Wöör vörweg - Quickborn. Vereinigung für niederdeutsche Sprache ...

HANS-JOACHIM MEYER
Spraken in’t Stadtbild:
Bispill Oold- un Neestadt vun Hamborg
”Wat sall de Jung mit all son Schiet! In Hamborg ward doch
Plattdüütsch snackt.” So hett Heide Kabel sungen. Wenn
du vundaag dör de Mönckebergstraat geihst, höörst du en
ganze Rehg Spraken, ok exotische as Chineesch un Japaansch.
Aver Plattdüütsch? Dor swiegt wi lever to. Un
wenn du in’t Stadtbild wat op Platt finnen wullt un di in
Hamborg nicht utkennst, denn muttst du praat wään, de
Nadel in‘n Hauhümpel to seuken.
Un ik heff en poor Nadels vör’n Fotoknipser krägen. Een
Ladenkääd mit en plattdüütschen Naam is ”Dat Backhus”.
Väle ole Hüüs sünd in’n lesten Krieg tweibombt worrn. Een
lütt Viddel an’n Tollkanaal is wedder fein op Schick bröcht,
un dor finnt wi den Snack mit de Kooplüd, Koggen un Janmooten.
Dat gifft plattdüütsche Stratennaams, wo’n nich
weet, wat de egentlich bedüden doot. ”Kattrepel” ton Bispill.
”Repel”, en lütt Reep, oder Strämel, de so small is, dat dor
bloots Katten dörlopen künnt. So steiht dat in en Lexikon.
Düssen Flurnaam gifft dat in heel Norddüütschland. Ok bi
de Fresen in mien tweet Tohuus in Morsum op Sylt gifft dat
”Katrevel”. Man de liggt wiedaf vun’t Dörp, dor seggt sik
villicht Voss un Haas, aver keen Katt gode Nacht. Vilicht is
nich Katt, sünnern Kaat meent? Een lütte Straat mit Katen?
An de Mattentwiet harrn freuher de Mattenmakers ehr
Warkstä. Dat mutt en gräsige Gegend wään hebben, denn
över düsse Straat heet dat: ”Gah nich na de Mattentwiet, /
dor smiet se di mit Kattenschiet. / Gah lever na’n Cremon,
/ dor ward di nüms wat doon.” Gediegen is bloots, dat de
beiden Straten puttendicht bienanner liggt.
Dat Zippelhuus is wohraftig na Zippeln neumt. Greunhökers
ut Bardowick harrn hier Lagerhallen för Zippeln un
anner Greuntüüg, wat se nich op’n Markt verköfft harrn.
Väl Plattdüütsch gifft dat in de Nedderdüütsche Bibliothek
in de Neestadt, man leider bloots binnen in’t Huus un nich
Op
an de Döör. Bi’n Michel steiht de Zitronenjette, een Hamborger
Original. Op’t Dinkmaal steiht schräven: ”Dien Leben
wer suur as de Zitronen. / Sall dat Erinnern an di lohnen?
/ Dien Schiksol wiest op all de Lüüd, / for de dat Glück
het gor keen Tiet.”
Besöök
Quickborn3-09-Druck 53
07.09.2009, 10:50 Uhr
53