Institut Béarnais Institut Béarnais - Institut Béarnais Gascon

More documents

Recommendations

Info

6 Quin aymabe léyẹ, lou Pierrin de la Castagnère, assegut au pè d’û castagn, à decha lou tribalh cade cop qui-s troubabe daban û lìbẹ. Aco n’ère pas trop dou gous dous de case e que-s troubabe tranquìlẹ quoan anabe goarda las baques. Més qu’èren toustém lous mèmes lìbẹs qui tringaleyabe en lou sacot dou bresperoû : la bite dous sénts ! Que-u hasè bisca de léyẹ aquéres beroyes istoères oun lou moùndẹ hasèn tout de plâ, chéns se-n bédẹ. Si boulèn à case que-s semblèssẹ ad aquét moùndẹ, ne-n gahabe pas lou camî ! Qu’arribèn lous estùdis, que calou ana-se-n de case. Aco n’ère pas lou màyẹ degrèu permou qu’éy lou pèys oun s’y pot léyẹ e aprénẹ. E qu’aprengou, dinque anglés e latî, engoè que dou latî, en estan serbidou, que-n counechè quàuquẹs patèr-nòstẹs. Més, quoan arribaben las bacances, la cansoû que cambiabe. Fièr de tout ço qui abè aprés que hartabe toute la familhe dap lou soû latî. Per, bèt die, pénsi lou cap plé de ço qui n’ère entad ét que fouterioles, soû pay que-u demandè : - Quin se dits en latî : la mâ ? - Manus, si respounou lou Pierrin - E la hourque ? – Horcus. - E lou héms ? – Humus. - E lou car ? – Carrus. - E lou cam ? – Campus. - E doungues, que bas gaha la hourcus dap la manus, que bas carga lou humus sus lou carrus e que-u bas espàrzẹ en lou campus ! » Aco que-s apère passa de la teorie à la pratique ! Atau que passè lou téms e qu’arribè lou moumén oun calou ana-se-n drin méy loégn, dinqu’à Toulouse. Estudia enta esta paysâ ! Ûe nabère mode ! E méy, si-s poudè ; perqué pas engeniur ? Be soun beroys lous diplòmẹs, sustout si, héns lou besiàdyẹ e y a ûe gouyate enta-us espia dap oélhs amourous ! E, per quin hasar ? Que se-n’y troubabe ûe, que-s aperabe Serafine. Lous besîs que disèn : « Fine que sera ». La may que-s aperabe Josefine, quàsi ûe mèrque de fabrique. La maysoû oun bibè la familhe d’aquéste eretère que-s aperabe « Lous Arrebiréts », e tout lou moùndẹ à l’entour que disè : « Ben-y si n’as besougn, sinoû, tire de l’àutẹ part ! » Beroye reputacioû ! Dap la prouprietat qui toucabe quàsi la dou Pierrin, L’ECOLOGIE serafine que-s aperabe, serafine que demourabe. que pensat ço qui arribè. Lous permès téms que calou sauta barats e trauca sègues enta ha besite ; en seguin, que-s y hasou û passadé. Enta feni, ni sègues ni passadé. Tout lis ! Atau que-s en abiengoun e la gouyate que-s atrassè lou diplomate à case. Moussu lou màyrẹ e moussu curè que hasoun cadû lou lou predic, e lou Crèdit Agricole la benediccioû finale. Tout aco daban lous oélhs abisats dou mèstẹ de ceremounie : la bèlemay. Que-s ère gahade au gouyat coum û bioc sus la pèt d’û câ ! N’anabe pas decha escapa û tan beroy aha. Que-s abè dechat parti lou soû òmi… que l’y abè aydat prou plâ en lou han tribalha à noû méy poudé-n. Dinque qu’ét nou bedoùssẹ pas méy qu’û endrét oun poudoùssẹ repausa-s en pats ! Adare, daune, que hasè coumèrce, à la soûe fayçou, segu. Qu’éy à dìsẹ qu’escarrabe tout ço qui cadè e qu’at benè. Qu’arribè atau que, per bèt die, que cayou de la borde en escouban quàuquẹs escarradis. Quin malur ! Lous besîs qu’anèn aberti lou yéndrẹ, e