Notkun samfélagsmiðla við markaðssetningu á internetinu. - Skemman

frá 16-54 ára er skoðað sértaklega, eru niðurstöðurnar þær að 97-99% höfðu
notað netið á þessum tíma (Hagstofa Íslands, 2009). Samkvæmt þessum
niðurstöðum er greinilegt að netnotkun er mjög útbreidd á Íslandi og því
mætti áætla að netið sé sterkur vettvangur til að öðlast athygli neytenda.
Helsti kostur markaðssetningar á netinu er sú staðreynd að hægt er að sjá
árangur markaðsstarfsins samstundis þar sem oftast er hægt að mæla
árangurinn í rauntíma. (Guðmundur Arnar Guðmundsson og Kristján Már
Hauksson, 2009) Þessi kafli mun skoða helstu verkfæri sem standa
fyrirtækjum til boða við markaðssetningu á netinu.
Þó þessi ritgerð fjalli einna helst um samfélagsmiðla, þá telur skýrsluhöfundur
nauðsynlegt að stikla á stóru hvað varðar markaðssetningu á netinu almennt.
Næsti kafli fer yfir þá þróun sem hefur átt sér stað í netmarkaðssetningu, en
spannar það tímabil einungis um tuttugu ár, eða frá þeim tíma er netið tók að
birtast almenningi í sambærilegri mynd og við þekkjum í dag.
2.1 Þróun markaðssetningar á netinu
Í upphafi níunda áratugarins fór netið að birtast almenningi. Til að byrja með
var einungis hægt að lesa texta á netinu, fyrirtæki byrjuðu að koma með
lýsingu á vörum sínum og þjónustu í textaformi á vefsíðum sínum. Um miðjan
áratuginn fóru svo hjólin að snúast samhliða því að netið þróaðist. Árið 1996
var farinn að sjást þó nokkur velta í bandaríkjunum af sölu auglýsinga á netinu,
en fyrirtæki notuðu rúmlega 300 milljónir bandaríkjadala í auglýsingakostnað á
netinu það árið. Fyrir þann tíma var þessi kostnaður nær enginn. Ári síðar var
þessi upphæð komin í einn milljarð bandaríkjadala, en fyrirtæki voru farin að
gefa þessari tækni enn meiri gaum eftir að sífellt fleiri notendur bættust á
netið. Á þessum tíma fóru fyrirtæki að gera sér grein fyrir því að ekki var nóg
að hafa vefsíðu, heldur þyrftu þau einnig að draga mögulega viðskiptavini inn á
heimasíður þeirra. Yahoo! var frumkvöðull í að mæla virkni auglýsinga
vefborða. Í lok níunda áratugarins var heildar markaðskostnaður fyrirtækja í
bandaríkjunum orðnir átta milljarðar bandaríkjadala. (Net Industries, e.d.).
Árið 2000 fór að hægjast verulega á vextinum en þá sprakk netbólan (Peter,
4