EUSKARARA ITZULITAKO HAUR ETA GAZTE LITERATURA

Urtez aldatu gabe, 1969an, “Abere alaiak” saila argitaratu
zuen La Gran Enciclopedia Vasca argitaletxe bizkaitarrak. Formato
handiko bederatzi liburu dira, marrazki handiz lagundutakoak, 12-
14 orrialdekoak. Jatorrizko testuaren egilearen aipamenik ez dago,
nahiz eta S. Callejak Jon Bilbaoren Bibliographia delakoan
oinarrituta, egiletza “G. Belkromm” (sic) izeneko bati egotzi.
Liburuak aztertu ondoren, berriz, hauxe da azaltzen den bakarra:
“Dep. Leg. MU-112 -1969- G. Belkrom, S.L. Ctra. Alcantarilla, 132
- MURCIA 1969”. Pentsatzekoa da, beraz, “Gráficas Belkrom” edo
horrelako zerbaiti dagokiola, eta ez egilearen izenari.
Liburuak zenbatuta daude, eta azalean izenburua eta
euskaratzailearen izena agertzen dira. Hona hemen liburuen
izenburuak eta itzultzaileak:
1. Duri kattagorria. Itzultzailea: Xabier Peña.
2. Terry artzakumea, basoan. Itzultzailea: Xabier Peña.
3. Dudu zalditxoa, mozorro-dantzan. Itzultzailea: Xabier Peña.
4. Hiru katakume kezkatiak. Itzultzailea: Juan San Martin.
5. Puffy txita ibiltaria. Itzultzailea: Juan San Martin.
6. Kurrin txerrikumea eta bere jaia. Itzultzailea: Juan San
Martin.
7. Iko oihaneko oreinkumea. Itzultzailea: Juan San Martin.
8. Piru ahatetxoa. Itzultzailea: Juan San Martin.
9. Untxi kuitxo arrantzalea. Itzultzailea: Juan San Martin.
Ikusten denez, zenbait abereri buruzko kontakizunak dira, aski
xumeak,
agintzeko.
gehienetan harrokeria zuzentzeko edo obedientzia
Maves argitaletxe bilbotarrak hiru bilduma plazaratu zituen
70eko hamarkadaren erdialdean. Horietatik lehena “Birbizkunde
sorta” izan zen, hamabi orrialdeko sei liburu bikoitzez osatua.
Formato handiko albumak ziren, bi zutabetara idatziak eta marrazki
koloretsuz lagunduta. Bilduma ipuin klasikoz osatu zen, denak
1975ean argitaratuak:
177