(1,86 MB) - .PDF - Thaur - Land Tirol

Thaurerisch gredt'
Die Roas!
Friager oder später hot jeder amol a Roas mit
an Bus mitgmocht. Ba ins in Thaur gib´s jo viel
verschiedene Meglichkeiten des z´ toan. Do
kunsch mit an Verein, mit die Johrgänger, die
Seniorn mitfohrn oder du kunsch a Wolfohrt
mit´n Hearn Pforrer mochn. Die Beirinnen
fohrn a olle Johr amol oan a zwoa Tog in an
Oart hin.
So hot sich a ´s Moidele amol entschloss´n
oan Tog af Sitirol mitzfohrn. Jo, und weil sie
´s gonze Johr sinsch nindersch hinkimp, isch
sie schun a Woch davoar gonz nerves woarn.
Wos muas sie do mitnemmen? Wos sull sie
unlegn? O mei , in liabschtn hätt sie ogsog.
Der Tog isch kemmen und ´s Moidele isch
dacho, af die Isserbruggn. A mords Taschn,
a Sackl mit an Ambrell und an zwoats Paarl
Schuach und no a Sackl mit an Giggus fiar
olle Fäll.
Iatz sen nocher de Weiberleit olle eingstign,
a jede hot nou meahrer z´ dazöln gwisst und
af oamol isch da Bus gonz longsom ungfohrn.
Do schreit die Lina „Jessas Maria und Jousef,
CHRONOS – Verein für Dorfgeschichte lädt herzlich...
20
da hockt ja koa Chaffär voarn!. „Werfts enk
af´n Bodn“, schreit die oane und „ziacht´s die
Brems“ die ondere. „Heilige Maria Muater
Gottes, des isch die letschte Stund“ murmelt´s
Moidele. Da Bus isch ober schian um die
Kurvn bogen und iber die Au dacho gfohrn,
weil der Chaffär isch an Stock tiafer gehockt.
Z´ Mittog sen sie nocher einkehrt; a Gulasch
hot´s Moidele ungschoffn. Ober sie hot ihr die
nuie weisse Blus´n in derart unplettert, dass
der mords roate Plerschn grod a so gleichtet
hot. Jo und deswegn isch nocher des Moidele
in gonzn Nomittog bei der glianign Hitz mit an
Jangger ban Zuig gwesn.
Sie sen do durch a so a olt´s hinterständigs
Dörfl zan an Kirchl gwondert und va lauter
schaugn isch´s Moidele in Getracht in an
mords Hennentetterling gstiegn. Weil sie des
nied gwornt hot, isch ihr in der Kirch vierkemmen,
dass es do stinkt. In Bus isch nocher
des Gstonk nou irger woarn. Jeder hot die
Murfl verzouchn. S´ Moidele hot´s nimmer
ausgholtn und hot sich z´hinterscht hinghockt,
ober a do hot´s gstunkn.
...zur CD – Präsentation
Freitag, 14. November 2008 um 20:00 Uhr
Im „Alten Gericht“ in Thaur
Mitwirkende:
☞ Inntaler Partie Thaur
☞ Mininger Madln
☞ Romedi Singer
☞ Knopfsaitn Musig
☞ Thaurer Tanzlmusig
dazu gibt’s noch alte Bilder, alte Filme, Wurlitzer
Für speis und Trank sorgt der Frauensingkreis Thaur.
Der Reinerlös fließt an den neu gegründeten Sozialverein Thaur!
Do hot nocher lei mehr da Giggus ghulfn.
Sie isch mit der Floschn so long umgangen,
bis sie laar gwest isch. De gonzn Weiberleit
hobn verlauter guat au nix mehr g´schmeckt.
Dahoam hot sie nocher schun gsechn, was so
gstunkn hot.
- Luise Demar -
Roas....................... Reise
Moidele.................. Maria
nindersch hinkimp.. nirgends hinkommt
Ambrell .................. Regenschirm
Giggus.................... Schnaps
ungschoffn............. bestellt
unplettert ............... schmutzig gemacht
Plerschn.................. Fleck
glianige Hitz........... glühende Hitze
hinterständig.......... rückständig
in Getracht............. in Gedanken
Hennentetterling.... Hühnerkot
gwornt ................... gemerkt
Murfl verzouchn .... Gesicht verzogen
g´schmeckt............. gerochen