена МИННИГАРАЕВА,
«Удмурт дунне» газетлэн
валтӥсь редакторез
Сюресъёс
Лэсьтэмзэ эн быдты!
Кияса ёросысь Мушакын сюрес кылдэ.
Шаерамы сюресъёсты
выльдон азьланьтӥське.
«Кышкыт луисьтэм но
ӟечлыко сюресъёс» нацпроект
улсын гинэ туэ
131 иськемез тупатъяны
чакламын.
Гуртъёс дорозь вуттӥсь
сюресъёслы берло дыре
бадӟым саклык висъяське.
Транспортъя но сюрес хозяйствоя
министр Алексей Горбачев
пусъемъя, берло 3 ар
ӵоже 100 объект выльдӥськиз
ни. Та нуналъёсы йылаз-пумаз
вуттэмын Дэри ёросысь
Докша пала нуись, Сарапул
ёросысь Нечкино но Яромаска
гуртъёс дорозь нуись сюресъёс.
— Гурт калыклэн улон-вылонэз
сюресъёс бордысь потэ.
Соин ик матысь аръёсы та
бордын ужаломы. Сюресъёс
луизы ке, фермеръёс но, хозяйствоос
но производствозэс
кужмоятыны быгатозы,
гурт туризмез азинтыны луонлыкъёс
кылдозы, — шуэ
Алексей Горбачев.
Та нуналъёсы асфальт
вӧлдо Кияса ёросысь Ермолаево
но Мушак гуртъёс дорозь.
Сюреслэсь вуэмзэ гуртоос туж
возьмало ни. Угось отӥ Уддядие
сюроно, нош та гуртын
школа но фельдшер-акушер
пункт ужало. Министр ивортэмъя,
сюресэз октябре усьтозы.
Али электро езъёсты интыенызы
вошто, сюрес дуръёсты
юнмато.
90 процентлы дась ни Можга
ёросысь Пичи Сюга, Сибы,
Быдӟымсурд гуртъёсы нуись
сюресъёс. Татӥ автобус школьникъёсты
нуллэ бере, сое лэсьтонэз
уката сак эскерыса возё.
Быдӟымсурдэ сюрес трос аръёс
ӵоже нырысьсэ выльдӥське,
калык лӧптэмын. Табере школаозь,
нылпи садозь, ФАП-озь
туфлиен гинэ на ветломы, шуо.
Татчы тротуаръёс но лэсьтыны
чакламын. Ёрос администрация
сюресэз югдытон сярысь
но сюлмаське.
Октябрь пумын йылпумъяны
медо Иж-Ува трассаез но.
— Таиз сюрес пумысен калык
уно пол ӝожтӥськылӥз,
udmurt.ru
— вера Алексей Горбачев. —
Тужгес начар 2 участокъёсыз
тупатон борды басьтӥськимы,
кузьдалазы оглом 17 иськем.
Вуоно арын мукет интыоссэс
выльдомы. Тапалтӥ трос машинаос
ветло бере, тужгес чидась
асфальтэз бырйимы.
Ува ёросысь Уня шур вамен
выжез но вошто.
3-тӥ октябрьысен бадӟым
техникаен ворттылӥсьёсты
эскерыны кутскозы. Кылсярысь,
Иж-Сарапул трасса вылын
ужалоз секталазэс мертанъя
автоматической пункт,
интыяськоз со Брангуртэ кожон
дорын. Транспортлэсь
быдӟалазэ, секталазэ нимысьтыз
датчикъёс учкозы, мултэс
трос груз нуисьёсты шараялозы.
Вань ивор соку ик вуоз
министерствое. Куронъёсты
тӥясьёс понна штраф тупатэмын.
Сыӵе ик автоматической
пункт матысь дыре ужаны
кутскоз Иж-Вотка трасса
вылын но.
Туризм
Кытын вал дуннеысь бадӟымез гурт?
Ортчем арня вискын
шаерамы Туризмлэн нуналэзлы
сӥзем ужрадъёс
ортчизы.
Ижысь Шор площадьын
городъёс но районъёс калыкез
турмаршрутъёсынызы
тодматӥзы, сиён-юонъёсынызы
утялтӥзы. Бесерман
сям-йылолъёс, П. Чайковскийлэн
улэп крезьгурез, удмурт
кырӟан-эктонъёс, Тол
бабай но Лымы ныл — кинэ
но, мае но отысь адӟыны ӧз
луы! Со сяна, Ижын улӥсьёслы
но куноослы уно экскурсиос
ӵектэмын вал. Адямиослы
туж кельшиз «Город на Иже»
экскурсия — соосты шоркармы
кузя 2 этажъем автобусэн
нуллӥзы, веразы: Ижевск куке
но быдэс дуннеысь бадӟымез
гурт вал, город луэмезлэсь
азьло ик со Новгород, Вятка
каръёслэсь бадӟымгес вылэм.
________
Сергей ЗАХАРОВ
Туризмлы сӥзем арня ӵоже
ик 2023-тӥ арлы ужрадъёсын
календарен тодматскон
ортчиз, отчы пыремын Пельняньлэн
калыккуспо нуналэз,
Гербер, «Улетай», «Русь дружинная»,
«Бабушкина дача»,
«Сказочные герои на Родине
Тол Бабая» фестивальёс но
трос мукетыз.
________
Сергей ЗАХАРОВ
Дуннеын
Буйгатскыны
уг малпало
США Киевлы лэзиз
референдум ортчем
улосъёсты
азьло сямен ик
пуштытъяны.
Донецк, Луганск республикаосысь
99 процентэз
калык дурбасьтӥз Россие
пыронлы, Запорожьеын
— 93 процентэз, Херсон
улосын — 87 процентэз.
Европаысь ваньмыз
сямен кунъёс та улосъёслэн
Россие пыремзылы
пумит луэмзэс веразы.
Матысь дыре та улосъёс
кунмылэн лыдъяськозы.
Киевлы ож тӥрлыкен
юрттыны Америка та
нуналъёсы висъяз
1 миллиард долларзэ.
________
Россиын
Ужысьтызы
уз уллялэ
Кун Думаысь депутатъёс
эскеризы
мобилизованнойёслэсь
правооссэс
утёнэн герӟаськем
ужпумъёсты.
Воштонъёс пыртэмын
Ужъя кодексэ. Спецоперацие
кошкем адямиослэн
ужан интыоссы
утемын луозы, стажзы
но мыноз. Уже потыны
быгатозы службаысь вуэмзы
бере 3 толэзь ӵоже.
Туэ 24-тӥ февральысен
21-тӥ сентябрёзь службазэс
контракт амалэн
нуыны мылкыд каремъёс
берытскемзы бере
интыяськыны быгатозы
азьвыл интыязы ик.
________
Удмуртиын
Шуныт вуиз
Элькунысьтымы
93 процентаз юртъёсы
шуныт вуиз.
Шуныт ни 5 сюрс
236 улон юртъёсын,
2 сюрслэсь ятыр социальной
объектъёсын.
16 ёросъёсын шунтӥсько
ни вань школаос, нылпи
садъёс, эмъяськонниос,
кылемъёсаз шуныт
сётонэз радъян мынэ
на, кыстӥськоз со арня
пумозь.
Ижын улӥсьёс туэ сентябрьысен
шуныт понна
выль сямен тырозы —
коркалы кӧня шуныт
быдтэмъя толэзьлы
быдэ. Озьыен, тулыс но
гужем шуныт понна воксё
но тыриськоно уз луы.