DIE
Sie wollen auch ein ePaper? Erhöhen Sie die Reichweite Ihrer Titel.
YUMPU macht aus Druck-PDFs automatisch weboptimierte ePaper, die Google liebt.
Die Bottroper ZWAR-Zeitung Die AKTIVE GENERATION Ausgabe 2 2014 Seite 12<br />
Eenmol Urlaub an't Water<br />
Moj Zette ha' öhr Leerwen lang nicks nich<br />
anneret gekannt äs Arbeit un nochmols Arbeit<br />
in'n Husholt van öhr Süster Fine, dä elf Kinner<br />
geborn ha'. Bus op Jüppi warn nu alle ut't Huse,<br />
härn ne eegene Familge un stön'n ok so op<br />
eegene Beene. So unnerscheidlich ok öhre Meinungen un Ansichten wärn, in<br />
eens trocken alle an een Strick: Moj Zette muß mol in Urlaub gohn,<br />
mürgelichst an de See. Un seu wärn sick ok gau alle eenig: Sylt - dor schiern<br />
ümmer de Libbit, dor kunn man met blote Beene an'n Strand lopen, un dät<br />
Etten soll ok rieklich un lecker sien. Wat dor so aals örwer da annere<br />
Urlauber vötalt wo', dä dor dän ganzen Dagg nacksch an'n Strand<br />
harümleipen — et soll woll nich so schlimm sien! „Lot se mä quatschen, dätt<br />
meeße sall jo woll gelorgen af örwerdrierwen sien! Moj Zette war sick nich so<br />
secker, wie seu sick gaw — awer wat soll't: Probeern geht ok hier örwer<br />
Stodeern!<br />
As Zette met 'n Zug in Sylt op'n Bahnhoff ankam, sohg seu wiet un breet<br />
angetrockene Menschen. Seckers woll, dän Bahnhoff war kän Strand nich.<br />
Ok in dät Hotel - alle warn angetrocken, wenn ok manks mä mehr äs knapp<br />
un luftig. Un de Mannskerls? kotte Buckschen un manks ok ohne Hemp -<br />
awer nacksch? Nee nacksch war hier känne!<br />
As Moj Zette so eene Wecke op Sylt war, wogen seu sick ok mol no buten -<br />
un dor troff öhr de Schlagg! Dor leipen wörklich un wahrhaftig Grot un Klein,<br />
Kinner, Mannskerls un Fraulö, Olt un Jung, Schlank un Schwabbelig, total<br />
nacksch harüm - un därn bormdal noch so, äs wenn dät känne Sünne nich<br />
war! So ielig war Moj Zette noch nie nich no öhr Zimmer gebossen as nu, wo<br />
seu Oogentüge gewon'n war örwer dät Sodoma un Gomorrha an'n Strand.<br />
Dät aals war öhr op'n Magen geschlon, dätt se nich tam Etten in dän Saal<br />
gegohn war. Seu war fasse entschlotten, so gau wie mürgelich van hier wegg<br />
te gohn - un wenn seu mä de Hälfte van öhrn Urlaub hinner sick gebracht ha'.<br />
An't Telefon sagg seu fö öhr Süster Fine, dätt se alleenig, ohne öhrn Kerl Jupp<br />
kommen soll. „Da lott met de Fott te Huse bliewen. Un dann denk ok an dä!<br />
Wenn de Mannskerls, un dortau gehört ok Jupp, eenmol düt Sünnenbabel<br />
beleerwt häwt –junge, junge, ick sägg et dä! Du kriegs känne Rauh mä!" Un ehr<br />
hä blind wöd, es dät met Biechen ok nich gedorn!" Fine bestun awer dordrop,<br />
dätt öhr Kerl Jupp metkärm - äs Hölpe, Schutz un Taschendreerger. Zette:<br />
„Dann dau mä un us alle dän Gefall'n un lott Jupp nich dorhen, wo Schiller<br />
stoht met dä Opschrift: FKK! Fine: „Känne bange nich. Du kennst jo ok Jupp:<br />
„Dä hätt leiwer de Fott vull äs blank bä't Baden."<br />
Aus: Vötellkes van Theo Täpper in Platt- un Hochdütsch