Comunità in cammino - Coccaglio

Proèrbe e storièle dé önâ oltâ…Per ön sorìso dé adéss…
Martino e Enrico i va sübit, col so
caratì a ma, a éder de spigulà pa e
murtadela ma i sò amici ié de guardia
al Post de Bloc, visì al cimitero, per
controlà le machine, i camion e i
carècc che pasa.
La fam la va ‘ndoche ghé el pa. I du
scècc i ghe met poc a rià al post de
bloc. Ma chela zurnada lè, la riserva
amò öna bröta sorpresa: i du scècc i
ga apena salüdat i tre suldacc, che da
didrè dei mont ria en picchiada tre
aerei che i mitraglia e i lasa zo doi
bombe per ü. En suldat el tira zo
Enrico dal müradel e Martino el sè
rifugia a la svelta en den tumbì de
scarico sota el stredù, dopo ìga ciapàt
en balot söl có, che al ga fat vegner sö
öna brignócola grosa isé.
Giü el dis l’Ave Maria, en oter el
Padre Nostro, ergü piö delóntà el recita
el Gesù mio d’amore acceso, en
dela pora che ghè gnìt dopo el bumbardarnént
de la ferovia...
- ‘Ndo sarài chei du scecc?! - e la diussiù
la ciapa a la gola anche l’Aneta.
- Va’ a veder Pierì! - la ghe dis al prim
dei so scècc. – En del vègner el scür el
piò picinì el ria töt spaentat e spórc.
- ‘Ndo el Martino? - Ma Enrico el rispont mia perché el ga amò
la pora adoss e la fanga fino ai öcc.
En tra el ciar el scür el ria Pierino con öna schegia en spala de
daga al strasaröl ‘nsema a la feramenta e ale pei de cunecc, e ‘l
dis de i mia truàt Martino. Tö,cc i va n‘giro a sercal e finalment’el
ria töt sporc po a lü:
- Mama so chè! So mia gnit fò del tumbì perché ghere pora che i
mitragliaes amò!
l I òm i se misüra miga a spane.
l Chi ga del talènt, ‘l’è a pòst ogni momént.
l Ogni boasa la ga ‘1 sò badil che la cata sö.
l Chi fa a sò möt el scampa des agn dè piö.
l Chi gha ‘l cör tener nò ‘l fasé ‘l negùziant.
l Chi ga i i dèncc no ‘l ga ‘l pà, chi ‘l pa nö ’l ga i dencc.
l A la Madóna dé la Seriöla dell’inveren sóm föra.
l Quand èl sul èl bat sö la Candeléra garóm ‘na bèla
primaèra.
l Per San Biàse, tré ure squàse.
l Mangià e spetègulà, èl piö tant ‘l’è a cumincià.
l A Taola nò sè parla mai dè mórcc.
l I sólcc del lòt, i va dé tròt.
l L’invidia la cór dré a la furtüna.
l Ghe zent che l’è buna de fa töt, l’è ‘nvece buna de fa
niét.
l Roba che punge, amor che disgiunge.
49
Cultura, sport, notizie
Continua…….
(Ben-Tar)