Postgraduate Prospectus 2013 - Swansea University

Cymraeg – Academi Hywel Teifi
106
Cyfleodd ymchwil
MPhil, PhD, MA drwy Ymchwil
Canlyniad yr asesiad ymchwil yn 2008
Dangosodd canlyniadau’r RAE (asesiad
ymchwil) a gyhoeddwyd ar 18 Rhagfyr
2008 fod 95% o’r ymchwil a wnaed gan
aelodau’r Adran yn ystod cyfnod yr
asesiad o safon ryngwladol neu o safon
uwch na hynny. Barnwyd bod 65% o’r
ymchwil o safon 3* (rhagoriaeth ar
wastad rhyngwladol) neu o safon
4* (safon sy’n arwain y ffordd yn
rhyngwladol). Yr oedd y canlyniad
hwn yn un o’r goreuon yn y Brifysgol
ac yn y maes yn genedlaethol.
Sefydlwyd Academi Hywel Teifi yn 2010
yn bwerdy ac yn sefydliad o ragoriaeth
ar gyfer y Gymraeg ym Mhrifysgol
Abertawe. Cyfunwyd Adran y Gymraeg
a Chanolfan Cymraeg i Oedolion
De-Orllewin Cymru, gan greu un
Academi newydd a chanddi’r statws a’r
adnoddau angenrheidiol ar gyfer creu a
chynnal cymuned ddysgu fywiog, sy’n
cynnwys ynddi fyfyrwyr MA drwy
Ymchwil, MPhil a PhD. Mae’r Academi
hefyd yn hyrwyddo pynciau eraill a
ddysgir trwy gyfrwng y Gymraeg, gan
ddwyn ynghyd y nifer cynyddol o
ysgolheigion ar draws gwahanol
ddisgyblaethau sy’n gweithio trwy
gyfrwng y Gymraeg ym Mhrifysgol
Abertawe.
Mae i’r Gymraeg draddodiad
anrhydeddus o gynhyrchu ymchwil o’r
radd flaenaf ym Mhrifysgol Abertawe, a
rhan bwysig o’r diwylliant ymchwil hwnnw
yw’r berthynas rhwng y staff academaidd
a’r myfyrwyr ymchwil.
Mae graddau ymchwil yn y Gymraeg,
graddau MPhil a PhD, yn rhoi cyfle i
fyfyrwyr ddatblygu arbenigedd ym
meysydd iaith, cymdeithaseg iaith,
cyfieithu, llenyddiaeth o bob cyfnod,
drama, ffilm a theledu, theori ddiwylliannol
ac agweddau ar hanes a sefydliadau
Professors
G Ffrancon
T Hallam
C James
A C Lake
S Morris
R Rhys
Staff academaidd ac ymchwil 9
Ôl-raddedigion 21
Cymru. Mae ysgolheigion y Gymraeg ac
Astudiaethau’r Cyfryngau trwy gyfrwng y
Gymraeg yn Academi Hywel Teifi yn
croesawu ceisiadau wrth fyfyrwyr ymchwil
a garai gydweithio â nhw yn y meysydd
hyn.
Bydd astudio ar gyfer gradd ymchwil yn y
Gymraeg neu’r Cyfryngau trwy’r Gymraeg:
• ddatblygu sgiliau ymchwil newydd ac
arbenigol
• paratoi ar gyfer gyrfa academaidd neu
addysgol
• ennill sgiliau a chymhwyster sy’n
berthnasol ar gyfer ystod eang o
lwybrau gyrfaol ym meysydd addysg, y
cyfryngau, adloniant, cyfieithu, rheoli,
busnes a pholisi iaith
Mae gan lyfrgell y Brifysgol gasgliad
gwych o lyfrau a deunyddiau
amlgyfryngol ym maes y Gymraeg a
phynciau cysylltiedig. Sicrheir bod gan
bob myfyriwr ymchwil ofod addas ar gyfer
ei waith, gan gynnwys adnoddau
cyfrifiadurol a ddarperir yn benodol ar
gyfer myfyrwyr ymchwil. Bydd modd i
fyfyrwyr ddefnyddio’r labordy Iaith a
chyfieithu amlgyfryngol, ynghyd â’r
feddalwedd iaith gyfrifiadurol
ddiweddaraf.
Gofynion
Fel rheol, gradd is-raddedig dda (dosbarth
cyntaf neu 2:1), a gradd feistr yn y Gymraeg
y Cyfryngau neu bwnc perthnasol.
Ysgoloriaethau a Bwrsariaethau
Mae ystod o ysgoloriaethau ar gael.
