Notkun samfélagsmiðla við markaðssetningu á internetinu. - Skemman

sín, svo sem kynningarefni og auglýsingar. Þann 29.júlí síðastliðinn ræddi
skýrsluhöfundur við Agnar um þau verkfæri sem hann býður uppá á netinu og
spurði hann nánar útí samfélagsmiðla.
6.2.1 Smelltu.is
Smelltu er tól sem hjálpar fyrirtækjum að finna hvar vefborðar skila þeim
flestum birtingum og mestum hagnaði. Ísland er tiltölulega lítill markaður og
vefsíður sem selja auglýsingaborða rukka fyrirtæki sem auglýsa þar eftir
plássum, sem þýðir að það er fast verð sem oftast er miðað við viku tíma og
gerð auglýsingaborða. Þessi verð eru mjög misjöfn eftir vefsíðum og
staðsetningu auglýsingana, en almennt þá eru vefsíður sem fá mikla umferð
inná sig að selja dýrustu auglýsingaplássin. Það sem smelltu gerir er að reikna
út hvar fyrirtæki eru að fá mest fyrir peninginn.
„..þú ert með auglýsingu á Mbl sem þú borgar kannski 180 þúsund
krónur fyrir 2 vikur og þú ert með auglýsingu í Pressunni sem er kannski
mánuður fyrir sama pening. Þú ert að fá þrisvar sinnum fleiri smelli á
tveggja vikna tímabili heldur en þú fengir á mánaðartímabili hjá
Pressunni. Þannig má segja að return on investment(sá hagnaður sem
fjárfesting skilar fyrirtækinu) er rúmlega helmingi hærri en hjá eyjunni
eða pressunni“ (Agnar Sigmarsson munnleg heimild, 29. Júlí 2010).
Samkvæmt Agnari er helsti kostur auglýsingaborða sá að hann eykur
vörumerkjavitund almennings.
„...maður veit það kannski ekki sjálfur en þegar maður fer inná mbl þá
verður maður fyrir áreiti sem maður er ekki endilega að taka eftir, dæmi
um þetta er tildæmis flestir vita hvaða myndir er verið að sýna í
sambíóunum vegna þess að þeir eru með samning við mbl“ (Agnar
Sigmarsson munnleg heimild, 29. Júlí 2010).
32