Pressespiegel 23_13 vom 01.06. bis 07.06.2013.pdf - Evangelisch ...

La Quotidiana vom 07.06.2013, Seite 19.pdf
■ PLAID PER LA DUMENGIA
Cu tut va dall’aua giu
DAD ANDRI CASANOVA, VRIN
Ladavosa gada legiu en la bibla?
–Oz! Ier! Avon in meins!
Avon varga in onn! Jeugnanc sai
seregurdar! –Gie, sin quella damonda
dat ei in tschuat rispostas,
rispostas fetg individualas. Tier
mei eis ei oz ed ier,ebunamein
mintga gi. Denton ei quei ualvess
la norma, pertgei tier mei seresulta
quei per ina pulita partord miu
studi da teologia. Esch’ins dumandass
mei cu jeu hagi la davosa
gada giu enta maun in marti sche
sepresentass mia risposta era
meins gloriusa.
Enteifer quei studi da teologia
sefatschentel jeu pia cun nossa
bibla amoda fetg intensiva. Jeu
analiseschel entirs capetels el lungatg
original, seigi ei per hebraic
ni per grec. Plinavon ha ei num da
reflectar l’influenza dalla bibla sin
historia ecardientscha dil cristianissem,
mo era sin veta epatertgar
dil singul carstgaun.
Labibla semanifestescha cheu
sco verscazi, denton eis ella el
medem mument pretensiusa. Co
sa pia la lectura ella bibla purtar
fretg? –Era cheu sepresenta la risposta
amoda fetg individuala.
Enten leger astgein nus denton sesentir
purtai dil Spért sogn. El inflammescha
nos cors per saver recepir
il plaid da Diu, per saver
menar in discuors fritgeivel cun
Diu.
Jeu hai dau oz in’egliada sin ils
texts biblics che vegnan proponi
tiels catolics per dumengia proxima.
Igl evangeli tenor Lucas rapporta
co Jesus leventa in giuven da
mort enveta. Semegliontamein
udin nus era co Elia ha rugau cun
success per la levada d’in miert.
Dus eveniments marviglius ch’ein
per nus plitost jasters. –Tuttina
havein nus magari il profund desideri
che nos cars defuncts levassien
puspei en veta eturnassien en
nies miez.
Daco pomai ha Jesus giu cumpassiun
cun la mumma da
quei affon miert, ferton che nus
stuein acceptar la definitivadad
dalla mort? –Quei ei bein malgest!
Ei la speronza sin la veta perpetna
nossa suletta consolaziun? –
Damondas che pertuccan nies esser,
damondas centralas da nossa
cardientscha.
Labibla annunzia anus questa
levada alla veta perpetna. Jesus
seigi ius ordavon anus tiel Bab en
tschiel. En quella speronza schai
pia ina legria, ina clara finamira:
nossa cumplenida tiel Bab. Quei
ei in grondius schenghetg ch’il
Segner vul far amintgin da nus,
era anos cars.
Per franc eis ei buca sempel da
dar nos defuncts els mauns da
Diu. Nus savein buc adina esser
cuntents cun el ed essan trests.
Stuein nus denton bargir grossas
larmas la sera sche eis ei il medem
Segner che lai giubilar nus la damaun.
Quei ei in patratg ch’ei
daus anus en il psalm 30, in’oraziun
ch’ins fageva gia avon mellis
onns ech’ei aunc oz actuala.
Cutut va dall’aua giu sche
astgein nus prender neunavon
quei psalm eleger el. Nus
astgein meditar el duas etreis gadas.
Vonzei pren el veta ed entra
en nies cor…
Il tais ha oz nauscha luna!
Novcudesch d’uffants illustrà da la Lia Rumantscha
■ (lr) La Lia Rumantscha ha edì il cudesch
«Il tais ha oz nauscha luna!»,
in cudesch illustrà per uffants pitschens
edascolina. Il tais ha fitg
nauscha luna. Tutils animals ch’el entaupa
salida el amoda uschè malcurtaschaivla
che er els gnugnan mo pli da
nauscha luna. Curius è mo ch’i va
uschia adina meglier cun il tais. El percorscha
peròspertche tuts èn vilads sin
el. Quai na vuleva elbetg! Tge duai el
far?
Il tais ha dentant in’idea ed uschia
va il di che ha cumenzà uschè mal per
tuts afin cun ina festa. Aquesta festa
manca mo ina chaussa: la nauscha luna!
Tgi da nus n’ha betg anc gì nauscha
luna? –Ilcudesch da l’autur Moritz
Petz cun illustraziuns dad Amélie
Jackowski mussa amoda divertenta che
avair nauscha luna n’èbetg mal, ma derasar
nauscha luna bain.
Il cudesch per la prescolina escolina
ècumparì en rumantsch grischun. Per
facilitar da preleger il text ha la Lia Rumantscha
transcrit il text er en tut ils
idioms. Quel po vegnir chargià giu gratuitamain
da la pagina d’internet da la
Lia Rumantscha sin www.liarumantscha.ch.
Il cudesch illustrà sa preschenta en in format
attractiv da 19 x19cmepovegnir cumprà tar
la Lia Rumantscha (telefon 081 258 32 22,
www.liarumantscha.ch) utar tut las librarias
che vendan cudeschs rumantschs per il
pretsch da 12 francs.
Il tais ha oz nauscha luna! rumantsch grischun
ISBN 978-3-03900-106-4
Pressespiegel der Evangelisch-reformierten Landeskirche Graubünden