Notkun samfélagsmiðla við markaðssetningu á internetinu. - Skemman

„...ef þú ert að reyna að ná til karlmanna þá máttu til dæmis vera með
karlmannlega rödd, og þarft ekki að vera eins dipló. Ef þú ætlar að ná til
18-24 ára þá máttu vera hipp og hress og þarft ekki að vera eins
staðlaður í því hvernig þú talar. Aðalatriðið er að tjá þig eins og
markhópurinn“ (Guðmundur Gunnlaugsson munnleg heimild, 28. Júlí
2010).
Möguleiki er að nálgast markhópa á markvissan hátt innan samfélagsmiðla.
Þegar notandi skráir sig inn á samfélagsnet eins og Facebook þá þarf sá
einstaklingur að skrá aldur sinn og kyn. Í hvert skipti sem einstaklingur setur
inn nýtt áhugamál er að auki hægt að nýta það til að velja markhóp. Því getur
það sparað kostnað við auglýsingar á sama tíma og réttir aðilar sjá
auglýsingarnar.
Guðmundur vill meina að munnmælasögur innan netsins skipta mjög miklu
máli og fyrirtæki þurfa að vara sig á því að hverfa ekki af sjónarsviði
almennings.
„..eins og gömul mýta segir; þú kvartar þá heyra 10 það en ef það er
jákvætt þá heyra 3 eða eitthvað í þá áttina. Í dag er þetta orðið þannig
þú kvartar þá sjá milljón manns það og ef þú segir eitthvað jákvætt þá
sjá önnur milljón manns það“ (Guðmundur Gunnlaugsson munnleg
heimild, 28. Júlí 2010).
6.2 Viðtal við Agnar Sigmarsson markaðsstjóra Transmit
Agnar Sigmarsson er einn af stofnendum Transmit ehf. Agnar er útskrifaður
viðskiptafræðingur frá Háskólanum í Reykjavík og er markaðsstjóri
fyrirtækisins. Transmit er sprotafyrirtæki sem sérhæfir sig í að gera forrit sem
vinna á netinu (e. Software as a service) fyrir markaðsfólk. Fyrirtækið býður
upp á tvö forrit, annars vegar smelltu.is sem er tól sem hjálpar fyrirtækjum að
finna hvar vefborðar skila þeim flestum birtingum og mestum hagnaði og svo
Brand Regard sem hjálpar fyrirtækjum að geyma upplýsingar um vörumerki
31