Rapport da gestiun e quen 2011

Finanzas
Quen 2011
Quen current
Il quen current siara cun expensas totalas da frs.
12’019’872.96 (onn vargau frs. 13’007’262.53) ed entradas
totalas da frs. 12’085’542.78 (onn vargau frs.
13’123’041.86). Aschia seresulta in surpli d’entradas da
frs. 65’669.82 (onn vargau frs. 115’779.33.). Il quen cuntegn
amortisaziuns dalla facultad finanziala ed administrativa
egl import da frs. 2’424’645.90 (onn vargau
frs. 3’537’719.85).
Las amortisaziuns ordinarias dalla facultad administrativa
previdas tenor il regulativ pil menaschi finanzial e
las amortisaziuns supplementaras figuravan el preventiv
cun frs. 395’500.00. Plinavon era ei previu d’accumular
ina reserva per la prefinanziaziun dalla Tgèsa s. Vigeli
cun frs. 500’000.00. La suprastonza communala ha decidiu
d’amortisar supplementarmein la facultad administrativa
per frs. 1’082’114.00 ed augmentar la reserva
per la prefinanziaziun dalla Tgèsa s. Vigeli cun in import
supplementar da frs. 650’000.00. Il «cash flow» (gudogn
avon las amortisaziuns e la reserva per la prefinanziaziun
dalla Tgèsa s. Vigeli) dil quen current munta a total frs.
2’490’315.72 (onn vargau frs. 3’653’499.18).
Quen d’investiziun
Il quen d’investiziun dalla facultad administrativa cuntegn
expensas per investiziuns egl import da frs.
2’465’620.43 (onn vargau frs. 2’840’725.88) ed entradas
da subvenziuns e contribuziuns da frs. 1’749’170.30
(onn vargau 1’370’652.18.) aschia ch’ei seresulta investiziuns
nettas da frs. 716’450.13.
Il quen d’investiziun dalla facultad finanziala cuntegn
entradas da frs. 183’453.00.
Las investiziuns nettas dalla facultad administrativa egl
import da frs. 716’450.13 han saviu vegnir curcladas
cumpleinamein cun agens mettels ed igl ei seresultau in
avanzament da finanziaziun da frs. 623’865.59.
Muort in ulteriur bien resultat han tuttas investiziuns digl
onn 2011 – inclus las investiziuns pil Lag Claus Surrein
ch’eran buca cuntenidas el preventiv 2011 - saviu vegnir
amortisadas. Ella bilanza figurescha sut la sparta facultad
administrativa aunc in import da frs. 750’177.45.
Tier quella facultad aunc buca amortisada setracta ei
per part da menaschis accessoris e da projects forestals
che vegnan per part curclai cun subvenziuns pendentas.
Per la sanaziun dalla via da quartier e dalla via
da megliuraziun Valtgeva egl import da frs. 305’204.05
ein las lavurs per part surdadas, denton ord differentas
raschuns aunc buca vegnidas realisadas el decuors digl
8
onn da gestiun 2011. Per ch’il credit concedius crodi
buca, ein ils imports che figureschan ella bilanza vegni
cudischai transitoric.
Sin fundament dallas suranumnadas explicaziuns astga
ei legreivlamein vegnir rapportau che la vischnaunca da
Tujetsch ha muort ils buns resultats dil davos decenni
saviu scriver giu l’entira facultad administrativa per ils
31-12-2011 sin frs. 1.00.
Facit
Schegie ch’il »cash flow» (gudogn avon las amortisaziuns
e la reserva per la prefinanziaziun dalla Tgèsa s. Vigeli)
ei curdaus ora per frs. 1’163’183.46 pli bass ch’igl onn
2010, ei il resultat oreifers. Tonaton astga quei bien resultat
buca schar tschorventar, ch’ils onns grass dalla
vischnaunca van alla fin.
Preventiv 2011
Il quen da menaschi prevedeva entradas da frs.
10’567’298.00 ed expensas da frs. 10’587’005.00. Aschia
deva ei in surpli d’entradas da frs. 19’707.00
Il quen d’investiziun calculava cun expensas bruttas da
frs. 2’071’000.00. Suenter haver risguardau las contribuziuns
e subvenziuns da frs. 1’241’540.00 seresultavan
investiziuns nettas da frs. 829’460.00.
Il gudogn avon las deducziuns (cash flow) muntava frs.
415’207.00 aschia ch’ei deva in deficit da finanziaziun da
frs. 414’253.00.