Rapport da gestiun e quen 2011

quei connex ei il project Tgina dil Rein staus en discussiun.
La finala ei denton ST sedecidius per il project
«Das blaue Wunder» dad Ernst Bromeis. Per quei motiv
ei il viadi dil bastiment vegnius spustaus sigl onn 2014.
Sco proxim ei previu il suandont:
- nezegiar l’acziun dad Ernst Bromeis che senoda naven
dalla tgina dil Rein entochen a Rotterdam per far
attent sin la tgina dil Rein
- instradar in partenadi da vischnauncas cun Hoek van
Holland
- salvar la tuor da signals
- concept per il viadi da bastiment naven da Rotterdam
Il potenzial dalla tuor da signals sto aunc vegnir nezegiaus
meglier. Plinavon vala ei da crear products turistics
en connex cun la Tgina dil Rein. Il viadi dil bastiment
naven da Rotterdam sto vegnir inscenaus per plidentar
aschi bia glieud sco pusseivel.
Il cussegl da vischnaunca ha concediu in credit da frs.
300’000.00 per il project. Entochen oz ei vegniu impundiu
frs. 176’000.00 per il meinaproject e frs. 20’000.00
per la tuor da signals, aschia che rodund frs. 100’000.00
ein aunc a disposiziun.
Nova senda pass Alpsu – Tschamut
Ils 25 da zercladur 2011 ha l’avertura dalla senda da
viagiar, la quala meina dil pass Alpsu a Tschamut, giu
liug. La nova senda cumplettescha la reit da sendas existenta
ed ei surtut adattada per seniors e famiglias. La
realisaziun dalla senda ei succedida en stretga collaboraziun
cun la viafier Matterhorn Gotthard.
Illuminaziun punt da viafier Bugnei
Per la punt dalla viafier a Bugnei ei vegniu acquistau ina
nova illuminaziun. Quella ei vegnida installada gest avon
Nadal. Suenter che l’illuminaziun ei stada ord funcziun
igl unviern vargau damai ch’ella era donnegiada eis ei
reussiu dad anflar in sistem adattau. Igl onn 2012 vegn
aunc installau dus ulteriurs illuminaders, aschia che la
punt sepresenta en ina aunc megliera glisch.
Illuminaziun Niregl
20
Illuminaziun dalla senda Niregl - Bugnei
La fin da november ei l’illuminaziun dalla senda naven
da Niregl tier il viaduct dalla viafier a Bugnei vegnida
realisada. Igl ei vegniu montau duas novas cazzolas cun
la tecnica da LED.
Menaschi da loipa a Prau Cumin
Dadens la deponia Prau Cumin ha la vischnaunca fatg
ina emprova da far neiv per il diever da cuorsa liunga.
Cun agid e grond susteniment dalla Sedrun Pendicularas
SA, la quala ha mess a disposiziun in canun da neiv, eis
ei gartegiau dad ennevar in tschancun ed aschia crear
ina pintga loipa. Per igl avegnir vala ei da decider
schebein ins vul porscher ina loipa ennevada.
Bogn Sedrun
La cumissiun Bogn Sedrun ha giu in intensiv onn da
lavur. A caschun da 10 sedutas eis ella sefatschentada
cun differents affars.
Entras adattar ils temps d’avertura, instradar mesiras da
spargn ed optimar l’efficienza dil persunal e dil menaschi
dalla cassa eis ei reussiu da reducir ils cuosts da
menaschi. Aschia croda il defficit ora per rodund frs.
100’000.00 pli bass che previu el preventiv, malgrad che
las entradas contonschan buca las finamiras dil preventiv.
En cumparegliaziun cugl onn 2010 ein las frequenzas dil
bogn cuvretg s’augmentadas per rodund 5.5%, ferton
che las frequenzas dil wellness ein sereducidas per
rodund 6%. Igl augment dallas frequenzas tier il bogn
cuvretg ha effectuau in surpli d’entradas da rodund 1%
enviers igl onn 2010. Muort la digren dallas frequenzas
tier il wellness ein las entradas sereducidas per rodund
13.5% enviers igl onn 2010.