Unsere renditestarken Photovoltaikanlagen kennen Sie schon!

Mir Gerer (98)
Wers glaabt, wärd selisch!
Werner Hofmann,
Tel.: 06152-7045
Die Verbundenheit eines Ma ga zins
mit dem Gerauer Land, in dem es
erscheint und über das es berichtet,
zeigt sich am allerbesten,
wenn man „den Leuten aufs Maul“
schaut. Genau dies soll mit der
Kolumne „Mir Gerer“ geschehen.
Autor des „Gebabbels“ ist Werner
Hofmann, Gerer aus Passion.
Aiern
Hofmaonns-Werner
Es gibt in unserer Schbrooch
en Haufe Schbrisch, die mit
„isch glaab...“ oofaonge. Wobai
märr des Wärtsche „glaab“
nett unbedingt mit „glauben“
festmache därf. Fielmehr iss
oft der Begriff „dengge“ odder
„maone“ dodemit gemaont.
Denn „glaawe“ haaßt doch sofiel
wie „iwwerzoischt soi“ funn
ebbes.
Wenn aoner seegt: „Isch
glaab, misch knutscht en Elsch“
iss er doch nett wärklisch defoo
iwwerzoischt, dass er funn eme
Elsch geknutscht wärd. Er hott
nur des Gefiehl dodefoo. Wail
em waos bassiert iss odder er
waos geheert hott, waos aobsolut
nett schdimme kaonn, waos
sozusaoche „unglaublisch“ iss.
Odder wenn’s haaßt: „Des
glaabst awwer nur du!“, daonn
schdeht der aonnere wahrschoinlisch
ellao mit soiner
Moinung unn kaoner wills ihm
glaawe.
Gaonz waos aonnersder
iss do de Glauwe aon e Relischion.
Do muss märr aofach
glaawe, waos aom forgerädt
unn oigedärmt worrn iss. Wie
haaßts schunn in de Bibel: „Selisch
sinn die, die nett säje unn
doch glaawe“. Unn in de Gerer
Schbrooch gibt’s den scheene
Ausdruck: „Wers glaabt, wärd
selisch!“ Unn des iss doch fast
genau es sälwe.
Doch de religièse Glauwe
iss äbbes, wo fiele Moinunge ausenaonnergehn.
Nämmt doch
nur es Middelalder: do honn
die dumme Mensche doch
tatsäschlisch geglaabt, wenn
se aon die Kärsch bezaohle,
werrnen ihr Sinde färgäwwe.
Uff die Idee keem hait kaoner
meh. Die Lait sinn hait e bissje
uffgeklärder. Aa die Inkwisizionsgerischde
waarn fest dodefoo
iwwerzoischt, sie honn
geglaabt, dass des, waos sie mache,
es rischdische iss. Do sinn
Mensche färloimt unn gefoldert
worrn, oft sogar zum Doot fär-
urtailt, nur, wail se oogeblisch
falsch geglaabt honn. Dodefoo
aobgesäje: Wiefiel honn schdur
aon de Adolf geglaabt, bis se gemerkt
honn, dass es falsch war.
Awwer es gibt aa noch den
„Aberglauwe“. Aischentlisch
haaßt des „Aber“ jo „schlescht.“
Also iss Aberglauwe en schläschde
Glauwe.
„Achdung, e schwarz Katz
funn links“ iss so en Schbruch.
Wenn e schwarz odder waiss
Katz iwwer die Gass will, muss
se halt laafe. Egal, ob des Audo
funn links odder funn räschts
kimmt. Awwer wehe, wenn der
Audofahrer funn räschts kimmt,
daonn kimmt die schwarz Katz
nemlisch funn links. Unn des
bedait Uuglick. Als wenn die
Katz waos defir kennt, sie wollt
doch blos owwer die Gass.
Odder „Fraidaoch, de 13.“
Do blaiwe fiel Lait im Haus unn
gehen nett eraus. Denn Fraidaoch,
de 13. iss en Uuglicksdaoch.
So en Bleedsinn.
Wie isch emol moi Oma
gefroocht hobb, aon waos sie
glaabt, hott se nur gesaot: „Isch
glaab, dass e Pund Rindfleisch e
gut Supp gibt.“ Aa e Aontwort
unn des glaabt se aa.