noùstẹ bràbẹ gouyat qu’arribè en coùrrẹn. « Nou-t abourrésques pas atau, ci-u digoun, que y éy lou medecî ! » - « E qu’éy permou d’aco qui coùrri, ci respounou, que la mé ba sauba ! » E qu’éy ço qui arriba. Beyat quin la medecine a hèyt prougrès ! De malìci, lou yéndrẹ que hasou paga la Securitat Sociale dinqu’au darrè so. Desempuch aquét téms, de guèrlẹ (1) qui ère deya, la bèle-may que-n debiengou drin méy, si-s poudè. Tout ço qui bedè de drét, qu’at hicabe de trubès, e que-s y brounibe hort à la maysoû. E la hémne qu’ère soubén dou coustat de la soûe may. Per bounur, que y abè place per dehore e prou de qué ha enta cambia-s las idées. Atau qu’anabe lou menàdyẹ, cadû de soun coustat. Que-s abèn partadyat lou tribalh : l’òmi de cap au benedou de materièl agricole, la hémne de cap au Crèdit Agricole. Lous sos qui l’ûe apielabe, l’àutẹ que-us hasè brouni. Enta-u ha plasé, û die, lou Pierrin que-s hasou segui la Serafine enço d’û benedou de materièl. Quoan countè la besite, la Serafine que hasou arrìdẹ tout lou pèys, à-s en escana : « E sabét quin éy counegut lou mé òmi ? ci disè. Quoan arribe, las portes que-s aubréchin toutes soules ! » Serafine que-s aperabe, Serafine que demourabe. Nou mancabe pas d’arrougagna cade cop qui Pierrin e boulè croumpa û nabèt utis. Més, de sabé que lous
esîs espièssẹn aco dap oélhs drin yelous, de-us ha bisca que-u hasè debèrzẹ la facture. Permou d’aco, que demandabe tout ço qui-s poudè sabé sus la mecanique : ta qué serbéch, quin tribalhe, quoan de téms e hè gagna, sustout quoan coste. E que-s en empliabe lou cap. Nou pas enta aprénẹ, més enta-s en poùdẹ perbàlẹ daban lous besîs, e sustout las besîes. Qu’éy ço qui arribabe : Quoan lou Pierrin e sourtibe p’ou permè cop, tout lou parsâ qu’espiabe, e la hémne que hasè lou soû predic, quilhade coum ûe pouloye. A cade sourtide, qu’ère la mème istoère. Las hémnes, hartes d’aquét cinema, que hasoun lou lou. Au loc de-s presenta toutes amasse, qu’arribaben l’ûe au darrè de l’àutẹ, en aténdẹn cadûe que la de daban aboùssẹ acabat d’at enténẹ tout. Tout lou bilàdyẹ que-s en arridè ! Per la fî, la hémne que-s en apercebou e que dechè de sourti quoan lou soû òmi e passeyabe ûe nabère atrune. Més lou machantè que-u gahabe toustém lou dessus, e nou boulou pas que lou soû òmi anèssẹ tribalha enço dous besîs, mème en estan pagat. Moùndẹ charman, coum at poudét bédẹ ! Més, besîs, que-n abè de tout oùrdi. Sustout û qui-s en arridè de-u bédẹ passeya ûe courdiole d’utis de toute coulou. Mantû cop, en l’espian à passa, que disè : « Tè, lou Pierrin que partéch en pelerinàdyẹ ». E lous àudẹs que-s en arridèn. Que cau dìsẹ qu’aquét qu’ère méy abisat enta-s trufa de ço qui bedè que enta tribalha lous cams. Quoan abè acabat de semia lou milhoc, que barrabe la cléde en disén : « Qu’èy hèyt lou mé tribalh. Que lou Boun Diu hàcie lou soû ! » Qu’éy de crédẹ que lou Boun Diu n’aberé pas leyut touts lous lìbẹs d’agriculture. Segu que la fayçou de tribalha dou Pierrin, dap utis qui proubasseyaben en toute sasoû, n’ère pas dou gous de touts. Sustout d’û, nabèt coumbertit ad aquére mode de l’ecologie. Cade cop qui-u poudè gaha en trî d’espàrzẹ quàuquẹ nabèt engrèch ou poutingue pudénte, que-u