Notkun samfélagsmiðla við markaðssetningu á internetinu. - Skemman

annarra. Þeir sem blogga áskilja sér venjulega rétt til þess að eyða út færslum,
svo sem neikvæðum ummælum. Þrátt fyrir það umbera flestir bloggar
neikvæð ummæli og fjarlægja þau ekki (Meerman, 2007, bls. 46-47).
4.1.1 Blogg á Íslandi
Mikið hefur færst í aukana að hérlendir fjölmiðlar vitni í umræður sem í gangi
eru í bloggheimum. Blogg hefur færst frá því að vera mest efni sem ritað er af
stúlkum undir tvítugu, yfir í það að vera tengt við fréttir á helstu
fjölmiðlavefum landsins svo sem vísi.is og mbl.is, en fyrir örfáum misserum
hefur slíkt aukist mikið. Þrátt fyrir að það sé ekkert nýtt við það að blogga um
fréttir þá er þessi beintenging við fréttamiðlana tiltölulega nýtilkomin og er
m.a að finna á slóðinni blog.is og blog.visir.is, en slík blogg eru yfirleitt kölluð
fréttablogg (Hrafnhildur Reykjalín Vigfúsdóttir og Íris Dröfn Hafberg, 2007).
Það er talað um hefðbundið blogg þegar einstaklingar blogga. Oft eru þetta
dagbókarfærslur, þar sem fólk ræðir um daginn og veginn. Á Íslandi eru
vefsvæði sem bjóða almenningi upp á aðgang til að blogga. Helstu svæðin sem
bjóða slíkan aðgang eru blog.is, blogcentral.is og 123.is, en öll svæðin bjóða
bloggurum frían aðgang fyrir utan það síðastnefnda, en það svæði krefst þess
að keyptur sé aðgangur (Hrafnhildur Reykjalín Vigfúsdóttir og Íris Dröfn
Hafberg, 2007). Samkvæmt samræmdum vefmælingum fyrirtækisins
Modernus eru tvö blogg svæði ofarlega á lista mælinganna. Modernus mælir
hversu mörg innlit og hversu margar flettingar vefsíður á Íslandi og í Færeyjum
eru að fá í viku hverri. Allir aðilar sem eru með vefsíðu innan þessara landa
geta keypt sér áskrift að þjónustu Modernus. Það sem er athugavert við
þennan lista að mati skýrsluhöfundar er að blog.is er í áttunda sæti og
blogcentral.is er í 11.sæti, en meðaltal innlita á þessar síður á tímabilinu frá
12.júlí til 18.júlí 2010 voru tæp 170 þúsund og voru síðuflettingar rúmlega 500
þúsund að meðaltali (Modernus, 2010).
4.1.2 Hvernig getur blogg hjálpað fyrirtækjum?
Umræðan í blogg heimum getur hjálpað fyrirtækjum að skilja markaðinn
betur. Til eru sérstakar leitarvélar sem aðstoða fyrirtæki við að ná fram
marktækri leit á bloggsvæðum. Þessi svæði aðstoða fyrirtæki að finna hvað
13