Notkun samfélagsmiðla við markaðssetningu á internetinu. - Skemman

Ýmis kostnaður hefur einnig hlotist innan fyrirtækja af aðgerðum eins og að
loka á vissa samfélagsmiðla til að takmarka notkun starfsfólks á þeim
(Eyjafréttir, 2010).
4.3.2 Spjallþræðir
Spjallþræðir hafa verið til einna lengst af samfélagsmiðlum. Spjallþráðum
svipar til spjalls milli nokkurra einstaklinga, helsti munurinn er sá, að spjallið er
opið öllum sem áhuga hafa á að lesa það. Fyrirtæki hafa nýtt sér þessa tækni
inná heimasíðum sínum og hefur það hjálpað til við að minnka álag á
þjónustuver fyrirtækja.
Fjölmargir spjallþræðir eru til sem tengjast ákveðnum áhugamálum, til að
mynda eru ýmis félagasamtök eins og til dæmis spjallborð fornbílaklúbbsins
(fornbíll.is) og eins spjallborð ýmissa íþróttafélaga. Meðlimir vefjanna geta
rætt sín á milli hvað sem er sem tengist viðfangsefninu, sem dæmi má nefna
geta meðlimir skipst á sögum eða hjálpað hvorum öðrum við til dæmis að
finna varahluti í fornbílinn sinn. Þeir sem nýta sér upplýsingar og fylgjast með
umræðum á spjallvefjum eru mun fleiri en þeir sem taka þátt í umræðunum,
fólk sem nýtir sér upplýsingar af spjallþráðum eru því mun fleiri en
þátttakendur spjallsins. Það fyrirtæki sem hefur flesta notendur á spjallboði
sínu er tölvuleikjaframleiðandinn CCP sem er einna þekktastir fyrir tölvuleik
sinn Eve Online. Spjallborð leiksins hefur yfir 300.000 leikmenn sem taka þátt í
spjallborði leiksins. Á vefnum setja leikmenn inn hugmyndir og ræða sín á milli
framgang leiksins og annað efni tengt honum. CCP er með 6-7 starfsmenn
sem eru í fullri vinnu við það að fylgjast með umræðunum og koma auga á það
sem skiptir máli, til dæmis nýjar leiðir til að þróa leikinn eða góðar sögur frá
leikmönnum sem mögulegt er að leka í fjölmiðla í þeim tilgangi að útvega
fyrirtækinu umfjöllun (Guðmundur Arnar Guðmundsson og Kristján Már
Hauksson, 2009).
Vinsælasti spjallvefur íslands er ER.is sem þróaðist út frá barnaland.is, þar geta
notendur spjallað um allt milli himins og jarðar og jafnvel fengið ráðgjöf frá
ókunnugum. Einnig getur hver sem er notað vefinn til sölu á vörum hvort sem
19