hasè lou soû catechìsmẹ, més pas prou enta-u bira lou cap. Que boulét ? L’û que passeyabe catabes granes coum otobus cargades de sacs d’engrèch, e l’àudẹ en aquét moumén que miabe û herrat dap ûe gahe enta engrecha lous pechedés. Que cau crédẹ que coumbienè au bestia permou que lou beterinàri e lou marchan d’engrèch ne counechèn qu’ûe direccioû : la dou Pierrin. E lou besî nou mancabe pas de-s en perbàlẹ. Lou Pierrin, estirat de touts coustats, à case per la hémne e la bèle-may, dehore per lous benedous de tout oùrdi qui hasèn la coude daban lou pourtau, que coumençabe de-n abé hartère. Passe engoè l’arrougagnadis de case, que-s y e la hémne que hasè lou soû predic, quilhade coum ûe pouloye ère hèyt, e ta nou pas l’enténẹ que gahabe soubén de l’àudẹ part. Lous qui èren enteressats p’ous sos de la maysoû qu’abèn û gn’àutẹ discours, tout dous, quàsi coum méu. Més dap lou téms, lou Pierrin qu’abè pergut tout plasé enta-u gousta e que-s en bedè de méy en méy enta-u debèrzẹ, permou que n’abè que chic de bertadè. E adare qu’arribabe aquét busoc de besî dap lou soû nabèt chapìtrẹ sus l’agriculture chéns engrèch, chéns pousoû, ni drogue de tout oùrdi. Nou sabè parla que dou respèc de la nature, de la santat dou bestia, dous pastouris, de la pouralhe e de las abélhes. E dou desoùrdi qui mie la fayçou de tribalha chéns tiénẹ coùntẹ de tout aco. Si abè abut tout ço qui hasè la soûe bite à l’entour d’ét, lou Pierrin que seré estat aysit à cambia d’abis, e de fayçoû de ha. Més aco que seré gn’àutẹ istoère ! Per bèt die d’estiu, die de grane calou, de caumas, oun touts aletaben en cercan drin de frescure, oun lou bestia mousqueyabe, oun tout brounibe de mau-esta, lous dus besîs que-s troubèn quàsi nas à nas au cap d’û camî. Be pensat ço qui arriba : û bounyour drin eschuc, permou de la calou… e l’ataque dou besî : « E bédẹs quin éy debiengut lou téms ? Trop de calou d’û cop ! N’éy pas normal ! La nature ne pot pas supourta tout ço qui hèm chéns tiénẹ nat coùntẹ d’ére. Que-s y cau hica touts, enta que las causes e càmbiẹn déns lou boû séns ». E que-n embiè lou mout magique, lou qui recitabe coum qui prègue dap û chapelét : « Que cau segui ço qui-ns aprén l’ecologie… » N’abou pas lou téms d’ana dinqu’au cap de la soûe frase. Au mout d’ecologie, lou Pierrin que-u se quilhe daban e que-u te lance ; « Puch qu’aymes tan lou naturèl, que-t boy dìsẹ ûe cause : que-m hès ca… dap la toûe ecologie ! De toute fayçoû, que-t pouch dìsẹ : you que-n èy méy que tu, de l’ecologie ! - Aco que bouleri sabé quin ? - Que-t at bouy dìsẹ. A noùstẹ, à case, quoan la hémne e cride – entad ére qu’éy ûe abitude – la bèle-may que-s y hique autalèu darrè e que hè “l’echo”. Qu’éy « l’écho au logis » toute la semmane ! » Que boulét respoùnẹ ad aco ? __________ Guèrlẹ : maladroite 7 Maynat
Page 1 and 2: Octobre 2012 - N°32 SOMMAIRE SOMMA
Page 3 and 4: « PARLÉM BIARNÉS » Dimanche 22h
Page 5: Û die de plouye en estiu L’AUSè
Page 9 and 10: La chronique ci-dessous a été pub
Page 11 and 12: Que-m souy maridade que y a cinquan

Institut Béarnais Institut Béarnais - Institut Béarnais Gascon

You also want an ePaper? Increase the reach of your titles

Delete template?

Save as template?