Notkun samfélagsmiðla við markaðssetningu á internetinu. - Skemman

5. Markaðsaðgerðir með samfélagsmiðlum
„Markaðssetning er ekki eingöngu auglýsingar“ (Meerman, 2007).
Markaðsfræðingar hafa verið að átta sig á því að þegar kemur að
samfélagsmiðlum þá gilda gömlu lögmál markaðsfræðinnar ekki alltaf.
Samfélagsmiðlar eru ekki alveg hættulausir, sífellt þarf að varðveita orðspor
fyrirtækja á netinu. Einnig þarf að koma í veg fyrir að slæmt umtal um
vörumerki skapist og berist út (Guðmundur Gunnlaugsson munnleg heimild,
28. Júlí 2010). Það er því ekki að ástæðulausu að mikil áhersla hefur verið lögð
á að skapa jákvæðar munnmælasögur (e. Word of mouth) um fyrirtæki og
vörumerki.
5.1 Að taka þátt í umræðum
Það sem gerir samfélagsmiðla frábrugðna hefðbundnum miðlum er að
skilaboð og auglýsingar innan þeirra eru ekki einhliða. Á samfélagsmiðlum
hafa neytendur sama rétt á að tjá sig og markaðsfólkið. Því þarf að leggja
áherslu á að neytendur treysti þeim skilaboðum sem lögð eru fram innan
miðlanna. Með því að taka ekki þátt í umræðum og svara ekki ummælum
viðskiptavina er hætta á að það dragi úr trausti einstaklinga á vörumerkinu
(Evans, 2008, bls. 81).
Þrátt fyrir þetta þá eru fyrirtæki sem markaðssetja sig innan samfélagsmiðla
oft treg til að taka þátt í umræðum eða svara ummælum neytenda. Það virkar
oft fráhrindandi á fólk ef fyrirtæki svara ekki ummælum sem er þeim
viðkomandi. Því má ekki gleyma að samræður innan samfélagsmiðla eru birtar
fyrir opnum dyrum. Því ber að koma fram við mögulega viðskiptavini af
virðingu innan miðlanna sem og annarsstaðar ef vel á að fara (Evans, 2008, bls.
81).
- Vörumerkjavitund
„Hvað sem ég heyri, les eða uppgötva í gegnum útvarp, sjónvarp, tímarit eða
dagblað get ég staðfest á Internetinu“ (Evans, 2008, bls. 83)
23