EUSKARARA ITZULITAKO HAUR ETA GAZTE LITERATURA

II.2.5.1. Funtzionalismo dinamikoa.
Lan horrek 1920ko hamarkadako Formalismo Errusiarrarekin
dituen zorrak hasieratik bertatik onartu ondoren, proposatzen duen
metodologiaren zientifikotasuna azpimarratzen du Even-Zoharrek.
Alde horretatik, literatura ez da a priori klase nagusiek edo modak
definituta dagoen kontzeptu bat, baizik eta garai bakoitzeko
baldintza sozialen arabera definituz doan zerbait:
The science of literature, a conception without which
Dynamic Functionalism is unthinkable, is therefore not an
activity whose goal is to observe what certain dominant
views (ideologies/set of norms) in society consider to be
“literature”. Nor do the differents views held by this
science necessarily have an effect on any way the norms
or views related to the question of what “literature”
should be. In short, it is not the task of the science of
literature to interfere with whatever anybody in society
believes “literature” to be (op. cit.:3).
Funtzionalismoaren aipamenaren bidez, Formalista
Errusiarrekin lotzeko gogoa azpimarratzen du berriz ere. Egilearen
ustez, literaturarekin zerikusirik duten elementu semiotiko guztiek
sistema bat osatzen dute, eta elementu bakoitza sistema horren
barruan besteekiko duen funtzioaren arabera definitzen da. Eta,
gainera, Funtzionalismo horren Dinamikotasuna aldarrikatzen du:
sistemako elementuen arteko harremanak bi ardatzetan bana
daitezke, diakronikoa eta sinkronikoa; eta azken horren izaera
estatikoaren aurka (Ginebrako Eskolatik datorrena),
sinkronikotasunaren izaera dinamikoaren alde egiten du (erroak,
berriro ere, Formalismo Errusiarrean eta estrukturalista txekiarretan
ditu) (op. cit.:1).
II.2.5.2. Polisistemaren ezaugarriak.
Polisistema, azken batean, etengabeko elkarreraginean
dabiltzan sistemen (literarioa, linguistikoa, ekonomikoa, politikoa,
49