EUSKARARA ITZULITAKO HAUR ETA GAZTE LITERATURA

liburuan; Patxi Zubizarretak Matias Ploff-en erabakiak (1992) eta
Eztia eta ozpina (1995) izenekoetan; eta bestek. Arantxa
Urretabizkaiak, esaterako, protagonistan fokalizaturiko eta
hirugarren pertsonan kontaturiko narrazioa darabil Aurten aldatuko
da nire bizitza (1992) liburuan.
Diskurtsoaren antolakuntza narratibo konplexuak ere erabili
izan dira: Patxi Zubizarretaren Gutun harrigarri bat (1992) liburuan
istorio nagusiaren barruan bigarren mailako istorioak tartekatzearen
bidez.
Genero eta gai berrien erabilera oso zabalduta dago. Gorago
aipatutakoez gain, honako obrak dira aipagariak: haur eta gazteen
arazo pertsonalak edo traumak eta beldurrak Txilikuren Katixa eta
Kroko (1992), Juan Kruz Igerabideren Gauez zoo batean (1993),
Patxi Zubizarretaren 1948ko uda (1994); bakezaletasuna eta
ekologia Xabier Mendigurenen Joxeme gerrara daramate (1992), P.
Zubizarretaren Marigorringoak hegan (1994), Txilikuren Muxi eta
Puxi (1987), M. Landaren Joxepi dendaria (1984); familiaren
ingurukoak Manu Lopezen Jaun agurgarria (1993); pobreziaz eta
emigrazioaz Joxantonio Ormazabalen Kittano (1988), B. Atxagaren
Bi letter (1984), Aingeru Epaltzaren Lur zabaletan (1994), Javi
Cilleroren Eddy Merckxen gurpila (1994), P. Zubizarretaren Eztia
eta ozpina (1994); maitasunari buruz J. Iturralderen Zikoinen kabian
sartuko naiz (1986), P. Zubizarretaren Emakume sugearen misterioa
(1993), M. Landaren Julieta, Romeo eta saguak (1994); askatasunaz
M. Landaren Potx (1992), Joxantonio Ormazabalen Margolin
(1983), B. Atxagaren Asto bat hypodromoan (1984) eta Behi
euskaldun baten memoriak (1991), Felipe Juaristiren Tristuraren
teoria (1993).
Dauzkagun datu guztiak dauzkagula, antzekotasun nabarmenak
antzeman daitezke itzulitako HGLren eta jatorrizko euskal HGLren
artean, batez ere ukitutako gaien aldetik eta, neurri txikiago batean,
diskurtsoaren antolakuntzari dagokionean ere bai. Ezbairik gabe,
euskal HGL igo egin da mundu zabaleko berrikuntzen trenera, eta
gaur egun munduko beste edozein HGLren dohainak eta gabeziak
dauzkala esan daiteke: fantasia eta errealismoaren arteko tirabirak,
257