Notkun samfélagsmiðla við markaðssetningu á internetinu. - Skemman

6. Viðtöl- Skyggnst inn í hinn íslenska markað
Mikil aukning hefur verið í nýsköpun hér á landi (Mbl.is, 2010). Margir vilja
meina að nýsköpun og sprotafyrirtæki séu leið Íslands út úr þeirri
efnahagslægð sem myndast hefur hér á landi (Mbl, 2009).
Skýrsluhöfundur tók einmitt viðtal við tvö nýsköpunarfyrirtæki sem eru
nátengd samfélagsmiðlum og markaðssetningu hér á landi. Þetta eru
fyrirtækin Clara og Transmit. Þessi kafli er útdráttúr úr þeim viðtölum en
viðtölin má lesa í heild sinni í viðauka.
6.1 Viðtal við Guðmund Gunnlaugsson Markaðsstjóra Clöru
Þann 28.júlí síðastliðinn tók skýrsluhöfundur tal af Guðmundir Guðmundssyni
markaðsstjóra fyrirtækisins Clara.is. Guðmundur er nýútskrifaður sálfræðingur
frá Háskóla Íslands en undanfarin 3 ár hefur Guðmundur öðlast þekkingu í eðli
og áhrifum umtals á netinu. Rætt var við hann í starfstöð þeirra á
Laugaveginum í Reykjavík. Clara ehf var stofnað árið 2008, en það lenti í öðru
sæti í nýsköpunarkeppni Innovit það árið. Í upphafi voru starfsmenn fjórir og
hefur starfsemin vaxið jafn og þétt, og í dag eru starfsmenn orðnir tólf.
Fyrirtækið er einna þekktast fyrir vöru sýna vaktarinn.is, en það er forrit sem
er aðgengilegt í gegnum netið, og gerir fyrirtækjum kleift að fylgjast með
umræðum innan þess.
6.1.1 Hvað er Vaktarinn?
Samkvæmt Guðmundi er Vaktarinn verkfæri sem er mitt á milli þess að vera
tól fyrir almannatengla og fulltrúa markaðsdeildar.
„Það er hægt að fylgjast með því hvort einhver er að kvarta eða byrja
einhverja sögu sem hægt er að grípa inní...Þetta er svo fljótt að breiðast út á
netinu, því borgar sig að fylgjast með...Í markaðsdeildinni er meira verið að
leita hvort einhver umfjöllun er með auglýsingaherferð eða vörurnar sjálfar,
svona aðeins til að fá tilfinninguna fyrir því hvernig fólk er að tala um þig“
(Guðmundur Gunnlaugsson munnleg heimild, 28. Júlí 2010).
28