Notkun samfélagsmiðla við markaðssetningu á internetinu. - Skemman

afleiddar rannsóknir til að sýna fram á áhrif samfélagsmiðla. Skýrsluhöfundur
ákvað að nefna verkefnið: „Notkun samfélagsmiðla við markaðssetningu á
internetinu“ en helsta rannsóknarspurningin sem skýrslan leitast við að svara
er „Hvernig geta fyrirtæki nýtt sér samfélagsmiðla til að afla nýrra
viðskiptavina“.
1.4 Annmarkar skýrslunnar
Markaðssetning með hjálp samfélagsmiðla er tiltölulega ný fræðigrein. Þó
hafa verið skrifaðar nokkrar bækur um efnið og ýmsar rannsóknir er varða
áhrif þeirra hafa verið framkvæmdar. Því ber lesanda skýrslunnar að hafa í
huga að þetta er nýleg fræðigrein sem tekur breytingum nánast dag frá degi.
Alls svöruðu 182 manns rannsókninni og er því ekki hægt að alhæfa
niðurstöðurnar. Þrátt fyrir það telur skýrsluhöfundur að hún gefi hugmynd um
notkun almennings á samfélagsmiðlum. Þessi ritgerð er ekki kennsluefni í
markaðssetningu á netinu né samfélagsmiðlum þó svo hluti hennar hafi
leiðbeinandi gildi fyrir fyrirtæki. Ritgerðin er frekar hugsuð sem innsýn í heim
markaðssetningar á netinu og sem könnun á áhrifum hennar. Skýrslan gerir
ráð fyrir að lesandi þekki lítið sem ekkert til samfélagsmiðla og er skrifuð út frá
því.
1.5 Aðferðarfræði
Í upphafi var viðfangsefni valið og útfært með aðstoð leiðbeinanda. Þar eftir
var unnið að uppbyggingu rannsóknaráætlunar og viðfangsefnið og
vinnsluáætlun mótuð.
Því næst aflaði skýrsluhöfundur heimilda. En þær afleiddu heimildir sem
stuðst var við voru mestmegnis fengnar úr fræðibókum og greinum sem unnar
hafa verið af fræðimönnum.
Til að öðlast dýpri skilning á viðfangsefninu ásamt því að svara
rannsóknarspurningunni, var stuðst við eigindlegar sem og megindlegar
rannsóknir. Eigindlegi hluti rannsóknanna byggir á viðtölum sem fram fóru á
starfsstöðvum viðmælenda. Aðferð var valin sökum eðli
2