LE ROMAN DE RENART, fragment c (Bibliotheque Nationale de ...

2
A mort le convenoit livrer,
Ne li avoit crier mestier.
Maint en ocis en tel maniere:
Une en fis je porter en biere
Devant dant Noble le lyon,
Que je ocis an traison;
Mais icele me fu tolue,
S'en dut ma goule estre pendue.
Ainc vaillant l'ele d'un poucin
N'or riens fors que de larrecin.
Ce poise moi, or m'en repens;
Biax sires Diex omnipotens,
Aies merci de cest chettif,
Ce poise moi que je tant vif.))
Que que Renars se dementoit,
Es vos .1. vilain qui venoit
Par la bruiere tout a pie;
En son chaperon enbrunchie.
Renars le voit tout seul venir;
Encontre va, ne volt guenchir:
((Vilains, ce dist Renart, sa vien!
Mainnes tu aveuc toi nul chien?
Nennil, ne t'esteut a douter. ----
Renart, que as tu a plorer?
Que j'ai, dist Renart, ---- ne ses tu?
Ja n'a it jone ne chenu
En ceste terre qui ne sache
C'onques ne fui en cele place
Ou je peusse nul mal faire,
C'onques m'en voussisse retraire.
Mais or le veuil en fin lessier,
Car j'oi dire et sarmonner
Que par vraie confession
Qui merci crie avra pardon.
— Renart
, te veus tu confesser?
Oil, se peusse trover ----
44
48
52
56
60
64
68
72
[22 b]
76
Qui la penitence m'enjoingne.))
Dist Ii vilains: ((Renart, ne hoingne!
Tu ses trop de guile et de fart;
Bien sai tu me tiens por musart.
Non fais, dist Renart, --- par ma foi,
Nul mal ne veul penser vers toi.
Mais por Dieu te pri et requier
Que tu m'enseingnes .1. monstier
Ou je puisse prestre trover;
Car en fin me veil confesser.))
Dist li vilains: ((Ca en cest bois
En a J. , vien i. — Car g'i vois.))
Et li vilains mout bien savoit
C'un bon crestien y avoit.
Tant on ale par le boscage
Qu'il sont venu a l'ermitage.
A la porte par de devant
Troverent le maillet pendant.
Li vilains hurta durement
Et li hermites vint avant;
Le verroil osta de la roille.
Quant voit Renart si s'esmervoille:
((Nomini danme, dist le prestre,
Renart, que quiers tu en cest estre?
Par les sains Dieu, puis n'i fus tu
Qu'a cest ostel grans max en fu.
Ha! sire, dist Renart, ---- merci!
De quantques ai mesfait jusqu'a ci;
De quanques j'ai vers vous mespris
Et vers mes autres annemis
Vous requier merci et pardon.))
Au pie li chiet a oroison,
Mais l'ermite 1'a redrecie
Et li dist: ((Renart, or te sie
Ci devant moi et me desqueuvre
Tout de chief en chief to male oevre.
80
84
88
92
96
100
104
108
[22 c]
112