Financial Statements 2011 - Investing In Africa

TAARIFA YA MWENYEKITI
matawi manne nchini Tanzania na tuko mbioni kufungua tawi
jingine katika eneo la Kahama.
Kitengo cha shirika cha Utoaji wa Huduma za kielektroniki –
kikiwepo kile cha ‘NIC Mobile Banking na NIC Online Banking’,
vimeimarishwa na kuongezewa kiungo muhimu cha M-pesa,
ambacho kinaunganisha vitengo vyote viwili kwa mpigo. Shirika
hili sasa lina mifumo miwili madhubuti ya kielectroniki iliyo
na utendakazi wa shughuli za benki kwa kutumia rununu na
mtandao. Mifumo hii miwili inawapatia wateja wetu fursa
muafaka ya kupata huduma yoyote mahali popote.
Kulingana na wingi wa wateja na kijiografia, shirika hili
limefanya mkataba wa uwakala na benki ya Posta. Mkataba
huu ambao umeidhinishwa na Benki kuu ya Kenya na ambao
unawezesha benki ya NIC kutoa huduma kwa wateja wake
kupitia mitandao ya matawi 94 kote nchini kwa njia inayofaa
na isiyo na gharama ya juu.
Sababu kuu ya kutaka kuyashughulikia matatizo na maendeleo
ya katika Sekta ya Benki, yameendelea kuzalia mageuzi ya NIC
katika bidhaa na zabuni nyingine kwa wateja. Mafunzo ya Klabu ya
Mjasiriamali, pamoja na kuwatia shime wajasiriamali chipukizi,
imeendelea kuwa chanzo cha kupokea Elimu na maarifa
katika matarajio ya wateja – hali inayopelekea kuongezewa
kwa bidhaa zaidi kaatika kitengo cha Biashara ndogo ndogo
za benki (SME). Shirika limebadilisha na kurekebisha bidhaa
zilizoko na pia kuzindua kampeini zitakazohakikisha kwamba
wateja wetu wanaendelea kuzifahamu vyema bidhaa zetu zote
kadri zinavyokua.
WAFANYAKAZI
Shirika la benki ya NIC lina mpango mkubwa wa kuwavutia na
kukuza vipawa ili kuhakikisha kuwa lina wafanyikazi walio bora
zaidi kwa mahitaji ya kibiashara ya sasa na ya siku sijazo. Bidii
ya kazi kutoka kwa wafanyakazi zimeliwezesha shirika kupata
matokeo bora katika miaka iliyotangulia. Waajiriwa wake
hujenga uhusiano mwema na wateja, wanaotambua nafasi za
kibiashara – zikiwepo kubwa na ndogo – na wanaotoa Huduma
zinazowezesha NIC kukua na kuimarika kama shirika thabiti la
benki.
Kuna mfumo uliopendekezwa wa kusimamia na kuwapa
motisha wafanyakazi kama vile mpango wa kujiendeleza
kikazi na pia njia ya kutwaa majukumu katika nafasi mpya za
kazi , malipo bora , mafundisho na kujiendeleza vilevile kupata
maoni kuhusu utendakazi.
Kupitia bidii ya mchwa na uzingativu,wafanyikazi 596 wa shirika
la benki ya NIC kufikia tarehe 31 Desemba mwaka wa 2011,
walijitahidi mno ili kutoa huduma za kimataifa za kifedha
huku wakizingatia pia maadili ya ujumla ya kuwa wataalamu,
wabunifu, wenye moyo, wenye kufuata na wenye uadiliifu wa
hali ya juu.
USIMAMIZI BORA WA KIUSHIRIKA
Benki ya NIC ina imani kubwa katika usimamizi wa kiushirika.
