Notkun samfélagsmiðla við markaðssetningu á internetinu. - Skemman

6.1.2 Umræður á netinu
Guðmundur vill meina að það sé mjög mikilvægt að fylgjast með umræðum á
netinu og taka þátt í þeim ef tækifæri býðst. Þó séu mörg fyrirtæki sem þora
ekki að taka þátt í umræðunum.
„Það er ekkert mikilvægara en orðspor, (word of mouth marketing) er
öflugasta marketing sem þú getur farið útí. Ef þú nærð að komast á
þannig stað þá er það að fara að borga sig margfalt meira en nokkurn
tíman hefðbundnar auglýsingar“ (Guðmundur Gunnlaugsson munnleg
heimild, 28. Júlí 2010).
Vaktarinn getur fylgst með færslum á bloggi, spjallborðum og einnig inná
samfélagsnetum, en kerfið hefur þann möguleika að leita að færslum inn á
Facebook og Twitter samfélagsnetunum. Innan þeirra leitar kerfið eftir sér
íslenskum stöfum til að nálgast færslur. Helsta vandamál við leit á Facebook er
að ekki er hægt að leita á síðum sem hafa lokaðan aðgang (e. Closed profile).
Flestir Íslendingar eru með Facebook síðuna sína lokaða, sem þýðir að einungis
vinir þess einstaklings geta skoðað efni inn á hans svæði. Þrátt fyrir þetta eru á
milli 7-10 þúsund manns með opin aðgang og þar geta þeir leitað eftir efni.
Hvað varðar Twitter samfélagsvefinn þá eru allar síður einstaklinga og
fyrirtækja opin og því auðvelt að leita þar innan. Twitter hefur þó ekki náð
eins mikilli útbreiðslu og Facebook og hefur einungis í kringum 6 þúsund
skráða notendur hérlendis. Þrátt fyrir að fáir notendur séu á Twitter, þá telur
Guðmundur að mikilvægt sé að fylgjast með umræðum þar, vegna þess að
notendur þess samfélagsmiðils eru þekktir fyrir að vera einstaklingar sem oft
koma af stað tískubylgjum.
„...Twitter er klárlega eitthvað sem þú þarf að hafa líka, því þar eru
oftast trendsetterar(þeir sem koma tískubylgjum af stað), oft margir
slíkir og margir sem eru aktívir í því að koma með efni, annaðhvort að
gagnrýna eða hrósa þannig það má ekki ignora(líta framhjá það“
(Guðmundur Gunnlaugsson munnleg heimild, 28. Júlí 2010).
29