TPSEAL 2010 Financial Results. - Serena Hotels

Notisi Kuhusu Mkutano Wa Pamoja Wa Mwaka
Notisi inatolewa hapa kwamba mkutano wa 39 wa pamoja wa mwaka
wa Kampuni utafanyika Mei 31, 2011 katika Ukumbi wa Mikutano
ya kimataifa wa Kenyatta International Confrence Centre kuanzia saa
tano asubuhi ili kuangazia maswala yafuatayo ya kibiashara:
SHUGHULI ZA KAWAIDA
1. Kuthibitisha kumbukumbu za mkutano wa thalathini na nane wa
pamoja wa mwaka uliofanyika Mei 24, 2010.
2. Kupokea, kuangazia na endapo itaonekana kuwa sawa, kupitisha
hesabu ya pesa kwa kipindi cha mwaka uliomalizika Desemba 31
2010 pamoja na ripoti kutoka kwa Wakurugenzi na Wakaguzi wa
pesa.
3. Kuidhinisha kutolewa kwa malipo ya mwisho ya mgawo wa faida
wa mwaka 2010 wa shilingi 1.25 kwa kila hisa ikitegema ushuru
ulioshikiliwa pale inapohitajika kwa wanachama ambao majina yao
yatakuwa kwenye sajili kufikia Mei 31, 2011. Malipo ya mgawo wa
faida yatatolewa kabla au kufikia Juni 20, 2011.
4. Kuchagua Wakurugenzi
(a) Bw. Ghislain de Valon aliteuliwa mwaka 2011 kujaza nafasi
iliyokuwa wazi. Anastaafu kwa mujibu wa kifungu nambari 109
cha sheria za kampuni na kwa kuwa hali inamruhusu, amejitokeza
tena kuchaguliwa.
(b) Bw. Kabir Hyderally anastaafu kwa zamu kwa mujibu wa vifungu
nambari 110, 111 na 112 vya sheria za Kampuni na kwa kuwa hali
inamruhusu, amejitokeza tena kuchaguliwa.
(c) Bw. Mahmood Manji anastaafu kwa zamu kwa mujibu wa
vifungu nambari 111 na 112 vya sheria za Kampuni na kwa hali
inamruhusu , amejitokeza tena kuchaguliwa.
(d) Bw. Kungu Gatabaki anastaafu kwa zamu kwa mujibu wa vifungu
nambari 110, 111 na 112 vya sheria za Kampuni na kwa kuwa hali
inamruhusu, amejitokeza tena kuchaguliwa.
5. Kuidhinisha malipo ya wakurugenzi ya mwaka 2010.
6. Kuteua PricewaterhouseCoopers kama wakaguzi wa pesa wa
kampuni kwa mujibu wa sehemu ya 159 (2) ya sheria za
makampuni (Cap 486). PricewaterhouseCoopers wameonyesha
nia yao ya kuendelea na jukumu hili.
7. Kuidhinisha malipo ya wakaguzi wa pesa kwa kipindi cha mwaka
2010 na kuwapa ruhusa wakurugenzi kuamua malipo ya wakaguzi
hao.
8. Kutekeleza shughuli nyingine ya kawaida ya kibiashara ya
mkutano mkuu wa pamoja wa mwaka.
SHUGHULI MAALUMU
9. Kurekebisha vifungu vya sheria
Kuzingatia na endapo itakubalika, kupitisha maazimio yafuatayo
ambayo yatapendekezwa kama maazimio ya kawaida:
(i) Kwamba vifungu vya sheria vya kampuni vibatilishwe na kuingiza
kifungu kifuatacho kama kifungu nambari 68.
‘’ Notisi yoyote au hati nyingine inaweza kutolewa na kampuni kwa
mwanachama au mkurugenzi yeyote wa kampuni aidha kwa mtu
binafsi au kutumia sanduku la barua ( kupitia barua pale ambapo
huduma hii inapatikana) au kupitia telegramu, teleksi, kipepesi au
barua pepe iliyotumwa kwa mwanachama au mkurugenzi kama
huyo kupitia anwani iliyosajiliwa kama inavyodhihirishwa kupitia
sajili ya wanachama au rekodi nyingine za kampuni iwe anwani
kama hiyo ni ya humu nchini au nje ya nchi ya Kenya au kupitia
teleksi, kipepesi, telegramu au barua pepe iliyotajwa au kwa kutumia
tangazo la magazeti mawili ya kila siku yanayosambazwa
kote nchini au kupitia tangazo kwa njia ya elektroniki. Katika hali
ambapo umiliki wa hisa utakuwa wa pamoja, notisi zozote kupitia
barua, telegramu, kipepesiau barua pepe, itatolewa kwa mmoja wa
wamiliki hao ambaye jina lake litakuwa la kwanza kwenye sajili
ya wanachama na notisi ikitolewa itachukuliwa kama inatosha
kwa wamiliki wote wa pamoja. Katika hali ya notisi ya mkutano ya
pamoja wa mwaka, notisi kama hii itatolewa kupitia:
(a) Kuchapishwa kwa notisi iliyo na muhtasari wa taarifa za matumizi
ya pesa na ripoti ya wakaguzi wa pesa kupitia magazeti mawili ya
kila siku yanayosambazwa kote nchini kwa siku mbili mfululizo au;
(b) Kutuma notisi moja kwa moja kwa kila mwanachama kupitia
mbinu za elektroniki (ikiwemo kipepesi na barua pepe) au kupitia
sanduku la posta huku notisi ikiwa na taarifa hizo za matumizi ya
pesa , hati nyingine na ripoti kama inavyohitajika kisheria.’’
(ii) Kifungu cha sheria nambari 156 kifutiliwe mbali kama kilivyo na
mahali pake kuwa kama ifuatavyo:
‘’ Mgawo wowote wa faida, riba au kiwango chochote cha pesa
kitakachotolewa kwa pesa taslimu kwa mmiliki wa hisa kilipwe
kupitia:
(a) Hundi au dhamana itakayotumwa kupitia sanduku la barua kwa
mmiliki kama huyu kwa anwani yake inayojulikana na katika hali
ambapo umiliki ni wa pamoja, itumwe kwa mmiliki ambaye jina
lake limesajiliwa mbele katika sajili ya wanachama kulingana na
hisa au
10 TPS EASTERN AFRICA LIMITED ANNUAL REPORT AND FINANCIAL STATEMENTS 2010