Am fanylion, gweler: www.swan.ac.uk/cy/
astudioynabertawe/
ysgoloriaethauabwrsariaethau
Cryfderau Ymchwil
Mae gan y staff academaidd arbenigedd
mewn nifer o feysydd. Maen nhw’n
cynnwys:
• Llenyddiaeth o bob cyfnod, gan
gynnwys golygu testunau neu
ymdriniaethau beirniadol ar waith
awduron unigol, cyfnodau neu themâu
arbennig. Gellir arbenigo ym maes
llenyddiaeth yr Oesoedd Canol, y
Cyfnod Modern neu lenyddiaeth
ddiweddar
• Cyfreithiau Hywel Dda, gan gynnwys
golygu testunol
• Sefydliadau ac amrywiol agweddau ar
ddiwylliant Cymru, gan gynnwys yr
Eisteddfod Genedlaethol, pleidiau
gwleidyddol ac S4C
• Drama, gan gynnwys anterliwtiau’r
ddeunawfed ganrif a dramâu diweddar
• Teledu ffilm a radio, gan gynnwys
astudiaethau hanesyddol, testunol neu
theoretig
• Y cyfryngau digidol ac aml-lwyfan
• Hanes a theori animeiddio rhyngwladol
• Ysgrifennu creadigol ac agweddau
cymdeithasol ar hyrwyddo llên
• Cyfieithu, cyfieithu llenyddol a
dwyieithrwydd
• Iaith a chymdeithaseg iaith, gan
gynnwys cynllunio ieithyddol
Am ragor o wybodaeth
Gwefan:
www.abertawe.ac.uk/academihywelteifi
Cysylltwch â’r Swyddog
Derbyn Ôl-raddedig:
E-bost: s.morris@abertawe.ac.uk
Ffôn: +44 (0)1792 602070
Os ydych am ymweld â’r Brifysgol:
gweler tudalen 174 am fanylion.
• Cymraeg i oedolion a maes caffael
iaith. Mae’r Academi yn gartref i
Ganolfan Cymraeg i Oedolion
De-Orllewin Cymru sydd yn arwain yn
genedlaethol ym maes ymchwil
Cymraeg i Oedolion
Croesewir ceisiadau ar gyfer graddau
PhD yn y meysydd hyn, ac mae astudio’n
rhan amser yn bosibl. Gellir hefyd elwa
ar arbenigedd staff mewn adrannau eraill
yn y Brifysgol a gweithio gyda mwy nag
un cyfarwyddwr ymchwil ar draws
disgyblaethau, e.e. cyfuno’r Gymraeg ag
astudiaeth sy’n berthnasol i’r Gyfraith,
Hanes, Saesneg, Cyfieithu, Ieithoedd
Modern, Ieithyddiaeth Gymhwysol,
Astudiaethau’r Cyfryngau, Seicoleg,
Busnes, Iechyd neu faes arall.
Gellir cael mwy o wybodaeth a
gwneud cais drwy edrych ar
www.swansea.ac.uk/cy/
astudioynabertawe – gweler
tudalennau 176 – 177 am ragor o
wybodaeth
Am wybodaeth ynghylch cyrsiau
MA yn y Gymraeg, Cyfeithu ac
Astudiaethau’r Cyfryngau trwy gyfrwng
y Gymraeg, gweler tudalennau 46.
Sefydliad Ymchwil y
Celfyddydau a’r Dyniaethau
Mae Sefydliad Ymchwil y Celfyddydau
a’r Dyniaethau yn cynnwys ynddo dair
canolfan ymchwil fawr, gan gynnwys (i)
Canolfan Ymchwil Iaith, canolfan sy’n
elwa ar arbenigedd staff ym maes y
Gymraeg, ieithyddiaeth gymhwysol,
Saesneg a Ieithoedd Modern, a (ii)
Canolfan Astudiaethau Cymreig Richard
Burton, canolfan sy’n tynnu ynghyd staff a
myfyrwyr ymchwil o nifer o
ddisgyblaethau, gan ymchwilio i
amrywiol agweddau ar ddiwylliant
Cymru. O’r tu fewn i Goleg y
Celfyddydau a’r Dyniaethau ceir nifer o
grwpiau ymchwil gweithgar a chynhelir
seminarau ymchwil yn rheolaidd y gall
myfyrwyr eu mynychu, gan gynnwys
seminar y Gymraeg dan ofal Academi
Hywel Teifi.
Research Degrees – Cymraeg – Academi Hywel Teifi
107