EUSKARARA ITZULITAKO HAUR ETA GAZTE LITERATURA

kokatutakoa; eta gure munduan kokatuta egon arren, elementu
fantastikoak jokoan jartzen dituena.
Lehenengoari dagokionez, istorioetan agertzen diren animaliak
umeen edo umetasunaren metafora izan ohi dira. Horixe gertatzen
da, Erresuma Batuko idazleen artean, Elsa Minarik-en Little Bear
(1957), edo Arnold Lobel-en Frog and Toad are Friends (1970) eta
ondorengoak. Beste batzuetan, giza familia batean bizi diren
animaliak dira protagonistak: Michael Bond-en A Bear Called
Paddington (1958), edo Joan Aiken-en Arabel’s Raven (1972).
Amerikarren artean, berriz, E. B. White eta bere Charlotte’s Web
(1952) aipatu behar da: armiarma bat eta txerri baten arteko
harremana. Egile beraren beste obra batzuk Stuart Little (1945) eta
The Trumpet of the Swan (1970) dira.
Beste egile eta obra aipagarri batzuk honako hauek dira:
Richard Adams-en Watership Down (1972), Dodie Smith-en The
Hundred and One Dalmatians (1956) eta, azken urteotan, Dick
King-Smith-en obrak: The Fox-Busters (1978), The Sheep-Pig
(1983), Noah’s Brother (1986).
Bigarren azpigeneroaren barruan ezinbestekoa da Tolkien-en
eragina aipatzea. Esaterako, C. S. Lewis-en Narnia sailean, 1950etik
aurrera argitaratua, eta The Lion, the Witch and the Wardrobe
liburuarekin abiatu zena. Beste idazle aipagarri bat Alan Garner da:
The Weirdstone of Brisingamen (1960), Elidor (1965), The Owl
Service (1967) edo Red Shift (1973), gai mitiko eta alegorikoei
buruzkoak. Diana Wynne Jones ere Tolkienen jarraitzaileen artean
kokatzen da, Cart and Cwidder (1975) eta Drowned Ammet (1977)
obrekin.
Bestelako fantasia mota bat erabiliz, Mary Norton-ek The
Borrowers (1952) eta bere ondorengo guztiak idatzi zituen arrakasta
handiz. Joan Aiken-ek irudizko Erresuma Batu batean kokatzen ditu
bere obra batzuk, The Wolves of Willoughby Chase (1963)
liburuarekin hasita.
129