LE ROMAN DE RENART, fragment c (Bibliotheque Nationale de ...

— Sire , dist Renart, volentiers.
Quant j'ere bachelers legiers,
Volentiers gelines menjoie
En ses haies ou les trovoie.
Je les tuoie en traison
Et menjoie conme glouton.
A Ysengrin pris compaingnie,
Puis que li ai ma foi plevie
De loialment vers lui ouvrer.
Par anmor li fis espouser
Hersant la bele ma serour;
Mais eincois que passast tier jour,
L'en rendi je mauvais luier,
Car jel fis moinne a .1. monstier
Et si le fis devenir prestre;
Mais au partir n'i voussist estre
Pour J. teste de senglier;
Car je li fis les sains sonner,
Si vint li prestres de la vile
Et des vilains plus de .11. mile
Qu'il le batirent et fusterent:
A bien petit qu'il nel tuerent.
Et puis li fis en .1. vivier
Trestoute nuit harens peschier
Jusqu'au matin que .1. vilain
I vint, sa cuigniee en sa main,
Qui renforma son pelicon;
Aveuc li avoit .1. gaingnon
Qui li repelica sa pel:
Sachiez de voir mout m'en fu bel.
Puis liai ma danme Hersent
A la queue d'une jument;
Tant l'amendi et fis pener
Qu'a grant honte la fis mener.
Mout ai fait autres felonnies,
De larrecins, de roberies:
116
120
124
128
132
136
140
144
[22 d]
148
Bien sai qu'esconmeniez sui.
Certes je ne vous avroie hui
Dist la moitie de mes pechiez.
Se que volez, si me chargiez:
Car je vos ai dite la sonme.
— Renart , aler t'esteut a Ronme:
Si parleras a l'apostoile,
Et li conteras ton histoire,
Et to feras a lui confes.
--- Par Dieu, dist Renart, c'est grans fes.))
Dist l'ermite: ((Mal esteut traire
A qui penitence veut plaire.))
Renart voit que faire l'esteut:
Escharpe et bordon prent et meut
Et est entrez en son chemin.
Mout resambla bien pelerin
Mout li fist bien l'escherpe au col.
Mais de cc se tint it por fol
Qu'il est meus sens compeingnie.
Le grant chemin n'ira it mie,
Car it se crient mout de sa pel.
Tost passeroit par tel chastel
Ou le convenroit herbergier
Et de sa pel gage lessier.
Le grant chemin lessa a destre,
Une voie torne a senestre,
Garda avant en mi la plainne
Et vit .1. mout grant compaingne
De berbis qui paissent gain;
Entreus estoit sire Belin
Le mouton qui se reposoit:
Tant avoit jut que las estoit.
((Belin, dist Renart, que fais tu?
Ci me repos tout recreu.
--- Par Dieu , cis repos est mavais.))
Et dist Belins: ((Je n'en puis mais.
1201. of m.? — 123 en alinea d'une lettre a droite — 129 lire une — 176 lire une
3
152
156
160
164
168
172
176
180
[23 a]
184