EUSKARARA ITZULITAKO HAUR ETA GAZTE LITERATURA

II.2.4. Translation Studies direlakoak
Translation Studies direlakoek, bestalde, aurrerakuntza handia
ekarri dute literatur itzulpengintzaren ikerkuntzara. 1980 urtearen
inguruan sortu ziren, Israelgo eta Herrialde Beheretako ikerlari
batzuen ahaleginaren ondorioz. Disziplina horren helburua,
itzulpengintzan askotan banaturik egon diren teoria eta praktika
uztartuz, itzulpengintzaren alor guztiak ikertzea da. Hala ere,
lortutako emaitzarik interesgarrienak literatur itzulpenetako
azterketetatik etorri dira.
Talde horretako kide gehienak (Lefevere, Toury, Even-Zohar,
Lambert, etabar) konparatibismoaren mundutik iritsi dira, eta bat
datoz literatur fenomenoa hipotesi eta helburu beretsuen pean
ikertzeko orduan: literatura sistema dinamikotzat ulertzea; teoria
eta praktikaren arteko trukaketa; itzulpenak ikuspuntu deskriptibo,
funtzional eta XTrantz orientatutik birreraikitzea; itzulpenak
ekoiztu eta, ondoren, ulertzeko jokoan sartzen diren baldintzak
aztertzea; itzulpenen eta testuak eraldatzeko beste moduen arteko
harremanak ikertzea; eta itzulpenek XHko literatura nazionalean
betetzen duten tokia, eta literatura batzuen arteko eragina aztertzea
(Gallego Roca, 1994:142).
Laburbil ditzagun aipatutako ikerlari horien emaitzarik
interesgarrienak.
II.2.4.1. James S. Holmes-en gidaritza.
Bere Translated! Papers on Literary Translation and
Translation Studies (1988) delakoan, Holmes-ek Translation
Studies izenez bataiatu zituen itzulpengintzari buruzko bide berriok.
Itzulpen Ikerketa horiek deskriptibo eta teorikoak izan daitezke,
eta, bi horien artean eguneroko itzulpengintza jardueraz aritzen
dena lehenengoa izanik, hiru ataletan banatu zituen horren ikerketaeremuak:
product-oriented, hau da, XTetan oinarrituz itzulpen
konkretuak aztertzea, edota ST batetik abiatuz egindako itzulpen
desberdinak aztertzea helburu dutenak; function-oriented,
45