Kamati Kuu imeandaa mfumo imara wa uongozi ili uwe kama
kigezo cha jumla cha majukumu ya usimamizi wa kibiashara
na maslahi mengine ya shirika. Ni katika mfumo huu ambapo
maelezo ya kina yanapatikana katika kitengo cha usimamizi
cha pamoja kwenye ripoti hii ili kuhakikisha kwamba malengo
ya kamati na yale ya usimamizi yameainishwa na majukumu
yao yote yanawalenga washika dau wote.
Mafanikio ya usimamizi wa shirika katika utawala wake unazidi
kutambulika na baadhi ya mashirika ya kigeni yanayojulikana
katika kutathmini kwa biashara zilizowajibika. Ninafuraha
kuwaeleza kwamba katika mwaka wa 2011 , shirika la benki ya
NIC lilishinda ,sasa kwa mwaka wa pili mfululizo, Tuzo la Jumla
la Mabingwa wa Utawala na Usimamizi Bora, lililodhaminiwa na
ICSPAK, Benki Kuu Ya Kenya, Halmashauri ya Manufaa Baada
ya Kustaafu na Halmashauri ya Kuthibiti Bima, na wengine
wengi. Benki ya NIC pia ilitangazwa kuwa mshindi katika kitengo
cha Viwango vya Ubora vya Kimataifa vya Utoaji wa Ripoti za
Kifedha (IFRS) pia waliibuka wa pili katika shindalo la Tuzo la
(FiRE), shindano ambalo liliandaliwa na Soko la Hisa la Nairobi
(NSE), Taasisi Ya Wahasibu ya Kenya (ICPAK) na Halmashauri
ya Masoko ya Mtaji (CMA).
JUKUMU LA KIJAMII
Kuwajibikia jamii huwa ni kiungo muhimu sana katika kanuni za
utendakazi za Benki ya NIC. Shirika linanuia kuwapa thamani
washika dau na wabia wake wote na kadhalika kuchangia
ipasavyo katika mazingira, kifedha na maslahi ya kijamii kwa
wateja, wafanyakazi wake, na wanajamii ambao ndio nguzo kuu
ya biashara ya Benki ya NIC.
Katika mwaka wa 2011, shirika liliendelea kusaidia kwenye
hatua za masomo, mazingira na michezo. Hali kadhalika,
lilijitwika jukumu la kuyashughulikia mahitaji mengine
yanayochipuka.
Katika sehemu ya Elimu, shirika hili liliingia ubia na asasi
muhimu ikiwepo ile ya Palm House Foundation na Edumed
Trust, mashirika yanayowasaidia watoto kifedha ili kuendelea
kimasomo. Hawa huwa ni watoto werevu na wenye vipawa lakini
hawana uwezo wa kifedha. NIC huchukua jukumu la kuwasaidia
wanajamii kupitia kwa mashirika hayo mawili. Kwa kuwasaidia
watoto hawa katika shule za upili na kuwapa ushauri, shirika
la benki ya NIC huwapa nafasi ya kuboresha maisha yao na ya
familia zao.
Kupitia ‘Junior Achievements Kenya’ ambayo ni sehemu ya
‘Junior Achievements Worldwide’, shirika lililosaidia vijana wa
Kikenya ili kuwawezesha kujiandaa kikazi kwa siku za usoni,
kuwapa maarifa na kuwafunza mbinu za ujasiri-amali kupitia
kwa miradi ama programu za JA.
Kadhalika, Shirika la Benki ya NIC huwapatia wanafunzi nafasi
za masomo ya kila mwaka ya huko nyanjani. Masomo haya ya
nyanjani huwawezesha mwanafunzi kuyazoea mazingira ya
kuajiriwa
Kuhusu mazingira katika mwaka wa 2011 ukiwa mwaka wa
tatu mfululizo, shirika lilihusika katika kampeini ya ‘’Tupande
Pamoja” shughuli ya kupanda miti kwenye msimu wa Krismasi.
Tupande paamoja ni kampeini iliyowashirikisha wafanyakazi wa
NIC na wale wa UNEP , vile vile shirika la Misitu nchini kwa
16 • NIC Bank Limited • Annual Report & Financial Statements 2011